Daily Horoscope: ಆನ್ಲೈನ್ ವಂಚನೆಗೆ ಸಿಂಹ ಕಂಗಾಲು, ಇಷ್ಟವಿಲ್ಲದ ಪ್ರೀತಿ ಧನುವಿಗೆ ದುಂಬಾಲು
ಸಾರಾಂಶ
9 ಫೆಬ್ರವರಿ 2022, ಬುಧವಾರದ ಭವಿಷ್ಯ ಹೇಗಿದೆ? ಯಾವ ರಾಶಿಗೆ ಶುಭ ಫಲವಿದೆ? ಕನ್ಯಾ ರಾಶಿಗೆ ಆಕರ್ಷಣೆಯ ಗುಂಗು, ನಿಮ್ಮ ರಾಶಿ ಫಲ ಏನಿದೆ ನೋಡಿ..
ಮೇಷ(Aries): ಕಚೇರಿಯ ಕೆಲಸಗಳ ಹೊರೆಯಲ್ಲಿ ಮನೆಯ ಕೆಲಸಗಳು ಗುಡ್ಡೆ ಬಿದ್ದು ತಲೆನೋವು ತರುತ್ತವೆ. ಸಂಗಾತಿಯ ಸಹಕಾರ ಸಿಗದೆ ಜಗಳವಾಗಬಹುದು. ಸಾಕುಪ್ರಾಣಿಯಿಂದ ನೆರೆಹೊರೆಯವರಲ್ಲಿ ಜಗಳವಾಡುವಂತಾಗಬಹುದು. ಗಣಪತಿ ದೇವಾಲಯಕ್ಕೆ ಭೇಟಿ ನೀಡಿ.
ವೃಷಭ(Taurus): ಸಹೋದರರ ಸಹಕಾರದಿಂದ ನಿರುದ್ಯೋಗಿಗಳಿಗೆ ಅವಕಾಶ ಎದುರಾಗುವುದು. ತಂದೆಯೊಂದಿಗೆ ಮನಸ್ಸು ಬಿಚ್ಚಿ ಮಾತಾಡಿದರೆ ನಿಮ್ಮ ಕ್ಲೇಶ ಕಳೆಯುವುದು. ಸಣ್ಣಪುಟ್ಟ ಉದ್ಯಮಿಗಳಿಗೆ ಲಾಭವಿರಲಿದೆ. ಉದ್ಯೋಗಸ್ಥರಿಗೆ ಹಿರಿಯ ಅಧಿಕಾರಿಗಳ ಕಡೆಯಿಂದ ಆಪಾದನೆ ಕೇಳಿ ಬರುವುದು. ಮನೆ ದೇವರ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಆಸ್ತಿ, ಸ್ವತ್ತು ವಿಷಯದಲ್ಲಿ ತಗಾದೆಗಳು ಹೆಚ್ಚಬಹುದು. ಸರಕಾರಿ ಅಧಿಕಾರಿಗಳ ಕಿರುಕುಳಕ್ಕೆ ಸುಸ್ತಾಗುವಿರಿ. ತಲೆನೋವು, ಮೈ ಕೈ ನೋವಿನಂಥ ಸಮಸ್ಯೆಗಳು ಬಳಲಿಸಬಹುದು. ಮಕ್ಕಳ ಕಡೆಯಿಂದ ಕೊಂಚ ನೆಮ್ಮದಿ ಸಿಗಲಿದೆ. ವಿಘ್ನ ನಿವಾರಕನಿಗೆ ದೂರ್ವೆ ಸಲ್ಲಿಸಿ.
Monthly Love Horoscope: ಈ ಪ್ರೀತಿಯ ತಿಂಗಳು ಯಾರಿಗುಂಟು ಯಾರಿಗಿಲ್ಲ ಪ್ರೇಮ?
ಕಟಕ(Cancer): ನೆಂಟರಿಷ್ಟರ ಕಡೆಯಿಂದ ಅವಿವಾಹಿತರಿಗೆ ಸಂಬಂಧ ಕೂಡಿ ಬರುವುದು. ಹೂವು, ಹಣ್ಣು, ಉಡುಗೊರೆ, ವಸ್ತ್ರ ವ್ಯಾಪಾರಿಗಳಿಗೆ ಲಾಭ. ಸ್ವತ್ತು ತಗಾದೆಯಲ್ಲಿ ನಿಮ್ಮ ಪರವಾಗಿರುವ ತೀರ್ಪು. ಮನೆಯ ಹಬ್ಬದ ಸಂಭ್ರಮ ಮನಸ್ಸನ್ನೂ ತುಂಬಲಿದೆ. ಕುಲದೇವರ ಸ್ಮರಣೆ ಮಾಡಿ.
ಸಿಂಹ(Leo): ಆನ್ಲೈನ್ ವ್ಯವಹಾರದಲ್ಲಿ ವಂಚನೆಗೊಳಗಾಗುವ ಸಾಧ್ಯತೆ. ತಾಂತ್ರಿಕ ಅಡಚಣೆಗಳು ಹೆಚ್ಚಿ ಕೆಲಸಕ್ಕೆ ತೊಂದರೆ ಉಂಟಾಗಬಹುದು. ಸಾಂಸಾರಿಕವಾಗಿ ಕಿರಿಕಿರಿ ಎನಿಸಿದರೂ ಹೊಂದಿಕೊಂಡು ಹೋಗುವ ನಡೆಯೇ ಉತ್ತಮ. ಸ್ನೇಹಿತಕ ಸಹಕಾರ ಸಿಗಲಿದೆ. ಗಣಪತಿಗೆ ಕಾಯಿ ಕಡಲೆ ಅರ್ಪಿಸಿ.
ಕನ್ಯಾ(Virgo): ಹೊಸ ವ್ಯಕ್ತಿಯೆಡೆ ಆಕರ್ಷಣೆ ಹೆಚ್ಚಲಿದೆ. ಈ ಯೋಚನೆಯಲ್ಲೇ ದಿನ ಕಳೆಯುವಿರಿ. ಉದ್ಯೋಗ ವಲಯದಲ್ಲಿ ಏರುಪೇರಿಲ್ಲ. ಸ್ವ ಉದ್ಯಮ ನಡೆಸುತ್ತಿರುವವರಿಗೆ ಇಂದಿನ ಒಂದು ಕರೆಯಿಂದ ಅದೃಷ್ಟವೇ ಬದಲಾಗಬಹುದು. ಯಾರಿಗೂ ಸಾಲ ನೀಡಬೇಡಿ. ಸೂರ್ಯ ನಮಸ್ಕಾರ ಮಾಡಿ ದಿನ ಆರಂಭಿಸಿ.
ತುಲಾ(Libra): ಬ್ಯಾಂಕ್ ಕೆಲಸಗಳನ್ನು ವಿಳಂಬ ಮಾಡುವುದರಿಂದ ನಷ್ಟ. ಹೂಡಿಕೆ ವಿಷಯದಲ್ಲಿ ಗೊಂದಲಕ್ಕೊಳಗಾಗುವಿರಿ. ಸಣ್ಣಪುಟ್ಟ ಆರೋಗ್ಯ ಕಿರಿಕಿರಿಗಳು ಬಾಧಿಸುವುವು. ನಿಮ್ಮನ್ನು ಪ್ರೀತಿಸುವವರು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಬಹುದು. ಗೋವಿಗೆ ಹಸಿರು ಹುಲ್ಲು ತಿನ್ನಿಸಿ.
Best Dads: ಅಪ್ಪ ಅಂದ್ರೆ ಹೀಗಿರಬೇಕು ಅನ್ನಿಸಿಕೊಳ್ಳೋ ರಾಶಿಯವರಿವರು!
ವೃಶ್ಚಿಕ(Scorpio): ಮನೆಯ ಸೌಕರ್ಯಗಳಿಗಾಗಿ ಖರ್ಚು ಹೆಚ್ಚುವುದು. ಮನೆಯ ಕೆಲ ಸಲಕರಣೆಗಳು ರಿಪೇರಿಗೆ ಬರಬಹುದು. ವಿರೋಧಿಗಳ ಕುಚೋದ್ಯದಿಂದ ನ್ಯಾಯಾಲಯಕ್ಕೆ ಎಡ ತಾಕುವಂತಾಗಬಹುದು. ಆತ್ಮವಿಶ್ವಾಸ ಕೊಂಚ ಕುಗ್ಗುವುದು. ಇರುವೆಗಳಿಗೆ ಸಿಹಿ ನೀಡಿ.
ಧನುಸ್ಸು(Sagittarius): ಇಷ್ಟವಿಲ್ಲದ ಪ್ರೀತಿ ಒತ್ತಾಯದಿಂದ ಮಾನಸಿಕ ಹಿಂಸೆ. ನೀವು ಬಹುವಾಗಿ ನಂಬಿದ ವ್ಯಕ್ತಿ ಬೆನ್ನಿಗೆ ಇರಿಯಬಹುದು. ಅಧಾರ್ಮಿಕ ನಡೆಯಿಂದ ಪಶ್ಚಾತ್ತಾಪ ಪಡುವಂತಾಗಬಹುದು. ಕೆಲ ದುಡುಕಿನ ಕೆಲಸಗಳಿಂದ ಮನಸ್ಸಿನ ನೆಮ್ಮದಿ ಕಳೆದುಕೊಳ್ಳಲಿರುವಿರಿ. ಅಶ್ವತ್ತ ಕಟ್ಟೆಗೆ ದೀಪ ಹಚ್ಚಿ.
ಮಕರ(Capricorn): ಪಲಾಯನವಾದದಿಂದ ಸಮಸ್ಯೆಗಳು ಹೆಚ್ಚುತ್ತವೆಯೇ ಹೊರತು ಕಡಿಮೆಯಾಗುವುದಿಲ್ಲ. ಸಮಸ್ಯೆಗಳನ್ನು ನೇರಾನೇರ ಎದುರಿಸಿ. ಮನೆಯಲ್ಲಿ ಪತ್ನಿ, ಮಕ್ಕಳಿಂದ ಬುದ್ಧಿ ಮಾತು ಕೇಳಬೇಕಾಗಿ ಬರುವುದು. ವಿಷ್ಣು ಸಹಸ್ರನಾಮ ಹೇಳಿ.
ಪರ್ವತದ ಮೇಲಿಂದ ಬಿದ್ದು ಸಾವನ್ನಪ್ಪಿದಳೇ ದ್ರೌಪದಿ? ಪಾಂಚಾಲಿಯ ಕುರಿತ Amazing Facts
ಕುಂಭ(Aquarius): ಇನ್ನೂ ನಿಮ್ಮ ಭಾವನೆಗಳನ್ನು ಗುಟ್ಟಾಗಿ ಇಟ್ಟುಕೊಳ್ಳುವುದರಿಂದ ಪ್ರಯೋಜನವಿಲ್ಲ. ಬಾಯಿ ಬಿಟ್ಟು ಹೇಳದೆ ಯಾವೊಂದೂ ಮುಂದುವರಿಯುವುದಿಲ್ಲ. ಉದ್ಯೋಗ ರಂಗದಲ್ಲಿ ಪ್ರಗತಿ ಇರಲಿದೆ. ಷೇರು ವ್ಯವಹಾರಗಳಲ್ಲಿ ಲಾಭ ಹೆಚ್ಚಲಿದೆ. ಕೃಷ್ಣನಿಗೆ ತುಳಸಿ ಅರ್ಪಿಸಿ.
ಮೀನ(Pisces): ಸಣ್ಣ ಜಗಳವೊಂದಕ್ಕೆ ಅತಿಯಾಗಿ ಪ್ರತಿಕ್ರಿಯಿಸಿ ಮನಸ್ಸು ಕೆಡಿಸಿಕೊಳ್ಳುವಿರಿ. ವಿದ್ಯಾರ್ಥಿಗಳು ಗೆಳೆಯರೊಡನೆ ಜಗಳವಾಡುತ್ತಾರೆ. ಪರಿಚಿತರಿಂದ ಶುಭ ಸುದ್ದಿಯೊಂದು ನಿಮ್ಮನ್ನರಸಿ ಬರಲಿದೆ. ವಿಲಾಸಿ ಜೀವನಕ್ಕಾಗ ಧನವ್ಯಯ. ಬಡಬಗ್ಗರಿಗೆ ದಾನ ಮಾಡಿ.