ಬೆಂಗಳೂರಿನ ಹೆಣ್ಣೂರು ಮುಖ್ಯ ರಸ್ತೆಯಲ್ಲಿ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಹೊಸ ಶೋರೂಂ ಆರಂಭ

ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಬೆಂಗಳೂರಿನಲ್ಲಿ ಹೊಸ ಶೋರೂಂ ತೆರೆದಿದೆ. ಇದು ಕರ್ನಾಟಕದಲ್ಲಿ 38ನೇ ಶೋರೂಂ ಆಗಿದ್ದು, ಚಿನ್ನಾಭರಣಗಳ ದೊಡ್ಡ ಸಂಗ್ರಹವನ್ನು ಹೊಂದಿದೆ.

ಬೆಂಗಳೂರು (ಮಾ.10): ಹೆಸರಾಂತ ಚಿನ್ನಾಭರಣ ಸಂಸ್ಥೆಯಾಗಿರುವ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಬೆಂಗಳೂರಿನ ಕುವೆಂಪು ಬಡಾವಣೆಯ ಹೆಣ್ಣೂರು ಮುಖ್ಯ ರಸ್ತೆಯಲ್ಲಿ ತನ್ನ ಹೊಸ ಶೋರೂಂ ಅನ್ನು ಉದ್ಘಾಟಿಸಿದೆ. 6,000 ಚದರಡಿಗೂ ಅಧಿಕ ವಿಸ್ತೀರ್ಣದಲ್ಲಿ ಆರಂಭವಾಗಿರುವ ಈ ಶೋರೂಂ ಸುತ್ತಮುತ್ತಲಿನ ಗ್ರಾಹಕರಿಗೆ ಚಿನ್ನಾಭರಣದ ಶಾಪಿಂಗ್ ಅನುಭವವನ್ನು ನೀಡಲಿದೆ. ಇಲ್ಲಿನ ವಿಸ್ತಾರವಾದ ಶ್ರೇಣಿಯ ಚಿನ್ನಾಭರಣಗಳ ಸಂಗ್ರಹವು ಗ್ರಾಹಕರನ್ನು ಸೆಳೆಯಲಿವೆ. ಭಾರತದಲ್ಲಿ ತನ್ನ ಅಸ್ತಿತ್ವವನ್ನು ಬಲಪಡಿಸಬೇಕು ಎನ್ನುವ ಬ್ರ್ಯಾಂಡ್‌ನ ನಿರಂತರ ಬದ್ಧತೆಯನ್ನು ಇದು ತೋರಿಸಿದೆ.

ಇದು ಬೆಂಗಳೂರಿನಲ್ಲಿ ಮಲಬಾರ್ ಗೋಲ್ಡ್‌ನ 20ನೇ ಮತ್ತು ಕರ್ನಾಟಕದ 38ನೇ ಶೋರೂಂ ಆಗಿದೆ. ಫೆ.28ರ ಶುಕ್ರವಾರ ಕೆಆರ್‌ ಪುರದ ಶಾಸಕ ಬೈರತಿ ಬಸವರಾಜ್ ಮತ್ತು ನಟಿ ಶ್ರೀನಿಧಿ ಶೆಟ್ಟಿ ಅವರು ಅದ್ದೂರಿಯಾಗಿ ಉದ್ಘಾಟಿಸಿದರು. ಈ ಸಂದರ್ಭದಲ್ಲಿ ಮಲಬಾರ್ ಗೋಲ್ಡ್ & ಡೈಮಂಡ್ಸ್‌ನ ಕರ್ನಾಟಕದ ಪ್ರಾದೇಶಿಕ ಮುಖ್ಯಸ್ಥರಾದ ಫಿಲ್ಟರ್ ಬಾಬು ಮತ್ತು ಸಂಸ್ಥೆಯ ಹಿರಿಯ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಉಪಸ್ಥಿತರಿದ್ದರು. 

ಭಾರತ, ಮಧ್ಯಪ್ರಾಚ್ಯ, ಯುಎಸ್ಎ, ಯುಕೆ, ಕೆನಡಾ ಮತ್ತು ಆಸ್ಟ್ರೇಲಿಯಾ ಸೇರಿದಂತೆ ವಿಶ್ವದಾದ್ಯಂತ 13 ದೇಶಗಳಲ್ಲಿ 375 ಕ್ಕೂ ಹೆಚ್ಚು ತೋರೂಂಗಳನ್ನು ಹೊಂದಿರುವ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ತನ್ನ ವಿಸ್ತಾರವಾದ ಆಕರ್ಷಕ ಮತ್ತು ಗುಣಮಟ್ಟದ ಚಿನ್ನಾಭರಣಗಳಿಗೆ ಹಾಗೂ ಗ್ರಾಹಕ ಕೇಂದ್ರಿತ ವಿಧಾನಗಳಿಗೆ ಹೆಸರುವಾಸಿಯಾಗಿದೆ. 22,000 ಕ್ಕೂ ಹೆಚ್ಚು ಸಿಬ್ಬಂದಿ 26 ದೇಶಗಳಲ್ಲಿ ಕಾರ್ಯನಿರ್ವಹಿಸುತ್ತಿದ್ದು, ವಿಶ್ವದಾದ್ಯಂತ 15 ಮಿಲಿಯನ್‌ಗೂ ಹೆಚ್ಚು ಗ್ರಾಹಕರಿಗೆ ತನ್ನ ಸೇವೆಯನ್ನು ನೀಡುತ್ತಿದೆ.

ಹೊಸ ಶೋರೂಂನಲ್ಲಿ  ಚಿನ್ನ, ವಜ್ರ, ಪ್ಲಾಟಿನಂ ಮತ್ತು ಜೆಮ್ ಸ್ಟೋನ್ ಆಭರಣಗಳ ಸಂಗ್ರಹವಿದ್ದು, ಪ್ರತಿಯೊಬ್ಬ ಗ್ರಾಹಕರ ಅಭಿರುಚಿಗೆ ತಕ್ಕಂತ ಇರಲಿದೆ.ಸಾಂಪ್ರದಾಯಿಕ ವಿನ್ಯಾಸಗಳು ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಪ್ರತಿಬಿಂಬಿಸುವುದರಿಂದ ಹಿಡಿದು ಸಮಕಾಲೀನ ಸ್ಟೈಲ್‌ನ ಆಭರಣಗಳು ಆಧುನಿಕ ಶೈಲಿಯನ್ನು ಪ್ರತಿಬಿಂಬಿಸುತ್ತಿವೆ. ಹೀಗೆ ಎಲ್ಲಾ ಕಾಲಮಾನಕ್ಕೂ ಹೊಂದಿಕೊಳ್ಳುವಂತಹ ಆಭರಣಗಳ ಸಂಗ್ರಹವನ್ನು ಈ ಶೋರೂಂ ಒಳಗೊಂಡಿದೆ. ಇದಲ್ಲದೇ, ಶೋರೂಂ ಉದ್ಘಾಟನೆಯ ಅಂಗವಾಗಿ ಮಲಬಾರ್ ಸಂಸ್ಥೆಯು ತನ್ನ ಗ್ರಾಹಕರಿಗೆ ಫೆಬ್ರವರಿ 28 ರಿಂದ ಮಾರ್ಚ್ 9 ರವರೆಗೆ ಖರೀದಿಸುವ ಚಿನ್ನಾಭರಣಗಳ ಜೊತೆಗೆ ಉಚಿತವಾಗಿ ಬೆಳ್ಳಿ ನಾಣ್ಯಗಳ ಕೊಡುಗೆಯನ್ನು ನೀಡಿತ್ತು.

ಹೊಸ ಶೋರೂಂ ಉದ್ಘಾಟನೆ ಬಗ್ಗೆ ಹರ್ಷ ವ್ಯಕ್ತಪಡಿಸಿರುವ ಮಲಬಾರ್ ಗ್ರೂಪ್‌ನ ಅಧ್ಯಕ್ಷ ಎಂ.ಪಿ.ಅಹ್ಮದ್ ಅವರು. "ಬೆಂಗಳೂರಿನ  ಹೆಣ್ಣೂರು ಮತ್ತು ನೆರೆಹೊರೆಯ ಜನತೆಗಾಗಿ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಅನ್ನು ಪರಿಚಯಿಸುತ್ತಿರುವುದಕ್ಕೆ ನಮಗೆ ಸಂತೋಷವಾಗುತ್ತಿದೆ. ಇದು ನಗರದ ಶ್ರೀಮಂತ ಸಂಸ್ಕೃತಿ ಮತ್ತು ಕರಕುಶಲತೆಯ ಸಂಪ್ರದಾಯವನ್ನು ಹೆಚ್ಚಿಸುತ್ತದೆ. ಬೆಂಗಳೂರಿನ ಜನರಿಗೆ ಅತ್ಯುತ್ತಮವಾದ ವಿನ್ಯಾಸಗಳು, ಅಸಾಧಾರಣ ಕೆಲಸಗಾರಿಕೆ ಮತ್ತು ನೈಜವಾದ ವಿಶ್ವದರ್ಜೆಯ ಶಾಪಿಂಗ್ ಅನುಭವವನ್ನು ನೀಡುವ ನಮ್ಮ ಧೈಯದಲ್ಲಿ ಈ ವಿಸ್ತರಣೆಯು ಹೆಮ್ಮೆಯ ಹೆಜ್ಜೆಯಾಗಿದೆ. ಸಂಪ್ರದಾಯ ಮತ್ತು ಆಧುನಿಕತೆಗಳು ಸರಾಗವಾಗಿ ಬೆರೆಯುವ ಮತ್ತು ನಮ್ಮ ನಂಬಿಕೆ, ಪಾರದರ್ಶಕತೆ ಹಾಗೂ ಗ್ರಾಹಕರ ತೃಪ್ತಿಯ ಮೌಲ್ಯಗಳಿಗೆ ಬದ್ಧವಾಗಿರುವ ಸಮುದಾಯದ ಭಾಗವಾಗುವುದನ್ನು ಕಾಣನು ನಾವು ಉತ್ಸುಕರಾಗಿದ್ದೇವೆ. ಬೆಂಗಳೂರಿನ ಜನರಿಂದ ಆತ್ಮೀಯ ಸ್ವಾಗತ ದೊರೆಯುತ್ತಿರುವುದು ಮತ್ತು ನಿರಂತರ ಬೆಂಬಲ ನೀಡುತ್ತಿರುವುದಕ್ಕೆ ನಾವು ಕೃತಜ್ಞರಾಗಿದ್ದೇವೆ" ಎಂದರು.

ಗ್ರಾಹಕರಿಗೆ ಪ್ರೀಮಿಯಂ ಶಾಪಿಂಗ್ ಅನುಭವವನ್ನು ನೀಡುವ ಉದ್ದೇಶದಿಂದ ಮತ್ತ ಅದೇ ಗುರಿಯೊಂದಿಗೆ ಈ ಶೋರೂಂ ಅನ್ನು ವಿನ್ಯಾಸಗೊಳಿಸಲಾಗಿದೆ. ಇಲ್ಲಿನ ಆಕರ್ಷಕ ಆಭರಣಗಳು ಮತ್ತು ಗ್ರಾಹಕರಿಗೆ ಪರಿಪೂರ್ಣವಾದ ಆಭರಣಗಳನ್ನು ಆಯ್ಕೆ ಮಾಡಲೆಂದೇ ಮಾರ್ಗದರ್ಶನ ನೀಡುವ ತರಬೇತಿ ಹೊಂದಿದ ತಂಡವಿದೆ.

ಮಲಬಾರ್ ಗೋಲ್ಡ್ & ಡೈಮಂಡ್ಸ್ ತನ್ನ 'ಮಲಬಾರ್ ಭರವಸೆಗಳು' ಮೂಲಕ ಗ್ರಾಹಕರಿಗೆ ತೃಪ್ತಿಯ ಶಾಪಿಂಗ್ ಅನುಭವ ನೀಡುವ ಬದ್ದತೆಗೆ ಹೆಸರುವಾಸಿಯಾಗಿದೆ. ಪ್ರತಿಯೊಂದು ಆಭರಣದಲ್ಲೂ ಬೆಲೆಯ ವಿವರವಿರಲಿದೆ. ಈ ಮೂಲಕ ಪಾರದರ್ಶಕ ಬೆಲೆ ನಿಗದಿ, ಎಲ್ಲಾ ಜಾಗತಿಕ ಶೋರೂಂಗಳಲ್ಲಿ ಲಭ್ಯವಿರುವ ಜೀವಿತಾವಧಿಯ ಉಚಿತ ನಿರ್ವಹಣಾ ಸೇವೆಗಳು, ಹಳೆಯ ಚಿನ್ನ, ವಜ್ರಗಳಿಗೆ ಶೇ.100 ರಷ್ಟು ವಿನಿಮಯ ಮೌಲ್ಯದ ಖಾತರಿಯನ್ನು ನೀಡಲಾಗುತ್ತದೆ. ಕಂಪನಿಯು ಎಲ್ಲಾ ಆಭರಣಗಳು ಶೇ.100 ರಷ್ಟು ಎಚ್ಯುಐಡಿ ಪಾಲನೆಯನ್ನು ಖಚಿತಪಡಿಸುತ್ತದೆ.

ಇದಲ್ಲದೇ, ಎಲ್ಲವೂ ಪಾರದರ್ಶಕ ಮತ್ತು ಅಧಿಕೃತ ಆಭರಣಗಳನ್ನು ನೀಡುತ್ತದೆ. ಇದಕ್ಕೂ ಮುನ್ನ ಪ್ರತಿ ಆಭರಣವನ್ನೂ 28 ಹಂತದ ಗುಣಮಟ್ಟ ಪರೀಕ್ಷೆಗೆ ಒಳಪಡಿಸಲಾಗುತ್ತದೆ ಮತ್ತು ಪ್ರತಿ ಆಭರಣಕ್ಕೂ ಒಂದು ವರ್ಷದ ಉಚಿತ ವಿಮಾ ಸೌಲಭ್ಯವಿರುತ್ತದೆ. ಇದರ ಜೊತೆಗೆ ವಿಸ್ತರಿತ ಕವರೇಜ್ ಮತ್ತು ವಾರಂಟಿಯ ಅವಕಾಶವನ್ನೂ ಕಲ್ಪಿಸಲಾಗುತ್ತದೆ. ಅಧಿಕೃತ ಮೂಲಗಳಿಂದಲೇ ಚಿನ್ನವನ್ನು ಖರೀದಿ ಮಾಡುತ್ತದೆ ಎಂಬುದನ್ನು ಖಚಿತಪಡಿಸುವ ಕಂಪನಿಯು ಈ ಮೂಲಕ ತನ್ನ ಪೂರೈಕೆ ಜಾಲದಾದ್ಯಂತ ತತ್ವಾದರ್ಶಗಳ ವಿಧಾನಗಳನ್ನು ಅನುಸರಿಸುತ್ತದೆ ಎಂಬ ಭರವಸೆಯನ್ನೂ ನೀಡುತ್ತದೆ. 

ನೈತಿಕ ಅಭ್ಯಾಸಗಳು ಸಮರ್ಪಿಸಿಕೊಂಡಿರುವ ಮಲಬಾರ್ ಗೋಲ್ಡ್ & ಡೈಮಂಡ್ಸ್ ಎಲ್ಲಾ ಚಿನ್ನವನ್ನು ಅಧಿಕೃತ ಮಾರ್ಗಗಳ ಮೂಲಕ ಜವಾಬ್ದಾರಿಯುತವಾಗಿ ಪಡೆಯುವುದನ್ನು ಖಾತರಿಪಡಿಸುತ್ತದೆ. ಇದಲ್ಲದೇ, ಮಲಬಾರ್ ಗ್ರೂಪ್ ತನ್ನ ಲಾಭದ ಶೇ.5 ರಷ್ಟು ಹಣವನ್ನು ತನ್ನ ಸಿಎಸ್‌ಆರ್ ಉಪಕ್ರಮಗಳಡಿ ಆರೋಗ್ಯ, ವಸತಿ, ಶಿಕ್ಷಣ, ಪರಿಸರ ಸುಸ್ಥಿರತೆ, ಹಸಿವು ನಿರ್ಮೂಲನೆ ಮತ್ತು ಮಹಿಳಾ ಸಬಲೀಕರಣದಂತಹ ಕಾರ್ಯಕ್ರಮಗಳಿಗೆ ವಿನಿಯೋಗ ಮಾಡುತ್ತಿದೆ. 

ಈ ಶೋರೂಂ ಉದ್ಘಾಟನೆಯು ಮಲಬಾರ್ ಗೋಲ್ಡ್ & ಡೈಮಂಡ್ಸ್‌ನ ವಿಶ್ವದ ಅತ್ಯಂತ ಆದ್ಯತೆಯ ಆಭರಣ ವ್ಯಾಪಾರಿ ಸಂಸ್ಥೆಯಾಗುವ ದಿಸೆಯಲ್ಲಿ ಇನ್ನೊಂದು ಹೊಸ ಹೆಜ್ಜೆಯಾಗಿದೆ. ಸಾಂಪ್ರದಾಯಿಕ ಕರಕುಶಲತೆಯನ್ನು ಆಧುನಿಕ ನಾವೀನ್ಯತೆಯೊಂದಿಗೆ ಸಂಯೋಜನೆ ಮಾಡುವುದು ಮತ್ತು ಸುಸ್ಥಿರತೆ ಹಾಗೂ ಸಾಮಾಜಿಕ ಯೋಗಕ್ಷೇಮಕ್ಕೆ ಹೆಚ್ಚಿನ ಆದ್ಯತೆ ನೀಡುವ ಸಂಸ್ಥೆಯಾಗಿದೆ. 

ಗಮನಕ್ಕೆ: ಇದು ಜಾಹೀರಾತು ಲೇಖನವಾಗಿದೆ.