* ಸಿದ್ದನಗೌಡ ಪಾಟೀಲ್‌ ಹಾಗೂ ರಿಯಾ ವಡ್ಡರ್‌ ಬಂಧಿತ ಆರೋಪಿಗಳು
* ಸಿದ್ದನಗೌಡನಿಗೆ 2 ವಯಲ್‌ ರೆಮ್‌ಡೆಸಿವಿರ್‌ ಕದ್ದು ತಂದುಕೊಟ್ಟಿದ್ದ ರಿಯಾ
* ಸಿಸಿಬಿ ಪೊಲೀಸರು ದಾಳಿ ಮಾಡಿ ಇಬ್ಬರ ಬಂಧನ
ಹುಬ್ಬಳ್ಳಿ(ಜೂ.04): ನಗರದಲ್ಲಿ ರೆಮ್‌ಡೆಸಿವಿರ್‌ ಚುಚ್ಚುಮದ್ದು ಕದ್ದು ಮಾರಾಟ ಮಾಡುತ್ತಿದ್ದ ಇಬ್ಬರನ್ನು ಗುರುವಾರ ಸಿಸಿಬಿ ಪೊಲೀಸರು ರೆಡ್‌ ಹ್ಯಾಂಡಾಗಿ ಹಿಡಿದಿದ್ದಾರೆ.
ನಗರದ ವೆಂಕಟೇಶ್ವರ ಕಾಲೋನಿಯ ಸಿದ್ದನಗೌಡ ಪಾಟೀಲ್‌ ಹಾಗೂ ವಿನಾಯಕ ನಗರದ ರಿಯಾ ವಡ್ಡರ್‌ ಎಂಬುವವರೇ ಬಂಧಿತ ಆರೋಪಿಗಳು. ಇವರಿಬ್ಬರೂ ಪ್ರೇಮಿಗಳು ಎನ್ನಲಾಗಿದ್ದು, ಬೇರೆ ಬೇರೆ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದರು.
undefined
ವಿಜಯಪುರದಲ್ಲಿ ಲಾಕ್‌ಡೌನ್ ನಡುವೆ ಮಾವಾ ದಂಧೆ: ಮೂವರ ಬಂಧನ
ನಗರದ ತತ್ವದರ್ಶಿ ಆಸ್ಪತ್ರೆಯಲ್ಲಿ ನರ್ಸ್‌ ಆಗಿರುವ ರಿಯಾ, ಸುಚಿರಾಯು ಆಸ್ಪತ್ರೆಯಲ್ಲಿ ಕ್ಲೀನರ್‌ ಆಗಿರುವ ಸಿದ್ದನಗೌಡನಿಗೆ 2 ವಯಲ್‌ ರೆಮ್‌ಡೆಸಿವಿರ್‌ ಕದ್ದು ತಂದುಕೊಟ್ಟಿದ್ದರು. ಅದನ್ನು ಬೇರೆಯವರಿಗೆ ಮಾರಲು ಯತ್ನಿಸುತ್ತಿದ್ದರು. ಖಚಿತ ಮಾಹಿತಿ ಮೇರೆಗೆ ಸಿಸಿಬಿ ಪೊಲೀಸರು ದಾಳಿ ಮಾಡಿ ಇಬ್ಬರನ್ನು ಬಂಧಿಸಿದ್ದಾರೆ. ಈ ಸಂಬಂಧ ಹುಬ್ಬಳ್ಳಿಯ ಗೋಕುಲ ರೋಡ್‌ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.