*ವೈದ್ಯಕೀಯ ಕೋರ್ಸುಗಳಿಗೆ ಪ್ರವೇಶ ಪಡೆಯಲು ನೀಟ್ ಪರೀಕ್ಷೆಯನ್ನು ಎದುರಿಸಬೇಕು
*ನೀಟ್ ಪರೀಕ್ಷೆ ಬರೆಯುವ ಅಭ್ಯರ್ಥಿಗಳಿಗೆ ಈ ಆ್ಯಪ್ ಉಚಿತವಾಗಿಯೇ ನೆರವು ನೀಡುತ್ತದೆ
*ಹಲವು ವಿಷಯಗಳ ಬಗ್ಗೆ ಉಚಿತ ಕೋಚಿಂಗ್ ಮಾತ್ರವಲ್ಲದೇ ಸ್ಟಡಿ ಮಟಿರೀಯಲ್ಸ್ ಸಿಗುತ್ತದೆ
ಬೆಂಗಳೂರು(ಜ.7): ವೈದ್ಯಕೀಯ ಕೋರ್ಸ್ಗಳ ಪ್ರವೇಶಕ್ಕಾಗಿ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ (NEET EXAM) ನಡೆಸಲಾಗುತ್ತದೆ. ಮೆಡಿಕಲ್ (Medical) ಓದಲು ಬಯಸುವ ಪ್ರತಿಯೊಬ್ಬ ವಿದ್ಯಾರ್ಥಿಯೂ ಸಹ ಈ ಪ್ರವೇಶ ಪರೀಕ್ಷೆಯನ್ನು ಎದುರಿಸಬೇಕು. ನೀಟ್ ಪರೀಕ್ಷೆ ಎಷ್ಟೇ ಕಠಿಣವಾಗಿದ್ದರೂ, ಅಭ್ಯರ್ಥಿಗಳು ಅದನ್ನು ಎದುರಿಸಿ ಉತ್ತೀರ್ಣರಾದರಷ್ಟೇ ಉಜ್ವಲ ಭವಿಷ್ಯ ರೂಪಿಸಿಕೊಳ್ಳಲು ಸಾಧ್ಯ. ಹೀಗಾಗಿ ಅಭ್ಯರ್ಥಿಗಳು ಬಹಳ ಪ್ರಾಕ್ಟೀಸ್ ಮಾಡಬೇಕಾಗುತ್ತದೆ. ನೀಟ್ ಎದುರಿಸಲು ತಯಾರಿ ನಡೆಸ್ತಿರುವಂತಹ ಆಕಾಂಕ್ಷಿಗಳಿಗೆ ಉಚಿತ ತರಬೇತಿ ನೀಡಲು ಎಡ್‌ಟೆಕ್ ಪ್ಲಾಟ್‌ಫಾರ್ಮ್ ಮುಂದಾಗಿದೆ. ಅಫಿನಿಟಿ ಎಜುಕೇಶನ್ ಅಪ್ಲಿಕೇಶನ್ (Affinity Education App ) ನೊಂದಿಗೆ NEET ಆಕಾಂಕ್ಷಿಗಳಿಗೆ ಉಚಿತ ತರಬೇತಿ ನೀಡಲು ನಿರ್ಧರಿಸಿದೆ.
ಅಫಿನಿಟಿ ಎಜುಕೇಶನ್ ಅಪ್ಲಿಕೇಶನ್ ಹಲವಾರು ವೈಶಿಷ್ಟ್ಯಗಳನ್ನು ಹೊಂದಿದೆ. ಲೈವ್ ಸೆಷನ್‌ಗಳು ಮತ್ತು ಮಾದರಿ ಪ್ರಶ್ನೆಪತ್ರಿಗಳನ್ನು ಒದಗಿಸಲಿದೆ. ಶೈಕ್ಷಣಿಕ ಸಲಹೆಗಾರ ಸಂಸ್ಥೆಯಾಗಿರುವ ಅಫಿನಿಟಿ ಎಜುಕೇಷನ್ (Affinity Education), ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ (NEET) 2022 ಆಕಾಂಕ್ಷಿಗಳಿಗೆ ಲೈವ್ ಸೆಷನ್‌ಗಳು ಮತ್ತು ಮಾದರಿ ಪರೀಕ್ಷಾ ಪೇಪರ್‌ಗಳನ್ನು ಹೊಂದಿರುವ ಮೊಬೈಲ್ ಅಪ್ಲಿಕೇಶನ್‌ನೊಂದಿಗೆ ಉಚಿತ ತರಬೇತಿಯನ್ನು ನೀಡುತ್ತಿದೆ.
ಈ ಮೊಬೈಲ್ ಆ್ಯಪ್ ಅನ್ನು ಬಳಸಿಕೊಂಡು NEET 2022 ಆಕಾಂಕ್ಷಿಗಳು ವೈದ್ಯಕೀಯ ವೃತ್ತಿಪರರಿಂದ ತಜ್ಞರ ಮಾರ್ಗದರ್ಶನಕ್ಕೆ ಪ್ರವೇಶವನ್ನು ಪಡೆಯಬಹುದು. ಅಫಿನಿಟಿ ಎಜುಕೇಶನ್ ಅಪ್ಲಿಕೇಶನ್‌ನಲ್ಲಿ, ಅನುಭವಿ ಶಿಕ್ಷಕರ ಅಡಿಯಲ್ಲಿ ಭೌತಶಾಸ್ತ್ರ (Physics), ರಸಾಯನಶಾಸ್ತ್ರ (Chemistry) ಮತ್ತು ಜೀವಶಾಸ್ತ್ರ (Biology) ದಂತಹ ವಿಷಯಗಳ ಕುರಿತು ಉಚಿತ ತರಗತಿಗಳನ್ನು ನೀಡಲಾಗುವುದು. ಅದಲ್ಲದೇ, ಉಚಿತ ಸ್ಟಡಿ ಮೆಟೀರಿಯಲ್, ಡೌಟ್ ಸೆಷನ್‌ಗಳು, ಮಾದರಿ ಪ್ರಶ್ನೆ ಪತ್ರಿಕೆಗಳು, ಪರೀಕ್ಷೆಗಳು ಮತ್ತಿತರ ವೈಶಿಷ್ಟ್ಯಗಳನ್ನು ಸಂಪೂರ್ಣ ಪ್ಯಾಕೇಜ್‌ನಂತೆ ಆಕಾಂಕ್ಷಿಗಳಿಗೆ ನೀಡಲಾಗುತ್ತದೆ.
NEET PG COUNSELLING: ವೈದ್ಯಕೀಯ ಕೌನ್ಸೆಲಿಂಗ್ ಪುನರಾರಂಭಿಸಲು ಸುಪ್ರೀಂ ಕೋರ್ಟ್ ಒಪ್ಪಿಗೆ
ಅಫಿನಿಟಿ ಎಜುಕೇಶನ್ ಸಂಸ್ಥಾಪಕ ಮತ್ತು ಸಿಇಒ ವಿಶು ತ್ರಿಪಾಠಿ ಮಾತನಾಡಿ, ಈ ಉಚಿತ ಕೋಚಿಂಗ್ ಸೌಲಭ್ಯವು ವೈದ್ಯಕೀಯ ವಿದ್ಯಾರ್ಥಿಗಳ ಒತ್ತಡ ಮತ್ತು ಆರ್ಥಿಕ ಹೊರೆಯನ್ನು ಕಡಿಮೆ ಮಾಡುವ ಪ್ರಯತ್ನವಾಗಿದೆ. ಎಲ್ಲಾ ನೋಂದಾಯಿತ ವಿದ್ಯಾರ್ಥಿಗಳಿಗೆ ಯಾವುದೇ ವೆಚ್ಚವಿಲ್ಲದೆ ಎಲ್ಲಾ ಉಪನ್ಯಾಸಗಳು ಮತ್ತು ಸಂಪೂರ್ಣ ಅಧ್ಯಯನ ಸಾಮಗ್ರಿಗಳನ್ನು ಆನ್‌ಲೈನ್‌ನಲ್ಲಿ ಲಭ್ಯವಾಗುವಂತೆ ಮಾಡಲಾಗುತ್ತದೆ. ಅಲ್ಲದೆ, ಅನುಭವಿ ವೈದ್ಯಕೀಯ ವೃತ್ತಿಪರರು ಈ ವೇದಿಕೆಯಲ್ಲಿ ವೆಬ್‌ನಾರ್‌ಗಳ ಮೂಲಕ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ನೀಡಲು ಸಂಪರ್ಕಿಸುತ್ತಾರೆ.
ಅಫಿನಿಟಿ ಎಜುಕೇಶನ್ 1 ಜುಲೈ 2021 ರಂದು NEET ಆಕಾಂಕ್ಷಿಗಳಿಗೆ ಉಚಿತ ತಯಾರಿ ತರಗತಿಗಳನ್ನು ಒದಗಿಸುವ ದೃಷ್ಟಿಯೊಂದಿಗೆ ಅಪ್ಲಿಕೇಶನ್ ಅನ್ನು ಪ್ರಾರಂಭಿಸಿದೆ. ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ಮಾಡುವ ಹೆಚ್ಚಿನ ವೆಚ್ಚವನ್ನು ಗಮನದಲ್ಲಿಟ್ಟುಕೊಂಡು ಸಂಸ್ಥೆಯು ವಿದ್ಯಾರ್ಥಿಗಳಿಗೆ ವಿದೇಶಿ ವೈದ್ಯಕೀಯ ಪದವಿ ಪರೀಕ್ಷೆ (FMGE) ಅಥವಾ ರಾಷ್ಟ್ರೀಯ ನಿರ್ಗಮನ ಪರೀಕ್ಷೆ (NExT) ಗಾಗಿ ಉಚಿತ ತಯಾರಿ ತರಗತಿಗಳನ್ನು ಸಹ ನೀಡುತ್ತಿದೆ. ಅಫಿನಿಟಿ ಎಜುಕೇಶನ್ ರಷ್ಯಾ, ಉಕ್ರೇನ್, ಕಝಾಕಿಸ್ತಾನ್, ಕಿರ್ಗಿಸ್ತಾನ್, ಜಾರ್ಜಿಯಾ ಮತ್ತು ಫಿಲಿಪೈನ್ಸ್‌ನ ವಿಶ್ವವಿದ್ಯಾನಿಲಯಗಳೊಂದಿಗೆ ಎಲ್ಲಾ ವಿದ್ಯಾರ್ಥಿಗಳಿಗೆ ಉನ್ನತ-ಗುಣಮಟ್ಟದ ಮತ್ತು ಕೈಗೆಟುಕುವ ದರದಲ್ಲಿ MBBS ಕೋಚಿಂಗ್ ಅನ್ನು ಒದಗಿಸುತ್ತದೆ.
SSLC Time Table ಎಸ್‌ಎಸ್‌ಎಲ್‌ಸಿ ಪರೀಕ್ಷೆ ತಾತ್ಕಾಲಿಕ ವೇಳಾಪಟ್ಟಿ ಪ್ರಕಟ
ಅಫಿನಿಟಿ ಎಜ್ಯುಕೇಷನ್ ಸಂಸ್ಥೆಯು, ಯುನೈಟೆಡ್ ಕಿಂಗ್‌ಡಂನಲ್ಲಿ ಅಧ್ಯಯನ ಮಾಡಲು ಆಕಾಂಕ್ಷಿಗಳಿಗೆ ಸಹಾಯ ಮಾಡುತ್ತದೆ. ವಿದ್ಯಾರ್ಥಿಗಳು ಉತ್ತಮ ಗುಣಮಟ್ಟದ ಶಿಕ್ಷಣ ಮತ್ತು ಪ್ರಾಯೋಗಿಕ ಮಾನ್ಯತೆಯನ್ನು ಮಾತ್ರ ಪಡೆಯುತ್ತಾರೆ ಎಂಬುದನ್ನು ಖಚಿತಪಡಿಸಿಕೊಳ್ಳಲು ಅವರು ಇಂಗ್ಲೆಂಡ್ ನ ಕೆಲವು ಉನ್ನತ ವಿಶ್ವವಿದ್ಯಾಲಯಗಳೊಂದಿಗೆ ಒಪ್ಪಂದ ಮಾಡಿಕೊಂಡಿದ್ದಾರೆ. ಈ ವರ್ಷ, NEET UG 2022 ಜೂನ್‌ನಲ್ಲಿ ನಡೆಯುವ ಸಾಧ್ಯತೆಯಿದೆ. ಪ್ರಸ್ತುತ ನೀಟ್ ಸೂಪರ್ ಸ್ಪೆಷಾಲಿಟಿ ಪ್ರವೇಶ ಪತ್ರಗಳನ್ನು ಬಿಡುಗಡೆ ಮಾಡಲಾಗಿದ್ದು, ಜನವರಿ 10 ರಂದು ಪರೀಕ್ಷೆ ನಡೆಸಲು ನಿರ್ಧರಿಸಲಾಗಿದೆ.