ಮದ್ವೆಯಾದ ಆರಂಭಿಕ 6 ತಿಂಗಳಲ್ಲಿ 21 ದಿನ ಮಾತ್ರ ಜೊತೆಗಿದ್ದೆವು; ಅನುಷ್ಕಾ ಶರ್ಮಾ!

 ಕೊರೋನಾ ವೈರಸ್ ವಕ್ಕರಿಸಿದ ಬಳಿಕ ಟೀಂ ಇಂಡಿಯಾ ಕ್ರಿಕೆಟಿಗರ ಸುದೀರ್ಘ ವಿಶ್ರಾಂತಿಯಲ್ಲಿದ್ದಾರೆ. ಕ್ರಿಕೆಟ್ ಟೂರ್ನಿಗಳು ಸ್ಥಗಿತಗೊಂಡಿದೆ. ಆಟಗಾರರು ಮನೆಯೊಳಗೆ ಬಂಧಿಯಾಗಿದ್ದಾರೆ. ತಮ್ಮ ಅಮೂಲ್ಯ ಸಮಯವನ್ನು ಜೊತೆಯಾಗಿ ಕಳೆಯುತ್ತಿರುವ ವಿರಾಟ್ ಕೊಹ್ಲಿ ಹಾಗೂ ಅನುಷ್ಕಾ ಶರ್ಮಾ ತಮ್ಮ ಮದ್ವೆಯಾದ ಆರಂಭಿಕ ದಿನಗಳವನ್ನು ನೆನಪಿಸಿಕೊಂಡಿದ್ದಾರೆ

ಮುಂಬೈ(ಜು.02): ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹಾಗೂ ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಡಿಸೆಂಬರ್ 11, 2017ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಕೊಹ್ಲಿ ಹಾಗೂ ಅನುಷ್ಕಾ ಇಬ್ಬರೂ ಕೂಡ ತಮ್ಮ ತಮ್ಮ ಕ್ಷೇತ್ರದಲ್ಲಿ ಸಕ್ರಿಯರಾಗಿದ್ದಾರೆ. ಅದರಲ್ಲೂ ವಿರಾಟ್ ಕೊಹ್ಲಿ ಟೀಂ ಇಂಡಿಯಾದ ಟೆಸ್ಟ್, ಏಕದಿನ ಹಾಗೂ ಟಿ20 ತಂಡದ ನಾಯಕರಾಗಿ ಜವಾಬ್ದಾರಿ ನಿರ್ವಹಿಸುತ್ತಿದ್ದಾರೆ. ಹೀಗಾಗಿ ಕೊಹ್ಲಿ ವರ್ಷದ 356 ದಿನವೂ ಬ್ಯುಸಿ.

ಮದುವೆಯಾದ ಎಡೂವರೆ ವರ್ಷ ಕೊಹ್ಲಿ ಹಾಗೂ ಅನುಷ್ಕಾ ಜೊತೆಯಾಗಿ ಕೆಲವೇ ಕೆಲವು ದಿನ ಮಾತ್ರ ಜೊತೆಯಾಗಿ ಕಳೆದಿದ್ದಾರೆ. ಇನ್ನುಳಿದ ದಿನ ವಿಡಿಯೋ ಕಾಲ್, ಮೆಸೇಜ್‌ನಲ್ಲೇ ದಿನದೂಡಿದ್ದಾರೆ. ಕೊರೋನಾ ವೈರಸ್ ವಕ್ಕರಿಸಿದ ಬಳಿಕ ಈ ಜೋಡಿ ಬರೋಬ್ಬರಿ 3 ತಿಂಗಳು ಜೊತೆಯಾಗಿ ಕಳೆದಿದ್ದಾರೆ. ಈ ವೇಳೆ ಅನುಷ್ಕಾ ಶರ್ಮಾ ಮದ್ವೆಯಾದ ಆರಂಭಿಕ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ. 

ಮದುವೆಯಾದ ಆರಂಭಿಕ 6 ತಿಂಗಳಲ್ಲೇ ಕೇವಲ 21 ದಿನ ಮಾತ್ರ ಜೊತೆಗಿದ್ದೆವು. ಕೊಹ್ಲಿ ಕ್ರಿಕೆಟ್‌ನಲ್ಲಿ ತುಂಬಾ ಬ್ಯುಸಿಯಾಗಿದ್ದರು. ಇತ್ತ ನಾನು ಶೂಟಿಂಗ್,ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದೆ. ಹೀಗಾಗಿ ವಿಡಿಯೋ ಕಾಲ್ ಮೂಲಕ ಮಾತನಾಡುತ್ತಿದ್ದೇವು. ಕೆಲ ಬಾರಿ ವಿದೇಶಗಳಲ್ಲಿ ಕೊಹ್ಲಿಯನ್ನು ಬೇಟಿಯಾಗುತ್ತಿದ್ದೆ. ಕೊಹ್ಲಿ ಕೂಡ ಒಂದು ದಿನ ಬೇಟಿಯಾಗಿ ವಿದೇಶದಿಂದ ನನ್ನ ಶೂಟಿಂಗ್ ಸ್ಥಳಕ್ಕೆ ಆಗಮಿಸುತ್ತಿದ್ದರು ಎಂದು ಅನುಷ್ಕಾ  ಶರ್ಮಾ ಹೇಳಿದ್ದಾರೆ.