7 ಫೆಬ್ರವರಿ 2022, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕೈ ತಪ್ಪಿ ಹೋದ ಯೋಜನೆ ಮರಳಿದ ಸಂತಸದಲ್ಲಿ ಮೇಷ
ಮೇಷ(Aries): ಕೈ ತಪ್ಪಿ ಹೋಯಿತೆಂದು ಬೇಸರ ತಂದಿದ್ದ ಯೋಜನೆಯೊಂದು ಮರಳಿ ನಿಮ್ಮ ಕೈಗೆ ಬರುವುದು. ವಿವಾಹಾಕಾಂಕ್ಷಿಗಳಿಗೆ ನಿರಾಸೆ. ತಿರುಗಾಟದಿಂದ ದೇಹಾಲಸ್ಯ ಹೆಚ್ಚುವುದು. ಸಾಂಸಾರಿಕವಾಗಿ ಮೌನ ಮುನಿಸುಗಳು ಇರುವುವು. ಶಿವ ಪಾರ್ವತಿಯ ಧ್ಯಾನ ಮಾಡಿ.
ವೃಷಭ(Taurus): ಅನಿರೀಕ್ಷಿತವಾಗಿ ತಿರುಗಾಟ ಸಾಧ್ಯತೆ ಏಳಬಹುದು. ಮೂತ್ರಪಿಂಡ ಸಮಸ್ಯೆ ಎದುರಾಗಬಹುದು. ಕೂಡಲೇ ವೈದ್ಯರಲ್ಲಿ ತಪಾಸಣೆ ಮಾಡಿಸಿ. ಆರ್ಥಿಕ ಖರ್ಚುವೆಚ್ಚಗಳು ಹೆಚ್ಚಲಿವೆ. ಸಹೋದರಿಯ ಸಹಕಾರದಿಂದ ಕಾರ್ಯ ಸಾಧನೆ, ರುದ್ರಾಭಿಷೇಕ ಮಾಡಿಸಿ.
ಮಿಥುನ(Gemini): ಪೋಷಕರೊಂದಿಗಿನವ ಭಿನ್ನಾಭಿಪ್ರಾಯ ಹೆಚ್ಚಬಹುದು. ತಂದೆಯ ಚಟಗಳು, ನಡುವಳಿಕೆ ಅವಮಾನಕಾರಿ ಎನಿಸುವುದು. ಉದ್ಯೋಗದಲ್ಲಿ ಪ್ರಗತಿ ಇರುವುದಾದರೂ ಹೊಸ ಕಲಿಕೆಯಲ್ಲಿ ತೊಡಗಿಸಿಕೊಳ್ಳುವ ಅಗತ್ಯವಿದೆ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ಕಟಕ(Cancer): ವ್ಯಾಪಾರದಲ್ಲಿ ಲಾಭ ಹೆಚ್ಚಿರಲಿದೆ. ವಿದ್ಯಾರ್ಥಿಗಳಿಗೆ ಏಕಾಗ್ರತೆ. ಅವಿವಾಹಿತರಿಗೆ ಕಂಕಣಬಲವಿದೆ. ಜೀವನ ಸಂಗಾತಿಯ ಜೊತೆಗೆ ಆನಂದಮಯ ಕ್ಷಣಗಳನ್ನು ಕಳೆಯುವಿರಿ. ಪ್ರಯಾಣ ಯೋಗವಿದೆ. ಲಕ್ಷ್ಮೀ ವೆಂಕಟೇಶ್ವರ ಪ್ರಾರ್ಥನೆ ಮಾಡಿ.
ಸಿಂಹ(Leo): ಕ್ರೀಡಾ ಚಟುವಟಿಕೆ ಇಡೀ ದಿನ ಮನಸ್ಸಿಗೆ ಚೈತನ್ಯ ನೀಡುವುದು. ಕಚೇರಿಯ ಕಾರ್ಯ ವಿಪರೀತವಿದ್ದರೂ, ನೀವದನ್ನು ಚೆನ್ನಾಗಿ ನಿಭಾಯಿಸಬಲ್ಲಿರಿ. ವ್ಯಾಪಾರಿಗಳಿಗೆ ಕೊಂಚ ನಿರಾಶೆ. ಆರೋಗ್ಯ ಚೆನ್ನಾಗಿರಲಿದೆ. ಹೂಡಿಕೆ ಫಲ ಕೊಡುವುದು. ಈಶ್ವರನಿಗೆ ಬಿಲ್ವಾರ್ಚನೆ ಮಾಡಿಸಿ.
Weekly Horoscope: ಮೇಷಕ್ಕೆ ಅಭಿವೃದ್ಧಿಯ ವಾರ, ಮಿಥುನಕ್ಕೆ ಚಿಂತೆಗಳ ಭಾರ
ಕನ್ಯಾ(Virgo): ಏಕಾಂಗಿತನ ಬಾಧಿಸುವುದು. ಎಲ್ಲ ಇದ್ದೂ ಒಂಟಿ ಎನಿಸುವುದು. ಹಿಂದೆ ಮಾಡಿದ ತಪ್ಪುಗಳು ಇಂದು ದೊಡ್ಡದಾಗಿ ಬಾಧಿಸಬಹುದು. ವಾತಾವರಣ ಸಂಬಂಧಿ ಕಾಯಿಲೆಗಳು ಕಂಡು ಬಂದಾವು. ನಿರುದ್ಯೋಗಿಗಳಿಗೆ ಅವಕಾಶ ಬರಬಹುದು. ಗಣೇಶ ಪ್ರಾರ್ಥನೆ ಮಾಡಿ.
ತುಲಾ(Libra): ಉದ್ಯೋಗದಲ್ಲಿ ಒತ್ತಡದ ದಿನ. ಸಂಗಾತಿಯ ಅನಾರೋಗ್ಯ ಕಾರಣಕ್ಕೆ ಪ್ರಯಾಣ ಮಾಡಬೇಕಾಗಬಹುದು. ವಿದ್ಯಾರ್ಥಿಗಳಿಗೆ ಜವಾಬ್ದಾರಿಗಳು ಹೆಚ್ಚಿ ಒತ್ತಡವೆನಿಸಬಹುದು. ಹೊರಾಂಗಣ ಆಟಗಳಲ್ಲಿ ತೊಡಗಿರಿ. ನವಗ್ರಹ ಪ್ರಾರ್ಥನೆ ಮಾಡಿ.
ವೃಶ್ಚಿಕ(Scorpio): ಪ್ರತಿಭಾನ್ವಿತರಿಗೆ ಅವಕಾಶಗಳು ಹೆಚ್ಚಲಿವೆ. ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಲಿರುವಿರಿ. ಹೆಚ್ಚಲಿರುವ ಆತ್ಮವಿಶ್ವಾಸದಿಂದ ಪ್ರಗತಿ ಕಾಣುವಿರಿ. ಉದ್ಯೋಗದಲ್ಲಿ ಸಹೋದ್ಯೋಗಿಗಳ ಪ್ರಶಂಸೆ. ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ಅಗತ್ಯ. ಪ್ರವಾಸದಿಂದ ಹೆಚ್ಚುವ ಚೈತನ್ಯ. ಗಣಪತಿಗೆ ಕಡಲೆ ಬೆಲ್ಲ ಅರ್ಪಿಸಿ.
Bedroom Vastu : ಹಾಸಿಗೆಯಲ್ಲಿ ಕುಳಿತು ತಿನ್ನುತ್ತೀರಾ? ಇದರಿಂದಲೇ ಹಣ ಕೈಲಿ ನಿಲ್ಲುತ್ತಿಲ್ಲ!
ಧನುಸ್ಸು(Sagittarius): ಆಪ್ತರೆನಿಸಿಕೊಂಡವರು ಕಡೆಗಣನೆ ಮಾಡುವುದರಿಂದ ಬೇಸರವಾಗುವುದು. ಬಹು ಕಾಲದ ಕನಸೊಂದು ಸುಲಭವಾಗಿ ಈಡೇರುವುದು. ವಿಮಾನ ಯಾನ ಸಾಧ್ಯತೆ. ವಿದ್ಯಾರ್ಥಿಗಳ ಪ್ರತಿಭೆ ಅನಾವರಣವಾಗುವುದು. ರೈತರಿಗೆ ಲಾಭವಿರಲಿದೆ. ಶಿವ ಶಕ್ತಿಯ ಪ್ರಾರ್ಥನೆ ಮಾಡಿ.
ಮಕರ(Capricorn): ಸುಮ್ಮನೆ ಕನಸು ಕಾಣುತ್ತಾ ಕಾಲಹರಣ ಮಾಡುವಿರಿ. ಪ್ರಭಾವ ಹಾಗೂ ಸಹಕಾರದಿಂದ ವೃತ್ತಿರಂಗದಲ್ಲಿ ಮುನ್ನಡೆ. ವಿದ್ಯಾರ್ಥಿಗಳು ಸ್ನೇಹಿತರೊಂದಿಗೆ ಹರಟೆಯಲ್ಲಿ ತೊಡಗಿ ಓದು ಹಿಂದುಳಿಯಬಹುದು. ಸ್ತ್ರೀಯರು ನೀರಿನ ವಿಚಾರದಲ್ಲಿ ಎಚ್ಚರಿಕೆ ವಹಿಸಬೇಕು. ಶಿ ಶತನಾಮಾವಳಿ ಹೇಳಿ.
ಕುಂಭ(Aquarius): ನೂತನ ಗೃಹ ನಿರ್ಮಾಣಕ್ಕೆ, ವಾಹನ ಖರೀದಿಗೆ ಸಕಾಲ. ನಿತ್ಯದ ಕೆಲಸದಲ್ಲಿ ತುಸು ಶ್ರಮ ಎನಿಸಲಿದೆ. ಕೌಟುಂಬಿಕವಾಗಿ ಕಿರಿ ಕಿರಿಗಳು ತಪ್ಪಲಾರವು. ಹೆತ್ತವರ ಅನಾರೋಗ್ಯದಿಂದ ಮನಸ್ಸಿನ ನೆಮ್ಮದಿ ಕೆಡಲಿದೆ. ಕೇವಲ ಒಳ್ಳೆಯ ವಿಷಯ ಗ್ರಹಿಸಲು ಪ್ರಯತ್ನಿಸಿ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಮೀನ(Pisces): ಹತ್ತಿರದ ಸಂಬಂಧಿಗಳ ಆಗಮನ ಎಷ್ಟು ಸಂತೋಷ ತರುವುದೋ, ಅಷ್ಟೇ ಕೆಲಸಗಳು ಹೆಚ್ಚಿ ದಣಿವಾಗುವುದು. ಬಿಡುವಿಲ್ಲದ ಕೆಲಸ. ನಿಮ್ಮ ಬಗ್ಗೆಯೇ ಹೇಳಿಕೊಳ್ಳುವುದು ಬಿಟ್ಟು ಇತರರ ಬದುಕಿನ ಬಗ್ಗೆಯೂ ವಿಚಾರಿಸಿ. ಸ್ವಂತ ಉದ್ಯಮ ಪ್ರಗತಿ ಕಾಣಲಿದೆ. ಸುಬ್ರಹ್ಮಣ್ಯ ಸ್ಮರಣೆ ಮಾಡಿ.