Karnataka 2nd PUC results 2025: ನಾಳೆ ದ್ವಿತೀಯ ಪಿಯು ಫಲಿತಾಂಶ ಪ್ರಕಟ, ರಿಸಲ್ಟ್ ನೋಡುವುದು ಹೇಗೆ?

ಏಪ್ರಿಲ್ 8 ರಂದು 2024-25ನೇ ಸಾಲಿನ ದ್ವಿತೀಯ ಪಿಯುಸಿ ಫಲಿತಾಂಶ ಪ್ರಕಟವಾಗಲಿದೆ. ಮಾರ್ಚ್ 1 ರಿಂದ 20 ರವರೆಗೆ ನಡೆದ ಪರೀಕ್ಷೆಯ ಫಲಿತಾಂಶವನ್ನು ಮಧ್ಯಾಹ್ನ 12.30ಕ್ಕೆ ಪತ್ರಿಕಾಗೋಷ್ಠಿಯಲ್ಲಿ ಬಿಡುಗಡೆ ಮಾಡಲಾಗುವುದು. ನಂತರ 1.30ಕ್ಕೆ karresults.nic.in ಅಥವಾ kseab.karnataka.gov.in ವೆಬ್‌ಸೈಟ್‌ನಲ್ಲಿ ಫಲಿತಾಂಶ ಲಭ್ಯವಿರುತ್ತದೆ. ವೆಬ್‌ಸೈಟ್ ಭೇಟಿ ನೀಡಿ, ನೋಂದಣಿ ಸಂಖ್ಯೆ ನಮೂದಿಸಿ ಅಂಕಪಟ್ಟಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು.

ಬೆಂಗಳೂರು (ಏ.7): ವಿದ್ಯಾರ್ಥಿಗಳೇ ಹಾಗೂ ಪೋಷಕರೇ 2024-25ನೇ ಸಾಲಿನ ಫಲಿತಾಂಶ ನಾಳೆ ಏಪ್ರಿಲ್ 8ರ  ಮಂಗಳವಾರದಂದು ಬಿಡುಗಡೆಯಾಗಲಿದೆ. ಮಾರ್ಚ್ 1ರಿಂದ ಮಾರ್ಚ್ 20 ರ ವರೆಗೆ ನಡೆದಿದ್ದ ಸೆಕೆಂಡ್ ಪಿಯು ಪರೀಕ್ಷೆ ಫಲಿತಾಂಶವನ್ನು  ಪತ್ರಿಕಾಗೋಷ್ಠಿ ನಡೆಸಿ  ಪ್ರಕಟಿಸಲಾಗುತ್ತದೆ. ಶಾಲಾ ಶಿಕ್ಷಣ & ಸಾಕ್ಷರತಾ ಇಲಾಖೆ  ಅಧ್ಯಕ್ಷರ ನೇತೃತ್ವದಲ್ಲಿ ಮಧ್ಯಾಹ್ನ 12.30 ಕ್ಕೆ ಸುದ್ದಿಗೋಷ್ಠಿ  ನಡೆಯಲಿದ್ದು, ಮಧ್ಯಾಹ್ನ 1. 30ರ ಬಳಿಕ ಜಾಲತಾಣದಲ್ಲಿ ಫಲಿತಾಂಶ ಲಭ್ಯವಿರಲಿದೆ. karresults.nic.in  ಅಥವಾ kseab.karnataka.gov.in ವೆಬ್ ಸೈಟ್ ಅಲ್ಲಿ ಫಲಿತಾಂಶ ಲಭ್ಯವಿರಲಿದ್ದು ಅಂಕಪಟ್ಟಿ ಡೌನ್ಲೋಡ್ ಮಾಡಿಕೊಳ್ಳಬಹುದಾಗಿದೆ. 

ಆನ್ಲೈನ್ನಲ್ಲಿ ಪರಿಶೀಲಿಸುವುದು ಹೇಗೆ?
-ಅಧಿಕೃತ ವೆಬ್‌ಸೈಟ್‌ಗೆ karresults.nic.in ಅಥವಾ kseab.karnataka.gov.in ಗೆ ಭೇಟಿ ನೀಡಬೇಕು.
-ಹೋಂ ಪೇಜ್ನಲ್ಲಿ, Second PU Results 2025 ಲಿಂಕ್ ಕ್ಲಿಕ್ ಮಾಡಬೇಕು.
-ರಿಜಿಸ್ಟ್ರೇಷನ್ ನಂಬರ್ (ನೋಂದಣಿ ಸಂಖ್ಯೆ) ಮತ್ತು ಪಾಸ್‌ವರ್ಡ್ ನಮೂದಿಸಬೇಕು.
-Second PU Results 2025 ಎಂಬುದು ಸ್ಕ್ರೀನ್ನಲ್ಲಿ ಕಾಣಿಸುತ್ತದೆ.

ಹಿಂದಿನ ವರ್ಷದ ಫಲಿತಾಂಶದ ವರದಿ
2023-2024ನೇ ಸಾಲಿನಲ್ಲಿ ರಾಜ್ಯಕ್ಕೆ  81.15% ಫಲಿತಾಂಶ ಬಂದಿತ್ತು. ಕಳೆದ ವರ್ಷ 84.87% ಬಾಲಕಿಯರು ಪಾಸಾಗಿದ್ದರೆ ಬಾಲಕರು 76.98% ಮಂದಿ ಉತ್ತೀರ್ಣರಾಗಿದ್ದರು. ವಿಜ್ಞಾನ ವಿಭಾಗ 89.96% , ವಾಣಿಜ್ಯ ವಿಭಾಗ 80.94%, ಕಲಾ ವಿಭಾಗದಲ್ಲಿ 68.36 % ಫಲಿತಾಂಶ ಬಂದಿತ್ತು.  35 ಕಾಲೇಜುಗಳಿಗೆ ಶೂನ್ಯ ಫಲಿತಾಂಶ ಬಂದಿತ್ತು. ಒಟ್ಟು 463 ಕಾಲೇಜುಗಳಲ್ಲಿ ಶೇ. 100% ಫಲಿತಾಂಶ, ಅದರಲ್ಲಿ 91 ಸರ್ಕಾರಿ ಕಾಲೇಜುಗಳಲ್ಲಿ ಶೇ.100% ಫಲಿತಾಂಶ ಬಂದಿತ್ತು. ಸರ್ಕಾರಿ ಪದವಿ ಪೂರ್ವ ಕಾಲೇಜು ಹಾಗೂ ಬಿಬಿಎಂಪಿ ಕಾಲೇಜುಗಳಲ್ಲಿ ಫಲಿತಾಂಶ ಕುಸಿತ ಕಂಡಿತ್ತು.

ದಕ್ಷಿಣ ಕನ್ನಡ (97.37%) ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದಿತ್ತು. ಉಡುಪಿ (96.80%) ಎರಡನೇ ಸ್ಥಾನ  ಮತ್ತು ವಿಜಯಪುರ (94.89%) ತೃತೀಯ ಸ್ಥಾನ ಪಡೆದಿತ್ತು.  ಗದಗ (72.86%) ಕೊನೆಯ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತ್ತು.

ಕಳೆದ ವರ್ಷ ಪಡೆದ ಜಿಲ್ಲೆಗಳ ಶೇಕಡಾವಾರು ಫಲಿತಾಂಶ: 
1. ದಕ್ಷಿಣ ಕನ್ನಡ        97.37%
2. ಉಡುಪಿ        96.80%
3. ವಿಜಯಪುರ        94.89%
4. ಉತ್ತರ ಕನ್ನಡ        92.51%
5. ಕೊಡಗು        92.13%
6. ಬೆಂಗಳೂರು ದಕ್ಷಿಣ    89.57%
7. ಬೆಂಗಳೂರು ಉತ್ತರ    88.67%
8. ಶಿವಮೊಗ್ಗ        88.58%
9. ಚಿಕ್ಕಮಗಳೂರು    88.20%
10. ಬೆಂಗಳೂರು ಗ್ರಾಮಾಂತರ    87.55%
11. ಬಾಗಲಕೋಟೆ        87.54%
12. ಕೋಲಾರ        86.12%
13. ಹಾಸನ        85.83%
14. ಚಾಮರಾಜನಗರ    84.99%
15. ಚಿಕ್ಕೋಡಿ        84.10%
16. ರಾಮನಗರ        83.58%
17. ಮೈಸೂರು        83.13%
18. ಚಿಕ್ಕಬಳ್ಳಾಪುರ     82.84%
19. ಬೀದರ್         81.69%
20. ತುಮಕೂರು         81.03%
21. ದಾವಣಗೆರೆ        80.96%
22. ಕೊಪ್ಪಳ     80.83%
23. ಧಾರವಾಡ    80.70%
24. ಮಂಡ್ಯ    80.56%
25. ಹಾವೇರಿ       78.36%
26.ಯಾದಗಿರಿ    77.29%
27. ಬೆಳಗಾವಿ    77.20%
28. ಕಲಬುರಗಿ    75.48%
29. ಬಳ್ಳಾರಿ    74.70%
30. ರಾಯಚೂರು    73.11%
31. ಚಿತ್ರದುರ್ಗ    72.92%
32. ಗದಗ    72.86%