ಸಿಎಂ ಬಿಎಸ್ ಯಡಿಯೂರಪ್ಪ ಅವರು ಇಂದು (ಗುರುವಾರ) ಒಟ್ಟು 2,37,893 ಕೋಟಿ ರೂ. ಗಾತ್ರದ ರಾಜ್ಯ ಬಜೆಟ್ ಮಂಡಿಸಿದರು. ಇನ್ನು ಯಾವ ಇಲಾಖೆಗೆ ಎಷ್ಟೇಷ್ಟು ಅನುದಾನ ಸಿಕ್ಕಿದೆ ಎನ್ನುವ ಸಂಪೂರ್ಣ ಮಾಹಿತಿ ಈ ಕೆಳಗಿನಂತಿದೆ.
ಬೆಂಗಳೂರು, (ಮಾ.05): 1 ಗಂಟೆ 40 ನಿಮಿಷದಲ್ಲಿ ರಾಜ್ಯದ ಆಯವ್ಯಯ ಮಂಡಿಸುವ ಮೂಲಕ ಯಡಿಯೂರಪ್ಪ ಅವರು ಇತಿಹಾಸದಲ್ಲಿ ಅತಿ ಕಡಿಮೆ ಅವಧಿಗೆ ಬಜೆಟ್ ಓದಿದ ಸಿಎಂ ಎನ್ನುವ ದಾಖಲೆ ಬರೆದರು.
ನೆರೆ, ಬರದಿಂದ 30 ಸಾವಿರ ಕೋಟಿ ನಷ್ಟ. ಕೇಂದ್ರದಿಂದ ಬರಬೇಕಿರುವ GST ಬಾಕಿ ಇರುವ 6500 ಕೋಟಿ ರೂ.ಗೆ ಖೋತಾ, ತೆರಿಗೆ ರೂಪದಲ್ಲಿ ಕೇಂದ್ರದಿಂದ 10 ಸಾವಿರ ಕೋಟಿಗೆ ಕೊಕ್, ರಾಜ್ಯದ ತೆರಿಗೆ ಸಂಗ್ರಹದಲ್ಲಿ 7 ಸಾವಿರ ಕೋಟಿ ಇಳಿಕೆ. ಈ ಸವಾಲುಗಳ ಮಧ್ಯೆ ಸಿಎಂ ಯಡಿಯೂರಪ್ಪ ಸಮಾಧಾನಕರ ಬಜೆಟ್ ಮಂಡಿಸಿದರು.
Karnataka Budget 2020 Live | ಕೃಷಿಕರಿಗೆ ಖುಷಿ, ಮದ್ಯಪ್ರಿಯರಿಗೆ ಶಾಕ್..!
ಕುಮಾರಸ್ವಾಮಿ ಅವರು 2019-20ನೇ ಸಾಲಿಗೆ 2 ಲಕ್ಷದ 34 ಸಾವಿರದ 154 ಕೋಟಿ ರೂ ಬಜೆಟ್ ಮಂಡಿಸಿದ್ದರು. ಇದೀಗ ಯಡಿಯೂರಪ್ಪ ಹೊಸ ಯೋಜನೆಗಳ ಘೋಷಣೆ ಮಾಡದೇ, ಹಳೆ ಭಾಗ್ಯ ಯೋಜನೆಗಳ ಕಡಿತ ಮಾಡದೇ 2 ಲಕ್ಷ 37 ಸಾವಿರ 893 ಕೋಟಿ ಗಾತ್ರದ ಬಜೆಟ್ ಮಂಡನೆ ಮಾಡಿದರು.
ಕರ್ನಾಟಕ ಬಜೆಟ್ 2020: ಯಾವುದು ಏರಿಕೆ? ಯಾವುದು ಇಳಿಕೆ?
ಯಾವ ಇಲಾಖೆಗೆ ಎಷ್ಟು ಅನುದಾನ..?
1.ಶಿಕ್ಷಣ ಇಲಾಖೆ- 29,768 ಕೋಟಿ ರೂ.
2.ನಗರಾಭಿವೃದ್ಧಿ ಇಲಾಖೆ- 27,952 ಕೋಟಿ ರೂ.
3.ಜಲಸಂಪನ್ಮೂಲ ಇಲಾಖೆ- 21,308 ಕೋಟಿ ರೂ.
4.ಇಂಧನ ಇಲಾಖೆ- 17, 290 ಕೋಟಿ ರೂ.
5.ಗ್ರಾಮೀಣಾಭಿವೃದ್ಧಿ ಇಲಾಖೆ- 15.595 ಕೋಟಿ ರೂ.
6.ಕಂದಾಯ ಇಲಾಖೆ- 11, 860 ಕೋಟಿ ರೂ.
7.ಲೋಕೋಪಯೋಗಿ ಇಲಾಖೆ- 11, 463 ಕೋಟಿ ರೂ
8.ಆರೋಗ್ಯ ಇಲಾಖೆ- 10, 122 ಕೋಟಿ ರೂ.
9.ಸಾರಿಗೆ, ಒಳಾಡಳಿತ ಇಲಾಖೆ- 10, 108 ಕೋಟಿ ರೂ.
10.ಸಮಾಜ ಕಲ್ಯಾಣ ಇಲಾಖೆ- 9,444 ಕೋಟಿ ರೂ.
11.ಕೃಷಿ & ತೋಟಗಾರಿಕೆ ಇಲಾಖೆ- 7,889 ಕೋಟಿ ರೂ.
12.ಮಹಿಳೆ & ಮಕ್ಕಳ ಕಲ್ಯಾಣ ಇಲಾಖೆ- 4,650 ಕೋಟಿ ರೂ
13.ವಸತಿ ಇಲಾಖೆ- 2,971 ಕೋಟಿ ರೂ.
14.ಆಹಾರ ಇಲಾಖೆ- 2,668 ಕೋಟಿ ರೂ.
15.ಇತರೆ ಇಲಾಖೆ- 84,023 ಕೋಟಿ ರೂ.
ಮಾರ್ಚ್ 4ರ ಟಾಪ್ 10 ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ