ಅಬ್ಬಾ, ಹಲ್ಲಿ ನೋಡಿದರೆ ಸಾಕು, ಅದೇನೋ ಮೈ ಜುಮ್ಮೆನ್ನುವಂಥ ಭಾವ. ಕೆಲವರಿಗಂತೂ ಎಲ್ಲಿಲ್ಲದ ಭಯ. ಕೆಲವರು ಇದನ್ನು ಸಾಯಿಸುತ್ತರಾದರೂ, ಹಲ್ಲಿ ಕೊಲ್ಲವುದು ಪಾಪವೆಂದೇ ನಂಬುತ್ತಾರೆ ಹಿಂದೂಗಳು. ಈ ಜೀವಿಯನ್ನು ಕೊಂದರೆ, ಮುಂದಿನ ಜನ್ಮಕ್ಕೂ ಪಾಪ ಮುಂದುವರಿಯುತ್ತದೆ ಎಂಬ ನಂಬಿಕೆ.
ಇನ್ನು ಹಲ್ಲಿ ಮೈಮೇಲೆ ಬಿದ್ದರೆ ಶುಭ, ಅಶುಭ ಎರಡೂ ಫಲಗಳಿವೆ. ಎಲ್ಲಿ ಬಿದ್ದರೆ ಶುಭ, ಎಲ್ಲಿ ಬಿದ್ದರೆ ಅಶುಭ?
- ತಲೆ ಮೇಲೆ ಬಿದ್ದರೆ ಏನಾದರೂ ಕೆಟ್ಟದಾಗುತ್ತದೆ.
- ಮುಖದ ಮೇಲೆ ಬಿದ್ದರೆ ಯಾರಿಗಾದರೂ ಪ್ರಾಣಾಪಾಯವಾಗಬಹುದು.
- ಹುಬ್ಬುಗಳ ಮೇಲೆ ಬಿದ್ದರೆ ಧನಾಗಮನವಾಗುತ್ತದೆ.
- ಗಲ್ಲದ ಮೇಲೆ ಬಿದ್ದರೆ, ಹಿಂದೆ ಏನಾದರೂ ತಪ್ಪು ಮಾಡಿದ್ದರೆ ಶಿಕ್ಷೆಯಾಗುವ ಸಂಭವವಿದೆ.
- ಮೇಲ್ತುಟಿ ಮೇಲೆ ಬಿದ್ದರೆ ಶ್ರೀಮಂತಿಕೆ ಕರಗುವುದು. ಕೆಳ ತುಟಿ ಮೇಲೆ ಬಿದ್ದರೆ ಶ್ರೀಮಂತರಾಗುತ್ತಾರೆ.
- ಮೂಗಿನ ಮೇಲೆ ಬಿದ್ದರೆ ಆರೋಗ್ಯ ಸಮಸ್ಯೆ ಕಾಡಬಹುದು.
- ಬಲಗಿವಿ ಮೇಲೆ ಬಿದ್ದರೆ ಆರೋಗ್ಯ, ಆಯಸ್ಸು ವೃದ್ಧಿಸುತ್ತದೆ.
- ಕುತ್ತಿಗೆ ಮೇಲೆ ಬಿದ್ದರೆ ವೈರಿಗಳು ನಶಿಸುತ್ತಾರೆ.
- ಎಡಗೈ ಮೇಲೆ ಬಿದ್ದರೆ ನಿಮ್ಮ ಲೈಂಗಿಕ ಜೀವನ ಸುಗಮವಾಗುತ್ತದೆ.
- ಹೊಕ್ಕುಳ ಮೇಲೆ ಬಿದ್ದರೆ ನಿಮಗೆ ಅಮೂಲ್ಯ ಮಣಿಗಳು ಮತ್ತು ರತ್ನಗಳು ಲಭಿಸಲಿವೆ.
- ತೊಡೆ ಮೇಲೆ ಬಿದ್ದರೆ ನಿಮ್ಮ ತಂದೆ-ತಾಯಿಯರಿಗೆ ಬೇಸರ, ಅಸಂತೋಷ ಎದುರಾಗಬಹುದು.
- ಬಲ ಮೊಣಕಾಲಿನ ಗಂಟಿನ ಮೇಲೆ ಬಿದ್ದರೆ ತೀರ್ಥ ಯಾತ್ರೆ, ಎಡ ಮೊಣಕಾಲಿನ ಮೇಲೆ ಬಿದ್ದರೆ ಕೆಲಸ ಸಿದ್ಧಿ.
- ಕಾಲುಗಳ ಮೇಲೆ ಬಿದ್ದರೆ ಸುಖ ಪ್ರಯಾಣ ನಿಮ್ಮದಾಗುತ್ತದೆ.