ಮಧ್ಯಪ್ರದೇಶ ಮಣಿಸಿ ಇರಾನಿ ಕಪ್ ಗೆದ್ದ ಶೇಷ ಭಾರತ
ಸತತ ಎರಡನೇ ಬಾರಿಗೆ ಇರಾನಿ ಕಪ್ ಶೇಷ ಭಾರತದ ಪಾಲು
ಎರಡು ಇನಿಂಗ್ಸ್ನಲ್ಲೂ ಶತಕ ಸಿಡಿಸಿ ಮಿಂಚಿದ ಯಶಸ್ವಿ ಜೈಸ್ವಾಲ್
ಗ್ವಾಲಿಯರ್(ಮಾ.06): 2021-22ರ ರಣಜಿ ಟ್ರೋಫಿ ಚಾಂಪಿಯನ್ ಮಧ್ಯಪ್ರದೇಶವನ್ನು 238 ರನ್ಗಳಿಂದ ಮಣಿಸಿದ ಶೇಷ ಭಾರತ ಸತತ 2ನೇ ಬಾರಿ ಇರಾನಿ ಕಪ್ ಗೆದ್ದುಕೊಂಡಿದೆ. ಗೆಲುವಿಗೆ 437 ರನ್ಗಳ ಬೃಹತ್ ಗುರಿ ಪಡೆದುಕೊಂಡಿದ್ದ ಮಧ್ಯಪ್ರದೇಶ 58.4 ಓವರ್ಗಳಲ್ಲಿ 198ಕ್ಕೆ ಆಲೌಟ್ ಆಯಿತು. 4ನೇ ದಿನದಂತ್ಯಕ್ಕೆ 2 ವಿಕೆಟ್ ನಷ್ಟಕ್ಕೆ 81 ರನ್ ಗಳಿಸಿದ್ದ ಮಧ್ಯಪ್ರದೇಶ ಕೊನೆ ದಿನ ಯಾವುದೇ ಪ್ರತಿರೋಧ ತೋರಲಿಲ್ಲ.ಮೊದಲ ಅವಧಿಯಲ್ಲೇ ಪಂದ್ಯ ಮುಕ್ತಾಯಗೊಂಡಿತು.
ನಾಯಕ ಹಿಮಾಂಶು ಮಂತ್ರಿ(51), ಹರ್ಷ್ ಗಾವ್ಲಿ(48) ಹೊರತುಪಡಿಸಿ ಉಳಿದವರಿಂದ ಹೋರಾಟ ಕಂಡುಬರಲಿಲ್ಲ. ಮೊದಲ ಇನ್ನಿಂಗ್್ಸನಲ್ಲಿನಲ್ಲಿ 213, 2ನೇ ಇನ್ನಿಂಗ್್ಸನಲ್ಲಿ 144 ರನ್ ಸಿಡಿಸಿದ ಯಶಸ್ವಿ ಜೈಸ್ವಾಲ್ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು. ಮೊದಲ ಇನ್ನಿಂಗ್್ಸನಲ್ಲಿ ಶೇಷ ಭಾರತ 484, ಮಧ್ಯಪ್ರದೇಶ 294 ರನ್ ಗಳಿಸಿತ್ತು. 190 ರನ್ ಮುನ್ನಡೆ ಪಡೆದಿದ್ದ ಶೇಷ ಭಾರತ 2ನೇ ಇನ್ನಿಂಗ್್ಸನಲ್ಲಿ 246ಕ್ಕೆ ಆಲೌಟಾಗಿತ್ತು.
4ನೇ ಟೆಸ್ಟ್ಗೂ ಕಮಿನ್ಸ್ ಗೈರಾಗುವ ಸಾಧ್ಯತೆ
ಅಹಮದಾಬಾದ್(ಮಾ.06): ತಾಯಿಯ ಅನಾರೋಗ್ಯ ಕಾರಣ ತವರಿಗೆ ಮರಳಿರುವ ಆಸ್ಪ್ರೇಲಿಯಾ ನಾಯಕ ಪ್ಯಾಟ್ ಕಮಿನ್ಸ್ ಭಾರತ ವಿರುದ್ಧದ 4ನೇ ಟೆಸ್ಟ್ ಪಂದ್ಯಕ್ಕೂ ಅಲಭ್ಯರಾಗುವ ಸಾಧ್ಯತೆ ಇದೆ ವರದಿಯಾಗಿದೆ. ಕ್ಯಾನ್ಸರ್ನಿಂದ ಬಳಲುತ್ತಿರುವ ತಾಯಿಯ ಆರೋಗ್ಯ ಮತ್ತಷ್ಟು ಹದಗೆಟ್ಟಿದ್ದರಿಂದ 3ನೇ ಟೆಸ್ಟ್ಗೂ ಮುನ್ನ ಕಮಿನ್ಸ್ ಆಸ್ಪ್ರೇಲಿಯಾಕ್ಕೆ ತೆರಳಿದ್ದರು. ಅವರು ಇನ್ನೂ ಗಂಭೀರ ಸ್ಥಿತಿಯಲ್ಲಿರುವ ಕಾರಣ ಕಮಿನ್ಸ್ ಭಾರತಕ್ಕೆ ಆಗಮಿಸುವುದು ಅನುಮಾನವೆನಿಸಿದೆ.
ಪ್ಯಾಟ್ ಕಮಿನ್ಸ್ ಅನುಪಸ್ಥಿತಿಯಲ್ಲಿ 3ನೇ ಟೆಸ್ಟ್ನಲ್ಲಿ ನಾಯಕರಾಗಿದ್ದ ಸ್ಟೀವ್ ಸ್ಮಿತ್ 4ನೇ ಟೆಸ್ಟ್ನಲ್ಲೂ ತಂಡ ಮುನ್ನಡೆಸಲಿದ್ದಾರೆ ಎನ್ನಲಾಗಿದೆ. ಮೂರನೇ ಟೆಸ್ಟ್ ಪಂದ್ಯದಲ್ಲಿ ಸ್ಟೀವ್ ಸ್ಮಿತ್ ನೇತೃತ್ವದ ಆಸ್ಟ್ರೇಲಿಯಾ ತಂಡವು 9 ವಿಕೆಟ್ಗಳ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ಗೆ ಅರ್ಹತೆಗಿಟ್ಟಿಸಿಕೊಂಡಿತ್ತು. ಇದೀಗ ಮಾರ್ಚ್ 9ರಿಂದ ಅಹಮದಾಬಾದ್ನಲ್ಲಿ 4ನೇ ಟೆಸ್ಟ್ ಆರಂಭಗೊಳ್ಳಲಿದೆ.
ಶಸ್ತ್ರಚಿಕಿತ್ಸೆಗೆ ನ್ಯೂಜಿಲೆಂಡ್ಗೆ ತೆರಳಿದ ವೇಗಿ ಬುಮ್ರಾ
ನವದೆಹಲಿ: ದೀರ್ಘ ಸಮಯದಿಂದ ಬೆನ್ನು ನೋವಿನ ಸಮಸ್ಯೆಯಿಂದ ಬಳಲುತ್ತಿರುವ ಭಾರತೀಯ ವೇಗಿ ಜಸ್ಪ್ರೀತ್ ಬುಮ್ರಾ ಶಸ್ತ್ರಚಿಕಿತ್ಸೆಗಾಗಿ ನ್ಯೂಜಿಲೆಂಡ್ಗೆ ತೆರಳಿದ್ದಾರೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿದ್ದಾಗಿ ಮಧ್ಯಮಗಳಲ್ಲಿ ವರದಿಯಾಗಿದೆ. ಅವರು 2-3 ದಿನಗಳಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಲಿದ್ದು, ಬಳಿಕ ಸುಮಾರು 20ರಿಂದ 24 ವಾರಗಳ ಕಾಲ ವಿಶ್ರಾಂತಿ ಪಡೆಯಲಿದ್ದಾರೆ ಎಂದು ತಿಳಿದುಬಂದಿದೆ.
WPL 2023: ಇಂದು ಮುಂಬೈಗೆ ಆರ್ಸಿಬಿ ಸವಾಲು..! ಗೆಲುವಿನ ಹಳಿಗೆ ಮರಳುತ್ತಾ ಮಂಧನಾ ಪಡೆ?
ಬೆನ್ನು ನೋವಿನಿಂದಾಗಿ ಬುಮ್ರಾ 5 ತಿಂಗಳುಗಳಿಂದ ಸ್ಪರ್ಧಾತ್ಮಕ ಕ್ರಿಕೆಟ್ನಿಂದ ದೂರ ಉಳಿದಿದ್ದಾರೆ. ಇನ್ನೂ ಕೂಡಾ ಗುಣಮುಖರಾಗದ ಹಿನ್ನೆಲೆಯಲ್ಲಿ ಹಲವು ಕ್ರಿಕೆಟಿಗರಿಗೆ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನಡೆಸಿದ ಡಾ.ರೋವನ್ ಶೌಟೆನ್ ಅವರಿಂದ ನ್ಯೂಜಿಲೆಂಡ್ನಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾಗಲಿದ್ದಾರೆ ಎಂದು ತಿಳಿದುಬಂದಿದೆ.