ಅಮೆಜಾನ್, ಫ್ಲಿಪ್ಕಾರ್ಟ್ಗಿಂತ ಸೋವಿ, ಎಸ್ಬಿಐನಿಂದ ಯುನೋ ಮೇಳ!
ಸಾರಾಂಶ
ಆನ್ ಲೈನ್ ಮಾರಾಟ ತಾಣಗಳ ಹಾದಿಗೆ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ ಸಹ ಇಳಿದಿದೆ. ಗ್ರಾಹಕರಿಗಾಗಿ 6 ದಿನಗಳ ಕಾಲ ಭರ್ಜರಿ ಆಫರ್ ನೀಡುತ್ತಿದೆ. ಏನಿದು ಸುದ್ದಿ ಅಂತೀರಾ? ಸಕಲ ಮಾಹಿತಿ ನಿಮ್ಮ ಮುಂದಿದೆ.
ನವದೆಹಲಿ[ಅ.15] ಎಸ್ಬಿಐನ ಡಿಜಿಟಲ್ ಸೇವೆಯಾದ ಯುನೋ 6 ದಿನಗಳ ಶಾಪಿಂಗ್ ಮೇಳವನ್ನು ಆರಂಭಿಸುತ್ತಿದೆ. ಅಕ್ಟೋಬರ್ 16ರಿಂದ ಆರಂಭವಾಗುವ ಈ ಮೇಳದಲ್ಲಿ ಯುನೋ ಆ್ಯಪ್ ಮೂಲಕ ಗ್ರಾಹಕರು ಆನ್ಲೈನ್ ಶಾಪಿಂಗ್ ಪೋರ್ಟಲ್ಗಳಲ್ಲಿ ಭಾರೀ ಡಿಸ್ಕೌಂಟ್ ಪಡೆಯಬಹುದಾಗಿದ್ದು ಆಫರ್ ಗಳ ಸುರಿಮಳೆಯೇ ಇದೆ.
ಎಲೆಕ್ಟ್ರಾನಿಕ್ಸ್, ಫ್ಯಾಷನ್, ಗೃಹ ವಸ್ತುಗಳು, ಗಿಫ್ಟ್, ಜ್ಯುವೆಲರಿ ಹೀಗೆ ಸುಮಾರು 14 ಎ ಕಾಮರ್ಸ್ ಮಾರಾಟಗಾರರೊಂದಿಗೆ ಸೇರಿಕೊಂಡು ಯುನೋ ಶಾಪಿಂಗ್ ಮೇಳ ಗ್ರಾಹಕರಿಗೆ ಶೇ. 40 ರಷ್ಟು ರಿಯಾಯಿತಿಯನ್ನೂ ನೀಡುತ್ತಿದೆ. ಎಸ್ಬಿಐ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್ ಬಳಕೆದಾರರಿಗೆ ಹೆಚ್ಚುವರಿಯಾಗಿ ಶೇ. 10 ರಷ್ಟು ಕ್ಯಾಶ್ ಬ್ಯಾಕ್ ಸೌಲಭ್ಯ ಸಿಗಲಿದೆ. ಈ ಮೇಳ ಅಕ್ಟೋಬರ್ 16ಕ್ಕೆ ಆರಂಭವಾಗಿ ಅಕ್ಟೋಬರ್ 21ರವರೆಗೂ ನಡೆಯಲಿದೆ.
ಕಳೆದ ವರ್ಷವಷ್ಟೇ ಆರಂಭವಾದ ಯುನೋ ಅಲ್ಪ ಕಾಲದಲ್ಲೇ ಸಾಕಷ್ಟು ಪ್ರಾಮುಖ್ಯತೆ ಪಡೆದುಕೊಂಡಿದ್ದು, ದಿನಕ್ಕೆ ಸರಾಸರಿ 25 ಸಾವಿರ ಗ್ರಾಹಕರನ್ನು ಪಡೆಯುತ್ತಾ ಮುನ್ನುಗ್ಗುತ್ತಿದ್ದು ಇದೀಗ ಮೇಳದ ಮೂಲಕ ಮತ್ತಷ್ಟು ಜನಪ್ರಿಯತೆ ಪಡೆದುಕೊಳ್ಳಲಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.