NEET​ ಫಲಿತಾಂಶ ಪ್ರಕಟ: ಫಣೀಂದ್ರ ರಾಜ್ಯಕ್ಕೆ ಫಸ್ಟ್, ಪ್ರಗ್ಯಾ ಮಿತ್ರಗೆ 2ನೇ ಸ್ಥಾನ

2019ನೇ ಸಾಲಿನ ನೀಟ್ ಫಲಿತಾಂಶ ಪ್ರಕಟ|  ಪರೀಕ್ಷೆಗೆ ಹಾಜರಾಗಿದ್ದ ಒಟ್ಟು 14,10755 ವಿದ್ಯಾರ್ಥಿಗಳ ಪೈಕಿ 797042 ವಿದ್ಯಾರ್ಥಿಗಳು ಪಾಸ್| ಒಟ್ಟಾರೆ ಫಲಿತಾಂಶದಲ್ಲಿ ರಾಜಸ್ತಾನ ಫಸ್ಟ್, ಡೆಲ್ಲಿ ಸೆಕೆಂಡ್, ಆಂಧ್ರಪ್ರದೇಶ ಮೂರನೇ ಸ್ಥಾನ.

ನವದೆಹಲಿ,(ಜೂ.05): ವೈದ್ಯ ಹಾಗೂ ದಂತ ವೈದ್ಯ ಕೋರ್ಸ್​ಗಳ ಪ್ರವೇಶಕ್ಕೆ ರಾಷ್ಟ್ರೀಯ ಅರ್ಹತಾ ಮತ್ತು ಪ್ರವೇಶ ಪರೀಕ್ಷೆ(ನೀಟ್​) ಫಲಿತಾಂಶ ಇಂದು (ಬುಧವಾರ) ಪ್ರಕಟವಾಗಿದೆ.

 ಪರೀಕ್ಷೆಗೆ ಹಾಜರಾಗಿದ್ದ ಒಟ್ಟು 14,10755 ವಿದ್ಯಾರ್ಥಿಗಳ ಪೈಕಿ 797042 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. ಒಟ್ಟಾರೆ ಫಲಿತಾಂಶದಲ್ಲಿ ರಾಜಸ್ತಾನ ಫಸ್ಟ್, ಡೆಲ್ಲಿ ಸೆಕೆಂಡ್, ಆಂಧ್ರಪ್ರದೇಶ ಮೂರನೇ ಸ್ಥಾನದಲ್ಲಿದೆ.

ರಾಜಸ್ಥಾನ‌ದ ಜೈಪುರ ವಿದ್ಯಾರ್ಥಿ ನಳೀನ್ ಖಾಂದೆಲ್​ವಾಲ್​​​ ದೇಶಕ್ಕೆ ಪ್ರಥಮ ಸ್ಥಾನ ಪಡೆದರೆ, ದೆಹಲಿ ಮೂಲದ ಭವೀಕ್ ಬನ್ಸಾಲ್ ಮತ್ತು ಉತ್ತರ ಪ್ರದೇಶದ ಅಕ್ಷತ್ ಕೌಶಿಕದ 2 ಮತ್ತು 3 ನೇ ಸ್ಥಾನ ಗಳಿಸಿದ್ದಾರೆ. 

ಫಣೀಂದ್ರ ಡಿ ಕೆ 36 ನೇ ರ್ಯಾಂಕ್  ಪಡೆಯುವ ಮೂಲಕ ರಾಜ್ಯಕ್ಕೆ ಪ್ರಥಮ ಸ್ಥಾನ ಪಡೆದಿದ್ದಾರೆ. ಪ್ರಗ್ಯಾ ಮಿತ್ರ  2ನೇ ಸ್ಥಾನ ಪಡೆದಿದ್ದು, ಕರ್ನಾಟಕ  ಶೇ. 63.51 ಫಲಿತಾಂಶ ಪಡೆದುಕೊಂಡಿದೆ.

Www.nta.ac.in ವೆಬ್ ಸೈಟ್ ನಲ್ಲಿ ಫಲಿತಾಂಶ ಲಭ್ಯವಿದೆ.
* ಗೂಗಲ್‌ನಲ್ಲಿ ವೆಬ್ ಸೈಟ್ ಲಿಂಕ್ ಟೈಪ್ ಮಾಡಿ ಸರ್ಚ್ ಮಾಡಿದರೆ ಹೋಂ ಪೇಜ್ ತೆರದುಕೊಳ್ಳತ್ತದೆ.
* ಅಲ್ಲಿ ನಿಮ್ಮ ವಿಭಾಗವನ್ನು ಆಯ್ಕೆ ಮಾಡಿಕೊಂಡು ಅಲ್ಲಿ ಕೇಳಿದ ಮಾಹಿತಿಯನ್ನು ನೀಡಿ.