ಆಫ್ಘನ್ ನಾಯಕನಾಗಿ ಮತ್ತೆ ನೇಮಕಗೊಂಡ ಅಸ್ಗರ್!
ಸಾರಾಂಶ
ಆಫ್ಘಾನಿಸ್ತಾನ ತಂಡದ ನಾಯಕ ಸ್ಥಾನದಿಂದ ಅಸ್ಗರ್ನನ್ನು ದಿಢೀರ್ ಕಿತ್ತೆಸೆದು ಕ್ರಾಂತಿ ಮಾಡಿದ್ದ ಅಫ್ಘಾನಿಸ್ತಾನ ಕ್ರಿಕೆಟ್ ಮಂಡಳಿ ಇದೀಗ ಮತ್ತೆ ಅಸ್ಗರ್ಗೆ ಮಣೆ ಹಾಕಿದೆ.
ಕಾಬೂಲ್(ಡಿ.12): ಆಷ್ಘಾನಿಸ್ತಾನ ಕ್ರಿಕೆಟ್ ಮಂಡಳಿ(ಎಸಿಬಿ) ಬುಧವಾರ ಮಾಜಿ ನಾಯಕ ಅಸ್ಗರ್ ಆಫ್ಘನ್ರನ್ನು ಎಲ್ಲಾ ಮಾದರಿಯ ತಂಡಗಳಿಗೆ ನಾಯಕನನ್ನಾಗಿ ನೇಮಿಸಿದೆ. 7 ತಿಂಗಳ ಹಿಂದೆ ನಾಯಕತ್ವದಿಂದ ಕೆಳಗಿಳಿಸಿದ್ದ ಎಸಿಬಿ, ಇದೀಗ ಮತ್ತೊಮ್ಮೆ ನಾಯಕತ್ವದಲ್ಲಿ ಬದಲಾವಣೆ ಮಾಡಿರುವುದು ಅಚ್ಚರಿ ಮೂಡಿಸಿದೆ.
ಇದನ್ನೂ ಓದಿ: ಆಫ್ಘನ್ ಎದುರು ಏಕದಿನ ಸರಣಿ ಕ್ಲೀನ್ ಸ್ವೀಪ್ ಮಾಡಿದ ವಿಂಡೀಸ್
ವೆಸ್ಟ್ಇಂಡೀಸ್ ವಿರುದ್ಧ ಇತ್ತೀಚೆಗೆ ಎಲ್ಲಾ ಮೂರು ಮಾದರಿಗಳಲ್ಲಿ ಸರಣಿ ಸೋತಿದ್ದು ಈ ನಿರ್ಧಾರಕ್ಕೆ ಕಾರಣ ಎನ್ನಲಾಗಿದೆ. ಏಕದಿನ ವಿಶ್ವಕಪ್ಗೆ 2 ತಿಂಗಳು ಇದ್ದಾಗ ಎಸಿಬಿ, ಟೆಸ್ಟ್ಗೆ ರಹಮತ್ ಶಾ, ಏಕದಿನಕ್ಕೆ ಗುಲ್ಬದಿನ್ ನೈಬ್ ಹಾಗೂ ಟಿ20ಗೆ ರಶೀದ್ ಖಾನ್ರನ್ನು ನಾಯಕನನ್ನಾಗಿ ನೇಮಿಸಿತ್ತು.
ಇದನ್ನೂ ಓದಿ: ಏಕದಿನ: ಆಫ್ಘನ್ ವಿರುದ್ಧ ವಿಂಡೀಸ್ಗೆ ಸುಲಭ ಜಯ
ವಿಶ್ವಕಪ್ ಬಳಿಕ ರಶೀದ್ ಖಾನ್ರನ್ನು ಎಲ್ಲಾ ಮಾದರಿಗೆ ನಾಯಕನನ್ನಾಗಿ ನೇಮಕ ಮಾಡಲಾಗಿತ್ತು. 32 ವರ್ಷದ ಅಸ್ಗರ್ ಆಷ್ಘಾನಿಸ್ತಾನ ಪರ 111 ಏಕದಿನ, 66 ಟಿ20 ಹಾಗೂ 4 ಟೆಸ್ಟ್ ಪಂದ್ಯಗಳನ್ನು ಆಡಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.