ಒಣಗಿಹಾಕಿದ್ದ ಮಹಿಳೆಯ ಒಳ ಉಡುಪುಗಳನ್ನ ಕದಿಯಲು ಹೋದ ಇಬ್ಬರು ಯುವಕರು ಜೈಲು ಪಾಲಾದ ವಿಚಿತ್ರ ಘಟನೆ ಬೆಳಕಿಗೆ ಬಂದಿದೆ.
ಲಕ್ನೋ, (ಮಾ.17): ಸ್ತ್ರೀಯರ ಒಳ ಉಡುಪು ಕದ್ದು ಲೈಂಗಿಕ ಸುಖ ಅನುಭವಿಸುವ ಆಸಾಮಿಗಳು ಕೆಲವರು ಇರುತ್ತಾರೆ.
ಹೌದು...ಈ ಸುದ್ದಿ ನೋಡಿದ್ರೆ ನಿಜವೆನ್ನಿಸುತ್ತೆ. ಒಣಗಿಹಾಕಿದ್ದ ಮಹಿಳೆಯ ಒಳ ಉಡುಪುಗಳನ್ನ ಕದಿಯಲು ಹೋಗಿ ಇಬ್ಬರು ಯುವಕರು ಜೈಲು ಪಾಲಾಗಿದ್ದಾರೆ.
ಉತ್ತರ ಪ್ರದೇಶದ ಮೀರತ್ನಲ್ಲಿ ಇಂತದ್ದೊಂದು ಕಳ್ಳತನ ನಡೆದಿದೆ. ಸಂಪೂರ್ಣ ದೃಶ್ಯ ಕ್ಯಾಮರಾ ಕಣ್ಣಲ್ಲಿ ಸೆರೆಯಾಗಿದ್ದು ಇದರಲ್ಲಿ ಯುವಕರು ಮಹಿಳೆ ಒಣಗಿ ಹಾಕಿದ್ದ ಒಳ ಉಡುಪುಗಳನ್ನ ಕದ್ದು ಬೈಕ್ನಲ್ಲಿ ಎಸ್ಕೇಪ್ ಆಗಿದ್ದಾರೆ.
ಇಬ್ಬರು ಆರೋಪಿಗಳನ್ನ ಮೊಹಮ್ಮದ್ ರೋಮಿನ್ ಹಾಗೂ ಮೊಹಮ್ಮದ್ ಅಬ್ದುಲ್ ಎಂದು ಗುರುತಿಸಲಾಗಿದೆ.
ಸ್ತ್ರೀಯರ ಒಳ ಉಡುಪು ಕದ್ದವ್ನು ಸಿಸಿಟಿವಿಯಿಂದ ಸಿಕ್ಕಿಬಿದ್ದ : ಬುದ್ದಿ ಹೇಳಿದವನ ಮೇಲೆ ಹಲ್ಲೆ
ಮಾರ್ಚ್ 14ರಂದು ಮೊಹಮದ್ ಅಬ್ದುಲ್ ಹಾಗೂ ಮೊಹಮ್ಮದ್ ರೋಮಿನ್ ಸ್ಕೂಟಿಯಲ್ಲಿ ಬಂದು ಒಂದು ಮನೆಯ ಬಳಿ ಗಾಡಿ ನಿಲ್ಲಿಸುತ್ತಾನೆ. ಅಲ್ಲೇ ಒಣಹಾಕಲಾಗಿದ್ದ ಹೆಣ್ಣು ಮಕ್ಕಳ ಒಳಉಡುಪನ್ನು ಎತ್ತಿಕೊಂಡು ಬಂದು ಅದನ್ನು ಗಾಡಿಯೊಳಗೆ ಇಟ್ಟುಕೊಂಡು ಅಲ್ಲಿಂದ ಪರಾರಿಯಾಗುತ್ತಾನೆ. ಈ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದ್ದು ಸಕತ್ ವೈರಲ್ ಆಗಿದೆ.
ಸಂಜಯ್ ಚೌಧರಿ ಎಂಬವರು ಈ ವಿಡಿಯೋವನ್ನ ಚಿತ್ರೀಕರಿಸಿದ್ದು ಸದರ್ ಠಾಣೆಗೆ ದೂರು ನೀಡಿದ್ದಾರೆ. ತಮ್ಮ ಅಪ್ರಾಪ್ತ ಮಗಳು ಮನೆ ಹೊರಗೆ ಒಣಗಿ ಹಾಕಿದ್ದ ಪ್ಯಾಂಟಿಯನ್ನ ಈ ಇಬ್ಬರು ಕದ್ದಿದ್ದಾರೆ ಎಂದು ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.
ತನಿಖೆ ವೇಳೆ ಇಬ್ಬರು ಆರೋಪಿಗಳು ತಮಾಷೆಗಾಗಿ ಈ ಕೃತ್ಯ ಎಸಗಿದ್ದೇವೆ ಎಂದು ತಪ್ಪೊಪ್ಪಿಕೊಂಡಿದ್ದಾರೆ. ಇಬ್ಬರೂ ಆರೋಪಿಗಳ ವಿರುದ್ಧ ಐಪಿಸಿ ಸೆಕ್ಷನ್ 379 ಹಾಗೂ 509 ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.