8 ಜನವರಿ 2022, ಶನಿವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಸಿಂಹಕ್ಕೆ ಆಸ್ತಿ ಖರೀದಿಯಲ್ಲಿ ಆಸಕ್ತಿ, ನಿಮ್ಮ ರಾಶಿ ಫಲ ಹೇಗಿದೆ ನೋಡಿ..
ಮೇಷ(Aries): ವೈವಾಹಿಕ ಜೀವನದಲ್ಲಿ ಬಿರುಕುಗಳು ಮೂಡಬಹುದು. ನಿಮ್ಮ ವರ್ತನೆಯನ್ನು ಆತ್ಮವಿಮರ್ಶೆಗೆ ಹಚ್ಚಿ. ವೃಥಾ ಅನುಮಾನಗಳನ್ನು ಬಿಡಿ. ಶೇರು ವ್ಯವಹಾರಗಳಲ್ಲಿ ನಷ್ಟ. ಹಠಾತ್ ಆರೋಗ್ಯ ಸಮಸ್ಯೆಗಳು ಕಾಣಿಸಿಕೊಳ್ಳಬಹುದು. ಕೂಡಲೇ ವೈದ್ಯರನ್ನು ಸಂಪರ್ಕಿಸಿ. ಕಪ್ಪು ಬಟ್ಟೆಗಳ ದಾನ ನೀಡಿ.
ವೃಷಭ(Taurus): ಬುದ್ಧಿ ಹೇಳಲು ಹೋಗಿ ಸಂಬಂಧ ಕೆಡಿಸಿಕೊಳ್ಳುವ ಸಾಧ್ಯತೆ ಇದೆ. ದಿನಸಿ ಅಂಗಡಿ ಇರುವವರಿಗೆ ಬಹಳಷ್ಟು ಲಾಭ. ನಿರುದ್ಯೋಗಿಗಳಿಗೆ ಅವಕಾಶಗಳು ಬರಲಿವೆ. ದೇವರನ್ನು ಸ್ಮರಿಸಲು ಮರೆಯದಿರಿ. ಪೋಷಕರ ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗರೂಕತೆ ಅಗತ್ಯ. ಶನಿ ಸ್ಮರಣೆ ಮಾಡಿ.
ಮಿಥುನ(Gemini): ಹಿರಿಯರೊಂದಿಗಿನ ಮುನಿಸಿಗೆ ವಿದಾಯ ಹಾಡಲು ಅವಕಾಶಗಳು ಒದಗುವುವು. ಆಸ್ತಿ ವಿಚಾರವಾಗಿ ಹೆಚ್ಚು ಕೆದಕಲು ಹೋಗಬೇಡಿ. ಸಂಶೋಧನಾ ಕ್ಷೇತ್ರದಲ್ಲಿರುವವರು, ಶಿಕ್ಷಕರು ಹಾಗೂ ವಿದ್ಯಾರ್ಥಿಗಳಿಗೆ ಹೊಸ ಕಲಿಕೆಯಿಂದ ಮನಸ್ಸು ಮುದಗೊಳ್ಳುವುದು. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
Gemstones: ಹವಳ ಧಾರಣೆಯಿಂದ ಈ ರಾಶಿಯವರಿಗೆ ಸಖತ್ ಲಕ್..!
ಕಟಕ(Cancer): ಸಂಗಾತಿಯ ಮಾತುಗಳು ಮನಸ್ಸನ್ನು ಘಾಸಿ ಮಾಡಲಿವೆ. ಪ್ರೇಮ ವ್ಯವಹಾರಗಳಲ್ಲಿ ಬಿರುಕು ಮೂಡಬಹುದು. ಉದ್ಯೋಗದಲ್ಲಿ ಏರುಪೇರಿಲ್ಲ. ಮಕ್ಕಳು ಹಾದಿ ತಪ್ಪಿದ ಸೂಚನೆ ಸಿಕ್ಕಲಿದೆ. ತಾಳ್ಮೆಯಿಂದ ಮುಂದುವರಿಯಿರಿ. ಹತ್ತಿರದ ದೇವಸ್ಥಾನ ಭೇಟಿಯಿಂದ ಮನಸ್ಸು ಕೊಂಚ ನಿರಾಳವಾಗಬಹುದು.
ಸಿಂಹ(Leo): ಆಸ್ತಿ ಖರೀದಿಯಲ್ಲಿ ಆಸಕ್ತಿ ಹೆಚ್ಚಲಿದೆ. ಆದರೂ ಪ್ರಚಲಿತ ವಿದ್ಯಮಾನಗಳು ಗೊಂದಲ ಹುಟ್ಟು ಹಾಕಲಿವೆ. ಅಪರಿಚಿತರ ಕರೆಯಿಂದ ನಿರ್ಧಾರ ಬದಲಾಗಬಹುದು. ಪತ್ನಿಯ ಸಹಕಾರ ಚೆನ್ನಾಗಿರಲಿದೆ. ಮಕ್ಕಳ ಜೊತೆ ಹೆಚ್ಚಿನ ಸಮಯ ವ್ಯಯಿಸುವುದರಿಂದ ಚೈತನ್ಯ. ಆಂಜನೇಯ ಪ್ರಾರ್ಥನೆ ಮಾಡಿ.
Personality Traits and Zodiacs: ಈ 4 ರಾಶಿಯ ಪುರುಷರು ಸಂಬಂಧವನ್ನು ಕಂಟ್ರೋಲ್ ಮಾಡ ಬಯಸುತ್ತಾರೆ!
ಕನ್ಯಾ(Virgo): ಸಂಗಾತಿಯ ಕಡೆಯಿಂದ ಧನಲಾಭವಿರಲಿದೆ. ಆರೋಗ್ಯ ಸಮಸ್ಯೆಗಳು ಕಂಗೆಡಿಸಬಹುದು. ಮನೆ ಮದ್ದು ಮಾಡಿಕೊಳ್ಳಿ. ಹೊಸದಾಗಿ ಶುರು ಮಾಡಿರುವ ಯೋಜನೆಗಳು ಆತಂಕ ಹೆಚ್ಚಿಸುವುವು. ಪಾರಂಪರಿಕ ಉದ್ಯೋಗದಲ್ಲಿ ತೊಡಗಿರುವವರಿಗೆ ಲಾಭ. ಕರಿ ಎಳ್ಳನ್ನು ದಾನ ನೀಡಿ.
ತುಲಾ(Libra): ಯಾವುದೋ ವಿಷಯಕ್ಕೆ ಭಯ ಕಾಡುವುದು. ಸಂಜೆಯ ಹೊತ್ತಿಗೆ ಮನಸ್ಸಿಗೆ ಸಮಾಧಾನ ಸಿಗಲಿದೆ. ಹಿರಿಯರ ಮಾತುಗಳು ನೋಯಿಸಬಹುದು. ಎದುರಾಡದಿರಿ. ಭೂರಿ ಭೋಜನ ಉಣ್ಣುವ ಅವಕಾಶವಿದೆ. ಮನೆಯಲ್ಲಿ ಧಾರ್ಮಿಕ ಕಾರ್ಯಗಳು ಜರುಗಲಿವೆ. ನವಗ್ರಹ ಜಪ ಮಾಡಿ.
Astrology And Personality Traits: ಈ ರಾಶಿಯವರು ಸಂಗಾತಿಗೆಂದೂ ಮೋಸ ಮಾಡಲ್ಲ!
ವೃಶ್ಚಿಕ(Scorpio): ಅತಿಯಾದ ಕೋಪದಿಂದ ಸಂಬಂಧಗಳನ್ನು ಹಾಳು ಮಾಡಿಕೊಳ್ಳುವಿರಿ. ನಂತರ ಕೊರಗುವಿರಿ. ಹೊಸ ವಸ್ತು ಖರೀದಿ ಸಮಾಧಾನ ತರುವುದಿಲ್ಲ. ಶೀತ, ಜ್ವರ, ಕೆಮ್ಮಿನಂಥ ಕಿರಿಕಿರಿಗಳು ಬಾಧಿಸುವುದು. ನಿಮ್ಮ ಮಾನಸಿಕ ಸಮತೋಲನ ಕಾಯ್ದುಕೊಳ್ಳಲು ನಿರಂತರ ಪ್ರಯತ್ನ ಅಗತ್ಯ. ಗೋ ಗ್ರಾಸ ನೀಡಿ.
ಧನಸ್ಸು(Sagittarius): ಕೌಟುಂಬಿಕ ಜೀವನದಲ್ಲಿ ಕೆಲ ಸವಾಲುಗಳನ್ನು ಸಮರ್ಥವಾಗಿ ಎದುರಿಸುವಿರಿ. ಅಧಿಕಾರಿ ವರ್ಗದವರಿಗೆ ರಾಜಕಾರಣಿಗಳ ಕಿರುಕುಳ ಹೆಚ್ಚಲಿದೆ. ಹೊಸ ಆರ್ಥಿಕ ಮೂಲಗಳ ಬಗ್ಗೆ ತಿಳಿಯುವಿರಿ. ಮಕ್ಕಳ ಕಡೆಯಿಂದ ನೆರವು ದೊರಕಿ ಅಂದುಕೊಂಡ ಕಾರ್ಯಗಳು ಆಗುವುವು. ಹನುಮಾನ್ ಚಾಲೀಸ್ ಹೇಳಿಕೊಳ್ಳಿ.
ಮಕರ(Capricorn): ಸಾಲ ವಾಪಾಸಾತಿಯಿಂದ ಖುಷಿಯಾಗುವುದು. ಧಾರ್ಮಿಕ ವಿಚಾರಗಳಲ್ಲಿ ಮನಸ್ಸು ತೊಡಗಿಸಿಕೊಳ್ಳುವುದು. ದೈಹಿಕ ಆರೋಗ್ಯ ಕಾಪಾಡಿಕೊಳ್ಳಲು ಸಮತೋಲಿತ ಆಹಾರ ಸೇವನೆ ಮಾಡಿ. ಮನೆಯ ಕೆಲ ವಸ್ತುಗಳು ರಿಪೇರಿಗೆ ಬರಬಹುದು. ಪಕ್ಷಿಗಳಿಗೆ ಧಾನ್ಯ ನೀಡಿ.
ಕುಂಭ(Aquarius): ಎಲ್ಲರನ್ನೂ ಮೆಚ್ಚಿಸಲು ಹೋಗಿ ನಿರಾಶೆ ಅನುಭವಿಸುವಿರಿ. ವಾತ ಸಂಬಂಧಿ ಆರೋಗ್ಯ ಸಮಸ್ಯೆಗಳು ಕಾಣಿಸುವುವು. ಕುಟುಂಬದ ಸಮಸ್ಯೆಗಳ ಬಗ್ಗೆ ಗಮನ ಹರಿಸಿ. ಜಗಳಗಂಟ ನಡುವಳಿಕೆಯಿಂದ ಸ್ನೇಹ ಕಡಿದು ಹೋಗಬಹುದು. ಶಿವ ಸ್ಮರಣೆ ಮಾಡಿ.
ಮೀನ(Pisces): ಬದುಕಿನ ಕಷ್ಟಗಳು ಮುಗಿದಂತೆ ಕಾಣುತ್ತಿಲ್ಲ. ಆದರೆ, ಭರವಸೆ ಕಳೆದುಕೊಳ್ಳಬೇಡಿ. ಮಕ್ಕಳ ಆತ್ಮವಿಶ್ವಾಸವನ್ನು ಹೆಚ್ಚಿಸುವ ಕಾರ್ಯದಲ್ಲಿ ತೊಡಗಿ. ಹವ್ಯಾಸಗಳಿಂದ ಧನಲಾಭವಾಗುವುದು. ಪಾಲುದಾರಿಕೆಯಿಂದ ಕೆಲಸಗಳು ಸುಲಭವಾಗುವುವು. ಶಿವ ಸಹಸ್ರನಾಮ ಹೇಳಿಕೊಳ್ಳಿ.