11 ಜನವರಿ 2022, ಮಂಗಳವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕನ್ಯಾ ರಾಶಿಗೆ ಷೇರು ವ್ಯವಹಾರದಲ್ಲಿ ಲಾಭ
ಮೇಷ(Aries): ಅಲ್ಪಶ್ರಮದಿಂದ ಕಾರ್ಯಸಾಧನೆ ಸಾಧ್ಯವಾಗುವುದು. ಹಿತೈಷಿಗಳೊಂದಿಗೆ ಜೀವನದ ಪ್ರಮುಖ ವಿಚಾರಗಳ ಬಗ್ಗೆ ಚರ್ಚೆ ನಡೆಸುವಿರಿ. ಕೆಲಸ ಕಾರ್ಯಗಳು ಸರಾಗವಾಗಿ ಸಾಗುವುವು. ಉದ್ಯೋಗ ಕ್ಷೇತ್ರದಲ್ಲಿ ಸಹೋದ್ಯೋಗಿಗಳ ನೆರವು ಸಿಗಲಿದೆ. ಆಂಜನೇಯನಿಗೆ ಕೆಂಪು ವಸ್ತ್ರ ದಾನ ಮಾಡಿ.
ವೃಷಭ(Taurus): ವ್ಯಾಪಾರದಲ್ಲಿ ಒತ್ತಡವಾದರೂ ಲಾಭವಿರಲಿದೆ. ಕುಟುಂಬ ಸದಸ್ಯರ ನಡುವೆ ಪ್ರಮುಖ ವಿಷಯದ ಬಗ್ಗೆ ಭಿನ್ನಾಭಿಪ್ರಾಯ ಏರ್ಪಟ್ಟು ಯಾವ ನಿರ್ಧಾರವೂ ತೆಗೆದುಕೊಳ್ಳಲಾಗದೆ ಹೋಗಬಹುದು. ಕ್ರಯ ವಿಕ್ರಯದಿಂದ ನಷ್ಟ. ಪಾರ್ವತಿ ಅಷ್ಟೋತ್ತರ ಪಠಿಸಿ.
undefined
ಮಿಥುನ(Gemini): ಮನಸ್ಸು ಚಂಚಲವಾಗಿರುವುದು. ಅನಗತ್ಯ ಆತಂಕಗಳು ಕಾಡುವುವು. ವಿರೋಧಿಗಳ ಉಪದ್ರವ ಹೆಚ್ಚಬಹುದು. ಈ ಬಾರಿಯೂ ಪ್ರತಿಕ್ರಿಯಿಸದೆ ಉಳಿದರೆ ಮತ್ತಷ್ಟು ರಗಳೆಯಾದೀತು. ಪ್ರಬಲರ ಸಹಾಯ ಪಡೆದು ವಿರೋಧಿಗಳ ಮೇಲೆ ಕ್ರಮ ಕೈಗೊಳ್ಳಿ. ಆಂಜನೇಯ ಸ್ಮರಣೆ ಮಾಡಿ.
ಕಟಕ(Cancer): ಆರಂಭಿಸಿದ ಕೆಲಸ ಕಾರ್ಯಗಳು ಅರ್ಧಕ್ಕೇ ನಿಲ್ಲಬಹುದು. ನೋವಿನ ವಿಷಯ ಕೇಳಬೇಕಾಗಿ ಬರಬಹುದು. ನೆಂಟರಿಷ್ಟರ ಸಹಾಯಕ್ಕೆ ಮುನ್ನುಗ್ಗಿ. ದೃಢ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಅಂಜಿಕೆ ಬೇಡ. ಲೇವಾದೇವಿ ವ್ಯವಹಾರಗಳಲ್ಲಿ ನಷ್ಟ. ಲಲಿತಾ ಸಹಸ್ರನಾಮ ಹೇಳಿ.
ಸಿಂಹ(Leo): ಕಿರಿಯರಿಂದ ಗೌರವ ಪ್ರಾಪ್ತಿ. ನಿಮ್ಮ ಶ್ರಮಕ್ಕೆ ತಕ್ಕ ಪ್ರತಿಫಲ ದೊರೆಯಲಿದೆ. ಪ್ರೀತಿ ಪಾತ್ರರು ಮನೆಗೆ ಬರುವುದರಿಂದ ಸಂತಸ ಹೆಚ್ಚುವುದು. ಉತ್ತಮ ಭೋಜನದಿಂದ ಸಂತೋಷ. ಉದ್ಯೋಗದಲ್ಲಿ ಸಮಾಧಾನ ಇರಲಿದೆ. ಬಹು ದಿನಗಳಿಂದ ಕಷ್ಟವೆನಿಸಿದ್ದ ವಿಷಯವೊಂದು ಕರಗಿ ಹೋಗಲಿದೆ. ಸರಸ್ವತಿ ಅಷ್ಟೋತ್ತರ ಪಠಿಸಿ.
ಕನ್ಯಾ(Virgo): ಹಬ್ಬದ ತಯಾರಿ ಕೆಲಸಗಳಿಂದ ಸ್ತ್ರೀಯರಿಗೆ ಹುರುಪು ದೊರೆಯಲಿದೆ. ಷೇರು ವ್ಯವಹಾರದಲ್ಲಿ ಲಾಭ. ವಾಹನಗಳಿಂದ ತೊಂದರೆ ಸಂಭವ. ಹೋರಾಟಗಳಿಗೆ ಗಣ್ಯರ ಸಹಕಾರ. ಅವಿವಾಹಿತರಿಗೆ ಸಂಬಂಧ ಬರಲಿದೆ, ಉದ್ಯೋಗದಲ್ಲಿ ಪ್ರಗತಿ ಇರಲಿದೆ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
ತುಲಾ(Libra): ವ್ಯಾಪಾರ ವಹಿವಾಟಿನಲ್ಲಿ ಲಾಭ. ನಿರೀಕ್ಷೆಯನ್ನೇ ಕೈ ಬಿಟ್ಟಿದ್ದ ದೊಡ್ಡ ಮೊತ್ತದ ಸಾಲ ಹಿಂದಿರುಗಿ ಬರಲಿದೆ. ಸರ್ಕಾರಿ ಕೆಲಸಗಳು ಸುಸೂತ್ರವಾಗಿ ಜರುಗಿ ಮನಸ್ಸಿಗೆ ನೆಮ್ಮದಿ. ಉದ್ಯೋಗದಲ್ಲಿ ಹಿರಿಯರಿಂದ ಪ್ರಶಂಸೆ, ಧನಲಾಭ ಇರಲಿದೆ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ ಸಿದ್ಧಿಸಲಿದೆ. ಮಹಾಲಕ್ಷ್ಮೀ ಅಷ್ಟೋತ್ತರ ಹೇಳಿ.
Donate And Get: ಸಂಕ್ರಾಂತಿ ದಿನ ಇವನ್ನು ದಾನ ಮಾಡಿದ್ರೆ ವರ್ಷವಿಡೀ ದುಡ್ಡಿಗೆ ಎಂದೂ ಬರವಿರೋಲ್ಲ!
ವೃಶ್ಚಿಕ(Scorpio): ಉದ್ಯೋಗರಂಗದಲ್ಲಿ ಕೆಲಸವು ಸಿಕ್ಕಾಪಟ್ಟೆ ಹೆಚ್ಚಿ ಆಯಾಸ ಎನಿಸುವುದು. ಕೆಲಸ ಬಿಡುವ ಯೋಚನೆಯೂ ಬರಲಿದೆ. ಸಂಗಾತಿಯೊಂದಿಗೆ ಕಳೆಯಲು ಸಮಯ ಸಿಗದೆ ನಿರಾಶೆ. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಕಾಣಿಸಬಹುದು. ತಾಯಿಯ ಆರೋಗ್ಯದ ಕುರಿತು ಚಿಂತಿತರಾಗುವಿರಿ. ಧನ್ವಂತರಿ ಶ್ಲೋಕ ಹೇಳಿಕೊಳ್ಳಿ.
ಧನುಸ್ಸು(Sagittarius): ಗೃಹ ನವೀಕರಣ ಕಾರ್ಯಗಳು ನಡೆಯಲಿವೆ. ಸಾಲ ಮಾಡಬೇಕಾದ ಸನ್ನಿವೇಶ ಎದುರಾಗಬಹುದು. ಮನಸ್ಸು ಚಂಚಲವಾಗಿರಲಿದೆ. ಕಾರ್ಯಗಳು ಮಂದಗತಿಯಲ್ಲಿ ಸಾಗಲಿವೆ. ಉದ್ಯೋಗದಲ್ಲಿ ಎಡವಟ್ಟುಗಳಾಗಬಹುದು. ಒಪ್ಪಂದ ವ್ಯವಹಾರಗಳನ್ನು ಮುಂದೂಡಬೇಕಾಗಬಹುದು. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಮಕರ(Capricorn): ನಿರುದ್ಯೋಗಿಗಳಿಗೆ ತಾತ್ಕಾಲಿಕವಾಗಿ ಹಣದ ಕೊರತೆ ನೀಗಿಸುವ ಅವಕಾಶ ಸಿಗಲಿದೆ. ರಾಜಕೀಯ, ಶೈಕ್ಷಣಿಕ ರಂಗದಲ್ಲಿ ಅವ್ಯವಹಾರಗಳು ಬೆಳಕಿಗೆ ಬಂದು ಅವಮಾನ ಎದುರಿಸಬೇಕಾಗಬಹುದು. ಸಂಗಾತಿಯೊಂದಿಗೆ ಜಗಳವಾಗಬಹುದು. ಹಸುವಿಗೆ ಗ್ರಾಸ ನೀಡಿ.
Past Life: ಹಿಂದಿನ ಜನ್ಮದಲ್ಲಿ ನೀವೇನಾಗಿದ್ದಿರಿ ಅಂತ ತಿಳ್ಕೋಬೇಕಾ?
ಕುಂಭ(Aquarius): ಯೋಜಿತ ಕಾರ್ಯಗಳು ಕಾರ್ಯ ರೂಪಕ್ಕೆ ಬರಲಿವೆ. ಆರ್ಥಿಕ ವ್ಯಯದಿಂದ ಅಭಿಮಾನ ಭಂಗವಾಗುವುದು. ಕ್ರೀಡಾಳುಗಳಿಗೆ ಸಂತಸ. ಕೌಟುಂಬಿಕವಾಗಿ ಉತ್ತಮ ಸಹಕಾರ ಮುಂದುವರಿಯಲಿದೆ. ಅಸೂಯೆಗೆ ಅಸಡ್ಡೆಯೇ ಮದ್ದು. ರಾಮನಾಮ ಸ್ಮರಣೆ ಮಾಡಿ.
ಮೀನ(Pisces): ಅಸೂಯಾಪರರಿಂದ ಉದ್ಯೋಗದಲ್ಲಿ ಕಿರಿಕಿರಿ. ಸ್ತ್ರೀಯರ ವಿಷಯದಲ್ಲಿ ನಿಮ್ಮ ಅವ್ಯವಹಾರವಿದ್ದರೆ ವಿಷಯ ಹೊರ ಬಂದೀತು. ವ್ಯಾಪಾರ ವ್ಯವಹಾರದಲ್ಲಿ ಲಾಭವಿದ್ದರೂ ಖರ್ಚೂ ಹೆಚ್ಚಲಿದೆ. ಮಕ್ಕಳಲ್ಲಿ ಅನಾರೋಗ್ಯ ಆತಂಕ ತರಬಹುದು. ಹಕ್ಕಿಗಳಿಗೆ ಕಾಳು ನೀಡಿ.