ಒಮ್ಮೆ ಫೇಲ್ ಆಗಿ, ಈಗ ಬಿಲಿಯನ್ ಡಾಲರ್ ಸಾಮ್ರಾಜ್ಯಕ್ಕೆ ಬಾಸ್!
ಸಾರಾಂಶ
ಓದಿನಲ್ಲಿ ಹಿಂದುಳಿದಿದ್ದ ರಾಕೇಶ್ ಚೋಪ್ಡಾರ್, ಇಂದು ಬಿಲಿಯನ್ ಡಾಲರ್ ಕಂಪನಿಯ ಒಡೆಯ. ಕುಟುಂಬದ ಚುಚ್ಚುಮಾತುಗಳ ನಡುವೆಯೂ ಛಲ ಬಿಡದೆ ದುಡಿದು, ಆಜಾದ್ ಇಂಜಿನಿಯರಿಂಗ್ ಸ್ಥಾಪಿಸಿ ಜಾಗತಿಕ ಮಟ್ಟದಲ್ಲಿ ಯಶಸ್ಸು ಗಳಿಸಿದರು. ನೂರಾರು ಜನರಿಗೆ ಉದ್ಯೋಗ ನೀಡಿ ಸ್ಫೂರ್ತಿಯಾಗಿದ್ದಾರೆ.
ನವದೆಹಲಿ: ಫೇಲ್ಯೂರ್ನಿಂದ ಕುಗ್ಗಿ ಹೋಗುವವರಿಗೆ ರಾಕೇಶ್ ಚೋಪ್ಡಾರ್ ಸ್ಟೋರಿ ಒಂದು ಪಾಠ. ಒಂದು ಕಾಲದಲ್ಲಿ ಓದಿನಲ್ಲಿ ಫೇಲ್ ಅಂತಿದ್ದ ರಾಕೇಶ್, ಇವತ್ತು ಬಿಲಿಯನ್ ಡಾಲರ್ ಬಿಸಿನೆಸ್ನ ಓನರ್. ಗ್ಲೋಬಲ್ ಮ್ಯಾನುಫ್ಯಾಕ್ಚರಿಂಗ್ ಸೆಕ್ಟರ್ನಲ್ಲಿ ದೊಡ್ಡ ಹೆಸರು ಮಾಡಿದ್ದಾರೆ. ಫೇಲ್ಯೂರ್ ಅನ್ನೋದು ಜಸ್ಟ್ ಒಂದು ಹಂತ, ಅದು ಕೊನೆಯಲ್ಲ ಅನ್ನೋದಕ್ಕೆ ಇವರೇ ಸಾಕ್ಷಿ.
ಓದಲ್ಲಿ ಫೇಲ್, ಕೇಳಬೇಕಾಯ್ತು ಚುಚ್ಚು ಮಾತುಗಳು
ರಾಕೇಶ್ ಬಾಲ್ಯ ಸುಲಭದ್ದಾಗಿರಲಿಲ್ಲ. ಓದಲ್ಲಿ ವೀಕ್ ಅಂತ ಮನೆಯವರು, ಫ್ರೆಂಡ್ಸ್ ಎಲ್ಲರೂ ಚುಚ್ಚು ಮಾತಾಡ್ತಿದ್ರು. 10ನೇ ಕ್ಲಾಸ್ನಲ್ಲಿ ಕಡಿಮೆ ಮಾರ್ಕ್ಸ್ ಬಂದಿದ್ದು ಅವರ ಆತ್ಮವಿಶ್ವಾಸವನ್ನೇ ಕುಗ್ಗಿಸಿಬಿಟ್ಟಿತ್ತು. ಅವರಿಗೆ 'ನಾಲಾಯಕ್' ಅಂತೆಲ್ಲಾ ಬೈದು, ಭವಿಷ್ಯದಲ್ಲಿ ಏನೂ ಆಗೋದಿಲ್ಲ ಅಂತೆಲ್ಲಾ ಹೇಳಿದ್ರಂತೆ. ಆದ್ರೆ ರಾಕೇಶ್ ಮನಸ್ಸು ಕಳೆದುಕೊಳ್ಳಲಿಲ್ಲ. ಸ್ಕೂಲ್ ಬಿಟ್ಟ ಮೇಲೆ ಅಪ್ಪನ ನಟ್-ಬೋಲ್ಟ್ ಫ್ಯಾಕ್ಟರಿ 'ಅಟ್ಲಾಸ್ ಫಾಸ್ಟನರ್ಸ್'ನಲ್ಲಿ ಕೆಲಸ ಶುರು ಮಾಡಿದ್ರು. ಅಲ್ಲೇ ಟೆಕ್ನಿಕಲ್ ಮತ್ತು ಮ್ಯಾನೇಜ್ಮೆಂಟ್ ಸ್ಕಿಲ್ಸ್ ಕಲಿತು, ಭವಿಷ್ಯಕ್ಕೆ ಫೌಂಡೇಶನ್ ಹಾಕಿಕೊಂಡ್ರು.
ರೋಹಿಣಿ ಸಿಂಧೂರಿ ವಿರುದ್ಧದ ಭೂ ವಿವಾದ ಪ್ರಕರಣದಲ್ಲಿ ಗಾಯಕ ಅಲಿಗೆ ಹೈಕೋರ್ಟ್ನಿಂದ ತಾತ್ಕಾಲಿಕ ರಿಲೀಫ್
2008ರಲ್ಲಿ ಸ್ವಂತ ಕಂಪನಿ ಶುರು
12 ವರ್ಷ ಫ್ಯಾಮಿಲಿ ಬಿಸಿನೆಸ್ನಲ್ಲಿ ಕೆಲಸ ಮಾಡಿದ ಮೇಲೆ, 2008ರಲ್ಲಿ 'ಆಜಾದ್ ಇಂಜಿನಿಯರಿಂಗ್' ಶುರು ಮಾಡಿದ್ರು. ಚಿಕ್ಕ ಶೆಡ್ನಲ್ಲಿ ಸೆಕೆಂಡ್ ಹ್ಯಾಂಡ್ CNC ಮೆಷಿನ್ನಿಂದ ಶುರುವಾದ ಬಿಸಿನೆಸ್, ಥರ್ಮಲ್ ಪವರ್ ಟರ್ಬೈನ್ಸ್ಗೆ ಏರ್ಫಾಯಿಲ್ ಮಾಡೋ ದೊಡ್ಡ ಆರ್ಡರ್ ಸಿಕ್ಕಿದಾಗ ಒಂದು ಲೆವೆಲ್ಗೆ ಹೋಯ್ತು. ಇದು ಅವರ ಕಂಪನಿಗೆ ಮೈಲಿಗಲ್ಲಾಯ್ತು. ಗ್ಲೋಬಲ್ ಲೆವೆಲ್ನಲ್ಲಿ ಹೆಸರು ತಂದುಕೊಟ್ಟಿತು.
ಇಂಡಸ್ಟ್ರಿಗಳಿಗೆ ಉಪಯುಕ್ತ ಪ್ರಾಡಕ್ಟ್ಸ್ ತಯಾರಿಕೆ
ಇವತ್ತು, ಆಜಾದ್ ಇಂಜಿನಿಯರಿಂಗ್ ಎನರ್ಜಿ ಪ್ರೊಡಕ್ಷನ್, ಮಿಲಿಟರಿ ವಿಮಾನ ಮತ್ತು ಆಯಿಲ್-ಗ್ಯಾಸ್ ಸೆಕ್ಟರ್ಗಳಿಗೆ ಹೈ-ಪ್ರಿಸಿಷನ್ ರೊಟೇಟಿಂಗ್ ಪಾರ್ಟ್ಸ್ ಮಾಡುತ್ತೆ. ರೋಲ್ಸ್ ರಾಯ್ಸ್, ಬೋಯಿಂಗ್, GE ಮತ್ತು ಪ್ರಾಟ್ & ವಿಟ್ನಿ ಬ್ರಾಂಡ್ಗಳ ಜೊತೆ ಪಾರ್ಟ್ನರ್ಶಿಪ್ ಇದೆ. 2008ರಲ್ಲಿ ಕೇವಲ 2 ಕೋಟಿ ರೂ. ಇದ್ದ ರೆವಿನ್ಯೂ, 2023-24ರಲ್ಲಿ 350 ಕೋಟಿ ರೂ. ಆಗಿದೆ. ಕಂಪನಿ ಪಬ್ಲಿಕ್ ಲಿಸ್ಟಿಂಗ್ ಆಗಿದ್ದು, ಮಾರ್ಕೆಟ್ ವ್ಯಾಲ್ಯೂ 1 ಬಿಲಿಯನ್ ಡಾಲರ್ ದಾಟಿದೆ.
ವಿಶಾಲ್ ಮೆಗಾ ಮಾರ್ಟ್ vs ಮೊಬಿಕ್ವಿಕ್ IPO: ಲಿಸ್ಟಿಂಗ್ನಲ್ಲಿ ಯಾರು ಮೇಲುಗೈ?
ಹೊಸ ಪ್ರಾಜೆಕ್ಟ್ಗಳಿಗೆ ಒತ್ತು
800 ಕೋಟಿ ರೂ. ಹೂಡಿಕೆಯಲ್ಲಿ 2,00,000 ಚದರ ಮೀಟರ್ನ ಹೊಸ ಫೆಸಿಲಿಟಿ ಕಟ್ಟುತ್ತಿದ್ದಾರೆ. ಇದು ಏರೋಸ್ಪೇಸ್, ಡಿಫೆನ್ಸ್ ಮತ್ತು ಎನರ್ಜಿ ಸೆಕ್ಟರ್ಗಳಿಗೆ ಮೀಸಲು. DRDO ಜೊತೆ ಹೈಬ್ರಿಡ್ ಟರ್ಬೊ-ಗ್ಯಾಸ್ ಜನರೇಟರ್ ಮಾಡಲು ಒಪ್ಪಂದ ಮಾಡಿಕೊಂಡಿದ್ದು, ಮೊದಲ ಬ್ಯಾಚ್ 2026ಕ್ಕೆ ರೆಡಿ ಆಗುತ್ತೆ.
ನೂರಾರು ಜನರಿಗೆ ಉದ್ಯೋಗ
ರಾಕೇಶ್ ತಮ್ಮ ಕನಸನ್ನು ನನಸು ಮಾಡಿಕೊಂಡಿದ್ದಲ್ಲದೆ, ನೂರಾರು ಜನರಿಗೆ ಉದ್ಯೋಗ ಕೊಟ್ಟಿದ್ದಾರೆ. ಇವತ್ತು ನೂರಾರು ಕುಟುಂಬಗಳಿಗೆ ಆಸರೆಯಾಗಿದ್ದಾರೆ. ಕಷ್ಟಪಟ್ಟು ದುಡಿದ್ರೆ, ತಾಳ್ಮೆಯಿಂದ ಕಲಿತರೆ ಏನನ್ನೂ ಸಾಧಿಸಬಹುದು ಅನ್ನೋದಕ್ಕೆ ಇವರೇ ಉದಾಹರಣೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.