ಸೇವಾ ಶ್ವಾನಗಳ ಬಿಟ್ಟುಹೋದ ಅಮೆರಿಕ: ಭಾರೀ ಟೀಕೆ!

* ಕಾಬೂಲ್‌ನಿಂದ ತೆರಳಿದ ಅಮೆರಿಕ ಯೋಧರು * ಸೇವಾ ಶ್ವಾನಗಳ ಬಿಟ್ಟುಹೋದ ಅಮೆರಿಕ: ಭಾರೀ ಟೀಕೆ

ಕಾಬೂಲ್‌(ಸೆ.01): ಸೋಮವಾರ ರಾತ್ರಿ ಕಾಬೂಲ್‌ನಿಂದ ತೆರಳಿದ ಅಮೆರಿಕ ಯೋಧರು, ಈ ವೇಳೆ ತಮ್ಮ ಅಫ್ಘನ್‌ ಕಾರ್ಯಾಚರಣೆ ವೇಳೆ ಸೇವೆಗಾಗಿ ಬಳಸಿಕೊಂಡಿದ್ದ ಹಲವು ಶ್ವಾನಗಳನ್ನು ಏರ್‌ಪೋರ್ಟ್‌ನಲ್ಲೇ ಬಿಟ್ಟುಹೋಗಿದ್ದಾರೆ.

ಅಮೆರಿಕ ಸರ್ಕಾರದ ಈ ಕ್ರಮದ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಟೀಕೆ ವ್ಯಕ್ತವಾಗಿದೆ. ಕಾರ್ಯಾಚರಣೆ ವೇಳೆ ಬಾಂಬ್‌ ಪತ್ತೆ ಸೇರಿದಂತೆ ನಾನಾ ಕೆಲಸಗಳಿಗಾಗಿ ಇವುಗಳನ್ನು ತರಬೇತಿ ನೀಡಿ ಬಳಸಿಕೊಳ್ಳಲಾಗಿತ್ತು. ಆದರೆ ತಮ್ಮ ಕೆಲಸ ಮುಗಿಯುತ್ತಲೇ ಅವುಗಳನ್ನು ಅನಾಥರಾಗಿ ಬಿಟ್ಟುಹೋಗಿದ್ದಕ್ಕೆ ಪ್ರಾಣಿಪ್ರಿಯ ಸಂಘಟನೆಗಳು ಕಿಡಿಕಾರಿವೆ.

ಈ ನಡುವೆ ಅಮೆರಿಕದ ಸಂಘಟನೆಯೊಂದು ಸ್ಥಳೀಯ ಸಂಸ್ಥೆಗಳ ಜೊತೆಗೂಡಿ ನಾಯಿಗಳನ್ನು ಸುರಕ್ಷಿತವಾಗಿ ತೆರವು ಮಾಡುವ ಕೆಲಸಕ್ಕೆ ಕೈಹಾಕಿದೆ.