ಕೊರೋನಾ ನಿಯಮ ಮೀರಿ ಸರಿಗಮಪ ಫಿನಾಲೆ: ಚಾನಲ್‌ ವಿರುದ್ಧ ಎಫ್‌ಐಆರ್‌ ದಾಖಲು

ಭಾನು​ವಾರ ರಾತ್ರಿ ನಡೆದ​ ಜೀ ಟಿವಿಯ ‘ಸರಿಗ​ಮಪ’ ಫಿನಾಲೆ ಸ್ಪರ್ಧೆ| ಕೇವಲ 100 ಮಂದಿ ಭಾಗ​ವ​ಹಿ​ಸಲು ಮಾತ್ರ ಅನು​ಮತಿ ಪಡೆ​ದು​ಕೊಂಡಿ​ದ್ದ ಆಯೋ​ಜ​ಕರು| ಕಾರ್ಯಕ್ರಮದಲ್ಲಿ ನೂರಕ್ಕೂ ಅಧಿಕ ಮಂದಿ ಕಾರ್ಯ​ಕ್ರ​ಮ​ದಲ್ಲಿ ಭಾಗಿ​| 

ಬೆಂಗಳೂರು(ಡಿ.22): ಕೊರೋನಾ ನಿಯಮ ಉಲ್ಲಂಘನೆ ಆರೋ​ಪದ ಮೇಲೆ ಕನ್ನ​ಡದ ಖಾಸಗಿ ಮನ​ರಂಜನಾ ವಾಹಿ​ನಿಯ ವಿರುದ್ಧ ಬ್ಯಾಟ​ರಾ​ಯ​ನ​ಪುರ ಪೊಲೀ​ಸರು ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡಿದ್ದಾರೆ.

ಮೈಸೂರು ರಸ್ತೆಯ ಬ್ಯಾಟ​ರಾ​ಯ​ನ​ಪುರ ವ್ಯಾಪ್ತಿ​ಯಲ್ಲಿ ಭಾನು​ವಾರ ರಾತ್ರಿ ಕನ್ನ​ಡ​ದ ಖಾಸಗಿ ಮನ​ರಂಜನಾ ವಾಹಿ​ನಿ​ ಜೀ ಟಿವಿಯ ‘ಸರಿಗ​ಮಪ’ ಫಿನಾಲೆ ಸ್ಪರ್ಧೆ ಆಯೋ​ಜಿ​ಸ​ಲಾ​ಗಿತ್ತು. ಈ ವೇಳೆ ಕೇವಲ 100 ಮಂದಿ ಭಾಗ​ವ​ಹಿ​ಸಲು ಮಾತ್ರ ಆಯೋ​ಜ​ಕರು ಅನು​ಮತಿ ಪಡೆ​ದು​ಕೊಂಡಿ​ದ್ದರು. ಆದರೆ, ನೂರಕ್ಕೂ ಅಧಿಕ ಮಂದಿ ಕಾರ್ಯ​ಕ್ರ​ಮ​ದಲ್ಲಿ ಭಾಗಿ​ಯಾ​ಗಿದ್ದರು. ಕೊರೋನಾ ಸಂದರ್ಭದಲ್ಲಿ ಮಾಸ್ಕ್‌ ಧರಿಸದೆ, ಯಾವುದೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳದಿರುವುದು ಕಂಡು ಬಂದಿದೆ. ಕೊರೋನಾ ನಿಯಮ ಉಲ್ಲಂಘಿ​ಸಿ​ದ್ದಾರೆ.

ಈ ಸಂಬಂಧ ಸ್ವಯಂಪ್ರೇ​ರಿ​ತ ದೂರು ದಾಖ​ಲಿ​ಸಿ​ಕೊಂಡು, ಪ್ರಾಥ​ಮಿಕ ವರ​ದಿ​ಯನ್ನು ಸಿದ್ಧಪ​ಡಿಸಿ ಕೋರ್ಟ್‌ಗೆ ಸಲ್ಲಿ​ಸ​ಲಾ​ಗಿದೆ. ಈ ವರದಿಯಾಧ​ರಿಸಿ ಕೋರ್ಟ್‌ ನೀಡುವ ಸೂಚನೆ ಅನ್ವಯ ಮುಂದಿನ ಕ್ರಮ​ ಕೈ​ಗೊ​ಳ್ಳ​ಲಾ​ಗು​ವುದು ಎಂದು ಪೊಲೀ​ಸರು ತಿಳಿಸಿದ್ದಾರೆ.