ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿ ಸೋತಿದ್ದಕ್ಕೆ ಪಾಕಿಸ್ತಾನ ಆಟಗಾರ ಖುಷ್‌ದಿಲ್ ಶಾ ಅಭಿಮಾನಿಗಳ ಮೇಲೆ ಹಲ್ಲೆ ಮಾಡಿದ್ದಾರೆ. ಅಫ್ಘಾನಿಸ್ತಾನ ಅಭಿಮಾನಿಗಳು ಅಸಭ್ಯ ಪದಗಳನ್ನು ಬಳಸಿದ್ದರಿಂದ ಈ ಘಟನೆ ಸಂಭವಿಸಿದೆ ಎಂದು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಹೇಳಿದೆ.
ಪಾಕಿಸ್ತಾನ-ನ್ಯೂಜಿಲೆಂಡ್ ಏಕದಿನ ಸರಣಿಯ ಕೊನೆಯ ಪಂದ್ಯದ ನಂತರ ಡ್ರಾಮಾ ನಡೆದಿದೆ. ಬೇ ಓವಲ್‌ನಲ್ಲಿ ನಡೆದ ಮೂರನೇ ಪಂದ್ಯದ ನಂತರ ಪಾಕಿಸ್ತಾನ ಆಟಗಾರರು ಮತ್ತು ಅಭಿಮಾನಿಗಳ ನಡುವೆ ಗಲಾಟೆ ನಡೆದಿದೆ. ಪಾಕ್ ಆಟಗಾರ ಖುಷ್‌ದಿಲ್ ಶಾ ಅಭಿಮಾನಿಗಳ ಮೇಲೆ ತಿರುಗಿಬಿದ್ದಿದ್ದಾರೆ. ಮೂರನೇ ಏಕದಿನ ಪಂದ್ಯವನ್ನು ನ್ಯೂಜಿಲೆಂಡ್ ಗೆದ್ದ ನಂತರ ಈ ದುರ್ಘಟನೆ ಸಂಭವಿಸಿದೆ.
ನ್ಯೂಜಿಲೆಂಡ್ ಪ್ರವಾಸದಲ್ಲಿ ಸೋತಿದ್ದಕ್ಕೆ ಖುಷ್‌ದಿಲ್ ಅವರನ್ನು ಸ್ಟೇಡಿಯಂನಲ್ಲಿದ್ದ ಅಭಿಮಾನಿಗಳು ಗೇಲಿ ಮಾಡಿದರು. ಇದರಿಂದ ಕೋಪಗೊಂಡ ಆಟಗಾರ ಅಭಿಮಾನಿಗಳ ಬಳಿ ಹೋಗಿ ಅವರ ಮೇಲೆ ಹಲ್ಲೆ ಮಾಡಿದ್ದಾರೆ. ಸಿಬ್ಬಂದಿ ಮಧ್ಯಪ್ರವೇಶಿಸಿದ್ದರಿಂದ ದೊಡ್ಡ ಗಲಾಟೆ ತಪ್ಪಿದೆ. ಈ ಹಿಂದೆ ಐದು ಪಂದ್ಯಗಳ ಟಿ20 ಸರಣಿಯನ್ನು ಪಾಕಿಸ್ತಾನ 1-4 ಅಂತರದಿಂದ ಸೋತಿತ್ತು. ಆ ನಂತರ ಏಕದಿನ ಸರಣಿಯನ್ನೂ ಸೋತಿದೆ. ಪಾಕಿಸ್ತಾನ ಆಟಗಾರ ಅಭಿಮಾನಿಗಳ ಮೇಲೆ ಹಲ್ಲೆ ಮಾಡಿದ ವಿಡಿಯೋಗಳು ವೈರಲ್ ಆಗಿವೆ.
ಇದನ್ನೂ ಓದಿ: ಅದೊಂದೇ ವರ್ಷದಲ್ಲಿ 2 ಸಲ ಹಾರ್ಟ್ ಬ್ರೇಕ್ ಆಗಿದೆ: ಆ ವಿಷಯದ ಬಗ್ಗೆ ಮೊದಲ ಸಲ ಮನಬಿಚ್ಚಿ ಮಾತಾಡಿದ ಕೊಹ್ಲಿ!
ಈ ಘಟನೆ ನಂತರ ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಒಂದು ಹೇಳಿಕೆ ಬಿಡುಗಡೆ ಮಾಡಿದೆ. ಆಟಗಾರರ ಮೇಲೆ ಅಭಿಮಾನಿಗಳು ಅಸಭ್ಯ ಪದಗಳನ್ನು ಬಳಸಿದ್ದರಿಂದ ಸಮಸ್ಯೆಗಳು ಬಂದಿವೆ ಎಂದು ಕ್ರಿಕೆಟ್ ಬೋರ್ಡ್ ತಿಳಿಸಿದೆ. ಅಫ್ಘಾನಿಸ್ತಾನ ಅಭಿಮಾನಿಗಳನ್ನು ದೂಷಿಸುತ್ತಾ ಬೋರ್ಡ್ ಹೇಳಿಕೆ ನೀಡಿದೆ.
Pakistani cricketer Khushdil Shah got beaten in the New Zealand ☠️😂🤣 pic.twitter.com/1m8Qyfz8P9
— BALA (@erbmjha)"ವಿದೇಶಿ ಪ್ರೇಕ್ಷಕರು ಪಾಕಿಸ್ತಾನ ಆಟಗಾರರ ಮೇಲೆ ಅಸಭ್ಯ ಪದಗಳನ್ನು ಬಳಸುವುದನ್ನು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಖಂಡಿಸುತ್ತದೆ. ಪಂದ್ಯದ ಸಮಯದಲ್ಲಿ ಮೈದಾನದಲ್ಲಿ ಇದ್ದ ಆಟಗಾರರ ಮೇಲೆ ಅಸಭ್ಯಕರ ಪದಗಳನ್ನು ಬಳಸಿದ್ದಾರೆ. ಪಾಕಿಸ್ತಾನಕ್ಕೆ ವಿರುದ್ಧವಾಗಿ ಘೋಷಣೆಗಳನ್ನು ಕೂಗಿದಾಗ ಖುಷ್‌ದಿಲ್ ಶಾ ಪ್ರತಿಕ್ರಿಯಿಸಿದರು. ಆ ನಂತರ ಅಫ್ಘಾನಿಸ್ತಾನ ಅಭಿಮಾನಿಗಳು ಘೋರ ಭಾಷೆಯಲ್ಲಿ ನಿಂದಿಸಿದರು. ಪಾಕಿಸ್ತಾನ ತಂಡದ ದೂರಿನ ಮೇರೆಗೆ ಸ್ಟೇಡಿಯಂನ ಅಧಿಕಾರಿಗಳು ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ಹತೋಟಿಗೆ ತಂದರು" ಎಂದು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಹೇಳಿಕೆಯಲ್ಲಿ ತಿಳಿಸಿದೆ.
ಇದನ್ನೂ ಓದಿ: ಆರ್‌ಸಿಬಿ ಎದುರಿನ ಪಂದ್ಯಕ್ಕೂ ಮುನ್ನ ಖಡಕ್ ಸಂದೇಶ ಕೊಟ್ಟ ಮುಂಬೈ ಇಂಡಿಯನ್ಸ್!
ಕಿವೀಸ್ ನಾಡಿನಲ್ಲಿ ಪಾಕ್‌ಗೆ ವೈಟ್‌ವಾಷ್ ಮುಖಭಂಗ!
ಮೌಂಟ್ ಮಾಂಗನುಯಿ(ನ್ಯೂಜಿಲೆಂಡ್): ಚಾಂಪಿಯನ್ಸ್ ಟ್ರೋಫಿಯ ಹೀನಾಯ ಪ್ರದರ್ಶನದ ಬಳಿಕ ನ್ಯೂಜಿಲೆಂಡ್ ವಿರುದ್ಧ ಟಿ20, ಏಕದಿನ ಸರಣಿಯಲ್ಲೂ ಪಾಕಿಸ್ತಾನ ತೀವ್ರ ಮುಖಭಂಗ ಕ್ಕೊಳಗಾಗಿದೆ. 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಪಾಕ್ 0-3 ಅಂತರದಲ್ಲಿ ಪರಾಭವಗೊಂಡಿದೆ.
3ನೇ ಪಂದ್ಯದಲ್ಲಿ ಕಿವೀಸ್ 43 ರನ್ ಗಳಿಂದ ಜಯಿಸಿತು. ಮೈದಾನ ಒದ್ದೆಯಾಗಿದ್ದ ಕಾರಣ ಪಂದ್ಯ ಆರಂಭ ಕೆಲವು ಗಂಟೆ ವಿಳಂಬವಾಯಿತು. ಹೀಗಾಗಿ ತಲಾ 42 ಓವರ್‌ ಆಡಿಸಲಾಯಿತು. ಮೊದಲು ಬ್ಯಾಟ್ ಮಾಡಿದ ಕಿವೀಸ್ 42 ಓವರಲ್ಲಿ 8 ವಿಕೆಟ್‌ಗೆ 264 ರನ್ ಗಳಿಸಿತು. ಬ್ರೇಸ್‌ವೆಲ್ 59. ರಿಸ್ ಮಾರಿಯು 58 ರನ್ ಸಿಡಿಸಿದರು.
ದೊಡ್ಡ ಗುರಿ ಬೆನ್ನತ್ತಿದ ಪಾಕ್ 40 ಓವರಲ್ಲಿ 221ಕ್ಕೆ ಆಲೌಟಾಯಿತು. ಪಂದ್ಯದ ಬಳಿಕ ಪಾಕ್‌ನ ಖುಶಿಲ್ ಶಾ ಅಫ್ಘಾನಿಸ್ತಾನದ ಕ್ರಿಕೆಟ್ ಅಭಿಮಾನಿಗಳಿಗೆ ಹೊಡೆಯಲು ಮುಂದಾದ ಘಟನೆ ನಡೆಯಿತು. ಆಟಗಾರರು ಬೌಂಡರಿ ಲೈನ್ ಬಳಿ ನಿಂತಿದ್ದಾಗ ಇಬ್ಬರು ಆಫ್ಘನ್ನರು ಕಿಚಾಯಿಸಿದ್ದಾರೆ. ಕೆಲ ಕಾಲ ಮಾತಿನ ಚಕಮಕಿ ನಡೆಯಿತು. ತಾಳ್ಮೆ ಕಳೆದುಕೊಂಡ ಖುಶಿಲ್, ಪ್ರೇಕ್ಷಕರತ್ತ ಮುನ್ನುಗ್ಗಿ ಹೊಡೆಯಲು ಮುಂದಾಗಿದ್ದಾರೆ.