ಸ್ವಿಸ್‌ ಬ್ಯಾಂಕ್‌ ಖಾತೆ​ದಾ​ರ​ರ 2ನೇ ಪಟ್ಟಿ ಭಾರ​ತ​ಕ್ಕೆ ಕೈಗೆ!

ಸ್ವಿಸ್‌ ಬ್ಯಾಂಕ್‌ ಖಾತೆ​ದಾ​ರ​ರ 2ನೇ ಪಟ್ಟಿಭಾರ​ತ​ಕ್ಕೆ ಹಸ್ತಾಂತರ| ಪಟ್ಟಿ​ಯ​ಲ್ಲಿ ಭಾರ​ತೀಯ ಉದ್ಯ​ಮಿ​ಗಳ ಹೆಸ​ರು?

ಬರ್ನ್‌(ಅ.10): ಸ್ವಿಸ್‌ ಬ್ಯಾಂಕ್‌​ಗ​ಳಲ್ಲಿ ಹಣ ಇರಿ​ಸಿದ್ದ ಭಾರ​ತೀಯ ವ್ಯಕ್ತಿ​ಗಳು ಹಾಗೂ ಕಂಪ​ನಿ​ಗಳ 2ನೇ ಪಟ್ಟಿಭಾರ​ತಕ್ಕೆ ಲಭಿ​ಸಿದೆ. ಇದ​ರಿಂದಾಗಿ ಕಾಳ​ಧ​ನಿ​ಕರ ವಿರುದ್ಧ ಮೋದಿ ಸರ್ಕಾರ ನಡೆ​ಸು​ತ್ತಿ​ರುವ ಹೋರಾ​ಟಕ್ಕೆ ಮತ್ತೊಂದು ಯಶಸ್ಸು ಲಭಿ​ಸಿ​ದಂತಾ​ಗಿ​ದೆ.

ಭಾರ​ತವು ಸ್ವಿಸ್‌ ಬ್ಯಾಂಕ್‌ ಖಾತೆ​ದಾ​ರರ ಮಾಹಿತಿ ವಿನಿ​ಮ​ಯಕ್ಕೆ ಸಂಬಂಧಿ​ಸಿ​ದಂತೆ ಸ್ವಿಜ​ರ್ಲೆಂಡ್‌ ಸರ್ಕಾ​ರ​ದೊಂದಿಗೆ 2 ವರ್ಷದ ಹಿಂದೆ ಒಪ್ಪಂದ ಮಾಡಿ​ಕೊಂಡಿತ್ತು. ಭಾರತ ಸೇರಿ​ದಂತೆ 75 ದೇಶ​ಗ​ಳಿಗೆ ಮೊದಲ ಪಟ್ಟಿ2019ರ ಸೆಪ್ಟೆಂಬ​ರ್‌​ನಲ್ಲಿ ಸಿಕ್ಕಿತ್ತು. ಆಗ ಒಟ್ಟು 31 ಲಕ್ಷ ಖಾತೆ​ಗಳ ಮಾಹಿ​ತಿ​ಯನ್ನು ಎಲ್ಲ ದೇಶ​ಗ​ಳಿಗೆ ಸ್ವಿಜ​ರ್ಲೆಂಡ್‌ ನೀಡಿ​ತ್ತು.

ಈಗ 2ನೇ ಪಟ್ಟಿಯನ್ನು 86 ದೇಶ​ಗ​ಳಿಗೆ ಹಸ್ತಾಂತ​ರಿ​ಸ​ಲಾ​ಗಿದೆ. ಇದ​ರಲ್ಲಿ ಭಾರತ ಸೇರಿ​ದಂತೆ ಯಾವುದೇ ದೇಶದ ಹೆಸ​ರನ್ನು ಸ್ವಿಸ್‌ ನಮೂ​ದಿ​ಸಿಲ್ಲ. ಆದರೆ, ‘ಸ್ವಿಸ್‌ ಜತೆ ಒಪ್ಪಂದ ಮಾಡಿ​ಕೊಂಡ ದೇಶ​ಗ​ಳಲ್ಲಿ ಭಾರತ ಪ್ರಮು​ಖ​ವಾ​ಗಿತ್ತು. ಹೀಗಾಗಿ 30 ಲಕ್ಷಕ್ಕೂ ಅಧಿಕ ಖಾತೆ​ಗ​ಳನ್ನು 86 ದೇಶ​ಗಳ ಜತೆ ಸ್ವಿಜ​ರ್ಲೆಂಡ್‌ ವಿನಿ​ಮಯ ಮಾಡಿ​ಕೊಂಡಿದೆ. ಇದ​ರಲ್ಲಿ ಭಾರ​ತೀ​ಯರ ಹೆಸ​ರು​ಗಳು ಕೂಡ ಇವೆ’ ಎಂದು ಅಧಿ​ಕಾ​ರಿ​ಗಳು ಹೇಳಿ​ದ್ದಾ​ರೆ.

ಎಷ್ಟುಖಾತೆ​ಗಳ ವಿವರ ಭಾರ​ತಕ್ಕೆ ಸಿಕ್ಕಿದೆ ಹಾಗೂ ಹಣದ ಮೌಲ್ಯ​ವೆಷ್ಟುಎಂಬ ಮಾಹಿತಿ ನೀಡಲು ಅವರು ನಿರಾ​ಕ​ರಿ​ಸಿದ್ದು, ‘ಒಪ್ಪಂದದ ಪ್ರಕಾರ ಗೌಪ್ಯತೆ ಕಾಯ್ದು​ಕೊ​ಳ್ಳ​ಬೇ​ಕಾದ ಕಾರಣ ಇವು​ಗಳ ಮಾಹಿತಿ ನೀಡ​ಲಾ​ಗದು’ ಎಂದಿ​ದ್ದಾ​ರೆ. ಆದರೆ, ಈ ಖಾತೆ​ಗಳು ಭಾರ​ತೀಯ ಉದ್ಯ​ಮಿ​ಗಳು, ಅಮೆ​ರಿಕ, ಆಫ್ರಿಕ ಸೇರಿ​ದಂತೆ ವಿವಿಧ ದೇಶ​ಗ​ಳಲ್ಲಿ ಹೂಡಿಕೆ ಮಾಡಿ​ರು​ವ ಅನಿ​ವಾಸಿ ಭಾರ​ತೀ​ಯ ವ್ಯಕ್ತಿ​ಗ​ಳಿಗೆ ಸೇರಿವೆ ಎಂದು ಹೆಸ​ರು ಹೇಳ​ಲಿ​ಚ್ಛಿ​ಸದ ಅಧಿ​ಕಾ​ರಿ​ಗಳು ಮಾಹಿ​ತಿ ನೀಡಿ​ದ್ದಾ​ರೆ.

ಕಳೆದ 1 ವರ್ಷ​ದಲ್ಲಿ ಕೋರಿ​ಕೆ​ಯ ಮೇಲೆ ಈಗಾ​ಗಲೇ 100ಕ್ಕೂ ಹೆಚ್ಚು ಭಾರ​ತೀ​ಯರು ಹಾಗೂ ಕಂಪ​ನಿ​ಗಳ ಹೆಸ​ರನ್ನು ಭಾರ​ತಕ್ಕೆ ಸ್ವಿಜ​ರ್ಲೆಂಡ್‌ ಹಸ್ತಾಂತ​ರಿ​ಸಿದೆ. ತೆರಿಗೆ ವಂಚ​ನೆ​ಗೆ ಸಂಬಂಧಿ​ಸಿ​ದಂತೆ ಇವುಗಳ ವಿವರ ಬೇಕಿತ್ತು. 2018ಕ್ಕಿಂತ ಮೊದಲೇ ಬಂದ್‌ ಆಗಿ​ರು​ವ ಹಳೆಯ ಖಾತೆ​ಗಳು ಇವಾ​ಗಿ​ದ್ದವು ಎಂದು ಅವರು ತಿಳಿ​ಸಿ​ದ್ದಾ​ರೆ.

‘ಈಗ ಲಭಿ​ಸಿ​ರುವ ಮಾಹಿತಿ ಮಹ​ತ್ವ​ದ್ದಾ​ಗಿದ್ದು, ಇದು ಕಾಳ​ಧ​ನಿ​ಕರ ವಿರು​ದ್ಧದ ಪ್ರಕ​ರ​ಣ​ಗ​ಳನ್ನು ಬಲ​ಗೊ​ಳಿ​ಸು​ವಲ್ಲಿ ನೆರ​ವಾ​ಗ​ಬ​ಹು​ದು’ ಎಂದು ತಜ್ಞರು ಹೇಳಿ​ದ್ದಾ​ರೆ.

"