ವಂಚನೆ ಪ್ರಕರಣವೊಂದರಲ್ಲಿ ಶುಕ್ರವಾರ ಏಜೆನ್ಸಿಯ ಮುಂದೆ ಹಾಜರಾಗುವಂತೆ ಕೇರಳ ಹೈಕೋರ್ಟ್ ಬುಧವಾರ ಸೂಚಿಸಿದೆ. ವಿವಾದಿತ ಆಂಟಿಕ್‌ ವಸ್ತುಗಳ ಡೀಲರ್ ಮಾನ್ಸನ್ ಮಾವುಂಕಲ್ ಅವರ ವಂಚನೆ ಪ್ರಕರಣದಲ್ಲಿ ಕೇರಳ ಹೈಕೋರ್ಟ್ ಈ ಆದೇಶ ನೀಡಿದೆ.
ಕೊಚ್ಚಿ (ಜೂನ್ 22, 2023): ಕೇರಳ ರಾಜ್ಯ ಕಾಂಗ್ರೆಸ್ ಅಧ್ಯಕ್ಷ ಕೆ. ಸುಧಾಕರನ್ ಅವರಿಗೆ ಸಂಕಷ್ಟ ಕಾದಿದೆ. ವಂಚನೆ ಪ್ರಕರಣವೊಂದರಲ್ಲಿ ಶುಕ್ರವಾರ ಏಜೆನ್ಸಿಯ ಮುಂದೆ ಹಾಜರಾಗುವಂತೆ ಕೇರಳ ಹೈಕೋರ್ಟ್ ಬುಧವಾರ ಸೂಚಿಸಿದೆ. ವಿವಾದಿತ ಆಂಟಿಕ್‌ ವಸ್ತುಗಳ ಡೀಲರ್ ಮಾನ್ಸನ್ ಮಾವುಂಕಲ್ ಅವರ ವಂಚನೆ ಪ್ರಕರಣದಲ್ಲಿ ಕೇರಳ ಹೈಕೋರ್ಟ್ ಈ ಆದೇಶ ನೀಡಿದೆ.
ಇನ್ನು, ಒಂದು ವೇಳೆ ಸುಧಾಕರನ್ ಅವರನ್ನು ಬಂಧಿಸಿದರೆ, 50,000 ರೂ.ಗಳ ಬಾಂಡ್ ಅನ್ನು ಒದಗಿಸಿ ಅಂತಹ ಮೊತ್ತದ ಇಬ್ಬರ ಶ್ಯೂರಿಟಿಯೊಂದಿಗೆ ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗುತ್ತದೆ ಎಂದು ನ್ಯಾಯಮೂರ್ತಿ ಜಿಯಾದ್ ರೆಹಮಾನ್ ಎ. ಎ ಹೇಳಿದರು. ಹಾಗೂ "ಈ ಆದೇಶವು ಎರಡು ವಾರಗಳವರೆಗೆ ಜಾರಿಯಲ್ಲಿರುತ್ತದೆ" ಎಂದು ನ್ಯಾಯಾಲಯವು ಮಾಹಿತಿ ನೀಡಿದೆ.
ಇದನ್ನು ಓದಿ: ತೃತೀಯಲಿಂಗಿಗಳ ಬರ್ಬರ ಹತ್ಯೆ: ಡಬ್ಬಲ್‌ ಮರ್ಡರ್‌ಗೆ ಕಾರಣ ಹೀಗಿದೆ..
ಕೇರಳ ಪ್ರದೇಶ ಕಾಂಗ್ರೆಸ್ ಸಮಿತಿ (ಕೆಪಿಸಿಸಿ) ಅಧ್ಯಕ್ಷರು ತನಿಖೆಗೆ ಸಹಕರಿಸಬೇಕು ಮತ್ತು ಪ್ರಕರಣದಲ್ಲಿ ಸಾಕ್ಷಿಗಳನ್ನು ಬೆದರಿಸುವ ಅಥವಾ ಪ್ರಭಾವ ಬೀರುವ ಪ್ರಯತ್ನ ಮಾಡಬಾರದು ಎಂದು ನಿರ್ದೇಶಿಸಿದೆ. ಪ್ರಕರಣದ ತನಿಖೆ ನಡೆಸುತ್ತಿರುವ ಅಪರಾಧ ವಿಭಾಗದ ಮುಂದೆ ಹಾಜರಾಗುವಂತೆ ಸುಧಾಕರನ್ ಸಲ್ಲಿಸಿದ್ದ ನಿರೀಕ್ಷಣಾ ಜಾಮೀನು ಅರ್ಜಿಯ ಮೇರೆಗೆ ಈ ಆದೇಶ ಹೊರಬಿದ್ದಿದೆ.
ತಮ್ಮ ನಿರೀಕ್ಷಣಾ ಜಾಮೀನು ಅರ್ಜಿಯಲ್ಲಿ, ಕಾಂಗ್ರೆಸ್ ಹಿರಿಯ ನಾಯಕರು ತಮ್ಮ ವೈಯಕ್ತಿಕ ಹಾಜರಾತಿಗೆ ನೀಡಿದ ಆರಂಭಿಕ ದಿನಾಂಕವಾದ ಜೂನ್ 14 ರಂದು ತನಿಖಾ ಸಂಸ್ಥೆಯ ಮುಂದೆ ಹಾಜರಾಗಲು ಸಾಧ್ಯವಾಗದ ಕಾರಣ ಬಂಧನವನ್ನು ತಡೆಯಬೇಕು ಎಂದು ಹೇಳಿದ್ದಾರೆ. ಆ ದಿನ "ಪೂರ್ವಭಾವಿ ಸಭೆಗಳು ಮತ್ತು ಸಮಾಲೋಚನೆಗಳು’’ ಇದ್ದ ಕಾರಣ ವೈಯಕ್ತಿಕವಾಗಿ ಹಾಜರಾಗಲು ಮತ್ತೊಂದು ದಿನಾಂಕಕ್ಕಾಗಿ ಮನವಿ ಸಲ್ಲಿಸಿದ್ದೇನೆ ಎಂದೂ ಕೆಪಿಸಿಸಿ ಮುಖ್ಯಸ್ಥರು ತಮ್ಮ ಮನವಿಯಲ್ಲಿ ತಿಳಿಸಿದ್ದಾರೆ.
ಇದನ್ನೂ ಓದಿ: 5 ಸ್ಟಾರ್‌ ಹೋಟೆಲ್‌ನಲ್ಲಿ 2 ವರ್ಷ ಇದ್ದು ಹಣ ಕೊಡದೇ ಕಾಲ್ಕಿತ್ತ ಅತಿಥಿ: ಬರೋಬ್ಬರಿ 58 ಲಕ್ಷ ರೂ. ಪಂಗನಾಮ!
ಅಲ್ಲದೆ, ಪ್ರಶ್ನಾರ್ಹ ಪ್ರಕರಣವನ್ನು ಸೆಪ್ಟೆಂಬರ್ 2021 ರಲ್ಲಿ ದಾಖಲಿಸಲಾಗಿದೆ ಮತ್ತು ಎಫ್‌ಐಆರ್‌ನಲ್ಲಿ ತನ್ನ ವಿರುದ್ಧ ಯಾವುದೇ ಆರೋಪಗಳಿಲ್ಲ ಎಂದು ವಕೀಲ ಮ್ಯಾಥ್ಯೂ ಎ ಕುಜಲನಾಡನ್ ಮೂಲಕ ಸಲ್ಲಿಸಿದ ಮನವಿಯಲ್ಲಿ ಸುಧಾಕರನ್ ವಾದಿಸಿದ್ದಾರೆ. ಈ ಹಿನ್ನೆಲೆ, "ಅಪರಾಧವನ್ನು ದಾಖಲಿಸಿದ 19 ತಿಂಗಳ ನಂತರ, ಅರ್ಜಿದಾರರು ಅಪರಾಧದಲ್ಲಿ ಭಾಗಿಯಾಗಿದ್ದಾರೆ ಎಂಬ ಅನುಮಾನದ ಆಧಾರದ ಮೇಲೆ ಅರ್ಜಿದಾರರ (ಸುಧಾಕರನ್) ವೈಯಕ್ತಿಕ ಹಾಜರಾತಿಯನ್ನು ಕೋರಲಾಗಿದೆ ಎಂದು ಹೇಳಿರುವುದು ಕೇವಲ ಅನುಮಾನದ ಆಧಾರದ ಮೇಲೆ’’ ಎಂದೂ ಅರ್ಜಿಯಲ್ಲಿ ಸಲ್ಲಿಸಲಾಗಿದೆ.
ಹಾಗೆ, ಅಪರಾಧ ವಿಭಾಗದ ಮುಂದೆ ಖುದ್ದಾಗಿ ಹಾಜರಾಗುವಂತೆ ತನಗೆ ನೀಡಿದ ಪ್ರಾಥಮಿಕ ನೋಟೀಸ್ "ಬಾಹ್ಯ ಕಾರಣಗಳಿಗಾಗಿ ಮತ್ತು ಪೊಲೀಸ್ ಅಧಿಕಾರಿಗಳಿಗೆ ಹೆಚ್ಚು ತಿಳಿದಿರುವ ರಾಜಕೀಯ ಬಲವಂತಕ್ಕಾಗಿ ತೋರುತ್ತಿದೆ" ಎಂದೂ ಸುಧಾಕರನ್ ಅವರು ತಮ್ಮ ಮನವಿಯಲ್ಲಿ ಹೇಳಿಕೊಂಡಿದ್ದಾರೆ.
ಇದನ್ನೂ ಓದಿ: ಲಂಡನ್‌ನಲ್ಲಿ ವಾರದಲ್ಲಿ ಮೂವರು ಭಾರತೀಯ ಮೂಲದವರ ಹತ್ಯೆ: ಆತಂಕದಲ್ಲಿ ಅನಿವಾಸಿ ಭಾರತೀಯರು!
ಆದರೆ, ಈ ವಿಷಯದ ಸಂಕ್ಷಿಪ್ತ ವಿಚಾರಣೆಯ ಸಂದರ್ಭದಲ್ಲಿ ಮನವಿಯಲ್ಲಿ ಮಾಡಿದ ಆರೋಪಗಳು ಮತ್ತು ಹಕ್ಕುಗಳನ್ನು ಕೇರಳ ಸರ್ಕಾರ ಬುಧವಾರ ನಿರಾಕರಿಸಿತು. ಹಾಗೂ, ನ್ಯಾಯಯುತ ಮತ್ತು ನಿಷ್ಪಕ್ಷಪಾತವಾಗಿ ತನಿಖೆ ನಡೆಸಲಾಗುತ್ತಿದೆ ಎಂದೂ ರಾಜ್ಯವನ್ನು ಪ್ರತಿನಿಧಿಸಿದ ಪ್ರಾಸಿಕ್ಯೂಷನ್ ಮಹಾನಿರ್ದೇಶಕರು ನ್ಯಾಯಾಲಯಕ್ಕೆ ತಿಳಿಸಿದರು.
ಈ ಮಧ್ಯೆ, ನ್ಯಾಯಾಲಯಕ್ಕೆ ತಮ್ಮ ಕಕ್ಷಿದಾರರು ಜೂನ್ 23 ರಂದು ಅಪರಾಧ ವಿಭಾಗದ ಮುಂದೆ ಹಾಜರಾಗುತ್ತಾರೆ ಮತ್ತು ತನಿಖೆಗೆ ಸಹಕರಿಸುತ್ತಾರೆ ಎಂದು ಸುಧಾಕರನ್ ಪರ ವಕೀಲರು ವಿಚಾರಣೆಯ ಸಂದರ್ಭದಲ್ಲಿ ಹೇಳಿದರು.
ಇದನ್ನೂ ಓದಿ: ಮಹಿಳಾ ಜೈಲಲ್ಲಿ ಭೀಕರ ಗಲಭೆ: 41 ಕೈದಿಗಳನ್ನು ಸುಟ್ಟು, ಶೂಟ್‌ ಮಾಡಿ ಕೊಂದ ಗ್ಯಾಂಗ್‌ಸ್ಟರ್‌ಗಳು