Thailand Buddhist Temple: ಡ್ರಗ್ಸ್‌ ಪರೀಕ್ಷೆ ಬಳಿಕ ಬುದ್ಧ ವಿಹಾರ ಖಾಲಿ..!

ಥೈಲ್ಯಾಂಡ್‌ನ ಬೌದ್ಧ ದೇವಾಲಯದಲ್ಲಿ ವಾಸಿಸುವ ಎಲ್ಲಾ ಸನ್ಯಾಸಿಗಳು ಮಾದಕವಸ್ತು ಪರೀಕ್ಷೆಯಲ್ಲಿ ವಿಫಲವಾದ ನಂತರ ಅವರನ್ನು ಅಲ್ಲಿಂದ ಖಾಲಿ ಮಾಡಿಸಲಾಗಿದೆ ಎಂದು ವರದಿಯಾಗಿದೆ. 

ಥಾಯ್ಲೆಂಡ್‌ನ (Thailand) ಸ್ಯಾಮ್‌ಫಾನ್‌ನಲ್ಲಿರುವ ಬೌದ್ಧ ದೇವಾಲಯವೊಂದರಲ್ಲಿ (Buddhist Temple) ಬೌದ್ಧ ಬಿಕ್ಕುಗಳಿಗೆ (Buddhist Monks) ನಡೆಸಲಾದ ಮಾದಕ ವಸ್ತು ಪರೀಕ್ಷೆಯಲ್ಲಿ (Drug Tests), ದೇಗುಲದಲ್ಲಿದ್ದ ಎಲ್ಲಾ ನಾಲ್ವರು ಬೌದ್ಧ ಬಿಕ್ಕುಗಳು ಸಿಕ್ಕಿಬಿದ್ದಿದ್ದಾರೆ. ಸಿಕ್ಕಿಬಿದ್ದ ನಾಲ್ವರನ್ನೂ ಮಾದಕ ವಸ್ತು ಪುನರ್ವಸತಿ (Drug Rehabilitation) ಕೇಂದ್ರಕ್ಕೆ ರವಾನಿಸಲಾಗಿದೆ. ಹೀಗಾಗಿ ಇದೀಗ ಬುದ್ಧ ವಿಹಾರ ಸಂಪೂರ್ಣ ಖಾಲಿಯಾಗಿದೆ. ಮತ್ತೊಂದೆಡೆ ಸನ್ಯಾಸಿಗಳಿಲ್ಲದೆ ದೇವಾಲಯದ ಆರಾಧನೆ ಅಸಾಧ್ಯ ಎಂದು ಸ್ಥಳೀಯರು ಕಳವಳ ವ್ಯಕ್ತಪಡಿಸಿದ್ದ ಹಿನ್ನೆಲೆ ಬೇರೆ ಸನ್ಯಾಸಿಗಳನ್ನು ವಿಹಾರಕ್ಕೆ ಕಳುಹಿಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದಾರೆ. ಥೈಲ್ಯಾಂಡ್‌ನ ಬೌದ್ಧ ದೇವಾಲಯದಲ್ಲಿ ವಾಸಿಸುವ ಎಲ್ಲಾ ಸನ್ಯಾಸಿಗಳು ಮಾದಕವಸ್ತು ಪರೀಕ್ಷೆಯಲ್ಲಿ ವಿಫಲವಾದ ನಂತರ ಅವರನ್ನು ಅಲ್ಲಿಂದ ಖಾಲಿ ಮಾಡಿಸಲಾಗಿದ್ದು, ವಜಾಗೊಂಡ ಸನ್ಯಾಸಿಗಳಲ್ಲಿ ಮಠಾಧೀಶರೂ (Abbot) ಸೇರಿದ್ದಾರೆ ಎಂದು ಅಂತಾರಾಷ್ಟ್ರೀಯ ಸುದ್ದಿ ಸಂಸ್ಥೆ ಎಎಫ್‌ಪಿ ವರದಿ ಮಾಡಿದೆ.

ಉತ್ತರ ಪ್ರಾಂತ್ಯದ ಫೆಟ್ಚಾಬುನ್‌ನಲ್ಲಿ ಎಲ್ಲಾ ಸನ್ಯಾಸಿಗಳಿಗೂ ಮೆಥಾಂಫೆಟಮೈನ್‌ (Methamphetamine) ಪರೀಕ್ಷೆ ನಡೆಸಿದ್ದು, ಈ ಪರೀಕ್ಷೆಯಲ್ಲಿ ಪಾಸಿಟಿವ್‌ ಬಂದಿದೆ. ಫೆಟ್ಚಾಬುನ್ ಪ್ರಾಂತ್ಯದ ಬಂಗ್ ಸ್ಯಾಮ್ ಫಾನ್ ಜಿಲ್ಲೆಯಲ್ಲಿ ಒಟ್ಟು 4 ಸನ್ಯಾಸಿಗಳು ಮೆಥಾಂಫೆಟಮೈನ್‌ಗೆ ಧನಾತ್ಮಕ ಪರೀಕ್ಷೆ ನಡೆಸಿದ್ದಾರೆ ಎಂದು ಜಿಲ್ಲಾ ಅಧಿಕಾರಿ ಬೂನ್ಲರ್ಟ್ ಥಿಂಟಾಪ್ಥೈ ಎಎಫ್‌ಪಿಗೆ ತಿಳಿಸಿದ್ದಾರೆ. ಈ ಹಿನ್ನೆಲೆ ಮಾದಕವಸ್ತು ಪುನರ್ವಸತಿಗೆ ಒಳಗಾಗಲು ಅಧಿಕಾರಿಗಳು ನಾಲ್ವರು ಸನ್ಯಾಸಿಗಳನ್ನು ಆರೋಗ್ಯ ಚಿಕಿತ್ಸಾಲಯಕ್ಕೆ ಕಳುಹಿಸಿದ್ದಾರೆ ಎಂದು ಅಧಿಕಾರಿ ಖಚಿತಪಡಿಸಿದ್ದಾರೆ.

ಇದನ್ನು ಓದಿ: ಡ್ರಗ್ಸ್ ಪರೀಕ್ಷೆ: ತಾನಾಗಿಯೇ ವರದಿ ಬಹಿರಂಗಗೊಳಿಸಿದ ನಟಿ!

"ದೇವಾಲಯವು ಈಗ ಸನ್ಯಾಸಿಗಳಿಂದ ಖಾಲಿಯಾಗಿದೆ ಮತ್ತು ಹತ್ತಿರದ ಗ್ರಾಮಸ್ಥರು ಯಾವುದೇ ಪುಣ್ಯ ಮಾಡಲು ಸಾಧ್ಯವಿಲ್ಲ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ" ಎಂದೂ ಅವರು ಹೇಳಿದರು. ಬೌದ್ಧಧರ್ಮದಲ್ಲಿ, ಪುಣ್ಯ-ಮಾಡುವಿಕೆ ಅಂದರೆ ಭಕ್ತರು ಸನ್ಯಾಸಿಗಳಿಗೆ ಆಹಾರವನ್ನು ಒಳ್ಳೆಯ ಕಾರ್ಯವಾಗಿ ದಾನ ಮಾಡುವುದನ್ನು ಒಳಗೊಂಡಿರುತ್ತದೆ. ಇದು 'ಒಳ್ಳೆಯದನ್ನು ನೀಡುವ ಮೂಲಕ ರಕ್ಷಣಾತ್ಮಕ ಶಕ್ತಿ' ಗಳಿಸುವುದಕ್ಕೆ ಸಮನಾಗಿರುತ್ತದೆ ಎಂಬುದು ಅವರ ನಂಬಿಕೆ.

ಈ ಹಿನ್ನೆಲೆ ಪ್ರಾದೇಶಿಕ ಅಧಿಕಾರಿಗಳು ಸ್ಥಳೀಯ ಮಠದ ಮುಖ್ಯಸ್ಥರ ಸಹಾಯವನ್ನು ಕೋರಿದ್ದಾರೆ ಎಂದು ಬೂನ್ಲರ್ಟ್ ಥಿಂಟಾಪ್ಥೈ ಹೇಳಿದ್ದು, ಅವರು ಆರಾಧಕರ ಸಮಸ್ಯೆಗಳನ್ನು ಪರಿಹರಿಸುವ ಪ್ರಯತ್ನದಲ್ಲಿ ಬಂಗ್ ಸ್ಯಾಮ್ ಫಾನ್ ಜಿಲ್ಲೆಯ ದೇವಾಲಯಕ್ಕೆ ಕೆಲವು ಹೊಸ ಸನ್ಯಾಸಿಗಳನ್ನು ನಿಯೋಜಿಸುವುದಾಗಿ ಭರವಸೆ ನೀಡಿದ್ದಾರೆ.

ಇದನ್ನೂ ಓದಿ: ಸರ್ಕಾರಿ ನೌಕರರಿಗೆ ಮಾದಕ ದ್ರವ್ಯ ಪರೀಕ್ಷೆ ಕಡ್ಡಾಯ: ಸಿಎಂ

ವಿಶ್ವಸಂಸ್ಥೆಯ ಡ್ರಗ್ಸ್ ಮತ್ತು ಕ್ರೈಮ್ ಕಚೇರಿಯ ಪ್ರಕಾರ, ಮ್ಯಾನ್ಮಾರ್‌ನ ಶಾನ್ ರಾಜ್ಯದಿಂದ ಲಾವೋಸ್ ಮೂಲಕ ಮೆಥಾಂಫೆಟಮೈನ್ ಡ್ರಗ್ಸ್‌ ಥೈಲ್ಯಾಂಡ್ ಪ್ರಮುಖ ಟ್ರಾನ್ಸಿಟ್‌ ದೇಶವಾಗಿದೆ. ಮ್ಯಾನ್ಮಾರ್‌ ಮೆಥಾಂಫೆಟಮೈನ್‌ನ ವಿಶ್ವದ ಅತಿದೊಡ್ಡ ಉತ್ಪಾದಕ ರಾಷ್ಟ್ರವಾಗಿದ್ದು, ಲಾವೋಸ್ ಮೂಲಕ ಥಾಯ್ಲೆಂಡ್‌ಗೆ ಡ್ರಗ್ಸ್ ಹೆಚ್ಚು ಮಟ್ಟದಲ್ಲಿ ಅಕ್ರಮವಾಗಿ ಸಾಗಾಟ ಮಾಡಲಾಗುತ್ತದೆ. ಅಲ್ಲದೆ, ಬೀದಿ - ಬೀದಿಗಳಲ್ಲಿ ಸಹ ಈ ಮಾತ್ರೆಗಳನ್ನು 20 ಬಹ್ತ್ (ಸುಮಾರು $0.50) ಕ್ಕಿಂತ ಕಡಿಮೆ ಬೆಲೆಯಲ್ಲಿ ಮಾರಾಟ ಮಾಡಲಾಗುತ್ತದೆ ಎಂದೂ ಹೇಳಲಾಗಿದೆ.

ಆಗ್ನೇಯ ಏಷ್ಯಾದಾದ್ಯಂತ ಅಧಿಕಾರಿಗಳು ಇತ್ತೀಚಿನ ವರ್ಷಗಳಲ್ಲಿ ದಾಖಲೆ ಪ್ರಮಾಣದಲ್ಲಿ ಈ ಡ್ರಗ್ಸ್‌ ಅನ್ನು ಸೀಜ್‌ ಮಾಡಿದ್ದಾರೆ. ಮೆಥಾಂಫೆಟಮೈನ್ ಡ್ರಗ್ಸ್‌ ಹೊಂದಿದ್ದಕ್ಕಾಗಿ ಪೊಲೀಸ್‌ ಅಧಿಕಾರಿಯೊಬ್ಬರನ್ನು ವಜಾಗೊಳಿಸಲಾಗಿತ್ತು. ನಂತರ, ಅವರು ನರ್ಸರಿಯೊಂದರಲ್ಲಿ ಗುಂಡಿನ ದಾಳಿ ನಡೆಸಿ 37 ಜನರನ್ನು ಕೊಂದಿದ್ದಾರೆ. ಈ ಘಟನೆಯ ನಂತರ, ಕಳೆದ ತಿಂಗಳು, ಥಾಯ್ ಪ್ರಧಾನಿ ಪ್ರಯುತ್ ಚಾನ್-ಓಚಾ ಅವರು ಡ್ರಗ್ಸ್ ಅನ್ನು ನಿರ್ಬಂಧಿಸಲು ಆದೇಶಿಸಿದರು.

ಈ ಮಧ್ಯೆ, ನಿರ್ಬಂಧಗಳನ್ನು ತೆಗೆದುಹಾಕಿದ್ದರಿಂದ ಥಾಯ್ಲೆಂಡ್‌ ಅಂತಾರಾಷ್ಟ್ರೀಯ ಪ್ರವಾಸಿಗರ ಒಳಹರಿವಿನಲ್ಲಿ ಹಠಾತ್ ಹೆಚ್ಚಳ ಕಂಡುಬಂದಿದೆ. ಇದರಿಂದ ಥಾಯ್ಲೆಂಡ್‌ ತನ್ನ ಕೋವಿಡ್ -19 ಪ್ರಕರಣಗಳಲ್ಲಿ ಏರಿಕೆಯಾಗಿದೆ.