ಪ್ರಧಾನಮಂತ್ರಿ ನರೇಂದ್ರ ಮೋದಿಗೆ ಪ್ರತಿಷ್ಠಿತ ಲೀಜನ್ ಆಫ್ ಮೆರಿಟ್ ಪದಕ| ಅಮೆರಿಕಾದ ಅತ್ಯುನ್ನತ ಪುರಸ್ಕಾರ 'ಲೀಜನ್ ಆಫ್ ಮೆರಿಟ್' ನೀಡಿ ಗೌರವಿಸಿದ ಟ್ರಂಪ್| ಪ್ರಧಾನಿ ಮೋದಿಯ ಪರವಾಗಿ ಪದಕ ಸ್ವೀಕರಿಸಿದ ಅಮೆರಿಕಾದಲ್ಲಿನ ಭಾರತ ರಾಯಭಾರಿ ತರಣ್ಜೀತ್ ಸಿಂಗ್
ವಾಷಿಂಗ್ಟನ್(ಡಿ.22): ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಪಿಎಂ ನರೇಂದ್ರ ಮೋದಿಗೆ ಅತ್ಯುನ್ನತ ಪುರಸ್ಕಾರ ಲೀಜನ್ ಆಫ್ ಮೆರಿಟ್ ಪದಕ ನೀಡಿ ಗೌರವಿಸಿದ್ದಾರೆ. ಅಮೆರಿಕಾದಲ್ಲಿರುವ ಭಾರತದ ರಾಯಭಾರಿ ತರಣ್ಜೀತ್ ಸಿಂಗ್ ಪ್ರಧಾನಿ ಮೋದಿಯ ಪರವಾಗಿ, ಅಮೆರಿಕಾ ರಾಷ್ಟ್ರೀಯ ಭದ್ರತಾ ಸಲಹೆಗಾರ ರಾಬರ್ಟ್ ಸಿ ಓಬ್ರಯಾನ್ರಿಂದ ಈ ಪದಕವನ್ನು ಸ್ವೀಕರಿಸಿದ್ದಾರೆ.
ಈ ಕುರಿತಾಘಿ ಅಮೆರಿಕಾದ ನ್ಯಾಷನಲ್ ಸೆಕ್ಯೂರಿಟಿ ಕೌನ್ಸಿಲ್ನ ಅಧಿಕೃತ ಟ್ವಿಟರ್ ಖಾತೆಯಿಂದ ಟ್ವೀಟ್ ಮಾಡಲಾಗಿದೆ. ಭಾರತ ಹಾಗೂ ಅಮೆರಿಕಾ ನಡುವಿನ ಕಾರ್ಯತಂತ್ರದ ಸಹಭಾಗಿತ್ವವನ್ನು ವೃದ್ಧಿಸುವಲ್ಲಿ ಮೋದಿ ಅವರ ನಾಯಕತ್ವವನ್ನ ಶ್ಲಾಘಿಸಿ ಲೀಜನ್ ಆಫ್ ಮೆರಿಟ್ ನೀಡಿ ಗೌರವಿಸಲಾಗಿದೆ ಎಂದು ಈ ಟ್ವೀಟ್ನಲ್ಲಿ ತಿಳಿಸಲಾಗಿದೆ.
“President presented the Legion of Merit to Indian Prime Minister Narendra Modi for his leadership in elevating the U.S.-India strategic partnership. Ambassador accepted the medal on behalf of Prime Minister Modi.” –NSA Robert C. O’Brien pic.twitter.com/QhOjTROdCC
— NSC (@WHNSC)ಲೀಜನ್ ಆಫ್ ಮೆರಿಟ್ ಅಮೆರಿಕಾದ ಸಶಸ್ತ್ರ ಪಡೆಯ ಮಿಲಿಟರಿ ಪುರಸ್ಕಾರ
ಲೀಜನ್ ಆಫ್ ಮೆರಿಟ್ ಅಮೆರಿಕಾದ ಸಶಸ್ತ್ರ ಪಡೆಯ ಮಿಲಿಟರಿ ಪುರಸ್ಕಾರವಾಗಿದ್ದು, ಇದು ಇಲ್ಲಿನ ಅತ್ಯುನ್ನತ ಪುರಸ್ಕಾರವಾಗಿದೆ. ಅತ್ಯುತ್ತಮ ಸೇವೆ ಮತ್ತು ಸಾಧನೆಗಳ ಕಾರ್ಯಕ್ಷಮತೆಯಲ್ಲಿ ಪ್ರಶಂಸನೀಯ ನಡವಳಿಕೆ ತೋರಿದವರಿಗೆ ಈ ಪದಕ ನೀಡಲಾಗುತ್ತದೆ. ರಾಜ್ಯ ಮುಖ್ಯಸ್ಥರಿಗೆ ಅಥವಾ ಸರ್ಕಾರಕ್ಕೆ ಮಾತ್ರ ನೀಡಲಾಗುವ ಹೈಯೆಸ್ಟ್ ಡಿಗ್ರಿ ಚೀಫ್ ಕಮಾಂಡರ್ ಲೀಜನ್ ಆಫ್ ಮೆರಿಟ್ ಗೌರವವನ್ನು ಮೋದಿಗೆ ನೀಡಲಾಗಿದೆ.
ಮೋದಿ ಜೊತೆಗೆ ಆಸ್ಟ್ರೇಲಿಯಾ ಪ್ರಧಾನಿ ಸ್ಕಾಟ್ ಮಾರಿಸನ್ ಹಾಗೂ ಜಪಾನ್ನ ಮಾಜಿ ಪ್ರಧಾನಿ ಶಿನ್ಸೋ ಅಬೆ ಅವರಿಗೂ ಕೂಡ ಟ್ರಂಪ್ ಈ ಗೌರವ ನೀಡಿದ್ದು, ಆಯಾ ರಾಷ್ಟ್ರಗಳ ರಾಯಭಾರಿಗಳು ವಾಷಿಂಗ್ಟನ್ ಡಿಸಿಯಲ್ಲಿ ಪದಕವನ್ನ ಸ್ವೀಕರಿಸಿದರು ಎಂದು ಅಮೆರಿಕಾದ ನ್ಯಾಷನಲ್ ಸೆಕ್ಯೂರಿಟಿ ಕೌನ್ಸಿಲ್ ಟ್ವಿಟರ್ನಲ್ಲಿ ತಿಳಿಸಿದೆ.