19 ಫೆಬ್ರವರಿ 2022, ಶನಿವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕಟಕಕ್ಕೆ ಕೈ ಹಿಡಿಯದ ಅದೃಷ್ಟ, ತುಲಾ ರಾಶಿಗೆ ಹಣಕಾಸಿನ ತೊಡಕು
ಮೇಷ(Aries): ಶತ್ರುಗಳು ನಿಮ್ಮ ಮುಂದೆ ಸೋತು ಹೋಗ್ತಾರೆ. ನಿಮಗಾಗುವ ತೊಂದರೆಗಳು ದೂರಾಗಬಹುದು. ಸಂಗಾತಿಯ ಆರೋಗ್ಯದಲ್ಲಿ ಏರುಪೇರು ಉಂಟಾಗಿ ಕೊಂಚ ಆತಂಕವಾಗಬಹುದು. ದೂರ ಪ್ರಯಾಣಗಳ ಸಿದ್ಧತೆಯಲ್ಲಿ ತೊಡಗುವಿರಿ. ಸ್ನೇಹಿತರ ಭೇಟಿಯಿಂದ ಸಂತಸ. ಆಂಜನೇಯ ಸ್ಮರಣೆ ಮಾಡಿ.
ವೃಷಭ(Taurus): ನಿಮ್ಮ ಪ್ರವಾಸ ಯೋಜನೆಗಳಿಗೆ ಅನಾರೋಗ್ಯ ಅಡ್ಡಿಯಾಗಬಹುದು. ಇದರಿಂದ ಧನನಷ್ಟ ಆಗಬಹುದು. ಮಕ್ಕಳ ವಿಷಯದಲ್ಲಿ ಅತಿಯಾದ ಸಡಿಲಿಕೆ ಒಳ್ಳೆಯದಲ್ಲ. ಸಂಗಾತಿಯ ಜೊತೆ ವಾಗ್ವಾದಗಳು ಮನಸ್ಸಿಗೆ ಕಸಿವಿಸಿ ಉಂಟು ಮಾಡಲಿವೆ. ಪ್ರೇಮಿಗಳಿಗೆ ವಿರಸದ ದಿನ. ಶನಿ ಮಂತ್ರ ಹೇಳಿಕೊಳ್ಳಿ.
ಮಿಥುನ(Gemini): ದೈಹಿಕ, ಮಾನಸಿಕ ದೃಢತೆ ಹೆಚ್ಚುವುದು. ಆತ್ಮಬಲದಿಂದ ಮಾಡಿದ ಕೆಲಸಗಳೆಲ್ಲ ಸಕ್ಸಸ್ ಆಗುತ್ತವೆ. ಸಮಾಧಾನ ಇರುತ್ತದೆ. ರಿಯಲ್ ಎಸ್ಟೇಟ್‌ನಲ್ಲಿರುವವರಿಗೆ ಶುಭಫಲವಿದೆ. ಸಂಗಾತಿಯ ಇಲ್ಲವೇ ಹೆತ್ತವರ ಆರೋಗ್ಯದಲ್ಲಿ ಸ್ವಲ್ಪ ತೊಂದರೆಗಳಾಗುವ ಸಾಧ್ಯತೆ ಇದೆ. ಧನ್ವಂತರಿ ಶ್ಲೋಕ ಹೇಳಿಕೊಳ್ಳಿ.
ಕಟಕ(Cancer): ಅದೃಷ್ಟ ಕೈಕೊಡುವ ಕಾರಣ ಮನಸ್ಸಿಗೆ ವೇದನೆ. ಆದರೆ ದೈವದ ಬಗ್ಗೆ ನಂಬಿಕೆ ಹೆಚ್ಚಬಹುದು. ನಿಮ್ಮ ಒಡಹುಟ್ಟಿದವರೊಂದಿಗೆ ಕೆಲವು ಭಿನ್ನಾಭಿಪ್ರಾಯಗಳು ಏಳಬಹುದು. ಸಹವಾಸ ದೋಷಗಳಿಂದ ನಷ್ಟ ಹೆಚ್ಚಬಹುದು. ತಾಯಿಯ ಮನಸ್ಸಿಗೆ ನೋವುಂಟು ಮಾಡುವಿರಿ. ನವಗ್ರಹ ಪ್ರಾರ್ಥನೆ ಮಾಡಿ.
ಸಿಂಹ(Leo): ಹಿಂದೆ ಕೈಬಿಟ್ಟ ಕೆಲಸಗಳನ್ನು ಪುನರಾರಂಭ ಮಾಡುತ್ತೀರಿ. ನಿಮ್ಮ ಸಂಗಾತಿಯಿಂದಲೂ ನೀವು ಸಂಪೂರ್ಣ ಬೆಂಬಲವನ್ನು ಪಡೆಯುತ್ತೀರಿ. ಸಂಗಾತಿಯ ಜೊತೆ ಸರಸ ಹೆಚ್ಚಲಿದೆ. ದೂರ ಫ್ರಯಾಣ ಯೋಗವಿದೆ. ಹೊಸ ಅನುಭವಗಳಿಂದ ಉತ್ಸಾಹ ಹೆಚ್ಚಲಿದೆ. ಕರಿ ಎಳ್ಳನ್ನು ದಾನ ಮಾಡಿ.
ಕನ್ಯಾ(Virgo): ಆತುರ, ಕೋಪ, ಎದುರಿರುವವರಲ್ಲಿ ಯುದ್ಧ ಮಾಡುವವರಂತೆ ಮಾತನಾಡಿ ಸ್ನೇಹಿತರನ್ನು ಕಳೆದುಕೊಳ್ಳುವಿರಿ. ಪೂರ್ವ ತಯಾರಿಯಿಲ್ಲದೇ ಏನನ್ನಾದರೂ ಮಾಡಲು ಮುನ್ನುಗ್ಗಬೇಡಿ. ಇದರಿಂದ ಮುಖಭಂಗ ಉಂಟಾಗಬಹುದು. ಆಂಜನೇಯ ದೇವಾಲಯಕ್ಕೆ ಭೇಟಿ ನೀಡಿ.
ತುಲಾ(Libra): ಬಹಳ ಕಾಲದಿಂದ ಕಷ್ಟ ಪಡುತ್ತಿದ್ದರೂ, ಫಲವಿಲ್ಲ ಎಂಬ ಕೊರಗು ಕಾಡುವುದು. ಹಣಕಾಸಿನ ವಿಚಾರಗಳಲ್ಲಿ ಇರಿಸು ಮುರಿಸು ಉಂಟಾಗಬಹುದು. ಹೆಚ್ಚುತ್ತಿರುವ ಜವಾಬ್ದಾರಿ, ಹೊಸ ಹೊಸ ಸಮಸ್ಯೆಗಳು ನಿಮ್ಮನ್ನು ಹೈರಾಣಾಗಿಸಬಹುದು. ದೇವರ ಧ್ಯಾನ ಮಾನಸಿಕ ಶಾಂತಿಯನ್ನು ನೀಡುತ್ತದೆ.
ವೃಶ್ಚಿಕ(Scorpio): ಆಸ್ತಿ ತಗೊಳ್ಬೇಕು ಅಂದುಕೊಂಡಿರುವವರು, ಮನೆ ಕಟ್ಟಬೇಕು ಅಂದುಕೊಂಡಿರುವವರು ದೊಡ್ಡ ಮಟ್ಟದ ನಿರ್ಧಾರ ಮಾಡುತ್ತೀರಿ. ಕೆಲಸಗಳಲ್ಲಿ ಯಶಸ್ವಿಯಾಗುವುದಕ್ಕೆ ಬೇಕಾದ ಹಾಗೆ ನಿಮ್ಮ ಕಾರ್ಯಗಳಿರುತ್ತವೆ. ತಿರುಗಾಟಗಳಿಂದ ಸಂತಸ ಹೆಚ್ಚುವುದು. ಕುಲದೇವರ ಸ್ಮರಣೆ ಮಾಡಿ.
Dream Interpretation: ಕನಸಲ್ಲಿ ಹಾವು ಪದೇ ಪದೇ ಬರ್ತಿದ್ಯಾ? ಕಾರಣ ಹೀಗಿರಬಹುದು..
ಧನುಸ್ಸು(Sagittarius): ನೀವು ಮದುವೆಯ ಪ್ರಸ್ತಾಪವನ್ನು ಹುಡುಕುತ್ತಿದ್ದರೆ, ನಿಮಗೆ ಶುಭವಾಗಲಿದೆ. ಕುಟುಂಬದಲ್ಲಿ ಕೆಲವು ಶುಭ ಕಾರ್ಯಗಳು ನಡೆಯಲಿವೆ. ಸ್ನೇಹಿತರ ಭೇಟಿಯಿಂದ ಸಂತಸ. ಪ್ರವಾಸದ ಸಾಧ್ಯತೆಗಳಿವೆ. ಮಕ್ಕಳ ಬೆಳವಣಿಗೆ ಸಂತಸ ತರುವುದು. ತಾಯಿಯ ಆಶೀರ್ವಾದ ಪಡೆಯಿರಿ.
ಮಕರ(Capricorn): ಯಾವುದೇ ನಿರ್ಧಾರ ತೆಗೆದುಕೊಳ್ಳುವಾಗ ಜಾಗರೂಕರಾಗಿರಿ. ಹೊಸದನ್ನು ಮಾಡಲು ಯೋಜಿಸಿದರೆ, ನಿಮ್ಮ ದಾರಿಯಲ್ಲಿ ಅಡೆತಡೆಗಳು ಬರುತ್ತವೆ. ಸಾಲವನ್ನು ತೆಗೆದುಕೊಂಡಿದ್ದರೆ, ಮರುಪಾವತಿ ಮಾಡುವಿರಿ. ಧಾರ್ಮಿಕವಾಗಿ, ಸಾಮಾಜಿಕವಾಗಿ ಹೆಚ್ಚು ತೊಡಗಿಸಿಕೊಳ್ಳುವಿರಿ. ಶನಿ ಸ್ಮರಣೆ ಮಾಡಿ.
ಕುಂಭ(Aquarius): ನಿಮ್ಮ ಕುಟುಂಬದೊಂದಿಗೆ ನೀವು ಪ್ರಯಾಣಿಸುವ ಸಾಧ್ಯತೆಗಳಿವೆ. ವಿಮಾನ ಪ್ರಯಾಣ ಇರಲಿದೆ. ಪೋಷಕರ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ಭೂರಿ ಭೋಜನ ಸೇವಿಸುವ ಸಾಧ್ಯತೆ ಇದೆ. ಹೊಸ ವಸ್ತುಗಳನ್ನು ಕೊಳ್ಳುವಿರಿ. ಸಂಗಾತಿಯೊಂದಿಗೆ ಸಂತೋಷದಲ್ಲಿ ದಿನ ಕಳೆಯುವಿರಿ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.
Feng Shui: ಈ ಸಸ್ಯಗಳು ಮನೆಯೊಳಗಿದ್ದರೆ ದುಃಖ, ದುರದೃಷ್ಟ ಹೊರಗೋಡುತ್ತವೆ!
ಮೀನ(Pisces): ನಿಮ್ಮ ಸಂಗಾತಿಯೊಂದಿಗೆ ಪ್ರಮುಖ ವಿಷಯಗಳನ್ನು ಹಂಚಿಕೊಳ್ಳಿ. ವಿಪರೀತ ತಲೆನೋವು, ಕಾಲುನೋವು ಉಂಟಾಗಬಹುದು. ಮನರಂಜನೆಗಾಗಿ ಹೆಚ್ಚು ಖರ್ಚು ಮಾಡುವಿರಿ. ನಿದ್ರಾಹೀನತೆ ಕಾಡಬಹುದು. ಆಡಿದ ಮಾತಿಗೆ ತಪ್ಪದಿರಿ. ಕುಲದೇವರ ಸ್ಮರಣೆ ಮಾಡಿ.