ಜೇಮ್ಸ್ ಬಾಂಡ್ ಚಿತ್ರ ನಿರ್ಮಾಣ ಸಂಸ್ಥೆ ಎಂಜಿಎಂ ಅಮೆಜಾನ್ ತೆಕ್ಕೆಗೆ!
ಸಾರಾಂಶ
* ಜೇಮ್ಸ್ ಬಾಂಡ್, ರಾಕಿ, ಶಾಕ್ ಟ್ಯಾಂಕ್ ಸೇರಿದಂತೆ ಹಾಲಿವುಡ್ನ ಜನಪ್ರಿಯ ಸಿಮಿಮಾಗಳನ್ನು ನಿರ್ಮಾಣ ಮಾಡಿರುವ ಮೆಟ್ರೋ- ಗೋಲ್ಡನ್- ಮೇಯರ್ * ಜೇಮ್ಸ್ ಬಾಂಡ್ ಚಿತ್ರ ನಿರ್ಮಾಣ ಸಂಸ್ಥೆ ಎಂಜಿಎಂ ಅಮೆಜಾನ್ ತೆಕ್ಕೆಗೆ * 63 ಸಾವಿರ ಕೋಟಿ ರು.ಗೆ ಸಂಸ್ಥೆ ಖರೀದಿ
ಲಾಸ್ಏಂಜಲೀಸ್(ಮೇ.27): ಜೇಮ್ಸ್ ಬಾಂಡ್, ರಾಕಿ, ಶಾಕ್ ಟ್ಯಾಂಕ್ ಸೇರಿದಂತೆ ಹಾಲಿವುಡ್ನ ಜನಪ್ರಿಯ ಸಿಮಿಮಾಗಳನ್ನು ನಿರ್ಮಾಣ ಮಾಡಿರುವ ಮೆಟ್ರೋ- ಗೋಲ್ಡನ್- ಮೇಯರ್ (ಎಂಜಿಎಂ) ಪಿಕ್ಚರ್ಸ್ ಅನ್ನು ಅಮೆಜಾನ್ ಕಂಪನಿ ಅಂದಾಜು 63000 ಕೋಟಿ ರು.ಗಳಿಗೆ ಖರೀದಿ ಮಾಡಲಿದೆ. ಇದರಿಂದಾಗಿ ಒಟಿಟಿ ವೇದಿಕೆಗಳಾದ ನೆಟ್ಫ್ಲಿಕ್ಸ್ ಹಾಗೂ ಡಿಸ್ನಿ ಪ್ಲಸ್ಗೆ ಅಮೆಜಾನ್ ಪ್ರೈಮ್ ವಿಡಿಯೋಸ್ ಪೈಪೋಟಿ ನೀಡಲು ನೆರವಾಗಲಿದೆ.
ಎಂಜಿಎಂ ಪಿಕ್ಚರ್ಸ್ನ ಖರೀದಿಯಿಂದಾಗಿ ತನ್ನ ಒಟಿಟಿ ವೇದಿಕೆಯಲ್ಲಿ ನೂರಾರು ಜನಪ್ರಿಯ ಚಿತ್ರಗಳ ಮೇಲಿನ ಹಕ್ಕುಗಳನ್ನು ಪಡೆಯಲು ಸಾಧ್ಯವಾಗಲಿದೆ.
ಹಾಲಿವುಡ್ನ ಅತ್ಯಂತ ಹಳೆಯ ಸ್ಟುಡಿಯೋಗಳ ಪೈಕಿ ಒಂದಾದ ಎಂಜಿಎಂ 1924ರಲ್ಲಿ ಸ್ಥಾಪನೆಯಾದ ಸಂಸ್ಥೆಯಾಗಿದ್ದು, ಜನಪ್ರಿಯ ಚಿತ್ರಗಳು ಮತ್ತು ಸೀರಿಯಲ್ಗಳ ದೊಡ್ಡ ಪಟ್ಟಿಯನ್ನೇ ಹೊಂದಿದೆ.
ಜೇಮ್ಸ್ ಬಾಂಡ್ ಸರಣಿಯ ಮುಂದಿನ ಚಿತ್ರ ‘ನೋ ಟೈಮ್ ಟು ಡೈ’ ಅ.8ರಂದು ಬಿಡುಗಡೆ ಆಗಲಿದ್ದು, ಈ ಚಿತ್ರದ ಹಕ್ಕು ಅಮೆಜಾನ್ಗೆ ಲಭ್ಯವಾಗಲಿದೆ.
ಕನ್ನಡ ಸಿನಿಮಾ (Kannada Cinema News), ಟಿವಿ ಕಾರ್ಯಕ್ರಮಗಳು (Kannada TV Shows), ಸೆಲೆಬ್ರಿಟಿ ಸುದ್ದಿಗಳು ಮತ್ತು ಇತ್ತೀಚಿನ ಸುದ್ದಿಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಮನರಂಜನಾ ವಿಭಾಗ ನೋಡಿ. ಸಿನಿಮಾ ವಿಮರ್ಶೆಗಳು (Kannada Movies Review), ತಾರೆಯರ ಸಂದರ್ಶನಗಳು, ಧಾರಾವಾಹಿ ಅಪ್ಡೇಟ್ಸ್, ತೆರೆಮರೆಯ ಕಥೆಗಳು, OTT ರಿಲೀಸ್ಗಳ ಬಗ್ಗೆ ಮಾಹಿತಿಯೂ ಇಲ್ಲಿದೆ.