14 ಫೆಬ್ರವರಿ 2022, ಸೋಮವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ವೃಷಭಕ್ಕೆ ಮಿಶ್ರಫಲ, ಮೇಷಕ್ಕೆ ನಿರಾಸೆ
ಮೇಷ(Aries): ಪ್ರೇಮದ ವಿಚಾರದಲ್ಲಿ ನಿರಾಶೆಯಾಗಬಹುದು. ಆದರೆ ಭರವಸೆ ಕಳೆದುಕೊಳ್ಳಬೇಕಿಲ್ಲ. ಮುಂದಿನ ದಿನಗಳಲ್ಲಿ ಅದೃಷ್ಟ ನಿಮ್ಮದಾಗಬಹುದು. ಆರೋಗ್ಯ ಸಮಸ್ಯೆ ಅಡ್ಡಿಯಾಗಬಹುದು. ಕಚೇರಿಯಲ್ಲಿ ಏಕಾಗ್ರತೆ ನಿಲ್ಲದೆ ತೊಳಲಾಡುವಿರಿ. ಶಿವ ಶತನಾಮಾವಳಿ ಹೇಳಿಕೊಳ್ಳಿ.
ವೃಷಭ(Taurus): ಕಷ್ಟಗಳು ಹೆಚ್ಚುತ್ತಿವೆ ಎನಿಸಬಹುದು. ಆದರೆ, ಎಲ್ಲದಕ್ಕೂ ಒಂದು ಅಂತ್ಯ ಇದ್ದೇ ಇದೆ ಎಂದು ನಂಬಿ ಮುನ್ನಡೆಯಿರಿ. ಪ್ರೇಮ ವಿಚಾರದಲ್ಲಿ ಮಿಶ್ರಫಲವಿದೆ. ನೀವು ಗೊಂದಲಕ್ಕೆ ಬೀಳುವ ಸಂಭವವಿದೆ. ಷೇರು ವ್ಯವಹಾರದಲ್ಲಿ ಲಾಭವಿರಲಿದೆ. ಶಿವ ದೇವಾಲಯಕ್ಕೆ ಭೇಟಿ ನೀಡಿ.
ಮಿಥುನ(Gemini): ನಿಮ್ಮೊಳಗಿನ ಪಶ್ಚಾತ್ತಾಪ ಬಿಡಿ. ಭವಿಷ್ಯವನ್ನು ಯೋಜಿಸಬಹುದೇ ಹೊರತು ನಿರ್ಧರಿಸಲಾಗುವುದಿಲ್ಲ. ಕೆಲವೊಂದನ್ನು ಹೊರಗೆ ಬಿಟ್ಟಾಗ ಮಾತ್ರ ಹೊಸತನ್ನು ಆಸ್ವಾದಿಸಲು ಸಾಧ್ಯ ಎಂಬುದನ್ನು ನೆನಪಿಡಿ. ಯಾರನ್ನೂ ಪೂರ್ತಿ ನಂಬಬೇಡಿ. ಸುಬ್ರಹ್ಮಣ್ಯನಲ್ಲಿ ಪ್ರಾರ್ಥಿಸಿ.
ಕಟಕ(Cancer): ಬದುಕಿನ ಬಹು ದೊಡ್ಡ ನಿರ್ಧಾರ ತೆಗೆದುಕೊಳ್ಳುತ್ತಿದ್ದೀರಿ. ಮತ್ತೊಮ್ಮೆ ಚೆನ್ನಾಗಿ ಯೋಚಿಸಿ ಮುಂದುವರಿಯಿರಿ. ಉದ್ಯೋಗದಲ್ಲಿ ಒತ್ತಡದ ದಿನ. ಹೊಸ ವಸ್ತುಗಳನ್ನು ಕೊಳ್ಳುವಿರಿ. ಕೇಳಿದ್ದು, ನೋಡಿದ್ದು ಎಲ್ಲವೂ ಸುಳ್ಳಾಗಬಹುದೆಂಬ ಪರಿಜ್ಞಾನ ಇರಲಿ. ಕೃಷ್ಣನಿಗೆ ತುಳಸಿ ಸಮರ್ಪಿಸಿ.
ಸಿಂಹ(Leo): ಅವಿವಾಹಿತರಿಗೆ ಕಂಕಣಬಲ ಕೂಡಿ ಬರಲಿದೆ. ಸಂಬಂಧಗಳ ನಡುವೆ ವೈಮನಸ್ಯ ಮೂಡುವ ಸಂದರ್ಭಗಳೆದುರಾಗಬಹುದು. ಆದಷ್ಟು ಜಾಣನಡೆ ತೋರಿಸಿ. ತಾಳ್ಮೆ, ಸೋಲುವ ಗುಣ ಮುಂದೆ ನಿಮ್ಮನ್ನು ಗೆಲ್ಲಿಸುತ್ತದೆ ಎಂದು ನೆನಪಿರಲಿ. ಹತ್ತಿರದ ದೇವಾಲಯಕ್ಕೆ ಭೇಟಿ ನೀಡಿ.
ಕನ್ಯಾ(Virgo): ಪ್ರೀತಿ ವಿಚಾರದಲ್ಲಿ ಇಂದು ನಿರಾಶೆಯಾಗಿ ಕಾಡಿದ್ದು, ಮುಂದೊಂದು ದಿನ ಒಳ್ಳೆಯದೇ ಆಯಿತೆನ್ನಿಸಬಹುದು. ಚಿಂತಿಸುವ ಅಗತ್ಯವಿಲ್ಲ. ಹಿರಿಯರ ಮಾತುಗಳನ್ನು ಆಲಿಸಿ. ಉದ್ಯೋಗರಂಗದಲ್ಲಿ ನಿಮ್ಮ ಹೆಸರಿಗೆ ಮಸಿ ಬಳಿಯಲು ಕೆಲವರು ಪ್ರಯತ್ನಿಸಬಹುದು. ಶಿವನಿಗೆ ಜಲಾಭಿಷೇಕ ಮಾಡಿ.
ತುಲಾ(Libra): ಇಂದು ಮನಸ್ಸು ಹೆಚ್ಚು ತಾಜಾತಾನದಿಂದಲೂ, ಚೈತನ್ಯದಿಂದಲೂ ಕೂಡಿರುವುದು. ಇಷ್ಟದ ವ್ಯಕ್ತಿಗಳೊಂದಿಗೆ ಸಮಯ ಕಳೆಯುವಿರಿ. ಕೆಲಸ, ಓದಿನಲ್ಲಿ ಏಕಾಗ್ರತೆ ನಿಲ್ಲದೆ ಕಷ್ಟವಾದೀತು. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಇರುವುವು. ಶಿವ ಪಾರ್ವತಿಯ ಪೂಜೆ ಮಾಡಿ.
Astro tips : ಈ ನಾಲ್ಕು ರಾಶಿಯವರಿಗೆ ಅದೃಷ್ಟ ತರಲಿದೆ ಚಿನ್ನ!
ವೃಶ್ಚಿಕ(Scorpio): ಕಚೇರಿಯ ಕೆಲಸದ ನಡುವೆ ಪ್ರೀತಿಪಾತ್ರರನ್ನು ಭೇಟಿಯಾಗಲು ಸಾಧ್ಯವಾಗದೆ ಮುನಿಸಿಗೆ ಕಾರಣವಾಗಬಹುದು. ಕೊಟ್ಟ ಮಾತಿಗೆ ತಪ್ಪಿ ಕೆಟ್ಟ ಹೆಸರು ಪಡೆಯಬೇಕಾದೀತು. ಸಮರ್ಥನೆಗೆ ನಿಲ್ಲದೆ ಪ್ರಮಾದ ಒಪ್ಪಿಕೊಳ್ಳುವುದು ಸದ್ಗುಣ. ಮನೆ ದೇವರನ್ನು ಸ್ಮರಿಸಿಕೊಳ್ಳಿ.
ಧನುಸ್ಸು(Sagittarius): ಮನಸ್ಸಿನ ಮಾತು ಹೇಳಲು ಒದ್ದಾಡಿ ಹೋಗುವಿರಿ. ಹೊಗಳಿಕೆ ಮಾತನ್ನು ಕೇಳಿಸಿಕೊಂಡು ಸಂತೋಷ ಹೆಚ್ಚುವುದು. ವಿದ್ಯಾರ್ಥಿಗಳಿಗೆ ಉತ್ಸಾಹದ ದಿನ. ಧೀರ್ಘಕಾಲದ ಕಾಯಿಲೆಗಳಿಂದ ಬಳಲುತ್ತಿರುವವರು ಪಥ್ಯ ತಪ್ಪಿದರೆ ಪರಿಣಾಮ ಎದುರಿಸಬೇಕಾಗುತ್ತದೆ. ಸುಬ್ರಹ್ಮಣ್ಯ ಪ್ರಾರ್ಥನೆ ಮಾಡಿ.
ಮಕರ(Capricorn): ನಿಮ್ಮ ಹಾದಿಯಲ್ಲಿ ಒಂದಿಷ್ಟು ಸಮಸ್ಯೆಗಳೆದುರಾಗಬಹುದು. ಎದುರಿಸುವ ಛಲವಿದ್ದವರು ಗೆಲ್ಲುತ್ತಾರೆ, ಹೆದರಿದವರು ಸೋಲುತ್ತಾರೆ ಎಂಬುದನ್ನು ನೆನಪಿಡಿ. ಸಂಗಾತಿಯ ಸಹಕಾರದಿಂದ ವ್ಯಾಪಾರ ವ್ಯವಹಾರಗಳಲ್ಲಿ ಲಾಭ. ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ.
Zodiac Style: ರಾಶಿಗನುಗುಣವಾಗಿ ಉಡುಗೆ ತೊಟ್ಟು, ಅದೃಷ್ಟ ನಿಮ್ಮದಾಗಿಸಿಕೊಳ್ಳಿ
ಕುಂಭ(Aquarius): ಎಲ್ಲವೂ ನೀವಂದುಕೊಂಡಂತೆಯೇ ಆಗಲಿದೆ. ಮರೆಯದ ಅನುಭವವೊಂದು ಆಗಬಹುದು. ನೀವು ಕಾಯುತ್ತಿದ್ದ ಸಂದರ್ಭ ಒದಗಲಿದೆ. ಅವಿವಾಹಿತರಿಗೆ ಕಂಕಣಬಲ ಕೂಡಿ ಬರಲಿದೆ. ಆರೋಗ್ಯ ಸ್ಥಿರವಾಗಿರುವುದು. ಶಿವನಿಗೆ ಬಿಲ್ವಾರ್ಚನೆ ಮಾಡಿಸಿ.
ಮೀನ(Pisces): ಮನಸ್ಸಿಗೆ ಘಾಸಿಯಾಗಬಹುದು. ಆದರೆ, ಇಂಥ ಸಂದರ್ಭಗಳು ಎಲ್ಲರಿಗೂ ಒಂದಿಲ್ಲೊಮ್ಮೆ ಬರುತ್ತವೆ. ಆಗುವುದೆಲ್ಲ ಒಳ್ಳೆಯದಕ್ಕೆ ಎಂಬುದನ್ನು ನೆನಪಿಡಿ. ಸಾಲ ಮಾಡುವ ಯೋಚನೆ ಬೇಡ. ಇದ್ದುದರಲ್ಲಿಯೇ ಹಣ ಹೊಂದಿಸಲು ಪ್ರಯತ್ನಿಸಿ. ಶಿವ ಶಕ್ತಿಯರ ಧ್ಯಾನ ಮಾಡಿ.