ಆಮ್ನೆಸ್ಟಿಇಂಡಿಯಾ ಮಾಜಿ ಸಿಇಒ Aakar Patelಗೆ 61 ಕೋಟಿ ದಂಡ
ಸಾರಾಂಶ
ವಿದೇಶಿ ವಿನಿಮಯ ನಿಯಮ ಉಲ್ಲಂಘನೆ ಹಿನ್ನೆಲೆ ಆಮ್ನೆಸ್ಟಿಇಂಡಿಯಾ, ಮಾಜಿ ಸಿಇಒ ಆಕರ್ ಪಟೇಲ್ಗೆ 61 ಕೋಟಿ ದಂಡ ವಿಧಿಸಲಾಗಿದೆ.
ನವದೆಹಲಿ (ಜು.9): ವಿದೇಶಿ ವಿನಿಮಯ ನಿಯಮ ಉಲ್ಲಂಘಿಸಿದ ಆಮ್ನೆಸ್ಟಿಇಂಡಿಯಾ (Amnesty India) ಹಾಗೂ ಅದರ ಮಾಜಿ ಮುಖ್ಯಸ್ಥ ಆಕರ್ ಪಟೇಲ್ಗೆ (Aakar Patel ) ಶುಕ್ರವಾರ ಜಾರಿ ನಿರ್ದೇಶನಾಲಯ ( Enforcement Directorate - ಇಡಿ) 61 ಕೋಟಿ ರು. ದಂಡ ವಿಧಿಸಿದೆ.
ಲಂಡನ್ ಮೂಲದ ಆಮ್ನೆಸ್ಟಿಇಂಟರ್ನ್ಯಾಷನಲ್ ಕಂಪನಿ ವಿದೇಶಿ ಕೊಡುಗೆ ನಿಯಂತ್ರಣ ಕಾಯ್ದೆ ತಪ್ಪಿಸಿ ನವೆಂಬರ್ 2013 ರಿಂದ ಜೂನ್ 2018ರವರೆಗೆ ತನ್ನ ಭಾರತದ ಘಟಕಕ್ಕೆ ಭಾರೀ ಪ್ರಮಾಣದಲ್ಲಿ ವಿದೇಶಿ ಕೊಡುಗೆಯನ್ನು ವಿದೇಶಿ ನೇರ ಹೂಡಿಕೆ ಎಫ್ಡಿಐ) ಮಾರ್ಗದಲ್ಲಿ ವರ್ಗಾಯಿಸಿತ್ತು.
ಟ್ವಿಟರ್ ಡೀಲ್ನಿಂದ ಹಿಂದೆ ಸರಿದ ಎಲಾನ್ ಮಸ್ಕ್, ಕಾನೂನು ಕ್ರಮಕ್ಕೆ ನಿರ್ಧರಿಸಿದ ಕಂಪನಿ!
ಈ ಹಿನ್ನೆಲೆಯಲ್ಲಿ ತನಿಖೆ ನಡೆಸಿದ ಇಡಿ ವಿದೇಶಿ ವಿನಿಮಯ ನಿರ್ವಹಣಾ ಕಾಯ್ದೆ (Foreign Exchange Management Act ) ಉಲ್ಲಂಘಿಸಿದ್ದಕ್ಕೆ ಪ್ರತ್ಯೇಕವಾಗಿ ಆಮ್ನೆಸ್ಟಿಇಂಡಿಯಾ ಇಂಟರ್ನ್ಯಾಶನಲ್ಗೆ 51.72 ಕೋಟಿ ರು. ಹಾಗೂ ಆಕರ್ ಪಟೇಲ್ಗೆ 10 ಕೋಟಿ ರು. ದಂಡ ವಿಧಿಸಿದೆ.
ವಿದೇಶಿ ಕೊಡುಗೆ ನಿಯಂತ್ರಣ ಕಾಯ್ದೆ (ಎಫ್ಸಿಆರ್ಎ) ಯಿಂದ ತಪ್ಪಿಸಿಕೊಳ್ಳಲು ಅಮ್ನೆಸ್ಟಿ ಇಂಟರ್ನ್ಯಾಶನಲ್ ಯುಕೆ ತನ್ನ ಭಾರತೀಯ ಘಟಕಗಳ ಮೂಲಕ ವಿದೇಶಿ ನೇರ ಹೂಡಿಕೆ (ಎಫ್ಡಿಐ) ಮೂಲಕ ಭಾರಿ ವಿದೇಶಿ ಕೊಡುಗೆಯನ್ನು ರವಾನಿಸುತ್ತಿದೆ ಎಂಬ ಆರೋಪದ ಆಧಾರದ ಮೇಲೆ ಕೇಂದ್ರೀಯ ತನಿಖಾ ಸಂಸ್ಥೆ ಫೆಮಾ ಅಡಿಯಲ್ಲಿ ತನಿಖೆಯನ್ನು ಪ್ರಾರಂಭಿಸಿತ್ತು.
ಇನ್ನು 5 ವರ್ಷದಲ್ಲಿ ದೇಶದಲ್ಲಿ ಪೆಟ್ರೋಲ್ ನಿಷೇಧ: ಸಚಿವ Nitin Gadkari
ಕೇಂದ್ರ ಗೃಹ ಸಚಿವಾಲಯದಿಂದ ಎಫ್ಸಿಆರ್ಎ ಅಡಿಯಲ್ಲಿರುವ ಸಂಸ್ಥೆ ಮತ್ತು ಅಮ್ನೆಸ್ಟಿ ಇಂಡಿಯಾ ಫೌಂಡೇಶನ್ ಟ್ರಸ್ಟ್ ಮತ್ತು ಇತರ ಟ್ರಸ್ಟ್ಗಳಿಗೆ ಪೂರ್ವ ನೋಂದಣಿ ಅಥವಾ ಅನುಮತಿ ನಿರಾಕರಣೆಯ ಹೊರತಾಗಿಯೂ ಭಾರತದಲ್ಲಿ ಎನ್ಜಿಒ ಚಟುವಟಿಕೆಗಳನ್ನು ವಿಸ್ತರಿಸಲು ಈ ಹಣವನ್ನು ಸ್ವೀಕರಿಸಲಾಗಿದೆ. ವಿದೇಶಿ ವಿನಿಮಯ ನಿರ್ವಹಣಾ ಕಾಯಿದೆ (FEMA) ನಿಬಂಧನೆಗಳನ್ನು "ಉಲ್ಲಂಘಿಸಿದ" ಹಣವನ್ನು ಸ್ವೀಕರಿಸಿದ ಕಾರಣ ದಂಡದ ಶೋಕಾಸ್ ನೋಟಿಸ್ ನೀಡಲಾಗಿದೆ ಎಂದು ಜಾರಿ ನಿರ್ದೇಶನಾಲಯ ತಿಳಿಸಿದೆ.
ಈ ಹೂಡಿಕೆಯಿಂದ ಆದಾಯ ತೆರಿಗೆದಾರರು 3.5ಲಕ್ಷ ರೂ. ಲಾಭ ಗಳಿಸಬಹುದು, ಅದು ಹೇಗೆ?
ಶೋಕಾಸ್ ನೋಟಿಸ್ ಪ್ರಕಾರ, ನವೆಂಬರ್ 2013 ಮತ್ತು ಜೂನ್ 2018 ರ ನಡುವೆ ಅಮ್ನೆಸ್ಟಿ ಇಂಟರ್ನ್ಯಾಶನಲ್ ಇಂಡಿಯಾ ಸ್ವೀಕರಿಸಿದ ಮತ್ತು ವ್ಯಾಪಾರ ಸಲಹಾ ಮತ್ತು PR ಸೇವೆಗಳಿಗೆ ರಶೀದಿ ಎಂದು ಹೇಳಿಕೊಂಡಿರುವುದು ಸಾಗರೋತ್ತರ ಕೊಡುಗೆದಾರರಿಂದ ಎರವಲು ಪಡೆದಿದೆಯೇ ಹೊರತು ಬೇರೇನೂ ಅಲ್ಲ, ಆ ಮೂಲಕ FEMA ಯ ಸ್ಪಷ್ಟ ಉಲ್ಲಂಘನೆಯಾಗಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.