ಬ್ಲ್ಯಾಕ್ ಫಂಗಸ್ ಔಷಧಿ ಆಮದಿಗೆ ತೆರಿಗೆ ವಿನಾಯ್ತಿ!
ಸಾರಾಂಶ
* ಬ್ಲ್ಯಾಕ್ ಫಂಗಸ್ ಔಷಧಿ ಆಮದಿಗೆ ತೆರಿಗೆ ವಿನಾಯ್ತಿ * ಲಸಿಕೆ, ಚಿಕಿತ್ಸಾ ಉಪಕರಣ ತೆರಿಗೆ ದರ ಬದಲಿಲ್ಲ * ಜಿಎಸ್ಟಿ ಮಂಡಳಿಯಿಂದ ನಿರ್ಧಾರ
ನವದೆಹಲಿ(ಮೇ.29): ಕೊರೋನಾ ಸೋಂಕಿತರಲ್ಲಿ ಕಾಣಿಸಿಕೊಳ್ಳುತ್ತಿರುವ ಬ್ಲ್ಯಾಕ್ ಫಂಗಸ್ ಚಿಕಿತ್ಸೆಗೆ ಬಳಸಲಾಗುವ ಆಂಫೋಟೆರಿಸಿನ್-ಬಿ ಔಷಧದ ಮೇಲಿನ ಆಮದು ಸುಂಕವನ್ನು ಶೇ.5ರಿಂದ ಶೂನ್ಯಕ್ಕೆ ಇಳಿಸಲು ಜಿಎಸ್ಟಿ ಮಂಡಳಿ ನಿರ್ಧರಿಸಿದೆ. ಶುಕ್ರವಾರ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅಧ್ಯಕ್ಷತೆಯಲ್ಲಿ ನಡೆದ ಮಂಡಳಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ.
ಸಭೆಯ ಮಹತ್ವದ ನಿರ್ಧಾರಗಳು
* ಆಂಫೋಟೆರಿಸಿನ್-ಬಿ ಔಷಧದ ಮೇಲಿನ ಶೇ.5ರಷ್ಟುಆಮದು ಸುಂಕ ರದ್ದು.
* ಲಸಿಕೆ, ಚಿಕಿತ್ಸಾ ಉಪಕರಣಗಳ ಮೇಲಿನ ತೆರಿಗೆ ತಕ್ಷಣಕ್ಕೆ ರದ್ದಿಲ್ಲ. ವಿಷಯ ಸಚಿವರ ಸಮಿತಿಗೆ
* ವಿದೇಶದಿಂದ ಆಮದಾಗುವ ಕೋವಿಡ್ ಸಂಬಂಧಿ ವಸ್ತುಗಳ ಐ-ಜಿಎಸ್ಟಿ ವಿನಾಯ್ತಿ ವಿಸ್ತರಣೆ
* ಜಿಎಸ್ಟಿ ಜಾರಿಯಿಂದ ರಾಜ್ಯಗಳಿಗೆ ಆಗುವ ನಷ್ಟಭರಿಸಲು ಕೇಂದ್ರದಿಂದ 1.58 ಲಕ್ಷ ಕೋಟಿ ಸಾಲ
* ಜಿಎಸ್ಟಿ ಜಾರಿಯಿಂದಾದ ನಷ್ಟಭರಿಸುವ ಯೋಜನೆಯನ್ನು 2022ರ ವಿಸ್ತರಣೆ ಬಗ್ಗೆ ನಿರ್ಧಾರಕ್ಕೆ ವಿಶೇಷ ಸಭೆ
* ಸಣ್ಣ ಹೂಡಿಕೆದಾರರು ಜಿಎಸ್ಟಿಯನ್ನು ವಿಳಂಬವಾಗಿ ಸಲ್ಲಿಸಿದರೆ ವಿಧಿಸುವ ದಂಡದ ಪ್ರಮಾಣದಲ್ಲಿ ಇಳಿಕೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.