ರಬಾ​ಡ ಸ್ಲೆಡ್ಜ್‌ಗೆ ತಾಳ್ಮೆ ಕಳೆದುಕೊಳ್ಳದ ಪೂಜಾರ

ಪುಣೆ ಟೆಸ್ಟ್ ಪಂದ್ಯದಲ್ಲಿ ಸೌತ್ ಆಫ್ರಿಕಾ ವೇಗಿ ಕಾಗಿಸೋ ರಬಾಡ ಹಾಗೂ ಚೇತೇಶ್ವರ್ ಪೂಜಾರ ನಡುವಿನ ಸ್ಲೆಡ್ಜಿಂಗ್  ಇದೀಗ ಭಾರಿ ಚರ್ಚೆಗೆ ಗ್ರಾಸವಾಗಿದೆ. ಪದೇ ಪದೇ ಸ್ಲೆಡ್ಜಿಂಗ್ ಮಾಡುತ್ತಿದ್ದರೂ ಪೂಜಾರ ತಾಳ್ಮೆ ಕಳೆದುಕೊಳದೇ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗಿದ್ದಾರೆ.  

ಪುಣೆ(ಅ.11): ದಕ್ಷಿಣ ಆಫ್ರಿಕಾ ವೇಗಿ ಕಗಿಸೊ ರಬಾಡ ಸ್ಲೆಡ್ಜ್‌ ಮಾಡಿ​ದ​ರೂ ನಾನು ಏಕಾ​ಗ್ರ​ತೆ​ಯಿಂದ ಬ್ಯಾಟ್‌ ಮಾಡು​ತ್ತಿದ್ದೆ ಎಂದು ಚೇತೇ​ಶ್ವರ್‌ ಪೂಜಾರ ದಿನದಂತ್ಯದ ಬಳಿಕ ಹೇಳಿದರು. ರಬಾಡ ಎಸೆ​ತಕ್ಕೆ ​ಪೂಜಾರ ಖಾತೆ ತೆರೆ​ಯದೆ ಔಟಾ​ಗ​ಬೇ​ಕಿತ್ತು. ಆದ​ರೆ ಪೂಜಾ​ರಗೆ ಆಫ್ರಿಕಾ ಜೀವ​ದಾನ ನೀಡಿದ್ದರಿಂದ ರಬಾ​ಡ ಹತಾ​ಶೆ​ಯಾಗಿ ಸ್ಲೆಡ್ಜ್‌ ಮಾಡಿ​ದ​ರು. 

ಇದನ್ನೂ ಓದಿ: ಸೆಹ್ವಾಗ್ ಹಾದಿಯಲ್ಲಿ ಮಯಾಂಕ್; ಕನ್ನಡಿಗನನ್ನು ಕೊಂಡಾಡಿದ ಟ್ವಿಟರಿಗರು..!

ಪೂಜಾರ ಆಫ್ರಿಕಾ ವೇಗಿ ರಬಾ​ಡಗೆ ಉತ್ತ​ರಿ​ಸಲು ಹೋಗಿಲ್ಲ. 58 ರನ್‌ ಗಳಿ​ಸಿ ಪೂಜಾರ ವಿಕೆಟ್‌ ಒಪ್ಪಿ​ಸಿ​ದಾಗ ರಬಾಡ ಪುನಃ ಏನೋ ಹೇಳಿ​ದ್ದರು. ‘ರ​ಬಾಡ ಏನು ಹೇಳಿ​ದ​ರೋ ನೆನ​ಪಿಲ್ಲ. ಬ್ಯಾಟ್ಸ್‌​ಮ​ನ್‌​ಗೆ ಏನಾ​ದ​ರು ಹೇಳು​ವುದು ರಬಾ​ಡಗೆ ಇಷ್ಟ​. ನನ್ನ ಏಕಾ​ಗ್ರತೆ ತಪ್ಪಿ​ಸಲು ರಬಾಡ ಯತ್ನಿ​ಸುವ ನಿರೀ​ಕ್ಷೆ​ಯಿತ್ತು. ಹಾಗಾಗಿ ರಬಾಡ ಹೇಳಿ​ದ್ದನ್ನು ಕೇಳಿ​ಸಿ​ಕೊ​ಳ್ಳ​ಲಿ​ಲ್ಲ’ ಎಂದು ಪೂಜಾರ ತಿಳಿ​ಸಿ​ದ​ರು.

ಇದನ್ನೂ ಓದಿ: ಅಪ್ಪನ ಅಗಲಿಕೆಯಿಂದ ಬಡತನ, ಒಂದೇ Tಶರ್ಟ್‌ನಲ್ಲಿ ಆಡಿದ್ದ ಬುಮ್ರಾ ಈಗ ಕೋಟ್ಯಾಧಿಪತಿ!

ವಿಶಾಖಪಟ್ಟಣಂ ಟೆಸ್ಟ್ ಪಂದ್ಯ ಸೋತಿರುವ ಸೌತ್ ಆಪ್ರಿಕಾ, ಪುಣೆ ಟೆಸ್ಟ್ ಪಂದ್ಯ ಗೆಲ್ಲಲೇಬೇಕಾದ ಒತ್ತಡಲ್ಲಿದೆ. ಹೀಗಾಗಿ ಸ್ಲೆಡ್ಜಿಂಗ್ ಮೂಲಕ ಭಾರತವನ್ನು ಕಟ್ಟಿ ಹಾಕಲು ರಣತಂತ್ರ ಹೆಣೆದಿದೆ. ಆದರೆ ದಿಟ್ಟ ಹೋರಾಟ ನೀಡುತ್ತಿರುವ ಭಾರತ, 2ನೇ ಪಂದ್ಯದಲ್ಲೂ ಗೆಲುವಿನ ವಿಶ್ವಾಸದಲ್ಲಿದೆ.