ಸಚಿನ್ ಕಾಲಿಗೆ ಬಿದ್ದು ನಮಸ್ಕರಿಸಿದ ಜಾಂಟಿ ರೋಡ್ಸ್​​, ಕ್ರಿಕೆಟ್ ದೇವರ ಕಾಲಿಗೆ ಬಿದ್ದಿದ್ಯಾಕೆ?

* ಕ್ರಿಕೆಟ್ ದೇವರ ಕಾಲಿಗೆ ಬೀಳ್ತಿರೋದ್ಯಾಕೆ..? *ಸಚಿನ್ ಕಾಲಿಗೆ ಬಿದ್ದು ನಮಸ್ಕರಿಸಿದ ಜಾಂಟಿ ರೋಡ್ಸ್​​ * ಲೆಜೆಂಡ್​​​ ಸಚಿನ್​​ ಆಶೀರ್ವಾದ ಪಡೆದಿದ್ದ ಸಿಕ್ಸರ್​ ಕಿಂಗ್ ಯುವಿ

ಮುಂಬೈ, (ಏ.17) : ಕ್ರಿಕೆಟ್​ ದಂತಕಥೆ, ಗಾಡ್ ಆಫ್​​ ಕ್ರಿಕೆಟರ್​​​, ಮಾಸ್ಟರ್​​​ ಬ್ಲಾಸ್ಟರ್​ ಅಂತೆಲ್ಲಾ ಕರೆಸಿಕೊಳ್ಳೋ ಸಚಿನ್​ ತೆಂಡುಲ್ಕರ್​​ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿ 9 ವರ್ಷ ಕಳೆದಿವೆ. ಸಚಿನ್​ ಅಂದ್ರೆ ಒಂದು ಎಮೋಷನ್​​​, ಸಚಿನ್ ಅಂದ್ರೆ ಒಂದು ಶಕ್ತಿ, ಸಚಿನ್​ ಅಂದ್ರೆ ಲವ್ ಹಾಗೂ ಸಚಿನ್ ಅಂದ್ರೆ ಅಭಿಮಾನ. 20 ದಶಕಗಳ ಕ್ರಿಕೆಟ್ ಜೆರ್ನಿಯಲ್ಲಿ ಅಭಿಮಾನಿಗಳು ಇವರನ್ನ ದೇವರಂತೆ ಪೂಜಿಸಿದ ಅನೇಕ ಉದಾಹರಣೆಗಳನ್ನ ನೋಡಿದ್ದೇವೆ. ಮೈದಾನಕ್ಕೆ ನುಗ್ಗಿ ನಮಸ್ಕರಿಸಿದ್ದ ಅನೇಕ ಘಟನೆಗೆ ಕ್ರಿಕೆಟ್ ಲೋಕ ಸಾಕ್ಷಿಯಾಗಿದೆ. 

ನಿಜಕ್ಕೂ ಕ್ರಿಕೆಟ್​ ದೇವರು ಇಂತಹ ಅಭಿಮಾನ, ಗೌರವಕ್ಕೆ ಅರ್ಹರು. ಇಂತಹ ಅಭಿಮಾನಕ್ಕೆ ಶತಕಗಳ ಶತಕ ರಾಜ ಈಗಲೂ ಈಗಲೂ ಅರ್ಹರಾಗಿದ್ದಾರೆ. ತೆಂಡುಲ್ಕರ್​​​ ಮೇಲಿಟ್ಟ ಜಗತ್ತಿನ ಪ್ರೀತಿ ಮತ್ತೊಮ್ಮೆ ಅನಾವರಣಗೊಂಡಿದೆ.

ಸಚಿನ್ ಕಾಲಿಗೆ ಬಿದ್ದು ನಮಸ್ಕರಿಸಿದ ಜಾಂಟಿ ರೋಡ್ಸ್​​:
ಹೌದು, ಪ್ರಸಕ್ತ ಐಪಿಎಲ್ ಟೂರ್ನಿಯಲ್ಲಿ ಪಂಜಾಬ್​ ಕಿಂಗ್ಸ್​ ತಂಡದ ಫೀಲ್ಡಿಂಗ್​ ಮತ್ತು  ಬ್ಯಾಟಿಂಗ್ ಕೋಚ್​​ ಜಾಂಟಿ ರೋಡ್ಸ್​ ಕ್ರಿಕೆಟ್ ದೇವರು ಸಚಿನ್​ ತೆಂಡುಲ್ಕರ್​ ಕಾಲಿಗೆ ಬಿದ್ದು  ನಮಸ್ಕರಿಸಿದ್ದಾರೆ.

ಮುಂಬೈ ಇಂಡಿಯನ್ಸ್​ ಹಾಗೂ ಪಂಜಾಬ್​ ಕಿಂಗ್ಸ್​ ಪಂದ್ಯದ ಬಳಿಕ ಈ ಘಟನೆ ನಡೆದಿದೆ. ಎರಡು ಟೀಮ್ಸ್ ಪ್ಲೇಯರ್ಸ್​ ಪರಸ್ಪರ ಹಸ್ತಲಾಘವ ಮಾಡುತ್ತಿರುವ ವೇಳೆ  ಮುಂಬೈ ತಂಡದ ಮೆಂಟರ್​​​ ಅವರ ಪಾದವನ್ನ ಜಾಂಟಿ ರೋಡ್ಸ್​  ಸ್ಪರ್ಶಿಸಿ ಆಶೀರ್ವಾದ ಪಡೆದರು. ವಯಸ್ಸಿನಲ್ಲಿ ಜಾಂಟಿ ಸಚಿನ್​​ಗಿಂತ ನಾಲ್ಕು ವರ್ಷ ದೊಡ್ಡವರು. ಅದನ್ನ ಲೆಕ್ಕಿಸಿದೇ ಸಚಿನ್​ ನಮಸ್ಕರಿಸಿದ್ದಾರೆ. ಇವರ ನಡೆಗೆ ಭಾರಿ ಮೆಚ್ಚುಗೆ ವ್ಯಕ್ತವಾಗಿದೆ.

ಲೆಜೆಂಡ್​​​ ಸಚಿನ್​​ ಆಶೀರ್ವಾದ ಪಡೆದಿದ್ದ ಸಿಕ್ಸರ್​ ಕಿಂಗ್ ಯುವಿ: 
ಇನ್ನು ಜಾಂಟಿ ರೋಡ್ಸ್​ ಮಾತ್ರವಲ್ಲ ಟೀಮ್ ಇಂಡಿಯಾದ ಅನೇಕ ಕ್ರಿಕೆಟರ್ಸ್​ ಕೂಡ ಸಚಿನ್​​​ ಕಾಲಿಗೆ ಬಿದ್ದು ನಮಸ್ಕರಿಸಿದ್ದಾರೆ. ಸಿಕ್ಸರ್​​ ಕಿಂಗ್ ಖ್ಯಾತಿಯ ಯುವಿಗೆ ಸಚಿನ್​ ಅಂದ್ರೆ ಪಂಚಪ್ರಾಣ. ಇವರು ಅನೇಕ ಬಾರಿ ಗುರುವಿಗೆ ನಮಸ್ಕರಿಸಿ ಪುನೀತರಾಗಿದ್ದಾರೆ.

ಇವರಷ್ಟೇ ಅಲ್ಲದೇ ವಿರೇಂದ್ರ ಸೆಹ್ವಾಗ್​​, ವಿನೋದ್ ಕಾಂಬ್ಳಿ ಹಾಗೂ ಸುನೀಲ್​ ಗವಾಸ್ಕರ್​​ ಕೂಡ ಸಚಿನ್​ಗೆ ನಮಸ್ಕರಿಸಿದ ಉದಾಹರಣೆಗಳಿವೆ...........ಒಟ್ಟಿನಲ್ಲಿ ಆರಂಭದಲ್ಲೇ ಹೇಳಿದಂತೆ ಒನ್ಸ್ ಗಾಡ್ ಆಫ್​ ಕ್ರಿಕೆಟರ್​​​, ಆಲ್​ವೇಸ್​ ಗಾಡ್​ಆಫ್​ ಕ್ರಿಕೆಟರ್ ಅನ್ನೋದು ಜಾಂಟಿ, ಸಚಿನ್​ಗೆ ನಮಸ್ಕರಿಸಿದ ಬಳಿಕ ಮಗದೊಮ್ಮೆ ಪ್ರೂವ್ ಆಗಿದೆ.