GSTಯಲ್ಲೊಂದು ಸಣ್ಣ ರಂಧ್ರ: ಸುಧಾರಣೆಗೆ ಸೈ ಕೇಂದ್ರ!

GST ನ್ಯೂನ್ಯತೆ ಸರಿಪಡಿಸಲು ಮುಂದಾದ ಕೇಂದ್ರ| ನಾಳೆ(ಜು.01)ಕ್ಕೆ GST ಜಾರಿಯಾಗಿ ಒಂದು ವರ್ಷ| GSTಯಲ್ಲಿ ಬದಲಾವಣೆಗೆ ಅಸ್ತು ಎಂದ ಕೇಂದ್ರ ಸರ್ಕಾರ|  ರಿಟರ್ನ್ ಫೈಲಿಂಗ್, ಕ್ಯಾಶ್ ಲೆಡ್ಜರ್ ವ್ಯವಸ್ಥೆಯಲ್ಲಿ ಭಾರೀ ಬದಲಾವಣೆ| 

ನವದೆಜಲಿ(ಜೂ.30): ಮಹತ್ವದ ಬೆಳವಣಿಗೆಯೊಂದರಲ್ಲಿ GSTಯಲ್ಲಿರುವ ಕೆಲವು ನ್ಯೂನ್ಯತೆಗಳನ್ನು ಸರಿಪಡಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ.

ಜಿಎಸ್ ಟಿ ಜಾರಿಯಾಗಿ ನಾಳೆ(ಜು.1) ಕ್ಕೆ 2 ವರ್ಷಗಳು ಪೂರ್ಣಗೊಳ್ಳಲಿದ್ದು, GSTಗೆ ಸಂಬಂಧಿಸಿದ ಕೆಲವು ಬದಲಾವಣೆಗಳನ್ನು ಕೇಂದ್ರ ಸರ್ಕಾರ ಘೋಷಿಸಲಿದೆ. 

ಪ್ರಮುಖವಾಗಿ ರಿಟರ್ನ್ ಫೈಲಿಂಗ್, ಕ್ಯಾಶ್ ಲೆಡ್ಜರ್ ಸೇರಿದಂತೆ ಒಂದೇ ಹಂತದಲ್ಲಿ  ಮರುಪಾವತಿ-ವಿತರಣಾ ಕಾರ್ಯವಿಧಾನದಲ್ಲಿ ಹಲವು ಬದಲಾವಣೆಯಾಗಲಿವೆ ಎನ್ನಲಾಗಿದೆ.

ಅಲ್ಲದೇ ಪರೋಕ್ಷ ತೆರಿಗೆ ವ್ಯವಸ್ಥೆಯನ್ನು ಮತ್ತಷ್ಟು ಸರಳೀಕರಣಗೊಳಿಸುವ ಇರಾದೆ ಹೊಂದಲಾಗಿದ್ದು, ತೆರಿಗೆ ಪಾವತಿದಾರರಿಗೆ ಇದರಿಂದ ಅನುಕೂಲವಾಗಲಿದೆ ಎನ್ನಲಾಗಿದೆ. 

ಹೊಸ ರಿಟರ್ನ್ ವ್ಯವಸ್ಥೆ ಜು.1 ರಿಂದ ಪ್ರಾಯೋಗಿಕವಾಗಿ ಜಾರಿಯಾಗಲಿದ್ದು, ಅಕ್ಟೋಬರ್’ನಿಂದ ಕಡ್ಡಾಯವಾಗಿ ಜಾರಿಯಾಗಲಿದೆ.