24 ಡಿಸೆಂಬರ್ 2021, ಶುಕ್ರವಾರದ ಭವಿಷ್ಯ ಹೇಗಿದೆ?
ಯಾವ ರಾಶಿಗೆ ಶುಭ ಫಲವಿದೆ?
ಕನ್ಯಾ ರಾಶಿಗೆ ಅದೃಷ್ಟ, ಮಕರಕ್ಕೆ ಎದುರಾಗುವ ಮುನಿಸು
ಮೇಷ(Aries): ದೂರದೂರಿಗೆ ಕುಟುಂಬದೊಡನೆ ಪ್ರವಾಸ ಕೈಗೊಳ್ಳುವಿರಿ. ಇದರಿಂದ ಇಡೀ ದಿನ ದೇಹಾಯಾಸವಾದರೂ ಸಂತಸ ತುಂಬಿರಲಿದೆ. ಮನೆ ಹಿರಿಯರಿಗೆ ಅನಾರೋಗ್ಯ ಕಾಡಬಹುದು. ಉದ್ಯೋಗದಲ್ಲಿ ಸಹೋದ್ಯೋಗಿಗಳ ನೆರವು. ಧನ ನಷ್ಟ, ಪ್ರಾಣಿಪಕ್ಷಿಗಳಿಗೆ ಆಹಾರ ನೀಡಿ.
ವೃಷಭ(Taurus): ಹತ್ತಿರದವರೆನಿಸಿಕೊಂಡವರೇ ನಿಮ್ಮ ದಾರಿಗೆ ಕಲ್ಲುಗಳನ್ನು ಅಡ್ಡ ಇಡುತ್ತಿದ್ದಾರೆ. ಅದನ್ನು ತಿಳಿಯದೆ ಹೋದರೆ ಸಮಸ್ಯೆಗೆ ಸಿಲುಕುವಿರಿ. ಹಿತಶತ್ರುಗಳ ಬಗ್ಗೆ ಅರಿವು ಮೂಡಿಸಿಕೊಳ್ಳಿ. ಹಣಕಾಸಿನ ಸ್ಥಿತಿ ಉತ್ತಮವಾಗಿರುತ್ತದೆ. ಮಹಾಲಕ್ಷ್ಮೀ ಪ್ರಾರ್ಥನೆ ಮಾಡಿ.
ಮಿಥುನ(Gemini): ಪಾಲುದಾರಿಕೆ ವ್ಯವಹಾರಗಳಲ್ಲಿ ಲಾಭ. ಮನೋರಂಜನೆ ವಿಷಯಗಳಿಗೆ ಧನವ್ಯಯ. ಸ್ನೇಹಿತರ ಭೇಟಿಯಿಂದ ಸಂತಸ. ಮಕ್ಕಳ ಸಲುವಾಗಿ ಖರ್ಚು ಹೆಚ್ಚುವುದು. ಕುಟುಂಬದ ಜೊತೆ ಹೆಚ್ಚು ಸಮಯ ಕಳೆಯಿರಿ. ಅಹಿತ ಆಹಾರ ಸೇವಿಸಿ ಆರೋಗ್ಯ ಕೆಡಿಸಿಕೊಳ್ಳಬೇಡಿ. ಲಲಿತಾ ಸಹಸ್ರನಾಮ ಹೇಳಿಕೊಳ್ಳಿ.
ಕಟಕ(Cancer): ಪ್ರಭಾವಿ ಜನರ ಭೇಟಿಯಿಂದ ಬಹು ದಿನಗಳಿಂದ ಹಿಂದೆ ಬಿದ್ದಿದ್ದ ಕೆಲಸ ಮುಂದೆ ಸಾಗಿ ನಿರಾಳವಾಗುವಿರಿ. ನಿಮ್ಮ ಕಠಿಣ ಪರಿಶ್ರಮಕ್ಕೆ ಉತ್ತಮ ಫಲಿತಾಂಶಗಳನ್ನು ಪಡೆಯುವ ಬಲವಾದ ಸಾಧ್ಯತೆಯಿದೆ. ದೂರದ ಬಂಧುಗಳ ಆಗಮನದಿಂದ ಮನೆಯಲ್ಲಿ ಸಂತಸ ಹೆಚ್ಚುವುದು. ಶಿವಶಕ್ತಿಯರ ಪ್ರಾರ್ಥನೆ ಮಾಡಿ.
ಸಿಂಹ(Leo): ಎಲೆಕ್ಟ್ರಿಕ್, ದಿನಸಿ, ವಸ್ತ್ರ, ರಿಯಲ್ ಎಸ್ಟೇಟ್ ಉದ್ದಿಮೆದಾರರಿಗೆ ಲಾಭದ ದಿನ. ವಿದ್ಯಾರ್ಥಿಗಳಿಗೆ ಅನುಕೂಲದ ದಿನ. ವೃತ್ತಿಯಲ್ಲಿ ಹೊಸ ಅವಕಾಶದಿಂದ ಸಂತೋಷ. ನಾಲಿಗೆ ಮೇಲೆ ಹಿಡಿತ ಅಗತ್ಯ. ಅವಿವಾಹಿತರಿಗೆ ಶುಭ ಸುದ್ದಿ. ಲಕ್ಷ್ಮೀ ಅಷ್ಟೋತ್ತರ ಹೇಳಿಕೊಳ್ಳಿ.
ಕನ್ಯಾ(Virgo): ಎಲ್ಲರ ಗಮನದ ಕೇಂದ್ರಬಿಂದುವಾಗುವ ಅವಕಾಶ. ಅವಿವಾಹಿತರಿಗೆ ಉತ್ತಮ ಸಂಬಂಧ ಒದಗಿ ಬರುವುದು. ನಿರುದ್ಯೋಗಿಗಳಿಗೆ ಅದೃಷ್ಟ ಖುಲಾಯಿಸಲಿದೆ. ಮನಸ್ತಾಪ, ವ್ಯಾಜ್ಯಗಳು ಇತ್ಯರ್ಥವಾಗಲಿವೆ. ಅಮ್ಮನವರ ದೇವಾಲಯಕ್ಕೆ ಭೇಟಿ ನೀಡಿ. ಕುಲದೇವರಿಗೆ ತುಪ್ಪದ ದೀಪ ಹಚ್ಚಿ.
ತುಲಾ(Libra): ಆಹಾರದಲ್ಲಿ ವ್ಯತ್ಯಾಸವಾಗಿ ಉದರ ಸಮಸ್ಯೆಗಳು ಎದುರಾಗಬಹುದು. ಬಹುಕಾಲದಿಂದ ಪದೇ ಪದೆ ಕಾಣಿಸಿಕೊಳ್ಳುತ್ತಿರುವ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಿ. ಬಂಧುಮಿತ್ರರ ಮನೆಗೆ ಭೇಟಿ. ರೈತರು, ವ್ಯಾಪಾರಿಗಳು, ಉದ್ಯೋಗಿಗಳಿಗೆ ಕಾರ್ಯಸ್ಥಳದಲ್ಲಿ ಪ್ರಶಂಸೆ. ಅನ್ನಪೂರ್ಣೇಶ್ವರಿ ಪ್ರಾರ್ಥನೆ ಮಾಡಿ.
Wedding Superstitions: ಮದುವೆ ದಿನ ವಧು ಅತ್ರೆ ಒಳ್ಳೇದಾ ಕೆಟ್ಟದ್ದಾ?
ವೃಶ್ಚಿಕ(Scorpio): ನೀರಿನ ಸಮೀಪದಲ್ಲಿ ಎಚ್ಚರವಾಗಿರಿ. ನೂತನ ಗೃಹ ನಿರ್ಮಾಣಕ್ಕೆ, ವಾಹನ ಖರೀದಿಗೆ ಸುದಿನ. ಪ್ರೀತಿ ಪ್ರೇಮ ವ್ಯವಹಾರಗಳಲ್ಲಿ ಮನಸ್ತಾಪ. ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಉದಾಸೀನತೆ. ರಾಜಕೀಯ, ಶೈಕ್ಷಣಿಕ ರಂಗದಲ್ಲಿರುವವರಿಗೆ ಅನಿರೀಕ್ಷಿತ ಸುದ್ದಿ ಕೇಳಿಬರುವುದು. ಮನೆದೇವರ ಸ್ಮರಣೆ ಮಾಡಿ.
ಧನುಸ್ಸು(Sagittarius): ಕೆಲಸ ತುಸು ಶ್ರಮ ಎನಿಸಿದರೂ ಕಡೆಯಲ್ಲಿ ಲಾಭವಿದೆ, ಖರ್ಚೂ ಇದೆ. ದಾಂಪತ್ಯದಲ್ಲಿ ಸಹಕಾರ. ಧಾರ್ಮಿಕ ಕಾರ್ಯಗಳಲ್ಲಿ ಭಾಗಿ. ಆರೋಗ್ಯದಲ್ಲಿ ಸಣ್ಣಪುಟ್ಟ ಸಮಸ್ಯೆಗಳು ಕಾಡಬಹುದು. ಮಕ್ಕಳ ಸಹಕಾರದಿಂದ ನೆಮ್ಮದಿ. ಲಕ್ಷ್ಮೀ ವೆಂಕಟೇಶ್ವರ ಸ್ಮರಣೆ ಮಾಡಿ.
ಮಕರ(Capricorn): ದಾಂಪತ್ಯದಲ್ಲಿ ಜಗಳ, ಮುನಿಸುಗಳು ಕಾಣಬಹುದು. ಮಾತುಗಳನ್ನು ನುಂಗಿಕೊಂಡು ಕೂರುವ ಬದಲು, ಮನಸ್ಸಿನಲ್ಲಿರುವುದನ್ನೆಲ್ಲ ಸಮಾಧಾನವಾಗಿ ಹೇಳಿ. ಮನೆಯಿಂದ ಬೇಡದ ವಸ್ತುಗಳನ್ನು ಹೊರಗೆ ದಾಟಿಸಿ. ವ್ಯಾಪಾರ ವ್ಯವಹಾರಗಳಲ್ಲಿ ಲಾಭ, ಹಸುವಿಗೆ ಹಸಿರು ತಿನ್ನಿಸಿ.
2022 Happy year ಆಗ್ಬೇಕಂದ್ರೆ ಈ ರಾಶಿಯವರು ಹೀಗ್ ಮಾಡ್ಲೇಬಾರ್ದು...
ಕುಂಭ(Aquarius): ತಾಯಿಯ ಅನಾರೋಗ್ಯ ಕಾರಣದಿಂದ ಆಸ್ಪತ್ರೆಗೆ ಅಲೆದಾಟ. ದೈನಂದಿನ ಕೆಲಸದಿಂದ ಕೊಂಚ ಬಿಡುವು. ಸಂಬಂಧಿಕರ ನೆರವಿನಿಂದ ಬಹುಕಾಲದ ಆತಂಕ ನಿವಾರಣೆಯಾಗುವುದು. ಹಲವು ಕೆಲಸಗಳು ಬಾಕಿ ಉಳಿದು ಕಿರಿಕಿರಿ. ಹೊಸ ವಸ್ತುಗಳ ಖರೀದಿಗೆ ಧನವ್ಯಯ. ಲಕ್ಷ್ಮಿಗೆ ತುಪ್ಪದ ದೀಪ ಹಚ್ಚಿ.
ಮೀನ(Pisces): ಕೌಟುಂಬಿಕವಾಗಿ ಹಿರಿಯರ ತಾಟಸ್ತ್ಯ ಧೋರಣೆಯಿಂದ ಬೇಸರ, ಸ್ಥಿರಾಸ್ತಿ ವಿಚಾರದಲ್ಲಿ ವಂಚನೆ ಸಾಧ್ಯತೆ, ಪ್ರವಾಸದಿಂದ ಅನಾರೋಗ್ಯ ಕಾಡಲಿದೆ. ಅವಮಾನಕರ ಘಟನೆಗಳು ಜರುಗುವ ಸಾಧ್ಯತೆ. ಸ್ತ್ರೀಪೀಡೆ, ಗೃಹಚಿಂತೆಗಳು ಕಂಗಾಲಾಗಿಸಲಿವೆ. ನವಗ್ರಹ ಶ್ಲೋಕ ಹೇಳಿಕೊಳ್ಳಿ.