24 ಜನವರಿ 2022, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ನಿಮ್ಮ ರಾಶಿಯ ಇಂದಿನ ಫಲ ಏನಿದೆ ನೋಡಿ..
ಮೇಷ(Aries): ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಅಸೂಯೆ ಕಾಡಬಹುದು. ವಿದ್ಯಾರ್ಥಿಗಳು ಹೊಸ ಕಲಿಕೆಯಲ್ಲಿ ಆಸಕ್ತಿ ತೋರುವರು. ಸ್ನೇಹಿತರಿಂದ ಪ್ರೇಮ ವಿಚಾರಗಳಲ್ಲಿ ನೆರವು ದೊರೆಯಲಿದೆ. ದಾಂಪತ್ಯದಲ್ಲಿ ಕೆಲ ಸಣ್ಣಪುಟ್ಟ ವಾದವಿವಾದಗಳು ಕಾಣಿಸಿಕೊಳ್ಳಬಹುದು. ಶಿವ ಶಕ್ತಿಯರ ಪ್ರಾರ್ಥನೆ ಮಾಡಿ.
ವೃಷಭ(Taurus): ತಂದೆ, ಸಹೋದರರಿಗೆ ಕೆಲಸದಲ್ಲಿ ನೆರವಾಗಿ. ನಿರುದ್ಯೋಗಿಗಳು ಕುಟುಂಬದ ಉದ್ಯೋಗವನ್ನೇ ಮುಂದುವರಿಸಿಕೊಂಡು ಹೋಗುವುದು ಉತ್ತಮ. ಅವಿವಾಹಿತರಿಗೆ ಹತ್ತಿರದ ಸಂಬಂಧದಲ್ಲೇ ಕಂಕಣ ಬಲ ಕೂಡಿ ಬರಬಹುದು. ಹಸುವಿಗೆ ಹಸಿರು ತಿನ್ನಿಸಿ.
ಮಿಥುನ(Gemini): ಮನೆಯಲ್ಲಿ ಕೆಲವರ ಆರೋಗ್ಯ ಹದಗೆಟ್ಟು ಚಿಂತಿತರಾಗುವಿರಿ. ಉದ್ಯೋಗದಲ್ಲಿ ತಪ್ಪುಗಳು, ಎಡವಟ್ಟುಗಳಾಗುವ ಸಾಧ್ಯತೆ ಹೆಚ್ಚಿದೆ. ಧನ ವ್ಯಯ ಹೆಚ್ಚಬಹುದು. ಮಕ್ಕಳು ಹಾದಿ ತಪ್ಪಿದ್ದರ ಸುಳಿವು ಸಿಕ್ಕಿ ಚಿಂತೆಗಳು ಹೆಚ್ಚಲಿವೆ. ಕುಲ ದೇವರಿಗೆ ತುಪ್ಪದ ದೀಪ ಹಚ್ಚಿ.
ಕಟಕ(Cancer): ಪ್ರಮುಖ ಕೆಲಸ ಆಗುತ್ತಿಲ್ಲ ಎಂದು ಕೊರಗುತ್ತಾ ಕುಳಿತರೆ ಪ್ರಯೋಜನವಿಲ್ಲ. ಅದಕ್ಕಾಗಿ ನೀವು ಹಾಕುತ್ತಿರುವ ಪ್ರಯತ್ನ ಸಾಲದು. ಇನ್ನಷ್ಟು ಶ್ರಮ ಹಾಕಿ. ದುರಭಿಮಾನ ಪಕ್ಕಕ್ಕಿಟ್ಟರೆ ಒಳಿತಾಗಲಿದೆ. ಸುಳ್ಳು ಹೇಳಿದರೆ ಸಿಕ್ಕಿ ಬೀಳುವ ಅಪಾಯವಿದೆ. ಪ್ರಾಮಾಣಿಕತೆ ಕೈ ಹಿಡಿಯುವುದು. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಸಿಂಹ(Leo): ಉದ್ಯೋಗದಲ್ಲಿ ಅನಿರೀಕ್ಷಿತವಾಗಿ ಶುಭ ಸುದ್ದಿ ಕಿವಿಗೆ ಬೀಳಬಹುದು. ಇದರಿಂದ ಇಡೀ ದಿನ ಚೈತನ್ಯಭರಿತವಾಗಿರಲಿದೆ. ಆರ್ಥಿಕ ಪ್ರಗತಿ ಇರಲಿದೆ. ಹೂಡಿಕೆ ಮಾಡಲು ಸುದಿನ. ಷೇರು ವ್ಯವಹಾರಗಳಲ್ಲಿ ಲಾಭವಿರಲಿದೆ. ಸಂಗಾತಿಯ ಸಂಪೂರ್ಣ ಸಹಕಾರ ಸಿಗಲಿದೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
Astro Tips: ಸೂರ್ಯಾಸ್ತದ ನಂತರ ಈ ವಸ್ತುಗಳನ್ನು ಯಾರಿಗೂ ಕೊಡಬೇಡಿ..
ಕನ್ಯಾ(Virgo): ಬಹು ದಿನಗಳ ಕನಸೊಂದು ಈಡೇರಲಿದೆ. ಹಿತಶತ್ರುಗಳು ಹಿಂದೆ ಸರಿಯುವರು. ಸಾಲ ಸಿಗಬಹುದು. ಆರೋಗ್ಯದ ಬಗ್ಗೆ ಹೆಚ್ಚಿನ ಜಾಗರೂಕತೆ ಅಗತ್ಯ. ಸಾತ್ವಿಕ ಆಹಾರಗಳನ್ನೇ ಸೇವಿಸಿ. ವ್ಯಾಪಾರ ವ್ಯವಹಾರಗಳಲ್ಲಿ ಉತ್ತಮ ಲಾಭವಿರಲಿದೆ. ಬಡವರಿಗೆ ಧಾನ್ಯ ದಾನ ಮಾಡಿ.
ತುಲಾ(Libra): ಪ್ರಮುಖ ವಿಷಯದಲ್ಲಿ ನಿರ್ಧಾರಕ್ಕೆ ಬರಲಾರದೆ ಗೊಂದಲದಲ್ಲಿ ಬೀಳುವಿರಿ. ಮನೆಯ ಇತರರ ಬಳಿ ಈ ವಿಷಯ ಚರ್ಚಿಸಿ. ಇದರಿಂದ ನಿರ್ಧಾರ ತೆಗೆದುಕೊಳ್ಳಲು ಸುಲಭವಾಗುವುದು. ವೃತ್ತಿಯಲ್ಲಿ ತೊಡಕುಗಳು ಕಾಣಿಸಬಹುದು. ಶಿವನಿಗೆ ಜಲಾಭಿಷೇಕ ಮಾಡಿ.
ವೃಶ್ಚಿಕ(Scorpio): ನೀರು, ಬೆಂಕಿಯ ವಿಚಾರದಲ್ಲಿ ಹೆಚ್ಚಿನ ಜಾಗರೂಕತೆ ಇರಲಿ. ಉದ್ಯೋಗದಲ್ಲಿ ಪ್ರಶಂಸೆ ಸಿಗಲಿದೆ. ಹೊಸ ಉದ್ಯಮ ಆರಂಭಿಸಲು ಯೋಚಿಸುತ್ತಿರುವವರು ಆ ಸಂಬಂಧ ಕೆಲಸ ಶುರು ಮಾಡಬಹುದು, ಸರ್ಕಾರಿ ಕೆಲಸಗಳು ಮುಗಿದು ನಿರಾಳವಾಗುವಿರಿ. ಲಕ್ಷ್ಮೀ ನಾರಾಯಣ ಪ್ರಾರ್ಥನೆ ಮಾಡಿ.
Cleaning home: ಮನೆಯನ್ನು ಈ ರೀತಿ ಸ್ವಚ್ಛಗೊಳಿಸಿದರೆ ಲಕ್ಷ್ಮಿ ದೇವಿಗೆ ಪ್ರಿಯ
ಧನುಸ್ಸು(Sagittarius): ಬದಲಿ ಉದ್ಯೋಗಕ್ಕಾಗಿ ನೋಡುತ್ತಿರುವವರಿಗೆ ಅವಕಾಶಗಳು ಒದಗಿ ಬರಲಿವೆ. ನಿರುದ್ಯೋಗಿಗಳು ಕೂಡಾ ಅವಕಾಶಗಳನ್ನು ಚೆನ್ನಾಗಿ ಬಳಸಿಕೊಳ್ಳಿ. ಗೊಂದಲ ಬೇಡ. ಮನೆಯಲ್ಲಿ ಮಕ್ಕಳ ಆರೋಗ್ಯದ ಬಗ್ಗೆ ಆತಂಕ ಹೆಚ್ಚಬಹುದು. ಈ ಬಗ್ಗೆ ಜಾಗರೂಕತೆ ವಹಿಸಿ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಮಕರ(Capricorn): ಮನಸ್ಸು- ಬುದ್ಧಿ ಎರಡೂ ಒಂದೇ ಹಾದಿಗೆ ಬರುವುದರಿಂದ ಕೆಲಸಗಳಲ್ಲಿ ಯಶಸ್ಸು ಸಿಗಲಿದೆ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಲಭಿಸಲಿದೆ. ಚರ್ಮ ಸಂಬಂಧಿ ಸಮಸ್ಯೆಗಳು ಕಾಡಬಹುದು. ಯಾರಿಗೂ ಸಾಲ ಕೊಡಲು ಹೋಗಬೇಡಿ. ಅಶ್ವತ್ಥ ಕಟ್ಟೆಗೆ ದೀಪ ಹಚ್ಚಿ.
ಕುಂಭ(Aquarius): ಕೆಲಸದಲ್ಲಿ ಒತ್ತಡ ಹೆಚ್ಚಬಹುದು. ಜವಾಬ್ದಾರಿಯುತ ಕೆಲಸಗಳನ್ನು ಚೆನ್ನಾಗಿ ನಿಭಾಯಿಸಿ ಸೈ ಎನಿಸಿಕೊಳ್ಳುವಿರಿ. ಮನೆಯಲ್ಲಿನ ಮುನಿಸುಗಳು ಶಮನವಾಗುವುವು. ಸರ್ಕಾರಿ ನೌಕರರಿಗೆ ಹೆಚ್ಚಿನ ಜವಾಬ್ದಾರಿಗಳು ಬರಬಹುದು. ದುರ್ಗಾ ಅಷ್ಟೋತ್ತರ ಹೇಳಿಕೊಳ್ಳಿ.
ಮೀನ(Pisces): ಕೆಲಸ ಕಾರ್ಯಗಳಲ್ಲಿ ವಿಳಂಬ ಎದುರಾಗಲಿವೆ. ಸುಮ್ಮನೆ ನೆಂಟರಿಷ್ಟರ ನಡುವೆ ಸಣ್ಣ ವಿಷಯ ದೊಡ್ಡದಾಗಿ ಮನಸ್ಸಿನ ನೆಮ್ಮದಿ ಕದಡಬಹುದು. ಸಂಗಾತಿಯ ಸಹಕಾರ ಇರಲಿದೆ. ಮಕ್ಕಳ ಮನಸ್ಸಿನ ಮಾತುಗಳನ್ನು ಕೇಳಿಸಿಕೊಳ್ಳಿ. ಶಿವ ಸಹಸ್ರನಾಮ ಮಾಡಿ.