ಕ್ರಿಕೆಟ್‌ ಮಾತ್ರವಲ್ಲ ಹೋಟೆಲ್ ಉದ್ಯಮದಲ್ಲೂ ಈ ಆಟಗಾರರು ಸಕ್ಸಸ್..!

* ನೆದರ್‌ಲೆಂಡ್ಸ್‌ನಲ್ಲಿ ಹೋಟೆಲ್‌ ಬ್ಯುಸಿನೆಸ್‌ ಆರಂಭಿಸಿದ ಸುರೇಶ್‌ ರೈನಾ * ದೇಶದ ಮಹಾನಗರಗಳಲ್ಲಿ ರೆಸ್ಟೊರೆಂಟ್ ನಡೆಸುತ್ತಿರೋ ಕೊಹ್ಲಿ * 10 ವರ್ಷದ ಹಿಂದೆಯೆ ರೆಸ್ಟೋರೆಂಟ್​ ಆರಂಭಿಸಿದ್ದ ಜಡ್ಡು

ಬೆಂಗಳೂರು(ಜೂ.26): ಭಾರತದ ಹಲವು ಮಾಜಿ ಹಾಗೂ ಹಾಲಿ ಕ್ರಿಕೆಟರ್ಸ್​,  ಕ್ರಿಕೆಟ್​ನಲ್ಲಿ ಮಾತ್ರ ಅಲ್ಲ. ಬಿಸಿನೆಸ್​ನಲ್ಲೂ ಎಕ್ಸ್​ಪರ್ಟ್ಸ್​​. ವಿವಿಧ ಕ್ಷೇತ್ರಗಳಲ್ಲಿ ಕೋಟಿ. ಕೋಟಿ ಹಣ ಹೂಡಿ ಹಾಲಿ ಕ್ರಿಕೆಟರ್ಸ್ ಸಕ್ಸಸ್ ಕಂಡಿದ್ದಾರೆ. ವಿಶೇಷ ಅಂದ್ರೆ, ಬಹುತೇಕ ಆಟಗಾರರು  ರೆಸ್ಟೋರೆಂಟ್​ ಬಿಸಿನೆಸ್​ ನಡೆಸ್ತಿದ್ದಾರೆ. ಇತ್ತೀಚೆಗೆ ಸುರೇಶ್ ರೈನಾ ಆ ಲಿಸ್ಟ್​ಗೆ ಸೇರ್ಪಡೆಯಾಗಿದ್ದಾರೆ. 

ನೆದರ್​ಲೆಂಡ್ ರಾಜಧಾನಿ ಆಮ್​ಸ್ಟರ್ ಡ್ಯಾಂನಲ್ಲಿ ಸುರೇಶ್‌ ರೈನಾ(Suresh Raina), ತಮ್ಮದೇ ಹೆಸರಿನಲ್ಲಿ ರೆಸ್ಟೊರೆಂಟ್​ವೊಂದನ್ನ ಆರಂಭಿಸಿದ್ದಾರೆ. ಆ ಮೂಲಕ ಬಿಸಿನೆಸ್ ಮ್ಯಾನ್ ಆಗಿ ಬದಲಾಗಿದ್ದಾರೆ. 

ದೇಶದ ಮಹಾನಗರಗಳಲ್ಲಿ ರೆಸ್ಟೊರೆಂಟ್ ನಡೆಸುತ್ತಿರೋ ಕೊಹ್ಲಿ..!​

ಸುರೇಶ್‌ ರೈನಾ ಮಾತ್ರವಲ್ಲ ಟೀಂ ಇಂಡಿಯಾ ಮಾಜಿ ಕ್ಯಾಪ್ಟನ್ ವಿರಾಟ್ ಕೊಹ್ಲಿ(Virat Kohli)ಯು ರೆಸ್ಟೋರೆಂಟ್​ ಉದ್ಯಮದಲ್ಲಿ ತೊಡಗಿಕೊಂಡಿದ್ದಾರೆ. ONE8 ಕಮ್ಯೂನಿ ಹೆಸರಿನಲ್ಲಿ ರೆಸ್ಟೊರೆಂಟ್ ನಡೆಸುತ್ತಿದ್ದಾರೆ. ದೆಹಲಿ ಮುಂಬೈ  ಮತ್ತು ಕೋಲ್ಕತ್ತಾದಲ್ಲಿ ಕೊಹ್ಲಿಯ ರೆಸ್ಟೋರೆಂಟ್​ಗಳಿವೆ. ಈ ರೆಸ್ಟೊರೆಂಟ್​ನಲ್ಲಿ ವಿವಿಧ ದೇಶಗಳ ಪ್ರಸಿದ್ಧ ಖಾದ್ಯಗಳು, ಡ್ರಿಂಕ್ಸ್ ಸರ್ವ್‌ ಮಾಡಲಾಗುತ್ತೆ. 

10 ವರ್ಷದ ಹಿಂದೆಯೆ ರೆಸ್ಟೋರೆಂಟ್​ ಆರಂಭಿಸಿದ್ದ ಜಡ್ಡು..!

ಟೀಂ ಇಂಡಿಯಾದ ರಾಕ್​ ಸ್ಟಾರ್, ಆಲ್ರೌಂಡರ್ ರವೀಂದ್ರ ಜಡೇಜಾ (Ravindra Jadeja) ಸಹ ಹೋಟೆಲ್ ಉದ್ಯಮ ಹೊಂದಿದ್ದಾರೆ. 10 ವರ್ಷಗಳ ಹಿಂದೆಯೆ ಜಡೇಜಾ, ರಾಜ್​ಕೋಟ್​ನಲ್ಲಿ ಜಡ್ಡು ಫುಡ್ ಫೀಲ್ಡ್​ ಹೆಸರಿನ ರೆಸ್ಟೊರೆಂಟ್ ಅರಂಭಿಸಿದ್ರು. ಇಲ್ಲಿ ಇಂಡಿಯನ್, ಮೆಕ್ಸಿಕನ್, ಥಾಯ್, ಕಾಂಟಿನೆಂಟಲ್  ಮತ್ತು ಪಂಜಾನ್ ಡಿಶ್​ಗಳು ಸಿಗುತ್ವೆ. 

ವಿಶ್ವಕಪ್ ವಿಜೇತ ಕ್ಯಾಪ್ಟನ್ ಕಪಿಲ್ ದೇವ್(Kapil Dev), ಬಿಹಾರದ ಪಾಟ್ನಾದಲ್ಲಿ ಕಪಿಲ್ ಇಲೆವೆನ್ ಹೆಸರಿನ ರೆಸ್ಟೋರೆಂಟ್​​ಗೆ ​ಮಾಲೀಕರಾಗಿದ್ದಾರೆ. ಕಪಿಲ್ ದೇವ್ 2008ರಲ್ಲೇ ಈ ರೆಸ್ಟೋರೆಂಟ್​ ನ ಆರಂಭಿಸಿದ್ದಾರೆ. ಇಲ್ಲಿ ಕ್ರಿಕೆಟ್​ಗೆ ಸಂಬಂಧಿಸಿದ ವಸ್ತುಗಳು, ಟ್ರೋಫಿಗಳನ್ನ ಪ್ರದರ್ಶನಕ್ಕೆ ಇಡಲಾಗಿದೆ. ಈ ರೆಸ್ಟೋರೆಂಟ್​ ​ಒಳ ಹೊಕ್ಕರೆ ಮೈದಾನದೊಳಗೆ ಎಂಟ್ರಿ ನೀಡಿದಂತಾಗುತ್ತೆ. 

ಇವರಷ್ಟೇ ಅಲ್ಲ, ಟೀಂ ಇಂಡಿಯಾ(Team India)ದ ಮಾಜಿ ವೇಗಿ ಜಹೀರ್ ಖಾನ್(Zaheer Khan). ಶ್ರೀಲಂಕಾದ ಮಹೇಲಾ  ಜಯವರ್ಧನೆ- ಕುಮಾರ್ ಸಂಗಾಕ್ಕರ ಕೂಡ ರೆಸ್ಟೋರೆಂಟ್​  ರನ್ ಮಾಡ್ತಿದ್ದಾರೆ. ಒಟ್ಟಿನಲ್ಲಿ ಆಟದ ಮೂಲಕ ಕೋಟಿ. ಕೋಟಿ ಗಳಿಸೋ ಕ್ರಿಕೆಟರ್ಸ್, ಬಿಸಿನೆಸ್​ ಮೂಲಕವೂ ಒಳ್ಳೆ ದುಡ್ಡು ಮಾಡ್ತಿದ್ದಾರೆ.