Ind vs Eng: ಟೀಂ​​ ಇಂಡಿಯಾ ಪ್ಲೇಯರ್ಸ್​ಗೆ ಡಬಲ್ ಧಮಾಕ..!

* ಇಂಗ್ಲೆಂಡ್ ಎದುರು ಟಿ20 ಸರಣಿ ಗೆದ್ದು ಬೀಗಿದ ಟೀಂ ಇಂಡಿಯಾ * ಇಂಗ್ಲೆಂಡ್‌ನಲ್ಲಿ ಟ್ರೋಫಿ ಗೆಲುವಿನ ಜೊತೆ ಮಹೇಂದ್ರ ಬಾಹುಬಲಿಯ ದರ್ಶನ * ಟೀಂ ಇಂಡಿಯಾ ಯುವ ಆಟಗಾರರಿಗೆ ಪಾಠ ಮಾಡಿದ ಧೋನಿ

ಬರ್ಮಿಂಗ್‌ಹ್ಯಾಮ್(ಜು.11): ದಿ ಗ್ರೇಟ್​ ಕ್ಯಾಪ್ಟನ್​ ಎಂ.ಎಸ್ ಧೋನಿ 2019 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ಗುಡ್​​ಬೈ ಹೇಳಿದ್ರು. ಇದಾದ ಬಳಿಕ ಐಪಿಎಲ್​​​ನಲ್ಲಷ್ಟೇ ಮಹೇಂದ್ರ ಬಾಹುಬಲಿಯ ದರ್ಶನ ಸಿಗ್ತಿತ್ತು. ಕ್ಯಾಶ್​​​ ರಿಚ್​ ಲೀಗ್​​​ನಿಂದ ಬಿಡುವಿದ್ದಾಗಲೆಲ್ಲಾ ಫ್ಯಾಮಿಲಿ ಜೊತೆ ಸಮಯ ಕಳಿತಿದ್ರು. ಅದನ್ನ ಬಿಟ್ರೆ ಚಾಂಪಿಯನ್ ಕ್ಯಾಪ್ಟನ್ ಸುದ್ದಿಯಾಗಿದ್ದೇ ಕಮ್ಮಿ. ಈಗ ಈ ಚಾಣಾಕ್ಷ ಕ್ರಿಕೆಟಿಗ ಟೀಂ​ ಇಂಡಿಯಾ ಪ್ಲೇಯರ್ಸ್​ ಜೊತೆ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದಾರೆ.

ಯಂಗ್​ ಕ್ರಿಕೆಟರ್ಸ್​ಗೆ ಪಾಠ ಮಾಡಿದ ಮಾಸ್ಟರ್​: 

ಒಂದೆಡೆ ರೋಹಿತ್ ಶರ್ಮಾ ನೇತೃತ್ವದ ಟೀಂ ಇಂಡಿಯಾ (Team India) 2ನೇ ಟಿ20ಯಲ್ಲಿ ಇಂಗ್ಲೆಂಡ್​​​​​ ತಂಡವನ್ನ ಮಣಿಸಿ ಸರಣಿ ಗೆದ್ದ ಖುಷಿಯಲ್ಲಿತ್ತು. ಈ ಸಂಭ್ರಮವನ್ನ ಲೆಜೆಂಡರಿ ಕ್ಯಾಪ್ಟನ್​ ಧೋನಿ ಡಬಲ್​ ಮಾಡಿದ್ರು. ಪಂದ್ಯ ಮುಗಿದ ಬಳಿಕ ಮಹಿ ಟೀಂ​​​​ ಇಂಡಿಯಾ ಆಟಗಾರರ ಡ್ರೆಸ್ಸಿಂಗ್ ರೂಮ್​​​ಗೆ ಎಂಟ್ರಿ ಕೊಟ್ಟು ಕೆಲಕಾಲ ಸಂವಾದ ನಡೆಸಿದ್ರು. ಪಂದ್ಯ ಮುಕ್ತಾಯದ ಬಳಿಕ ರೋಹಿತ್​​​ ಬಾಯ್ಸ್ ಜೊತೆ ಕಾಣಿಸಿಕೊಂಡ ಮಾಸ್ಟರ್​​​ ಮಹಿ ಯಂಗ್​​ಸ್ಟರ್ಸ್​ಗೆ ಪಾಠ ಮಾಡಿದ್ರು. ಬಿಸಿಸಿಐ (BCCI) ಹಂಚಿಕೊಂಡಿರುವ ಫೋಟೋಗಳಲ್ಲಿ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ಇಶಾನ್ ಕಿಶನ್ (Ishan Kishan) ಹಾಗೂ ಸ್ಪಿನ್ನರ್ ಚಹಲ್​​​​ ಧೋನಿ ಅವರ ಮಾತುಗಳನ್ನು ಬಹಳ ಎಚ್ಚರಿಕೆಯಿಂದ ಆಲಿಸುತ್ತಿರುವುದು ಕಂಡುಬಂದಿದೆ.

ಬ್ರಿಟನ್​​ ಪ್ರವಾಸ ಧೋನಿ ಫುಲ್​ ಬ್ಯುಸಿ : 

ಹೌದು, ಸದ್ಯ  ಮಹಿ ಬ್ರಿಟನ್ ಪ್ರವಾಸದಲ್ಲಿದ್ದಾರೆ. ಈ ವಾರದ ಆರಂಭದಲ್ಲಿ ಮಹೇಂದ್ರ ಸಿಂಗ್ ಧೋನಿ ತಮ್ಮ ಪತ್ನಿ ಸಾಕ್ಷಿಯೊಂದಿಗೆ ಇಂಗ್ಲೆಂಡ್​​​ಗೆ ತೆರಳಿದ್ರು. ಈ ಜೋಡಿ ಜುಲೈ 4 ರಂದು ತಮ್ಮ 12ನೇ ವಿವಾಹ ವಾರ್ಷಿಕೋತ್ಸವವನ್ನು ಅದ್ದೂರಿಯಾಗಿ ಆಚರಿಸಿ ಸಂಭ್ರಮಿಸಿತು. ಜುಲೈ 7ರಂದು ಎಮ್​​ಎಸ್​ಡಿ 41ನೇ ಹುಟ್ಟುಹಬ್ಬವನ್ನು ಇಲ್ಲೇ ಆಚರಿಸಿಕೊಂಡಿದ್ದಲ್ಲದೆ, ವಿಂಬಲ್ಡನ್​​ ಪಂದ್ಯ ಕೂಡ ವೀಕ್ಷಿಸಿದ್ರು.

ಪಂತ್‌ ಫೋಟೋ ಇರುವ ಮುಖವಾಡ ಧರಿಸಿದ ಧೋನಿ!

ಬರ್ಮಿಂಗ್‌ಹ್ಯಾಮ್‌: ಇಂಗ್ಲೆಂಡ್‌ ವಿರುದ್ಧ 2ನೇ ಟಿ20 ವೇಳೆ ಎಜ್‌ಬಾಸ್ಟನ್‌ ಕ್ರೀಡಾಂಗಣದ ಬಳಿ ಮಾಜಿ ನಾಯಕ ಎಂ.ಎಸ್‌.ಧೋನಿ (MS Dhoni) ಭಾರತದ ವಿಕೆಟ್‌ ಕೀಪರ್‌ ರಿಷಭ್‌ ಪಂತ್‌ (Rishabh Pant) ಅವರ ಫೋಟೋ ಇರುವ ಮುಖವಾಡವನ್ನು ಧರಿಸಿ ತಮ್ಮ ಆಪ್ತರೊಂದಿಗೆ ಫೋಟೋಗೆ ಪೋಸ್‌ ನೀಡಿದ್ದು, ಆ ಫೋಟೋ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ. ಇದೇ ವೇಳೆ ಪಂದ್ಯದ ಮುಕ್ತಾಯಗೊಂಡ ಬಳಿಕ ಧೋನಿ ಭಾರತ ತಂಡದ ಡ್ರೆಸ್ಸಿಂಗ್‌ ಕೋಣೆಗೆ ತೆರಳಿ ಆಟಗಾರರ ಜೊತೆ ಸಮಾಲೋಚನೆ ನಡೆಸಿದ ಫೋಟೋಗಳು ಸಹ ವೈರಲ್‌ ಆಗಿವೆ.