ವಿವಾದಿತ ಇಸ್ಲಾಮಿಕ್ ಪ್ರಚಾರಕ ಜಾಕೀರ್ ನೈಕ್ ಅವಿವಾಹಿತ ಯುವತಿಯರು ವಿವಾಹಿತ ಪುರುಷರನ್ನು ಮದುವೆಯಾಗಬೇಕು ಅಥವಾ 'ಸಾರ್ವಜನಿಕ ಆಸ್ತಿ'ಯಾಗಬೇಕು ಎಂಬ ಹೇಳಿಕೆ ನೀಡಿ ಮತ್ತೆ ತೀವ್ರ ವಿವಾದಕ್ಕೆ ಗುರಿಯಾಗಿದ್ದಾನೆ.
ಕರಾಚಿ: ವಿವಾದಿತ ಇಸ್ಲಾಮಿಕ್ ಪ್ರಚಾರಕ ಜಾಕೀರ್ ನೈಕ್ ಮದುವೆಯಾಗದ ಯುವತಿಯರಿಗೆ ನೀಡಿದ ಸಲಹೆಯೊಂದು ಈಗ ತೀವ್ರ ವಿವಾದ ಸೃಷ್ಟಿಸಿದೆ. ಅವಿವಾಹಿತ ಯುವತಿಯರು ಪತ್ನಿ ಇರುವ ವಿವಾಹಿತರನ್ನು ಮದುವೆಯಾಗಿ ಅಥವಾ ಸಾರ್ವಜನಿಕ ಆಸ್ತಿಯಾಗಿ ಎಂದು ಆತ ಸಲಹೆ ನೀಡಿದ್ದು, ಈತನ ಈ ವಿವಾದಿತ ಸಲಹೆಗೆ ಈಗ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಪಾಕಿಸ್ತಾನದಲ್ಲಿ ಅವಿವಾಹಿತ ಮಹಿಳೆಯರಿಗೆ ಈತ ಈ ಸಲಹೆ ನೀಡಿದ್ದಾನೆ. ಈ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದ್ದು, ಈ ಮೂಲಭೂತವಾದಿ ಇಸ್ಲಾಮಿಕ್ ಪ್ರಚಾರಕನ ವಿರುದ್ಧ ತೀವ್ರ ಆಕ್ರೋಶ ವ್ಯಕ್ತವಾಗಿದೆ.
ಅವಿವಾಹಿತ ಮಹಿಳೆಯನ್ನು ಸಮಾಜ ಗೌರವಿಸುವುದಿಲ್ಲ, ಹೀಗಾಗಿ ಒಂದು ವೇಳೆ ನಿಮಗೆ ಅವಿವಾಹಿತ ಯುವಕ ಮದುವೆಯಾಗಲು ಸಿಗದೇ ಹೋದಲಿ ಸಮಾಜದಲ್ಲಿ ಗೌರವಯುತವಾಗಿ ಬಾಳುವುದಕ್ಕಾಗಿ ಪತ್ನಿ ಇರುವಂತಹ ವಿವಾಹಿತನನ್ನೇ ಮದುವೆಯಾಗಿ ಅಥವಾ ಸಾರ್ವಜನಿಕ ಆಸ್ತಿಯಾಗಲು ಸಿದ್ಧರಾಗಿ ಎಂದು ಆತ ಅವಿವಾಹಿತ ಯುವತಿಯರಿಗೆ ಎಚ್ಚರಿಕೆ ನೀಡಿದ್ದು, ಈತನ ಈ ಹೇಳಿಕೆ ಈಗ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.
ವಕ್ಫ್ ತಿದ್ದುಪಡಿ ಮಸೂದೆ: ಝಾಕಿರ್ ನಾಯ್ಕ್ ಪಿತೂರಿಯಲ್ಲಿ ಸಿಲುಕಿದ ಭಾರತೀಯ ಮುಸ್ಲಿಮರು!
ಅವಿವಾಹಿತ ಮಹಿಳೆಯರನ್ನೂ ಯಾರು ಎಂದಿಗೂ ಗೌರವಿಸುವುದಿಲ್ಲ, ಹೀಗಾಗಿ ಅವರಿಗೆ ಎರಡು ಆಯ್ಕೆಗಳಿವೆ. ಒಂದು ಆಕೆ ಈಗಾಗಲೇ ಪತ್ನಿ ಇರುವ ವಿವಾಹಿತ ಪುರುಷನನ್ನೇ ಮದುವೆಯಾಗುವುದು ಅಥವಾ ಬಜಾರಿ ಹೆಂಗಸು ಆಗುವುದು (bazaari aurat), ಆಕೆ ಮುಂದೆ ಸಾರ್ವಜನಿಕ ಆಸ್ತಿಯಾಗುತ್ತಾಳೆ. ಇದಕ್ಕಿಂತ ಒಳ್ಳೆಯ ಪದ ನನಗೆ ತಿಳಿದಿಲ್ಲ, ಈ ಚಿತ್ರಣವನ್ನು ನಾನು ಅವಿವಾಹಿತ ಮಹಿಳೆಯರಿಗೆ ವಿವರಿಸಿದರೆ ಅವರಲ್ಲಿ ಗೌರವಯುತವಾಗಿ ಬದುಕುವ ಯಾವುದೇ ಮಹಿಳೆಯಾದರೂ ಮೊದಲ ಆಯ್ಕೆಯನ್ನು ಆಯ್ದುಕೊಳ್ಳುತ್ತಾಳೆ ಎಂದು ಝಾಕೀರ್‌ ನೈಕ್ ಹೇಳಿರುವ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಈ ವೀಡಿಯೋಗೆ ಈಗ ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ರೋಶ ವ್ಯಕ್ತವಾಗಿದೆ. ಜಾಕೀರ್‌ನ ಹೇಳಿಕೆಯನ್ನು ಅನೇಕರು ತೀವ್ರವಾಗಿ ವಿರೋಧಿಸಿದ್ದಾರೆ. ಈತನ ಹೇಳಿಕೆಗಳು ಮಹಿಳೆಯರ ಹಕ್ಕು ಹಾಗೂ ಗೌರವಕ್ಕೆ ತೀವ್ರವಾದ ಹಾನಿಯುಂಟು ಮಾಡುತ್ತಿದೆ ಎಂದು ಅನೇಕರು ಕಿಡಿಕಾರಿದ್ದಾರೆ ಅಲ್ಲದೇ ಪಾಕಿಸ್ತಾನವೂ ಈ ರೀತಿಯ ಮನಸ್ಥಿತಿ ಇರುವ ವ್ಯಕ್ತಿಗೆ ಬೆಂಬಲಿಸುತ್ತಿರುವುದಕ್ಕೆ ಜನ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಸಮಾಜದಲ್ಲಿ ಗೌರವ ಸಿಗಬೇಕಾದರೆ ಮಹಿಳೆ ಮದುವೆಯಾಗಲೇ ಬೇಕು. ಅದು 2ನೇ ಹೆಂಡತಿಯಾಗಿಯಾದರೂ ಪರವಾಗಿಲ್ಲ, ಏಕೆಂದರೆ ಮಹಿಳೆಯ ಮೌಲ್ಯ ಆಕೆಯ ವಿವಾಹದ ಸ್ಥಾನಮಾನದಿಂದ ನಿರ್ಧಾರವಾಗುತ್ತದೆ. ಈ ರೀತಿಯ ಮನಸ್ಥಿತಿ ಇರುವ ವ್ಯಕ್ತಿಗೆ ವೇದಿಕೆ ನೀಡಿರುವುದಕ್ಕೆ ಪಾಕಿಸ್ತಾನಕ್ಕೆ ಧನ್ಯವಾದ ಎಂದು ಒಬ್ಬರು ವ್ಯಂಗ್ಯವಾಡಿದ್ದಾರೆ. ಇಸ್ಲಾಮಿಸ್ಟ್ ಝಾಕೀರ್‌ ಸ್ತ್ರೀದ್ವೇಷಿಯಾಗಿದ್ದಾನೆ. ಈ ಮೂಲಕ ಪಾಕಿಸ್ತಾನದ ಮನಸ್ಥಿತಿಯನ್ನು ತೆರೆದು ತೋರಿಸಿದ್ದಾನೆ ಎಂದು ಮತ್ತೊಬ್ಬರು ಕಿಡಿಕಾರಿದ್ದಾರೆ.
'ಯೋಗ್ಯ' ಸೊಸೆಯ ಹುಡುಕಾಟದಲ್ಲಿ ಜಾಕಿರ್ ನಾಯ್ಕ್: ಇಂತಹ ಹುಡುಗಿ ಸಿಗಲ್ಲ ಎಂದ ನೆಟ್ಟಿಗರು!
ಇಂತಹ ಇಸ್ಲಾಮಿಸ್ಟ್ ನಾಯಕನಿಗೆ ಭಾರತದಲ್ಲಿ ನಿಷೇಧವಿದೆ. ಆತನ ದ್ವೇಷಪೂರಿತ ಭಾಷಣದ ಹಿನ್ನೆಲೆಯಲ್ಲಿ ಆತನ ವಿರುದ್ಧ ದೇಶದಲ್ಲಿ ಪ್ರಕರಣಗಳಿವೆ. ಮುಂಬೈ ಮೂಲದ ಈತನಿಗೆ ಪಾಕಿಸ್ತಾನ ಆಶ್ರಯ ನೀಡಿರುವುದು ಮಾತ್ರ ವಿಪರ್ಯಾಸವೇ ಸರಿ. ಅಲ್ಲದೇ ಇಂತಹ ಆತನ ವಿವಾದಾತ್ಮಕ ಅಭಿಪ್ರಾಯಗಳನ್ನು ಭಾರತದಲ್ಲಿ ಹರಡುವುದಕ್ಕೆ ಬಿಡುವುದಿಲ್ಲ ಎಂದು ಪ್ರಧಾನಿ ಮೋದಿ ಆತನಿಗೆ ಎಚ್ಚರಿಕೆ ನೀಡಿದ್ದಾರೆ. ಅಲ್ಲದೇ ಆತ ಭಾರತಕ್ಕೆ ಮರಳುವುದಕ್ಕೆ ಆತನಿಗೆ ನಿಷೇಧ ಹೇರಲಾಗಿದೆ. ಪ್ರಸ್ತುತ ಮಲೇಷ್ಯಾದಲ್ಲಿ ವಾಸ ಮಾಡುವ ಝಾಕೀರ್‌ ನೈಕ್ ಕಳೆದ ಒಂದು ತಿಂಗಳ ಕಾಲ ಪಾಕಿಸ್ತಾನದಲ್ಲಿ ಕಳೆದಿದ್ದ.
Zakir Naik: There is no way an unmarried woman can be respected, if there are no single men available, she either has to marry an already married man to be respected or else she is public property.
Congratulations Pakistan- You deserve him pic.twitter.com/CTt0taGiKZ