ನಿಮ್ಮ ಹುಟ್ಟಿದ ದಿನಾಂಕ ನಿಮ್ಮ ಸ್ವಭಾವವನ್ನು ಹೇಳಬಲ್ಲುದು ಎಂಬುದು ನಿಮಗೆ ಗೊತ್ತೆ? ಹಾಗಿದ್ದರೆ ಇಲ್ಲಿ ನಿಮ್ಮ ಸ್ವಭಾವದ ಬಗ್ಗೆ ವಿವರಿಸಲಾಗಿದೆ. ನಿಮಗೇನನ್ನಿಸುತ್ತದೆ?
ಸಂಖ್ಯಾಶಾಸ್ತ್ರಕ್ಕೆ ಅದರದ್ದೇ ಆದ ವಿಶೇಷತೆ ಇದೆ. ಹುಟ್ಟಿದ ಪ್ರತಿಯೊಬ್ಬ ವ್ಯಕ್ತಿಗೂ ಒಂದೊಂದು ವಿಭಿನ್ನ ಗುಣಗಳು ಇರುತ್ತವೆ. ಇದೇ ಕಾರಣಕ್ಕೆ ಹುಟ್ಟಿದ ದಿನಾಂಕದ ಪ್ರಕಾರ ಮದುವೆ ಸಂಖ್ಯಾಶಾಸ್ತ್ರವು ನಮ್ಮನ್ನು ಒಂಬತ್ತು ವಿಭಿನ್ನ ಪ್ರಕಾರಗಳಾಗಿ ವಿಂಗಡಿಸುತ್ತದೆ. 1 ರಿಂದ 9ರ ಅಂಕೆಯೇ ಇದರ ಮೂಲಾಧಾರ. ಈ ಒಂಬತ್ತು ಅಂಕೆಗೆ ತಕ್ಕಂತೆ ಕೆಲವರು ಭಾವುಕರಾಗಿರುತ್ತಾರೆ, ಕೆಲವರು ಪ್ರೇಮದಲ್ಲಿ ಪ್ರಾಕ್ಟಿಕಲ್ ಆಗಿದ್ದರೆ, ಇನ್ನು ಕೆಲವರು ಸೌಂದರ್ಯದ ಹುಡುಕಾಟದಲ್ಲಿರುತ್ತಾರೆ, ಮತ್ತೆ ಕೆಲವರು ಪ್ರೀತಿಗೆ ಹಂಬಲಿಸಿದರೆ, ಕೆಲವರು ದುಡ್ಡಿನ ವ್ಯಾಮೋಹಕ್ಕೆ ಒಳಗಾಗಿರುತ್ತಾರೆ. ಇದು ನೀವು ಯಾವಾಗ ಜನಿಸಿದಿರಿ ಎಂಬುದರ ಮೇಲೆ ಅವಲಂಬಿತವಾಗಿದೆ. ವ್ಯಕ್ತಿಯ ಹುಟ್ಟಿದ ದಿನಾಂಕದಿಂದ ಸಂಖ್ಯಾಶಾಸ್ತ್ರವನ್ನು ಕಲಿತ ನಂತರ ನೀವೇ ವಿಶ್ಲೇಷಿಸಬಹುದು.
ಹಾಗಿದ್ದರೆ ನಿಮ್ಮ ಜನ್ಮ ದಿನಕ್ಕೆ ಅನುಗುಣವಾಗಿ ನಿಮ್ಮ ಸ್ವಭಾವ ಹೇಗಿದೆ ಎಂದು ಇಲ್ಲಿ ತಿಳಿದುಕೊಳ್ಳೋಣ. ಇದನ್ನು ಓದಿದ ಮೇಲೆ ನಿಮ್ಮ ಸ್ವಭಾವ ಹೀಗೆ ಇದೆ ಅನ್ನಿಸ್ತಾ ಎಂದು ಹೇಳಿ...
ನೀವು ಯಾವುದೇ ತಿಂಗಳ 1, 10, 19, 28 ರಂದು ಜನಿಸಿದರೆ, ಈ ದಿನಾಂಕಗಳಂದು ಹುಟ್ಟಿದ ವ್ಯಕ್ತಿ ನೀವಾಗಿದ್ದರೆ, ನಿಮ್ಮ ನಿಯಮಗಳ ಪ್ರಕಾರ ನೀವು ಜೀವನವನ್ನು ನಡೆಸುತ್ತೀರಿ. ನೀವು ಪ್ರಾಬಲ್ಯ ಹೊಂದಿದ್ದೀರಿ. ನಿಮ್ಮ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದಲ್ಲಿ ಪ್ರಾಯೋಗಿಕ ವಿಧಾನ ನಿರ್ವಹಿಸಲು ನೀವು ಇಷ್ಟಪಡುತ್ತೀರಿ. ನೀವು ವಿಷಯಗಳನ್ನು ಸ್ಪಷ್ಟವಾಗಿ ಮತ್ತು ಪಾರದರ್ಶಕವಾಗಿಡಲು ಇಷ್ಟಪಡುತ್ತೀರಿ. ನಿಮ್ಮ ಮನಸ್ಸಿನಲ್ಲಿ ಏನಿದೆಯೋ ಅದನ್ನು ನೀವು ನಿಖರವಾಗಿ ಮಾತನಾಡುತ್ತೀರಿ. ಏನು ಹೇಳಬೇಕೆಂದು ಮತ್ತು ಯಾವಾಗ ಹೇಳಬೇಕೆಂದು ನಿಮಗೆ ಯಾವಾಗಲೂ ತಿಳಿದಿರುತ್ತದೆ. ನೀವು ಸಾಮಾನ್ಯವಾಗಿ ನಾಯಕತ್ವದ ಪಾತ್ರಗಳಲ್ಲಿ ಉತ್ತಮ.
undefined
ನೀವು ಯಾವುದೇ ತಿಂಗಳ 2, 11, 20, 29 ರಂದು ಜನಿಸಿದರೆ, ನಿಮ್ಮದು ಭಾವುಕ ವ್ಯಕ್ತಿತ್ವ. ನಿಮ್ಮ ವಿಷಯಗಳು ಮತ್ತು ಸಂಬಂಧಗಳಿಗೆ ನೀವು ಭಾವನಾತ್ಮಕ ಅಂಶವನ್ನು ಅನುಸರಿಸುತ್ತೀರಿ. ನೀವು ಭಾವನಾತ್ಮಕ ಚಲನಚಿತ್ರ ಅಥವಾ ಸೀರಿಯಲ್ ನೋಡುವಾಗ ಅಳಲು ಪ್ರಾರಂಭಿಸುತ್ತೀರಿ. ಜನರನ್ನು ನೀವು ತುಂಬಾ ನಂಬುವಿರಿ. ಪ್ರಾಯೋಗಿಕ ಸಂಗತಿಗಳಿಗಿಂತ ನೀವು ಭಾವನೆಗಳನ್ನು ಹೆಚ್ಚಾಗಿ ಗೌರವಿಸುವ ವ್ಯಕ್ತಿ ಆಗಿರುತ್ತೀರಿ. ಆದಾಗ್ಯೂ ನಿಮ್ಮ ಭಾವನೆಗಳನ್ನು ವ್ಯಕ್ತಪಡಿಸುವಲ್ಲಿ ನೀವು ಉತ್ತಮ ವ್ಯಕ್ತಿ. ವಸ್ತುಗಳನ್ನು ಅಥವಾ ಜನರನ್ನು ನೋಡಿಕೊಳ್ಳುವಲ್ಲಿ ನಿಮಗೆ ದೊಡ್ಡ ಸ್ಥಾನವಿದ್ದು, ಅದರಲ್ಲಿ ನೀವು ಸಮರ್ಥರಾಗಿರುತ್ತೀರಿ.
ನೀವು ಯಾವುದೇ ತಿಂಗಳ 3, 12, 21, 30 ರಂದು ಜನಿಸಿದರೆ, ನೀವು ಆಧ್ಯಾತ್ಮಿಕ ವ್ಯಕ್ತಿ ಎಂದು ತಿಳಿಸುತ್ತದೆ. ನೀವು ಸಾಮಾನ್ಯವಾಗಿ ಉತ್ತಮ ಸಲಹೆಗಾರರು. ಬೇರೆಯವರಿಗೆ ಬುದ್ಧಿ ಮಾತುಗಳನ್ನು ಹೇಳಲು ಎತ್ತಿದ ಕೈ. ನೀವು ಜ್ಞಾನವನ್ನು ಸಂಗ್ರಹಿಸಲು ಮತ್ತು ನಿಮ್ಮ ಜೀವನವನ್ನು ಪ್ರಾಯೋಗಿಕ ರೀತಿಯಲ್ಲಿ ಯೋಜಿಸಲು ಇಷ್ಟಪಡುತ್ತೀರಿ. ನೀವು ಹಣಕಾಸಿನ ವಿಷಯದಲ್ಲಿಯೂ ಚೆನ್ನಾಗಿರುತ್ತೀರಿ. ನೀವು ಸಾಕಷ್ಟು ಹೂಡಿಕೆ ಮಾಡಬಹುದು. ಸ್ಟಾಕ್ ಎಕ್ಸ್ಚೇಂಜ್, ಮನಿ ಮ್ಯಾನೇಜ್ಮೆಂಟ್, ಇತ್ಯಾದಿ ಸ್ಥಾನಗಳಿಗೆ ನೀವು ಉತ್ತಮರು.
ನೀವು ಯಾವುದೇ ತಿಂಗಳ 4, 13, 22, 31 ರಂದು ಜನಿಸಿದರೆ, ನೀವು ಹೆಚ್ಚಾಗಿ ಬೌದ್ಧಿಕತೆಗೆ ಗಮನ ಕೊಡುವವರು. ನೀವು ಚುರುಕುಬುದ್ಧಿ ಮತ್ತು ಬುದ್ಧಿವಂತರು. ನೀವು ತುಂಬಾ ಸಾಹಸಿ ಕೂಡ. ನೀವು ಶಕ್ತಿಯುತವಾಗಿರಲು ಮತ್ತು ವೇಗವಾಗಿ ಜೀವನವನ್ನು ನಡೆಸಲು ಇಷ್ಟಪಡುತ್ತೀರಿ. ನೀವು ದೀರ್ಘಕಾಲ ಸುಮ್ಮನಿರಲು ಸಾಧ್ಯವಿಲ್ಲ. ಅಂದರೆ ಸುಮ್ಮನೇ ಕಾಲ ಹರಣ ಮಾಡುವುದು ಎಂದರೆ ನಿಮಗೆ ಇಷ್ಟವಾಗುವುದಿಲ್ಲ. ನಿಮ್ಮ ಸಮಸ್ಯೆಗಳನ್ನು ಕನಿಷ್ಠ ಹಸ್ತಕ್ಷೇಪದಿಂದ ಪರಿಹರಿಸಲು ನೀವು ಇಷ್ಟಪಡುತ್ತೀರಿ. ಗಣಿತ, ಭೌತಶಾಸ್ತ್ರ, ಇತ್ಯಾದಿಗಳಂತಹ ಲೆಕ್ಕಾಚಾರಗಳು ಮತ್ತು ವಿಷಯಗಳಲ್ಲಿಯೂ ಸಹ ನೀವು ಉತ್ತಮರು. ವಿಜ್ಞಾನ ಮತ್ತು ತಂತ್ರಜ್ಞಾನ ಇತ್ಯಾದಿ ಕ್ಷೇತ್ರಗಳಲ್ಲಿನ ಸ್ಥಾನಗಳಿಗೆ ನೀವು ಉತ್ತಮರು.
ಯಾವ ತಾರೀಖಿನಂದು ಹುಟ್ಟಿದ ವ್ಯಕ್ತಿ ನಿಮ್ಮ ಸಂಗಾತಿಯಾಗಬಹುದು? ಸುಖ ಸಂಸಾರಕ್ಕೆ ಸಂಖ್ಯಾಶಾಸ್ತ್ರ ಸೂತ್ರ...
ನೀವು ಯಾವುದೇ ತಿಂಗಳ 5, 14, 23 ರಂದು ಜನಿಸಿದರೆ, ನಿಮ್ಮದು ಶಾಂತ, ಸಂತೋಷ, ಪ್ರಾಯೋಗಿಕ ಮತ್ತು ಭಾವನಾತ್ಮಕ ಮಿಶ್ರಣಗಳ ಸ್ವಭಾವ. ನೀವು ಪೂರ್ಣವಾಗಿ ಜೀವನವನ್ನು ಇಷ್ಟಪಡುತ್ತೀರಿ. ನೀವು ಯಾವುದೇ ನಿರ್ಬಂಧಗಳಿಗೆ ಒಳಗಾಗಲು ಬಯಸುವುದಿಲ್ಲ. ನಿಮ್ಮ ಗುರಿಗಳನ್ನು ಸಾಧಿಸುವಲ್ಲಿ ನೀವು ಏನು ಬೇಕಾದರೂ ಮಾಡಬಲ್ಲಿದೆ. ನೀವು ಯಾರ ಕೈಕೆಳಗೆ ಉದ್ಯೋಗಿಯಾಗಲು ಇಷ್ಟಪಡುವುದಿಲ್ಲ. ನೀವು ಸೃಜನಾತ್ಮಕವಾಗಿ ಮುಕ್ತವಾಗಿರಲು ಬಯಸುವಿರಿ. ಪ್ರಯಾಣ ನಿಮಗಿಷ್ಟ. ನೀವು ಎಲ್ಲರನ್ನೂ ಪ್ರೀತಿಸುವಿರಿ. ನೀವು ಎಲ್ಲರ ನಡುವೆ ಇರುವಾಗ ಗಮನವನ್ನು ಕೇಂದ್ರೀಕರಿಸುವ ವ್ಯಕ್ತಿತ್ವ ವೃತ್ತಿಪರ ಜೀವನದಲ್ಲಿ, ನೀವು ತೀಕ್ಷ್ಣವಾದ ವ್ಯಾವಹಾರಿಕ ಮನೋಭಾವವನ್ನು ಹೊಂದಿರುವಿರಿ. ನೀವು ಗ್ಲಾಮರ್ ವೃತ್ತಿಗಳು, ಬಟ್ಟೆಗಳು, ಕಾರುಗಳು, ಬ್ಯಾಗ್‌ಗಳು, ಮನೆಗಳು ಇತ್ಯಾದಿಗಳನ್ನು ಇಷ್ಟಪಡುತ್ತೀರಿ.
ನೀವು ಯಾವುದೇ ತಿಂಗಳ 6, 15, 24 ರಂದು ಜನಿಸಿದರೆ, ಇದು ಜೀವನಶೈಲಿ ಮತ್ತು ಹಣದ ಗೀಳನ್ನು ಬಹಿರಂಗಪಡಿಸುತ್ತವೆ. ನೀವು ಅದ್ಧೂರಿ ಮತ್ತು ಐಷಾರಾಮಿ ವಿಷಯಗಳನ್ನು ಇಷ್ಟಪಡುತ್ತೀರಿ. ನೀವು ಹೆಚ್ಚು ಅತಿರಂಜಿತ ಉಡುಪುಗಳು, ಬ್ಯಾಗ್‌ಗಳು, ಕಾರುಗಳು ಇತ್ಯಾದಿಗಳನ್ನು ಇಷ್ಟಪಡುವಿರಿ. ನೀವು ಜನರೊಂದಿಗೆ ಸಂಪರ್ಕ ಸಾಧಿಸುವಲ್ಲಿ ಸಹ ಉತ್ತಮರು. ನೀವು ಸಾಮಾಜಿಕ ಬದ್ಧತೆಗಳನ್ನು ಆನಂದಿಸುತ್ತೀರಿ. ನೀವು ಪ್ರಯಾಣಿಸಲು ಇಷ್ಟಪಡುತ್ತೀರಿ ಮತ್ತು ಸಾಮಾನ್ಯವಾಗಿ ನಿಮ್ಮನ್ನು ಸ್ಥಳಗಳಿಗೆ ಕರೆದೊಯ್ಯುವ ವೃತ್ತಿಗಳಲ್ಲಿ ಕಂಡುಬರುತ್ತೀರಿ. ನಿಮಗೆ ನಾಯಕತ್ವದ ಸ್ಥಾನ ಉತ್ತಮವಲ್ಲ. ಏಕೆಂದರೆ ನಿಮಗೆ ಶಿಸ್ತು ಸ್ವಲ್ಪ ಕಮ್ಮಿ, ಹಣ ಮಾತ್ರ ಸಿಕ್ಕಾಪಟ್ಟೆ ಖರ್ಚು ಮಾಡಲು ಇಷ್ಟ.
ನೀವು ಯಾವುದೇ ತಿಂಗಳ 7, 16, 25 ರಂದು ಜನಿಸಿದರೆ, ನೀವು ರಹಸ್ಯಾತ್ಮಕ ವ್ಯಕ್ತಿಯಾಗಿರುವಿರಿ. ಆಧ್ಯಾತ್ಮಿಕ ಗುಣ ಉಳ್ಳವರು. ನಿಮ್ಮ ಕುಟುಂಬದ ಸುತ್ತಲೂ ಇರುವುದನ್ನು ನೀವು ತುಂಬಾ ಇಷ್ಟಪಡುತ್ತೀರಿ. ಸಂಶೋಧನೆ, ದತ್ತಾಂಶ ವಿಜ್ಞಾನ, ಇತ್ಯಾದಿಗಳಂತಹ ಕೆಲಸದ ಕ್ಷೇತ್ರಗಳನ್ನು ನೀವು ಆನಂದಿಸುತ್ತೀರಿ. ನೀವು ಯಾವಾಗಲೂ ಆಸಕ್ತಿದಾಯಕವಾದುದನ್ನು ಹುಡುಕುತ್ತಿರುತ್ತೀರಿ. ನೀವು ಜೀವನದಲ್ಲಿ ಹಲವು ಸಂದರ್ಭಗಳಲ್ಲಿ ಅಡೆತಡೆಗಳನ್ನು ಎದುರಿಸುತ್ತೀರಿ. ಆದರೂ ಜಯಶೀಲರಾಗುವಿರಿ. ನಿಮ್ಮ ಶಾಂತ, ವಿದ್ವಾಂಸ ಮನಸ್ಸು ಮತ್ತು ದೂರದೃಷ್ಟಿಯ ವಿಧಾನದಿಂದಾಗಿ ನೀವು ಸಾಮಾನ್ಯವಾಗಿ ಉನ್ನತ ನಿರ್ವಹಣಾ ಸ್ಥಾನಗಳನ್ನು ತಲುಪುತ್ತೀರಿ.
ನೀವು ಯಾವುದೇ ತಿಂಗಳ 8, 17, 26 ರಂದು ಜನಿಸಿದರೆ, ನೀವು ಅತ್ಯಂತ ಉತ್ತಮ ನಿರ್ಧಾರ ತೆಗೆದುಕೊಳ್ಳುವವರಾಗಿರುತ್ತೀರಿ. ನೀವು ಕಠಿಣ ಪರಿಶ್ರಮದ ನಂಬಿಕೆಯುಳ್ಳವರು. ನೀವು ಪ್ರಾಕ್ಟಿಕಲ್ ಜೀವಿ. ನೀವು ವ್ಯವಹಾರದಲ್ಲಿ ತುಂಬಾ ಚೆನ್ನಾಗಿ ಮಾಡುತ್ತೀರಿ. ಯಾವುದೇ ಕಲ್ಪನೆಯನ್ನು ಸಾಕಾರಗೊಳಿಸುವ ಶಕ್ತಿ ನಿಮ್ಮಲ್ಲಿ ಇದೆ. ನೀವು ಸಾಮಾನ್ಯವಾಗಿ ನಿಮ್ಮ ಶಕ್ತಿಯನ್ನು ಒಂದು ಸಮಯದಲ್ಲಿ ಒಂದು ವಿಷಯಕ್ಕೆ ಹಾಕುತ್ತೀರಿ. ಆದಾಗ್ಯೂ, ಇದು ಕೆಲವೊಮ್ಮೆ ಜೀವನದಲ್ಲಿ ಇತರ ಕೆಲವು ವಸ್ತುಗಳನ್ನು ಕಳೆದುಕೊಳ್ಳಲು ಕಾರಣವಾಗಬಲ್ಲುದು. ನಿಮ್ಮ ಬದ್ಧತೆಗಳನ್ನು ನೀವು ತುಂಬಾ ಗೌರವಿಸುತ್ತೀರಿ. ನೀವು ಫಿಟ್ನೆಸ್ ಮತ್ತು ನಿಮ್ಮ ದೇಹವನ್ನು ಕಾಪಾಡಿಕೊಳ್ಳುತ್ತೀರಿ. ನಿಮ್ಮ ವಯಸ್ಸಿಗೆ ನೀವು ಸಾಮಾನ್ಯವಾಗಿ ಬೇಗನೆ ಪ್ರಬುದ್ಧರಾಗುತ್ತೀರಿ.
ನಿಮ್ಮ ಗಾಡಿಯಲ್ಲಿ ಈ ನಂಬರ್ಸ್ ಇವೆಯಾ? ಹುಟ್ಟಿದ ದಿನಾಂಕಕ್ಕೆ ಸರಿಯಾಗಿ ಹೀಗಿದ್ದರೆ ಲಕ್ ನಿಮ್ಮದೇ ಬಿಡಿ!
ನೀವು ಯಾವುದೇ ತಿಂಗಳ 9, 18, 27 ರಂದು ಜನಿಸಿದರೆ, ನೀವು ಮೃದುವಾದ ಹೃದಯವನ್ನು ಹೊಂದಿದ್ದರೂ ಹೊರಗಡೆ ನೀವು ಕಠಿಣ ಸ್ವಭಾವದವರು. ನಿಮ್ಮ ಸಂಬಂಧಗಳು ಮತ್ತು ಕುಟುಂಬವನ್ನು ನೀವು ಎಲ್ಲಕ್ಕಿಂತ ಹೆಚ್ಚಾಗಿ ಗೌರವಿಸುತ್ತೀರಿ. ನೀವು ಹೆಚ್ಚು ಬೇರೆಯವರಿಂದ ಪ್ರೇರೇಪಿತರಾಗುತ್ತೀರಿ. ಜೀವನದ ಬಗ್ಗೆ ನಿಮಗೆ ತುಂಬಾ ಯೋಚನೆಗಳು ಇರುತ್ತವೆ. ನೀವು ನಿಮ್ಮ ಗುರಿಗಳನ್ನು ಮುಟ್ಟಲು ಮತ್ತು ಅದನ್ನು ಸಾಧಿಸಲು ಚುರುಕಾಗಿ ಕೆಲಸ ಮಾಡುವ ಶಕ್ತಿ ಹೊಂದಿರುವಿರಿ. ನೀವು ಸಾಮಾನ್ಯವಾಗಿ ಉತ್ತಮ ನಾಯಕರಾಗಿ ಅಥವಾ ಜನರನ್ನು ಸರಿಯಾದ ದಿಕ್ಕಿನಲ್ಲಿ ಮುನ್ನಡೆಸುತ್ತೀರಿ. ನೀವು ಉತ್ತಮ ಉದ್ಯಮಶೀಲ ಕೌಶಲ ಹೊಂದಿದ್ದೀರಿ. ನೀವು ಗಮನ ಕೇಂದ್ರವಾಗಿರಲು ಇಷ್ಟಪಡುತ್ತೀರಿ. ನಿಮ್ಮ ವ್ಯವಹಾರದ ಕುಶಾಗ್ರಮತಿ ಮತ್ತು ಹಣ ನಿರ್ವಹಣೆ ಕೌಲ ನಿಮ್ಮ ಕೊಡುಗೆ. ಇದು ನಿಮ್ಮನ್ನು ಜೀವನದಲ್ಲಿ ಉನ್ನತ ಸ್ಥಾನಗಳಿಗೆ ಕೊಂಡೊಯ್ಯುತ್ತದೆ.