ರವೀಂದ್ರ ಜಡೇಜಾ ಟ್ರೋಲ್ ಮಾಡಿದ ವಿರಾಟ್ ಕೊಹ್ಲಿ!

ಟ್ರೋಲ್, ತಿರುಗೇಟು ನೀಡುವುದರಲ್ಲಿ ವಿರಾಟ್ ಕೊಹ್ಲಿ ಎತ್ತಿದ ಕೈ. ಸಾಮಾಜಿಕ ಜಾಲತಾಣದಲ್ಲಿ ಹಲವು ಬಾರಿ ವಿರಾಟ್ ಕೊಹ್ಲಿ ಪ್ರತಿಕ್ರಿಯೆ ಹಲವು ಬಾರಿ ವೈರಲ್ ಆಗಿದೆ. ಇದೀಗ ರವೀಂದ್ರ ಜಡೇಜಾ DRS ಕುರಿತು ಮಾಡಿದ ಪೋಸ್ಟ್‌ಗೆ ಇದೀಗ ವಿರಾಟ್ ಕೊಹ್ಲಿ  ಸಖತ್ ಟ್ರೋಲ್ ಮಾಡಿದ್ದಾರೆ.

ಮುಂಬೈ(ಜೂ.10): ಕೊರೋನಾ ವೈರಸ್ ಕಾರಣ ಕ್ರಿಕೆಟಿಗರೆಲ್ಲಾ ಮನೆಯೊಳಗೆ ಬಂದಿಯಾಗಿದ್ದಾರೆ. ಹೀಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದಾರೆ.  ಟೀಂ ಇಂಡಿಯಾ ಆಲ್ರೌಂಡರ್ ರವೀಂದ್ರ ಜಡೇಜಾ ಇತ್ತೀಚೆಗೆ ನಾಯಕ ವಿರಾಟ್ ಕೊಹ್ಲಿ ಕಾಲೆಳೆಯುವ ಪ್ರಯತ್ನ ಮಾಡಿದ್ದರು. ಇದೀಗ ಕೊಹ್ಲಿ ತಿರುಗೇಟು ನೀಡಿದ್ದಾರೆ. 

ರವೀಂದ್ರ ಜಡೇಜಾ ಟೆಸ್ಟ್ ಕ್ರಿಕೆಟ್ ಪೋಟೋ ಶೇರ್ ಮಾಡಿದ್ದರು. ಈ ಫೋಟದಲ್ಲಿ ಕೊಹ್ಲಿ ಅಂಪೈರ್ ರಿವ್ಯೂ ಕೇಳುತ್ತಿದ್ದರೆ. ಜಡೇಜಾ, ಕೊಹ್ಲಿಯನ್ನೇ ನೋಡುತ್ತಿದ್ದಾರೆ. ಬಳಿಕ ಜಡೇಜಾ , ನೋಡು ಸಹೋದರ  ನಾನು DRS ತೆಗೆದುಕೊಳ್ಳಲು ಹೇಳಿಲ್ಲ ಎಂದು ಕ್ಯಾಪ್ಶನ್ ಹಾಕಿದ್ದರು. 

ಜಡೇಜಾ ಈ ಪೋಸ್ಟ್‌ಗೆ ಕೊಹ್ಲಿ ಕೂಡ ಪ್ರತಿಕ್ರಿಯೆ ನೀಡಿದ್ದಾರೆ. ನಿನಗೆ ಎಲ್ಲವೂ ಔಟ್ ಎಂದೇ ಕಾಣಿಸುತ್ತದೆ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ. ರವೀಂದ್ ಜಡೇಜಾ ಪ್ರತಿ ಬಾರಿ ಕೊಹ್ಲಿ ಬಳಿ ರಿವ್ಯೂವ್ ಕೇಳಲು ಹೇಳುತ್ತಾರೆ. ಜಡೇಜಾ ಮಾತಿನಂತೆ ರಿವ್ಯೂ ಕೇಳಿದರೆ ಇದ್ದ ಎರಡು ಆಯ್ಕೆಯೂ ಇಲ್ಲದಾಗುತ್ತದೆ ಎಂದು ಈ ಹಿಂದೆ ಸಂದರ್ಶನದಲ್ಲಿ ಹೇಳಿದ್ದರು.