Daily Horoscope: ಇಂದು ಮಿಥುನ ರಾಶಿಯವರ ಆರೋಗ್ಯದಲ್ಲಿ ಏರುಪೇರು
ಸಾರಾಂಶ
28 ಡಿಸೆಂಬರ್ 2021, ಮಂಗಳವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಯ ಫಲ ಏನಿದೆ? ಕಟಕಕ್ಕೆ ಪ್ರೀತಿಯಲ್ಲಿ ಬೀಳುವ ಸಂತೋಷ, ಮೀನಕ್ಕೆ ಹೆಚ್ಚುವ ಚಂಚಲತೆ
ಮೇಷ(Aries): ಉದ್ಯೋಗ ಕೊಡಿಸುವ, ಬ್ಯಾಂಕ್ನಲ್ಲಿ ಸಾಲ ಕೊಡಿಸುವ ವಿಷಯದಲ್ಲಿ ನಿಮ್ಮಿಂದ ಪರಿಚಿತರಿಗೆ ನೆರವಾಗುವ ಅವಕಾಶ ಸಿಗಬಹುದು. ನಿಮ್ಮ ಸಾಮರ್ಥ್ಯಕ್ಕನುಗುಣವಾಗಿ ಸಂಪೂರ್ಣ ನೆರವಾಗುವುದರಿಂದ ಒಳಿತಾಗುವುದು. ಉದ್ಯೋಗ ಸ್ಥಳದಲ್ಲಿ ಮೇಲಧಿಕಾರಿಗಳ ಮೆಚ್ಚುಗೆಗೆ ಪಾತ್ರರಾಗುವಿರಿ. ಹನುಮಾನ್ ಚಾಳೀಸ್ ಹೇಳಿಕೊಳ್ಳಿ.
ವೃಷಭ(Taurus): ಸೌಂದರ್ಯವರ್ಧನೆ ಸಾಮಗ್ರಿಗಾಗಿ ಧನ ವ್ಯಯ. ಸೌಂದರ್ಯವರ್ಧಕ ವಸ್ತುಗಳು, ಪೂಜಾ ಸಾಮಗ್ರಿಗಳ ವ್ಯಾಪಾರಿಗಳಿಗೆ ಧನ ಲಾಭ, ಉದ್ಯೋಗಿಗಳಿಗೆ ಕೆಲಸದಲ್ಲಿ ವಿಳಂಬ. ವಿನಾ ಅಪವಾದ ಕೇಳಬೇಕಾದ ಪರಿಸ್ಥಿತಿ. ತಾಯಿ ಚಾಮುಂಡೇಶ್ವರಿ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಆರೋಗ್ಯದಲ್ಲಿ ಅನಿರೀಕ್ಷಿತ ಏರುಪೇರು. ಹೊಟ್ಟೆ, ಶ್ವಾಸಕೋಶ, ಹೃದಯ ಸಂಬಂಧಿ ಸಮಸ್ಯೆಗಳು ಎದುರಾಗಬಹುದು. ವೈದ್ಯರ ಬಳಿ ತಪಾಸಣೆ ಮಾಡಿಸಿ. ಉದ್ಯೋಗದಲ್ಲಿ ತಲೆಬಿಸಿ ಹೆಚ್ಚು. ಶೇರು ವ್ಯವಹಾರಗಳಲ್ಲಿ ನಷ್ಟ. ಕೋರ್ಟ್ ವ್ಯವಹಾರಗಳಲ್ಲಿ ನಿರಾಸೆ, ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
ಕಟಕ(Cancer): ಈ ದಿನ ಪ್ರೀತಿಯಲ್ಲಿ ಬೀಳಲಿದ್ದೀರಿ. ಈಗಾಗಲೇ ಪ್ರೀತಿಯಲ್ಲಿರುವವರ ಮಾತುಕತೆ ಮುಂದಿನ ಹಂತಕ್ಕೆ ತಲುಪಲಿದೆ. ವಿವಾಹಿತರ ನಡುವೆ ಪ್ರೀತಿ ಚೆನ್ನಾಗಿರಲಿದೆ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಭಂಗ. ಆರೋಗ್ಯದಲ್ಲಿ ಸಣ್ಣಪುಟ್ಟ ಕಿರಿಕಿರಿಗಳು ಇರುತ್ತವೆ. ಶಿವಶಕ್ತಿಯರ ಪ್ರಾರ್ಥನೆ ಮಾಡಿ.
ಸಿಂಹ(Leo): ರೈತರು, ಶಿಕ್ಷಣ ಕ್ಷೇತ್ರದಲ್ಲಿರುವವರು, ವ್ಯಾಪಾರಿಗಳು ಹೊಸ ಯೋಜನೆಯೊಂದನ್ನು ರೂಪಿಸುತ್ತಿದ್ದರೆ, ಅಥವಾ ಆ ಸಂಬಂಧ ನಿರೀಕ್ಷೆಯಲ್ಲಿದ್ದರೆ ಅದಕ್ಕೆ ಸ್ಪಷ್ಟ ಚಿತ್ರಣ ಇಂದು ಸಿಗಲಿದೆ. ಗೊಂದಲಗಳು ಮಾತನಾಡದೆ ಬಗೆಹರಿಯುವುದಿಲ್ಲ ಎಂಬುದು ನೆನಪಿರಲಿ. ಆಂಜನೇಯ ಪ್ರಾರ್ಥನೆ ಮಾಡಿ.
ಕನ್ಯಾ(Virgo): ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಕಿರಿಕಿರಿ, ಮೇಲಧಿಕಾರಿಗಳಿಂದ ಬೈಸಿಕೊಳ್ಳಬೇಕಾದ ಸಂದರ್ಭ ಮನಸ್ಸನ್ನು ಘಾಸಿಗೊಳಿಸುವುದು. ಉದ್ಯೋಗ ಬದಲಿಸುವ ಬಗ್ಗೆ ಯೋಚಿಸುವಿರಿ. ವಿವಾಹಾಕಾಂಕ್ಷಿಗಳಿಗೆ ನಿರಾಸೆ. ದೂರ ಪ್ರಯಾಣಕ್ಕೆ ಉತ್ತಮ ದಿನ. ಅಶ್ವತ್ಥ ಕಟ್ಟೆಗೆ ದೀಪ ಹಚ್ಚಿ ನಮಸ್ಕರಿಸಿ.
ತುಲಾ(Libra): ಕಾರ್ಯಕ್ಷೇತ್ರದಲ್ಲಿ ನಿರೀಕ್ಷಿತ ಹಣ ಬರುವುದಿಲ್ಲ. ಕೊಟ್ಟ ಸಾಲ ಹಿಂದೆ ಬಾರದೆ ಚಿಂತೆ ಹೆಚ್ಚುವುದು. ಯೋಜನೆಗಳನ್ನು ರೂಪಿಸುವಾಗ ಆದಾಯ ಮೀರಿ ಖರ್ಚುವೆಚ್ಚಗಳಾಗುತ್ತಿವೆಯೇ ಎಂದು ಗಮನಿಸಿ. ಉಳಿತಾಯದ ಬಗ್ಗೆ ಗಮನ ಇರಲಿ. ರಾಮನಾಮ ಜಪ ಮಾಡಿ.
Astrology And Personality Traits: ಈ ರಾಶಿಯವರು ಉತ್ತಮ ಸಲಹೆ ನೀಡೋದ್ರಲ್ಲಿ ನಿಸ್ಸೀಮರು!
ವೃಶ್ಚಿಕ(Scorpio): ಇಂದು ಸುಖಸಂತೋಷ ವರ್ಧಿಸಲಿದೆ. ಶತ್ರುಗಳು ನಿಮ್ಮ ಕಾರ್ಯವೈಖರಿಯಿಂದಲೇ ಪರಾಭವ ಹೊಂದುತ್ತಾರೆ. ವ್ಯಾಪಾರ ವ್ಯವಹಾರಗಳಲ್ಲಿ ಹೊಸ ಒಪ್ಪಂದಗಳಾಗಬಹುದು. ಬ್ಯಾಂಕ್ನಿಂದ ಸಾಲಕ್ಕಾಗಿ ಕಾಯುತ್ತಿದ್ದರೆ ಅದು ಇಂದು ಈಡೇರಬಹುದು. ಹಸುವಿಗೆ ಹಸಿರು ತಿನ್ನಿಸಿ.
ಧನುಸ್ಸು(Sagittarius): ಆದಾಯ ವರ್ಧಿಸಲಿದೆ. ಕುಟುಂಬದೊಡನೆ ಪ್ರವಾಸದಿಂದ ಹರ್ಷೋಲ್ಲಾಸ. ನೂತನ ಗೃಹ ನಿರ್ಮಾಣ ಕಾರ್ಯಗಳು ಚುರುಕು ಪಡೆಯಲಿವೆ. ನಿರುದ್ಯೋಗಿಗಳಿಗೆ ಅವಕಾಶಗಳು ಅರಸಿ ಬರಲಿವೆ. ಹೆಚ್ಚಿನ ಪೂರ್ವತಯಾರಿ ಮಾಡಿಕೊಳ್ಳಿ. ತಾಯಿಯ ಕೈಯಿಂದ ಸಿಹಿ ತಿನಿಸಿಕೊಳ್ಳಿ.
ಮಕರ(Capricorn): ಧನ ಹೂಡಿಕೆಯಲ್ಲಿ ವಂಚನೆಯಿಂದ ನಷ್ಟ ಸಂಭವ. ವಿದ್ಯೆ, ಕ್ರೀಡೆ, ವಿವಾಹ ಕಾರ್ಯಗಳಲ್ಲಿ ಆಶಾದಾಯಕ ಅಭಿವೃದ್ಧಿ ಇರಲಿದೆ. ಮಂಗಳ ಕಾರ್ಯಗಳು ಜರುಗುವುವು. ಮನೆಯಲ್ಲಿ ದೇವರ ಕಾರ್ಯದಿಂದ ಸಂತೋಷ. ಆಂಜನೇಯನಿಂಗೆ ಕೆಂಪು ಹೂವು ಏರಿಸಿ.
Vastu Tips : ಹಣದ ಸುರಿಮಳೆಯಾಗ್ಬೇಕಂದ್ರೆ ಹೊಸ ವರ್ಷ ಮಾಡಿ ಈ ಕೆಲಸ
ಕುಂಭ(Aquarius): ಹಣಕಾಸಿನ ಯೋಜನೆ ರೂಪಿಸುವಿರಿ. ವೃತ್ತಿ ರಂಗದಲ್ಲಿ ಅಸೂಯೆ ಹೆಚ್ಚಬಹುದು. ಅದಕ್ಕೆ ತಲೆ ಕೆಡಿಸಿಕೊಳ್ಳದೆ ಶ್ರದ್ಧೆಯಿಂದ ಕೆಲಸ ಮಾಡಿ. ಕುಟುಂಬದಲ್ಲಿ ಧನ ಮೂಲಗಳು ಹೆಚ್ಚಲಿವೆ. ನಿರುದ್ಯೋಗಿಗಳಿಗೆ ಹಿಂದೆ ಕೈ ತಪ್ಪಿ ಹೋಗಿದ್ದ ಕೆಲಸವೊಂದು ಮತ್ತೆ ಅರಸಿ ಬರಬಹುದು. ಲಲಿತಾ ಸಹಸ್ರನಾಮ ಹೇಳಿಕೊಳ್ಳಿ.
ಮೀನ(Pisces): ಕೈಗೊಂಡ ಕೆಲಸ ಕಾರ್ಯಗಳಲ್ಲಿ ಚಂಚಲತೆ. ಗೊಂದಲದ ಕಾರಣಗಳಿಂದ ಪ್ರಮುಖ ಕೆಲಸಗಳು ಮುಂದೆ ಹೋಗದೆ ಉಳಿಯುವುವು. ವಿದ್ಯಾರ್ಥಿಗಳಿಗೆ ಹಲವು ಅಡೆತಡೆಗಳು ಎದುರಾದಾವು. ನಿಶ್ಚಯವಾಗಿರುವ ವಿವಾಹಕ್ಕೆ ಅಡ್ಡಿಗಳು ಎದುರಾಗುವ ಆತಂಕ. ಶನೀಶ್ವರನ ಪ್ರಾರ್ಥನೆ ಮಾಡಿ.