12 ಡಿಸೆಂಬರ್ 2021, ಭಾನುವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಮಿಥುನ ರಾಶಿಗೆ ಖರ್ಚು ಹೆಚ್ಚು, ಕುಂಭಕ್ಕೆ ಧನಲಾಭ
ಮೇಷ(Aries): ಸಾಮಾಜಿಕ ಕಾರ್ಯಗಳಲ್ಲಿ ಭಾಗಿಯಾಗಿ ಮನಸ್ಸಿಗೆ ಸಂತಸ. ಸ್ನೇಹಿತರು, ಪರಿಚಿತ ಹಿರಿಯರ ಭೇಟಿಯಿಂದ ಸಂತಸ. ರೈತರಿಗೆ ನೆಮ್ಮದಿ, ವ್ಯಾಪಾರಿಗಳಿಗೆ ಲಾಭದ ದಿನ. ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿರುವವರಿಗೆ ಧನಲಾಭ. ಇರುವೆಗಳಿಗೆ ಸಕ್ಕರೆ, ಇತರೆ ಸಿಹಿ ಹಾಕಿ.
ವೃಷಭ(Taurus): ಆಹಾರದಲ್ಲಿ ಏರುಪೇರಾಗಿ ಆರೋಗ್ಯ ಸಂಬಂಧಿ ಕಿರಿಕಿರಿಗಳು ಎದುರಾಗಬಹುದು. ನರಗಳ ದೌರ್ಬಲ್ಯತೆ ಕಾಡಬಹುದು. ಆಸ್ತಿ ಸಂಬಂಧ ಸಂಘರ್ಷಗಳಿಂದ ಮನಸ್ಸಿಗೆ ಕಸಿವಿಸಿ. ಬಂಧುಗಳೊಂದಿಗೆ ಮುನಿಸು. ಮಾತಿನ ಮೇಲೆ ಹಿಡಿತವಿರಲಿ. ಮನೆ ದೇವರ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಗೃಹಬಳಕೆಯ ವಸ್ತುಗಳು ಹಾಗೂ ವಸ್ತ್ರಕ್ಕಾಗೆ ಖರ್ಚು ಮಾಡಿ ನಂತರ ಅನಗತ್ಯವಾಗಿತ್ತು ಎಂದು ಕೊರಗುವಿರಿ. ಸ್ವಲ್ಪ ವಿವೇಚನೆಯಿಂದ ಖರ್ಚು ಮಾಡಿ. ಸೃಜನಶೀಲತೆ ಕ್ಷೇತ್ರದಲ್ಲಿರುವವರಿಗೆ ಪ್ರತಿಭಾ ಪ್ರದರ್ಶನಕ್ಕೆ ಅವಕಾಶಗಳು ದೊರಕುವುದು. ದೈವಾನುಕೂಲ ಇರಲಿದೆ, ದುರ್ಗಾ ಕವಚ ಪಠಿಸಿ.
Mercury Transit: ಬುಧನ ರಾಶಿ ಪರಿವರ್ತನೆಯಿಂದ ಐದು ರಾಶಿಯವರಿಗೆ ಬಂಪರ್!
ಕಟಕ(Cancer): ಮನೆಯಲ್ಲಿ ಧಾರ್ಮಿಕ, ಕೌಟುಂಬಿಕ ಶುಭ ಕಾರ್ಯಗಳು ನಡೆಯುವುದರಿಂದ ಮನಸ್ಸು ಆಹ್ಲಾದಕರವಾಗಿರುವುದು. ವಾಹನ ಯೋಗವಿದೆ. ಪ್ರಯಾಣ ಮಾಡುವ ಮುನ್ನ ಮನೆ ದೇವರಿಗೆ ಪ್ರಾರ್ಥಿಸಿ. ಅವಿವಾಹಿತರಿಗೆ ಶುಭ ದಿನ. ವಿವಾಹಿತರಿಗೆ ಕುಟುಂಬ ಸೌಖ್ಯ. ತಾಯಿ ಅನ್ನಪೂರ್ಣೇಶ್ವರಿಯ ಪ್ರಾರ್ಥನೆ ಮಾಡಿ.
ಸಿಂಹ(Leo): ಇಂದು ಸಂತೋಷ, ದುಃಖದ ಮಿಶ್ರ ಫಲವಿರಲಿದೆ. ವೃತ್ತಿಯಲ್ಲಿ ತೊಡಕು ಎದುರಾಗಬಹುದು. ಕುಟುಂಬ ಸದಸ್ಯರಿಂದ ನಿಮ್ಮ ಮಾತುಗಳಿಗೆ ಮನ್ನಣೆ ದೊರಕುವುದು. ನಿರುದ್ಯೋಗಿಗಳಿಗೆ ಅವಕಾಶಗಳು ಬರಬಹುದು. ವಿದ್ಯಾರ್ಥಿಗಳಿಗೆ ಏಕಾಗ್ರತೆಗೆ ಭಂಗ. ನಾಗನಿಗೆ ಪ್ರರ್ಥನೆ ಮಾಡಿ.
ಕನ್ಯಾ(Virgo): ಇಂದು ಬಹಳ ಸಮಾಧಾನದಿಂದ ದಿನ ಕಳೆಯುವುದು. ಹವ್ಯಾಸಕ್ಕಾಗಿ ಸಮಯ ಮಾಡಿಕೊಳ್ಳುವಿರಿ. ಬಹು ದಿನಗಳಿಂದ ಮುಂದೂಡಿಕೊಂಡು ಬಂದಿದ್ದ ಕೆಲಸಗಳು ಮುಗಿದು ನಿರಾಳವಾಗುವಿರಿ. ಸೌಂದರ್ಯ ಸಂಬಂಧಿ ವಿಷಯಗಳಿಗಾಗಿ ಖರ್ಚು. ಪೂಜಾಕೈಂಕರ್ಯಗಳಲ್ಲಿ ಭಾಗಿಯಾಗುವ ಸಂಭವ. ಶ್ರದ್ಧೆಯಿಂದ ಲಲಿತಾ ಸಹಸ್ರನಾಮ ಪಠಿಸಿ.
Marriage Horoscope 2022: ಈ ರಾಶಿಗಳಿಗೆ ಕೂಡಿ ಬರಲಿದೆ ಕಂಕಣ
ತುಲಾ(Libra): ಹೊಸ ಆಸ್ತಿ ಖರೀದಿಯಿಂದ ಮನೆಯಲ್ಲಿ ಹರ್ಷ. ಸಿಹಿ ತಿನ್ನುವ ಭಾಗ್ಯ. ಸಂಗಾತಿಯ ಸಹಕಾರದಿಂದ ಕೆಲಸಕಾರ್ಯಗಳು ಯಶಸ್ವಿಯಾಗಲಿವೆ. ವಿದ್ಯಾರ್ಥಿಗಳಿಗೆ ಉನ್ನತ ವ್ಯಾಸಂಗಕ್ಕೆ ಹೊಸ ಅವಕಾಶಗಳು ಅರಸಿ ಬರಲಿವೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ವೃಶ್ಚಿಕ(Scorpio): ಯಾವುದರಲ್ಲಿ ಧನಾತ್ಮಕ ಫಲಿತಾಂಶ ನಿರೀಕ್ಷಿಸುತ್ತಿದ್ದೀರೋ ಆ ವಿಷಯಕ್ಕಾಗಿ ಇನ್ನೂ ಹೆಚ್ಚಿನ ಪ್ರಯತ್ನ ಹಾಕಿದರಷ್ಟೇ ಫಲ ಸಿದ್ಧಿ. ಇಲ್ಲದಿದ್ದಲ್ಲಿ ನಿರಾಶೆ ಅನುಭವಿಸಬೇಕಾಗುತ್ತದೆ. ಹೋಟೆಲ್ ವ್ಯವಹಾರಗಳಲ್ಲಿ ಲಾಭ. ದಾಂಪತ್ಯದಲ್ಲಿ ಅಸಮಾಧಾನ. ಶಿವ-ಶಕ್ತಿಯರ ಪ್ರಾರ್ಥನೆ ಮಾಡಿ.
ಧನುಸ್ಸು(Sagittarius): ವಸ್ತು ಕಳುವಾಗುವ ಸಾಧ್ಯತೆ. ಸುಖಾಸುಮ್ಮನೆ ಬೇಡದ ವಿವಾದಗಳಲ್ಲಿ ಸಿಕ್ಕಿ ಬೀಳುವಿರಿ. ಅಸಮಾಧಾನದ ದಿನ. ವಾಹನ ಚಾಲನೆ ಮಾಡುವಾಗ ಹೆಚ್ಚು ಜಾಗರೂಕರಾಗಿರುವುದು ಅಗತ್ಯ. ಏಕಾಗ್ರತೆ ಭಂಗ. ದೇಹ ಬಲವಿದ್ದರೂ, ಮನಸ್ಸಿನ ಬಲ ಸಿಗದೆ ಕಿರಿಕಿರಿ. ನವಗ್ರಹಕ್ಕೆ ನಮಸ್ಕರಿಸಿ ಪ್ರಾರ್ಥಿಸಿ.
ಮಕರ(Capricorn): ಕೃಷಿಯಲ್ಲಿ ಲಾಭ, ಹಾಲು-ಹಣ್ಣು ವ್ಯಾಪಾರಿಗಳಿಗೆ ಲಾಭ, ಪ್ರಯಾಣದಲ್ಲಿ ಸೌಖ್ಯ, ಆಲೋಚನೆಗಳು ವ್ಯತಿರಿಕ್ತ ಫಲ ಕೊಡಲಿವೆ. ಆರೋಗ್ಯದಲ್ಲಿ ಕೊಂಚ ಏರುಪೇರು. ಧೀರ್ಘಕಾಲದ ಆರೋಗ್ಯ ಸಮಸ್ಯೆ ಎದುರಿಸುತ್ತಿರುವವರು ಒಮ್ಮೆ ವೈದ್ಯರ ಬಳಿ ತಪಾಸಣೆ ಮಾಡಿಸುವುದೊಳಿತು. ಆಂಜನೇಯ ಪ್ರಾರ್ಥನೆ ಮಾಡಿ.
ಕುಂಭ(Aquarius): ದೇಹಬಲ ಇರಲಿದೆ, ಬುದ್ಧಿಶಕ್ತಿಯಿಂದ ಕಾರ್ಯ ಸಾಧನೆ, ದೈವಾನುಕೂಲ ಇರಲಿದೆ. ಉದ್ಯೋಗದಲ್ಲಿ ಏರುಪೇರಿಲ್ಲ. ಆದರೆ, ಧನಲಾಭಕ್ಕೆ ಅವಕಾಶಗಳಿವೆ. ಪ್ರಯಾಣದಲ್ಲಿ ಎಚ್ಚರವಾಗಿರಿ, ವಾಹನ ಚಾಲಕರು-ಪ್ರಯಾಣಿಕರು ಎಚ್ಚರವಾಗಿರಬೇಕು. ಸೂರ್ಯ ಪ್ರಾರ್ಥನೆ ಮಾಡಿ ಅನುಗ್ರಹ ಪಡೆಯಿರಿ.
ಮೀನ(Pisces): ಮಾತಿನ ಬಲದಿಂದ ಎಲ್ಲರನ್ನು ಗೆಲ್ಲುವಿರಿ. ಮನರಂಜನೆಗಾಗಿ ಖರ್ಚು ಮಾಡುವಿರಿ. ಕೆಲಸಕಾರ್ಯಗಳಲ್ಲಿ ಯಶಸ್ಸಿನಿಂದ ಸಮಾಧಾನ. ನೆಂಟರಿಷ್ಟರ ಭೇಟಿಯಿಂದ ಸಂತಸ. ವ್ಯಾಪಾರ ವ್ಯವಹಾರ, ಉದ್ಯೋಗಗಳಲ್ಲಿ ಲಾಭ. ರಾಮಧ್ಯಾನ ಮಾಡಿ.