ರಾಜ್ ಕುಂದ್ರ ಅಶ್ಲೀಲ ಸಿನಿಮಾ ಪ್ರಕರಣ; ನಟಿ ಶಿಲ್ಪಾ ಶೆಟ್ಟಿ ಮನೆ ಮೇಲೆ ಮುಂಬೈ ಪೊಲೀಸ್ ದಾಳಿ!

ಅಶ್ಲೀಲ ಸಿನಿಮಾ ದಂಧೆ ಪ್ರಕರಣದಡಿ ಅರೆಸ್ಟ್ ಆಗಿರುವ ರಾಜ್ ಕುಂದ್ರಾ ರಾಜ್ ಕುಂದ್ರಾ ಜೊತೆ ಪತ್ನಿ ಶಿಲ್ಪಾ ಶೆಟ್ಟಿ ಮನೆ ಮೇಲೆ ಪೊಲೀಸ್ ದಾಳಿ ಪತಿ ಪ್ರಕರಣ ಕುರಿತ ಶಿಲ್ಪಾ ಶೆಟ್ಟಿಗೆ ಹಲವು ಪ್ರಶ್ನೆ

ಮುಂಬೈ(ಜು.23): ಅಶ್ಲೀಲ ಸಿನಿಮಾ ದಂಧೆ ಪ್ರಕರಣದಲ್ಲಿ ಬಾಲಿವುಡ್ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್‌ಕುಂದ್ರಾ ಬಂಧನದ ಬಳಿಕ ಪೋರ್ನ್ ಇಂಡಸ್ಟ್ರಿ ಕುರಿತ ಒಂದೊಂದು ಮಾಹಿತಿಗಳು ಹೊರಬರುತ್ತಿದೆ. ಇತ್ತ ರಾಜ್‌ ಕುಂದ್ರಾ ಸಂಕಷ್ಟ ಹೆಚ್ಚಾಗುತ್ತಿದೆ. ಈ ಪ್ರಕರಣದ ವಿಚಾರಣೆ ನಡುವೆ ಇದೀಗ ಮುಂಬೈ ಪೊಲೀಸರು ಶಿಲ್ಪಾ ಶೆಟ್ಟಿ ಮನೆ ಮೇಲೆ ದಾಳಿ ನಡೆಸಿದ್ದಾರೆ.

ಮುಂಬೈನ ಜುಹುಲ್ಲಿರುವ ಶಿಲ್ಪಾ ಶೆಟ್ಟಿ ಮನೆಗೆ ಮುಂಬೈ ಪೊಲೀಸರು ರಾಜ್ ಕುಂದ್ರಾ ಜೊತೆ ಆಗಮಿಸಿದ್ದಾರೆ. ಮೂಲಗಳ ಪ್ರಕಾರ ಶಿಲ್ಪಾ ಶೆಟ್ಟಿಯನ್ನು ಮುಂಬೈ ಪೊಲೀಸರು ಪಶ್ನಿಸಲಿದ್ದಾರೆ. 

ರಾಜ್ ಕುಂದ್ರಾ ನಡೆಸುತ್ತಿರುವ ವಿಯಾನ್ ಕಂಪನಿ ಈ ಅಶ್ಲೀಲ ಸಿನಿಮಾ ದಂಧೆ ನಡೆಸುತ್ತಿದೆ. ಇತ್ತೀಚೆಗೆ ಮುಂಬೈ ಪೊಲೀಸರು ಅಂಧೇರಿ ವೆಸ್ಟ್‌ನಲ್ಲಿರುವ ವಿಯಾನ್ ಕಂಪನಿ ಕಚೇರಿಗೆ ದಾಳಿ ನಡೆಸಿ ಅಶ್ಲೀಲ ಚಲನಚಿತ್ರಗಳ ಬೃಹತ್ ಡೇಟಾವನ್ನು ವಶಪಡಿಸಿಕೊಂಡಿದೆ.  ಈ ವಿಯಾನ್ ಕಂಪನಿ ನಿರ್ದೇಶಕರಲ್ಲಿ ಶಿಲ್ಪಾ ಶೆಟ್ಟಿ ಕೂಡ ಒಬ್ಬರಾಗಿದ್ದಾರೆ. 

ಮುಂಬೈ ಪೊಲೀಸ್ ದಾಳಿಗೂ ಮುನ್ನ ವಿಯಾನ ಕಂಪನಿ ಹಲವು ವಿಡಿಯೋಗಳನ್ನು ಡಿಲೀಟ್ ಮಾಡಿದೆ. ಇದೀಗ ಫೋರೆನ್ಸಿಕ್ ಲ್ಯಾಬ್ ನೆರವಿನಿಂದ ಎಲ್ಲಾ ದಾಖಲೆಗಳನ್ನು ತೆಗೆದು ಪರಿಶೀಲನೆ ನಡೆಸುತ್ತಿದೆ.