ಮದುವೆಯಾದ ಪ್ರಾರಂಭದಲ್ಲೇ Egg Freeze ಮಾಡಿದ್ದ ರಾಮ್ ಚರಣ್ ಮತ್ತು ಉಪಾಸನಾ ದಂಪತಿ. ಈ ಬಗ್ಗೆ ಉಪಾಸನಾ ಬಹಿರಂಗ ಪಡಿಸಿದ್ದಾರೆ.
ಟಾಲಿವುಡ್ ಸ್ಟಾರ್ ರಾಮ್ ಚರಣ್ ಮತ್ತು ಉಪಾಸನಾ ದಂಪತಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಮದುವೆಯಾಗಿ 10 ವರ್ಷಗಳ ಬಳಿಕ ಉಪಾಸನಾ ಮೊದಲ ಮಗುವಿಗೆ ಗರ್ಭಿಣಿಯಾಗಿದ್ದಾರೆ. ಆದರೆ ಮದುವೆಯಾದ ಪ್ರಾರಂಭದಲ್ಲೇ ರಾಮ್ ಚರಣ್ ಮತ್ತು ಉಪಾಸನಾ ದಂಪತಿ Egg Freeze ಮಾಡಿದ್ದರು. 2012ರಲ್ಲಿ ಇಬ್ಬರೂ ದಾಂಪತ್ಯಕ್ಕೆ ಕಾಲಿಟ್ಟರು. ಆಗಲೇ ಇಬ್ಬರೂ ಎಗ್ ಫ್ರೀಜ್ ಮಾಡಲು ನಿರ್ಧರಿಸಿದ್ದರು ಎನ್ನುವ ವಿಚಾರ ಬಹಿರಂಗವಾಗಿದೆ.
'ನಾನು ಮತ್ತು ರಾಮ್ ಇಬ್ಬರೂ ಮದುವೆಯಾದ ಪ್ರಾರಂಭದಲ್ಲೇ ಎಗ್ ಫ್ರೀಜ್ ಮಾಡಿ ಇಡಲು ನಿರ್ಧರಿಸಿದೆವು. ಅನೇಕ ಕಾರಣಕ್ಕೆ ಈ ನಿರ್ಧಾರ ತೆಗೆದುಕೊಂಡೆವು. ಆಗ ಸಮಯದಲ್ಲಿ ನಮ್ಮ ವೃತ್ತಿಜೀವನದ ಮೇಲೆ ಕೇಂದ್ರೀಕರಿಸಬೇಕಾಗಿತ್ತು. ಆರ್ಥಿಕ ಮಟ್ಟ ಮತ್ತಷ್ಟು ಸುಧಾರಿಸಲಿ ಎಂದು ನಿರ್ಧರಿಸಿದೆವು. ನಮ್ಮ ಆದಾಯ ಮಗುವನ್ನು ನೋಡಿಕೊಳ್ಳಲು, ಜೀವನಶೈಲಿ ಈಗ ತುಂಬಾ ಶಕ್ತರಾಗಿದ್ದೇವೆ' ಎಂದು ಹೇಳಿದ್ದಾರೆ. ತುಂಬು ಗರ್ಭಿಣಿ ಉಪಾಸನಾ ಸದ್ಯದಲ್ಲೇ ಮಗುವಿಗೆ ಜನ್ಮ ನೀಡಲಿದ್ದಾರೆ. ಇತ್ತೀಚಿಗಷ್ಟೆ ಬೇಬಿ ಬಂಪ್ ಫೋಟೋ ಶೇರ್ ಮಾಡಿದ್ದರು.
ಅಂದಹಾಗೆ ಬಾಲಿವುಡ್ ನಟಿ ಪ್ರಿಯಾಂಕಾ ಚೋಪ್ರಾ ಕೂಡ ಮೊದಲೇ Egg Freeze ಮಾಡಿದ್ದರು ಎನ್ನುವುದನ್ನು ಬಹಿರಂಗ ಪಡಿಸಿದ್ದರು. ತನಗಿಂತ ಹತ್ತು ವರ್ಷ ಚಿಕ್ಕವರಾದ ನಿಕ್ ಜೋನಸ್ ಅವರನ್ನು ಮದ್ವೆಯಾದ ಪ್ರಿಯಾಂಕಗೆ ಮಾಲ್ತಿ ಮೇರಿ ಎಂಬ ಮಗಳಿದ್ದಾರೆ. ಇತ್ತೀಚೆಗೆ ನಟಿ, ತನ್ನ ತಾಯಿಯ ಸಲಹೆಯ ಮೇರೆಗೆ ತನ್ನ 30ರ ಹರೆಯದಲ್ಲಿ ಮೊಟ್ಟೆಗಳನ್ನು ಫ್ರೀಜ್ ಮಾಡಿರುವುದಾಗಿ ಹೇಳಿದ್ದರು. ಎಲ್ಲರಿಗೂ ಗೊತ್ತಿರೋ ಹಾಗೆ ಪ್ರಿಯಾಂಕಾ ಚೋಪ್ರಾ ತಾಯಿ ಮಧು ಚೋಪ್ರಾ ಗೈನಕಾಲಜಿಸ್ಟ್. ತನ್ನ ಮಗಳ ಆರೋಗ್ಯದ ಬಗ್ಗೆಯೂ ಯೋಚಿಸಿ ಎಗ್ ಫ್ರೀಜ್ ಮಾಡಿದ್ದರು.
ಎಗ್ ಫ್ರೀಜಿಂಗ್ ಎಂದರೇನು?
ಭವಿಷ್ಯದ ಬಳಕೆಗಾಗಿ ಹೆಚ್ಚು ಫಲವತ್ತಾಗಿಸಿದ ಮೊಟ್ಟೆಗಳನ್ನು ಘನೀಕರಿಸುವ ಪ್ರಕ್ರಿಯೆಯನ್ನು ಓಸೈಟ್ ಕ್ರಯೋಪ್ರೆಸರ್ವೇಶನ್ ಎಂದು ಕರೆಯಲಾಗುತ್ತದೆ. ಪ್ರಯೋಗಾಲಯದಲ್ಲಿ, ಮೊಟ್ಟೆಗಳನ್ನು ಕರಗಿಸಿ ಫಲವತ್ತಾಗಿಸಿ ಮಹಿಳೆಯ ಗರ್ಭಾಶಯದಲ್ಲಿ ಅಳವಡಿಸಿ ಭ್ರೂಣಗಳನ್ನು ರಚಿಸಲಾಗುತ್ತದೆ.
ಲೇಟಾಗಿ ಮದ್ವೆ ಆಗ್ತಿದ್ರೆ ಮಕ್ಕಳು ಮಾಡ್ಕೊಳ್ಳೋಕೆ Egg Freezing ಮಾಡೋದನ್ನು ಮರೀಬೇಡಿ!
ಮೊಟ್ಟೆಯ ಘನೀಕರಣದ ಪ್ರಕ್ರಿಯೆ ಹೇಗೆ?
ಅಂಡಾಶಯದಲ್ಲಿನ ಮೊಟ್ಟೆಗಳ ಸಂಖ್ಯೆಯನ್ನು ನಿರ್ಧರಿಸಲು ಹಾರ್ಮೋನ್ ಪರೀಕ್ಷೆ ಮತ್ತು ಟ್ರಾನ್ಸ್ವಾಜಿನಲ್ ಅಲ್ಟ್ರಾಸೌಂಡ್ನ್ನು ಒಳಗೊಂಡಿರುವ ಒಂದು ಫಲವತ್ತತೆ ಪರೀಕ್ಷೆಯನ್ನು ವೈದ್ಯರು ಮಾಡುತ್ತಾರೆ. ತಜ್ಞರ ಪ್ರಕಾರ, ಮೊಟ್ಟೆ-ಘನೀಕರಿಸುವ ವಿಧಾನವು 2-3 ವಾರಗಳ ಸಮಯ ತೆಗೆದುಕೊಳ್ಳುತ್ತದೆ. ಇದು ಪ್ರಯೋಜನಕಾರಿ ಫಲಿತಾಂಶಗಳನ್ನು ಪಡೆಯಲು ಋತುಚಕ್ರದೊಂದಿಗೆ ಮೊಟ್ಟೆಗಳನ್ನು ಅಭಿವೃದ್ಧಿಪಡಿಸಲು ಅಂಡಾಶಯಗಳನ್ನು ಉತ್ತೇಜಿಸುತ್ತದೆ.
Upasana Kamineni: ರಾಮ್ ಚರಣ್ ಪತ್ನಿಯ ಅದ್ದೂರಿ ಸೀಮಂತ; ಸಾನಿಯಾ ಮಿರ್ಜಾ, ಅಲ್ಲು ಅರ್ಜುನ್ ಸೇರಿ ಅನೇಕರು ಭಾಗಿ
ಅದರ ನಂತರ, ಒಂದು ಚಕ್ರದ ಉದ್ದಕ್ಕೂ ಹಲವಾರು ಮೊಟ್ಟೆಗಳನ್ನು ಉತ್ಪಾದಿಸಲು ಅಂಡಾಶಯಗಳಿಗೆ ಸಹಾಯ ಮಾಡಲು ಮತ್ತು ಉತ್ತೇಜಿಸಲು ಉದ್ದೀಪನ ಚುಚ್ಚುಮದ್ದುಗಳನ್ನು ಬಳಸಲಾಗುತ್ತದೆ. ನಂತರ ಅಂಡಾಶಯಗಳನ್ನು ಮೊಟ್ಟೆಗಳಿಗಾಗಿ ಕೊಯ್ಲು ಮಾಡಲಾಗುತ್ತದೆ, ಇದನ್ನು ಮೊಟ್ಟೆ ಮರುಪಡೆಯುವಿಕೆ ಎಂದು ಕರೆಯಲಾಗುತ್ತದೆ. ನಂತರ, ಟ್ರಾನ್ಸ್ವಾಜಿನಲ್ ಅಲ್ಟ್ರಾಸೌಂಡ್ ಪ್ರೋಬ್ ಅನ್ನು ಬಳಸಿಕೊಂಡು, ವೈದ್ಯರು ಅಲ್ಟ್ರಾಸೌಂಡ್ ಮಾರ್ಗದರ್ಶನದೊಂದಿಗೆ ಕಿರುಚೀಲಗಳಿಗೆ ಸೂಜಿಯನ್ನು ಸೇರಿಸುತ್ತಾರೆ. ವೈದ್ಯರ ಪ್ರಕಾರ, ಚೇತರಿಸಿಕೊಂಡ ಮೊಟ್ಟೆಗಳ ಪ್ರಮಾಣವನ್ನು ವಯಸ್ಸಿನ ಆಧಾರದ ಮೇಲೆ ನಿರ್ಧರಿಸಲಾಗುತ್ತದೆ, ಅಂಡಾಶಯದ ಮೀಸಲು ಮತ್ತು ವಯಸ್ಸು ಎರಡು ನಿರ್ಣಾಯಕ ನಿರ್ಣಾಯಕಗಳಾಗಿವೆ.