ಇಂದಿನಿಂದ RTGS ವ್ಯವಸ್ಥೆಯಲ್ಲಿ ದಿನದ 24 ಗಂಟೆಯೂ ಹಣ ಪಾವತಿ!
ಸಾರಾಂಶ
ಹೆಚ್ಚು ಮೌಲ್ಯದ ಹಣ ವರ್ಗಾವಣೆಗೆ ಇರುವ ಆನ್ಲೈನ್ ವ್ಯವಸ್ಥೆಯಾದ ಆರ್ಟಿಜಿಎಸ್| ಇಂದಿನಿಂದ ಆರ್ಟಿಜಿಎಸ್ ವ್ಯವಸ್ಥೆಯಲ್ಲಿ ದಿನದ 24 ಗಂಟೆಯೂ ಹಣ ಪಾವತಿ
ಮುಂಬೈ(ಡಿ.೧೪): ಹೆಚ್ಚು ಮೌಲ್ಯದ ಹಣ ವರ್ಗಾವಣೆಗೆ ಇರುವ ಆನ್ಲೈನ್ ವ್ಯವಸ್ಥೆಯಾದ ಆರ್ಟಿಜಿಎಸ್ (ರಿಯಲ್ ಟೈಮ್ ಗ್ರಾಸ್ ಸೆಟ್್ಲಮೆಂಟ್ ಸಿಸ್ಟಮ್) ಸೇವೆಯನ್ನು ದಿನದ 24 ಗಂಟೆಯೂ ಬಳಸುವ ಅವಕಾಶ ಭಾನುವಾರ ರಾತ್ರಿಯಿಂದ ಲಭ್ಯವಾಗಿದೆ. ಇದರೊಂದಿಗೆ ಈ ವ್ಯವಸ್ಥೆ ಜಾರಿ ಮಾಡಿದ ವಿಶ್ವದ ಕೆಲವೇ ಕೆಲವು ರಾಷ್ಟ್ರಗಳ ಪಟ್ಟಿಯಲ್ಲಿ ಭಾರತವೂ ಸೇರ್ಪಡೆಯಾಗಿದೆ.
ಆರ್ಬಿಐ ಮಹತ್ವದ ಘೋಷಣೆ: ಬ್ಯಾಂಕ್ ಖಾತೆದಾರರಿಗೆ ಗುಡ್ ನ್ಯೂಸ್!
ಭಾನುವಾರ ರಾತ್ರಿ 12.30ರಿಂದಲೇ ಈ ಸೇವೆ ದೇಶಾದ್ಯಂತ ಎಲ್ಲಾ ಗ್ರಾಹಕರಿಗೆ ಲಭ್ಯವಾಗಲಿದೆ ಎಂದು ಆರ್ಬಿಐ ಗವರ್ನರ್ ಶಕ್ತಿಕಾಂತ್ ದಾಸ್ ಪ್ರಕಟಿಸಿದ್ದಾರೆ. ಈ ಸೇವೆ ವಾರದ ಏಳೂ ದಿನ, ವರ್ಷದ 365 ದಿನಗಳೂ ಲಭ್ಯವಿರಲಿದೆ. ನೆಫ್ಟ್ನಲ್ಲಿ ವಾರದ ಏಳೂ ದಿನ ಸೇವೆಗೆ ಅವಕಾಶ ಕಲ್ಪಿಸಿದ ವರ್ಷದೊಳಗೆ ಆರ್ಬಿಐ ಆರ್ಟಿಜಿಎಸ್ ವ್ಯವಸ್ಥೆಯಲ್ಲೂ ಇದೇ ರೀತಿಯ ಸೌಲಭ್ಯ ಕಲ್ಪಿಸಿದೆ.
ಹಗಲು -ರಾತ್ರಿ ವಹಿವಾಟು: NEFT ಇನ್ಮುಂದೆ ಬೊಂಬಾಟು!
2004ರಲ್ಲಿ ಕೇವಲ 4 ಬ್ಯಾಂಕ್ಗಳಿಗೆ ಸೀಮಿತವಾಗಿ ಆರಂಭವಾದ ಈ ಸೇವೆಯನ್ನು ಪ್ರಸಕ್ತ ದೇಶಾದ್ಯಂತ ಇರುವ 237 ಬ್ಯಾಂಕ್ಗಳ ಮೂಲಕ ಬಳಸಲಾಗುತ್ತಿದೆ. ನಿತ್ಯ 6.35 ಲಕ್ಷದಷ್ಟುವ್ಯವಹಾರ ಆರ್ಟಿಜಿಎಸ್ ಮೂಲಕ ನಡೆಯುತ್ತಿದ್ದು, 4.17 ಲಕ್ಷ ಕೋಟಿ ರು. ಹಣ ವರ್ಗಾವಣೆಯಾಗುತ್ತಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.