WTCfinal; ಕೊಹ್ಲಿ, ರಹಾನೆ ಹೋರಾಟಕ್ಕೆ ಬ್ಯಾಡ್ ಲೈಟ್ ಬ್ರೇಕ್!

ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ಪಂದ್ಯಕ್ಕೆ ಕಾಡುತ್ತಿದೆ ಮಳೆ 3 ವಿಕೆಟ್ ಕಳೆದುಕೊಂಡ ಭಾರತಕ್ಕೆ ಕೊಹ್ಲಿ, ರಹಾನೆ ಆಸರೆ

ಸೌಥಾಂಪ್ಟನ್(ಜೂ.19):  ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾ ಹಾಗೂ ನ್ಯೂಜಿಲೆಂಡ್ ಆಟಕ್ಕಿಂತ ಮಳೆರಾಯನ ಆರ್ಭಟವೇ ಹೆಚ್ಚಾಗಿದೆ. ಮೊದಲ ದಿನ ಸಂಪೂರ್ಣವಾಗಿ ಆಹುತಿ ಪಡೆದ ಮಳೆರಾಯದ ಇದೀಗ 2ನೇ ದಿನದಾಟದ ಅಂತಿಮ ಸೆಶನ್‌‌ಗೆ ಕಾಟ ನೀಡಿದೆ. ಮಳೆ ಹಾಗೂ ಬ್ಯಾಡ್ ಲೈಟ್ ಪರಿಣಾಣ ಆಟ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ.

ಅಂತಿಮ ಸೆಶನ್ ಆಟಕ್ಕೆ ಮೋಡ ಕವಿದ ವಾತಾವರಣ ಮುಳುವಾಗಿದೆ. ಮಂದ ಬೆಳಕಿನ ಕಾರಣ ಆಟ ಸ್ಥಗಿತಗೊಳಿಸಲಾಗಿದೆ. 2ನೇ ದಿನದಾಟದ ಆರಂಭದಿಂದಲೇ ಟೀಂ ಇಂಡಿಯಾ ಸವಾಲುಗಳನ್ನು ಎದುರಿಸುತ್ತಲೇ ಇದೆ. ಟಾಸ್ ಸೋತು ಕಾರಣ ಬ್ಯಾಟಿಂಗ್ ಇಳಿದ ಭಾರತ ಉತ್ತಮ ಆರಂಭ ಪಡೆಯಿತು. ಆದರೆ ರೋಹಿತ್ ಶರ್ಮಾ ಹಾಗೂ ಶುಭ್‌ಮನ್ ಗಿಲ್ ಜೊತೆಯಾಟ 62 ರನ್‌ಗೆ ಅಂತ್ಯವಾಯಿತು.

ರೋಹಿತ್ ಶರ್ಮಾ 34 ರನ್ ಸಿಡಿಸಿ ಔಟಾದ ಬೆನ್ನಲ್ಲೇ, ಗಿಲ್ 28 ರನ್ ಸಿಡಿಸಿ ಔಟಾದರು. ಚೇತೇಶ್ವರ್ ಪೂಜಾರ 8 ರನ್ ಸಿಡಿಸಿ ಔಟಾದರು. 3 ವಿಕೆಟ್ ಕಳೆದುಕೊಂಡ ಟೀಂ ಇಂಡಿಯಾಗೆ ನಾಯಕ ವಿರಾಟ್ ಕೊಹ್ಲಿ ಹಾಗೂ ಅಜಿಂಕ್ಯ ರಹಾನೆ ಆಸರೆಯಾದರು. ಕೊಹ್ಲಿ ಹಾಗೂ ರಹಾನೆ ಜೊತೆಯಾಟಕ್ಕೆ ಮಳೆ ಮೋಡ  ಬ್ರೇಕ್ ಹಾಕಿದೆ.  ಮಂದ ಬೆಳಕು ಪಂದ್ಯ ಮತ್ತೆ ಆರಂಭಿಸಲು ಅನುವು ಮಾಡಿಕೊಟ್ಟಿಲ್ಲ.

ಸದ್ಯ ಭಾರತ 3 ವಿಕೆಟ್ ನಷ್ಟಕ್ಕೆ 146 ರನ್ ಸಿಡಿಸಿದೆ. ಕೊಹ್ಲಿ ಅಜೇಯ 44 ರನ್ ಹಾಗೂ ರಹಾನೆ 29 ರನ್ ಸಿಡಿಸಿ ಕ್ರೀಸ್ ಕಾಯ್ದುಕೊಂಡಿದ್ದಾರೆ