ಪ್ರೇಮ ವಿವಾಹವಾದ 45 ದಿನಗಳ ನಂತರ ಮಹಿಳೆಯೊಬ್ಬಳು ತನ್ನ ಗಂಡನ ಮನೆಯಿಂದ ನಗದು ಮತ್ತು ಚಿನ್ನವನ್ನು ಕದ್ದು ತನ್ನ ಮಾಜಿ ಪ್ರಿಯಕರನೊಂದಿಗೆ ಪರಾರಿಯಾಗಿದ್ದಾಳೆ.
ಪಾಟ್ನಾ (ಜೂ. 22): ಪ್ರೀತಿಸಿ ವಂಚಿಸಿದ ಪ್ರಕರಣವೊಂದರಲ್ಲಿ, 20 ವರ್ಷದ ಯುವತಿಯೊಬ್ಬಳು ತನ್ನ ಪ್ರಿಯಕರನೊಂದಿಗೆ ಹೊಸ ಜೀವನ ಆರಂಭಿಸುವ ಸಲುವಾಗಿ ಗಂಡನ ಮನೆಯಲ್ಲಿದ್ದ ನಗದು ಮತ್ತು ಚಿನ್ನಾಭರಣಗಳನ್ನು ಕದ್ದಿದ್ದಾಳೆ. ಇನ್ನೂ ಆಶ್ಚರ್ಯಕರ ಸಂಗತಿಯೆಂದರೆ ದಂಪತಿಗಳು ಎರಡು ವರ್ಷಗಳಿಂದ ಪ್ರೀತಿಸುತಿದ್ದರು ಮತ್ತು ತಮ್ಮ ಕುಟುಂಬಗಳೊಂದಿಗೆ ಜಗಳವಾಡಿ ಮದುವೆಯಾಗಿದ್ದರು. ಪಾಟ್ನಾದ ಸ್ಯಾಟ್‌ಲೈಟ್ ಟೌನ್ ನೌಬತ್‌ಪುರದ ಸತ್ಯಾನಂದ್ ಮತ್ತು ರಾಣಿ ಕುಮಾರಿ ದಂಪತಿಗಳು 45 ದಿನಗಳ ಹಿಂದೆ ಪ್ರೇಮ ವಿವಾಹವಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.
ಇನ್ನು ಈ ಘಟನೆ ಸಂಬಂಧ ಪತಿ ಪೊಲೀಸರಿಗೆ ದೂರು ನೀಡಿ, "ಪತ್ನಿ ತಿಜೋರಿ ಬೀಗ ಒಡೆದು 20 ಸಾವಿರ ನಗದು, ಮಂಗಳಸೂತ್ರ ಹಾಗೂ ಮದುವೆಯಲ್ಲಿ ನೀಡಲಾಗಿದ್ದ ಚಿನ್ನಾಭರಣಗಳನ್ನು ತೆಗೆದುಕೊಂಡು ಪರಾರಿಯಾಗಿದ್ದಳು" ಎಂದು ಹೇಳಿದ್ದಾರೆ. ಭಾಸ್ಕರ್ ವರದಿಯ ಪ್ರಕಾರ, ಇಬ್ಬರು ಸುಮಾರು ಎರಡು ವರ್ಷಗಳ ಹಿಂದೆ ಭೇಟಿಯಾಗಿದ್ದು ಇಬ್ಬರ ನಡುವೆ ಪ್ರೀತಿ ಆರಂಭವಾಗಿತ್ತು. ಬಳಿಕ ಇಬ್ಬರೂ ತಮ್ಮ ಫೋನ್‌ನಲ್ಲಿ ಪರಸ್ಪರ ಮಾತನಾಡುತ್ತಾ ರಾತ್ರಿಗಳನ್ನು ಕಳೆಯುತ್ತಿದ್ದರು.
ಅವರ ಮದುವೆಯನ್ನು ಅವರ ಪೋಷಕರು ವಿರೋಧಿಸಿದಾಗ, ಅವರು ಒಬ್ಬರಿಗೊಬ್ಬರು ಇಲ್ಲದೆ ಬದುಕಲು ಸಾಧ್ಯವಿಲ್ಲ ಎಂದು ಹೇಳಿ ನಂತರ ಏಪ್ರಿಲ್ 27, 2022 ರಂದು ಬಹಳ ಆಡಂಬರದಿಂದ ವಿವಾಹವಾದರು. ಇಲ್ಲಿಂದ ಕಥೆಯ ತಿರುವು ಪ್ರಾರಂಭವಾಯಿತು.
ಇದನ್ನೂ ಓದಿ: ಮಾವಿನ ಹಣ್ಣಿನ ಆಸೆ ತೋರಿಸಿ 3 ವರ್ಷದ ಮಗುವಿನ ಮೇಲೆ ಅತ್ಯಾಚಾರ!
ಮದುವೆಯ ನಂತರ ಅವಳು ಗಂಡನ ಮನೆಗೆ ಬಂದಾಗ, ಅವಳು ರಾತ್ರಿ ಇನ್ನೊಬ್ಬ ವ್ಯಕ್ತಿಯೊಂದಿಗೆ ಮಾತನಾಡುವುದನ್ನು ಪತಿ ಗಮನಿಸಿದ್ದರು. ಈ ಬಗ್ಗೆ ಪತ್ನಿಯನ್ನು ಕೇಳಿದಾಗ ಅವಳು ಇನ್ನೊಬ್ಬ ವ್ಯಕ್ತಿಯೊಂದಿಗೆ ಬದುಕಲು ಬಯಸುತ್ತಾಳೆ ಎಂದು ಹೇಳಿದ್ದಾಳೆ. ಈ ಸಂಬಂಧ ಅವರಿಬ್ಬರ ನಡುವೆ ಜಗಳವಾಗಿದ್ದು, ಒಂದು ರಾತ್ರಿ ಅವನು ಮಲಗಿದ್ದಾಗ, ಅವಳು ಬೀಗಗಳನ್ನು ಒಡೆದು ಎಲ್ಲಾ ನಗದು ಮತ್ತು ಇತರ ಬೆಲೆಬಾಳುವ ವಸ್ತುಗಳನ್ನು ತೆಗೆದುಕೊಂಡು ಪರಾರಿಯಾಗಿದ್ದಳು.
ಮಹಿಳೆ ಇನ್ನೂ ತನ್ನ ಮಾಜಿ ಗೆಳೆಯನನ್ನು ಪ್ರೀತಿಸುತ್ತಿದ್ದಳು ಮತ್ತು ಅವಳ ಮದುವೆಯಾದ ಸ್ವಲ್ಪ ಸಮಯದ ನಂತರ ಅವನೊಂದಿಗೆ ಓಡಿಹೋದಳು ಎಂದು ನಂತರ ತಿಳಿದುಬಂದಿದೆ. ಪತಿಯ ಹೇಳಿಕೆ ಆಧರಿಸಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ: ಎರಡೂವರೆ ಲಕ್ಷ ಸಾಲಕ್ಕಾಗಿ ಪತ್ನಿ ಕೊಂದ ಪತಿ: ಮಗಳ ಮೇಲೂ ಹಲ್ಲೆ!