T20 World Cup: ಕೊಹ್ಲಿಯನ್ನ ಟಾರ್ಗೆಟ್ ಮಾಡಿದ್ದಾರೆ ಬಿಗ್ಬಾಸ್ಗಳು?
ಸಾರಾಂಶ
ಕೊಹ್ಲಿಯನ್ನ ಟಾರ್ಗೆಟ್ ಮಾಡಿದ್ದಾರೆ ಬಿಗ್ಬಾಸ್ಗಳು? ಕೊಹ್ಲಿ ಇಮೇಜ್ಗೆ ಡ್ಯಾಮೇಜ್ ಮಾಡ್ತಿದೆ ಬಿಸಿಸಿಐ! ಜಿಂಬಾಬ್ವೆ ಸರಣಿಯಲ್ಲಿ ಕೊಹ್ಲಿಯನ್ನ ಯಾಕೆ ಆಡಿಸ್ತಿದೆ ಗೊತ್ತಾ..?
ಬೆಂಗಳೂರು (ಜು.25) : ವಿರಾಟ್ ಕೊಹ್ಲಿ ವರ್ಲ್ಡ್ ಕ್ರಿಕೆಟ್ನಲ್ಲಿ ಕೇವಲ ನಂಬರ್ ಒನ್ ಆಟಗಾರ ಮಾತ್ರವಲ್ಲ, ಪಾಪ್ಯುಲಾರಿಟಿಯಲ್ಲೂ ನಂಬರ್ ಒನ್ ಪ್ಲೇಯರ್. ಕೊಹ್ಲಿ ಆಡಿದ್ರೆ ಮ್ಯಾಚ್ ನೋಡುವವರೆ ಸಂಖ್ಯೆ ದುಪ್ಪಟ್ಟಾಗುತ್ತೆ. ಅವರು ಆಡದಿದ್ರೆ ಪಂದ್ಯಗಳನ್ನ ನೋಡುವವರೇ ಸಂಖ್ಯೆ ದಿಢೀರ್ ಕುಸಿಯುತ್ತೆ. ಇದು ಅದೆಷ್ಟೋ ಸಲ ಸಾಬೀತಾಗಿದೆ ಕೂಡ. ಕೊಹ್ಲಿ ಆಡದ ಸರಣಿಗಳನ್ನ ಟೆಲಿಕಾಸ್ಟ್ ಮಾಡಲು ಚಾನಲ್ಗಳು ಸಹ ಹಿಂದೇಟು ಹಾಕುತ್ತವೆ. ಕೊಹ್ಲಿ ಎರಡುವರೆ ವರ್ಷದಿಂದ ಸೆಂಚುರಿ ಹೊಡೆಯದೆ ಇರಬಹುದು. ಆದ್ರೆ ಅವರ ಪಾಪ್ಯುಲಾರಿಟಿ ಕಮ್ಮಿಯಾಗಿಲ್ಲ. ಆನೆ ಇದ್ರೂ ಸಾವಿರ ಸತ್ರೂ ಸಾವಿರ ಅಂತರಲ್ಲ. ಹಾಗೆ ಕೊಹ್ಲಿ ಆಡಿದ್ರೂ ಕಿಂಗ್, ಆಡದಿದ್ದರೂ ಕಿಂಗ್.
T20 World Cup: ಎರಡು ಬಿಗ್ ಟಾರ್ಗೆಟ್ ಕನಸು ಬಿಚ್ಚಿಟ್ಟ ಕೊಹ್ಲಿ
ಈಗ ಇದೇ ಕೊಹ್ಲಿ(Virat kohli) ಇಮೇಜ್ಗೆ ಡ್ಯಾಮೇಜ್ ಮಾಡಲು ಹೊರಟಿದೆ BCCI. ಅದು ಹೇಗೆ ಅನ್ನೋದನ್ನ ವಿವರಿಸ್ತೀವಿ ನೋಡಿ. ಕಳಪೆ ಫಾರ್ಮ್ನಲ್ಲಿರುವ ಕೊಹ್ಲಿ ವಿಂಡೀಸ್ ಸಿರೀಸ್ನಿಂದ ವಿಶ್ರಾಂತಿ ಪಡೆದಿದ್ದಾರೆ. ಏಷ್ಯಾಕಪ್ನಲ್ಲಿ ಕಣಕ್ಕಿಳಿಯೋ ಪ್ಲಾನ್ ಅವರದ್ದು. ಆದ್ರೆ ಏಷ್ಯಾಕಪ್ಗೂ ಮುನ್ನ ಅವರನ್ನ ಜಿಂಬಾಬ್ವೆ(Zimbabwe) ಸರಣಿಗೆ ಆಯ್ಕೆ ಮಾಡಲು BCCI ನಿರ್ಧರಿಸಿದೆ. ಈ ಮೂಲ್ಕ ಕೊಹ್ಲಿಯನ್ನ ಅವಮಾನ ಮಾಡಲು ಹೊರಟಿದೆ. ಅದು ಒಂದು ಅವಮಾನವಲ್ಲ, ಎರೆಡೆರಡು ಅವಮಾನ.
2ನೇ ದರ್ಜೆ ತಂಡದಲ್ಲಿ ಕೊಹ್ಲಿ ಕೇವಲ ಆಟಗಾರ:
ಜಿಂಬಾಬ್ವೆ(zimbabwe) ದುರ್ಬಲವಾಗಿರುವುದರಿಂದ 2ನೇ ದರ್ಜೆ ತಂಡವನ್ನ ಜಿಂಬಾಬ್ವೆಗೆ ಕಳುಹಿಸಲು ಬಿಸಿಸಿಐ ಪ್ಲಾನ್ ಮಾಡಿದೆ. ಈ 2ನೇ ದರ್ಜೆ ತಂಡದಲ್ಲಿ ಕೊಹ್ಲಿಯನ್ನ ಆಡಿಸೋ ಮೂಲ್ಕ ನೀವು ಸ್ಟಾರ್ ಪ್ಲೇಯರ್ ಅಲ್ಲ, ನೀವು ಸಹ ಸಾಮಾನ್ಯ ಆಟಗಾರ ಅಂತ ತೋರಿಸಲು ಹೊರಟಿದೆ BCCI. ಈ ಮೂಲ್ಕ ಹೇಳದೆ ಕೇಳದೆ ಟಿ20 ಮತ್ತು ಟೆಸ್ಟ್ ಕ್ಯಾಪ್ಟನ್ಸಿ ಬಿಟ್ಟು BCCI ಮುಜುಗರಕ್ಕೆ ಒಳಗಾಗುವಂತೆ ಮಾಡಿದ್ದ ಕೊಹ್ಲಿಯನ್ನ ಅವಮಾನಿಸಲು ಸಿದ್ದತೆ ನಡೆಸಿದೆ.
ಟಿ20 ವಿಶ್ವಕಪ್ ಬಳಿಕ ಟೀಂ ಇಂಡಿಯಾದ ಸ್ಟಾರ್ ಆಟಗಾರರು ಆಡಿದ್ದಕ್ಕಿಂತ ಹೊರಗುಳಿದಿದ್ದೇ ಹೆಚ್ಚು..!
ವರ್ಲ್ಡ್-11 ವಿರುದ್ಧ ಪಂದ್ಯ ಆಡ್ತಿಲ್ಲ ಕೊಹ್ಲಿ:
ಆಗಸ್ಟ್ 15ಕ್ಕೆ ಭಾರತಕ್ಕೆ ಸ್ವಾಂತಂತ್ರ್ಯ ಬಂದು 75 ವರ್ಷ. ಈ ಸಂಭ್ರಮವನ್ನ ಕೇಂದ್ರ ಸರ್ಕಾರ ದೊಡ್ಡ ಮಟ್ಟದಲ್ಲಿ ಆಚರಿಸುತ್ತಿದ್ದು, ಅಜಾದಿ ಕಾ ಅಮೃತ್ ಮಹೋತ್ಸವ್ ಹೆಸರಿನಲ್ಲಿ ನಾನಾ ಕಾರ್ಯಕ್ರಮಗಳನ್ನ ಸಂಘಟಿಸುತ್ತಿದೆ. ಈ ಅಂಗವಾಗಿ ಆಗಸ್ಟ್ 22ರಂದು ಭಾರತ ಮತ್ತು ರೆಸ್ಟ್ ಆಫ್ ವರ್ಲ್ಡ್-11 ನಡ್ವೆ ಕ್ರಿಕೆಟ್ ಪಂದ್ಯ ನಡೆಯುತ್ತಿದೆ. ಈ ಪಂದ್ಯದಲ್ಲಿ ಭಾರತೀಯ ಸ್ಟಾರ್ ಪ್ಲೇಯರ್ಸ್ ಆಡ್ತಿದ್ದಾರೆ. ಆದರೆ ಜಿಂಬಾಬ್ವೆ ಟೂರ್ಗೆ ಹೋಗೋ ಕೊಹ್ಲಿ ಈ ಪಂದ್ಯ ಆಡಲ್ಲ. ಕಾರಣ ಆಗಸ್ಟ್ 22ರಂದೇ ಭಾರತ-ಜಿಂಬಾಬ್ವೆ 3ನೇ ಪಂದ್ಯ ಇದೆ.
ನೀವು ಸ್ಟಾರ್ ಪ್ಲೇಯರ್ ಅಲ್ಲವೇ ಅಲ್ಲ. ನೀವು ಸಾಮಾನ್ಯ ಪ್ಲೇಯರ್. ನಿಮ್ಮನ್ನು ಬಿಟ್ಟು ಭಾರತದಲ್ಲಿ ಇನ್ನೂ ಸ್ಟಾರ್ ಪ್ಲೇಯರ್ಸ್ ಇದ್ದಾರೆ. ನೀವಿಲ್ಲದೆ ಭಾರತೀಯ ಸ್ಟಾರ್ ಆಟಗಾರರ ತಂಡ ವರ್ಲ್ಡ್-11 ವಿರುದ್ಧ ಪಂದ್ಯ ಆಡಲಿದೆ. ಪಂದ್ಯ ಸಹ ಸಕ್ಸಸ್ ಆಗುತ್ತೆ ಅನ್ನೋದನ್ನ ತೋರಿಸಲು ಹೊರಟಿದೆ BCCI. ಈ ಮೂಲ್ಕ ಒನ್ಡೇ ಕ್ಯಾಪ್ಟನ್ಸಿಯನ್ನ ಕಿತ್ತುಹಾಕುವಾಗ ನನ್ನನ್ನ BCCI ಸಂಪರ್ಕಿಸಲಿಲ್ಲ ಅನ್ನೋ ಕೊಹ್ಲಿ ಅಹಂಕಾರದ ಮಾತಿಗೆ ಈಗ ಬಿಸಿ ಮುಟ್ಟಿಸುತ್ತಿದೆ. ಒಟ್ನಲ್ಲಿ BCCI ಎದುರು ಹಾಕಿಕೊಂಡೆ ಉಳಿಗಾಲವಿಲ್ಲ ಅನ್ನೋದನ್ನ ಬಿಗ್ ಬಾಸ್ಗಳು ತೋರಿಸಲು ಹೊರಟಿದ್ದಾರೆ. ಈ ಎಲ್ಲಾ ಅವಮಾನಗಳನ್ನ ಕೊಹ್ಲಿ ಸಹಿಸಿಕೊಳ್ಳದೆ ವಿಧಿಯಿಲ್ಲ. ಯಾಕಂದರೆ ಕ್ಯಾಪ್ಟನ್ ಆಗಿದ್ದಾಗ ಅವರು ಸಹ ಬೇರೆಯವರಿಗೆ ಅವಮಾನ ಮಾಡಿದ್ದಾರೆ. ಅದಕ್ಕೆ ಹೇಳೋದು ಮಾಡಿದುಣ್ಣೋ ಮಾಹಾರಾಯ ಅಂತ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.