ತೈವಾನ್ ದೇಶದ ಸುತ್ತ ಮತ್ತೆ ಕಾಣಿಸಿಕೊಂಡ ಚೀನಾ ವಿಮಾನಗಳು, ಹಡಗುಗಳು!

ಚೀನಾದ 11 ವಿಮಾನಗಳು ಮತ್ತು ಏಳು ನೌಕಾಪಡೆಯ ಹಡಗುಗಳು ತೈವಾನ್ ಸುತ್ತಲೂ ಕಾರ್ಯನಿರ್ವಹಿಸುತ್ತಿರುವುದು ಪತ್ತೆಯಾಗಿದೆ. ಈ ಪೈಕಿ ಆರು ವಿಮಾನಗಳು ತೈವಾನ್‌ನ ವೈಮಾನಿಕ ಗುರುತಿನ ವಲಯವನ್ನು ಉಲ್ಲಂಘಿಸಿದ್ದವು. ತೈವಾನ್‌ನ ಸಶಸ್ತ್ರ ಪಡೆಗಳು ಪರಿಸ್ಥಿತಿಯನ್ನು ಮೇಲ್ವಿಚಾರಣೆ ಮಾಡುತ್ತಿವೆ.

ತೈವಾನ್‌ನ ರಾಷ್ಟ್ರೀಯ ರಕ್ಷಣಾ ಸಚಿವಾಲಯ (MND) ಭಾನುವಾರ ಬೆಳಿಗ್ಗೆ 6 ಗಂಟೆಗೆ (ಸ್ಥಳೀಯ ಸಮಯ) ಬಿಡುಗಡೆ ಮಾಡಿದ ಮಾಹಿತಿಯಂತೆ, ಚೀನಾದ 11 ವಿಮಾನಗಳು ಮತ್ತು ಏಳು ನೌಕಾಪಡೆಯ ಹಡಗುಗಳು ತೈವಾನ್ ಸುತ್ತಲೂ ಕಾರ್ಯನಿರ್ವಹಿಸುತ್ತಿರುವುದು ಪತ್ತೆಯಾಗಿದೆ. ಈ 11 ಚೀನಾ ವಿಮಾನಗಳ ಪೈಕಿ ಆರು ವಿಮಾನಗಳು ತೈವಾನ್‌ನ ನೈಋತ್ಯದ ವೈಮಾನಿಕ ಗುರುತಿನ ವಲಯ (ADIZ) ಅನ್ನು ಉಲ್ಲಂಘಿಸಿದ್ದವು.

ಈ ಬಗ್ಗೆ 'X' ನಲ್ಲಿ MND ಪ್ರಕಟಿಸಿದ ಮಾಹಿತಿಯಂತೆ ಇಂದು ಬೆಳಿಗ್ಗೆ 6 ಗಂಟೆಯವರೆಗೆ PLAಗೆ ಸೇರಿದ 11 ವಿಮಾನಗಳ ಹಾರಾಟಗಳು ಮತ್ತು PLANಗೆ ಸೇರಿದ 7 ಹಡಗುಗಳು ತೈವಾನ್ ಸುತ್ತಲೂ ಪತ್ತೆಯಾಗಿದೆ. ಈ ಪೈಕಿ 6 ವಿಮಾನಗಳು ನೈಋತ್ಯ ADIZ ಪ್ರವೇಶಿಸಿದ್ದವು. ತೈವಾನ್‌ನ ಸಶಸ್ತ್ರ ಪಡೆಗಳು ಪರಿಸ್ಥಿತಿಯನ್ನು ನಿಕಟದಿಂದ ಮೇಲ್ವಿಚಾರಣೆ ಮಾಡುತ್ತಿವೆ ಮತ್ತು ಸೂಕ್ತ ಕ್ರಮಗಳನ್ನು ತೆಗೆದುಕೊಂಡಿವೆ” ಎಂದು ತಿಳಿಸಿದೆ.

ಇದಕ್ಕೂ ಮುನ್ನ ಶನಿವಾರ ಮುಂಜಾನೆ, ತೈವಾನ್ MND 34 ಚೀನೀ ಯುದ್ಧ ವಿಮಾನಗಳು, ಎಂಟು ನೌಕೆಗಳು ಮತ್ತು ಒಂದು ಸರ್ಕಾರಿ ಹಡಗನ್ನು ತೈವಾನ್ ಸುತ್ತಲೂ ಕಾರ್ಯನಿರ್ವಹಿಸುತ್ತಿರುವುದಾಗಿ ವರದಿ ಮಾಡಿತ್ತು. ಈ 34 ವಿಮಾನಗಳ ಪೈಕಿ 25 ವಿಮಾನಗಳು ತೈವಾನ್ ನೈಋತ್ಯ, ಮಧ್ಯ ಮತ್ತು ಉತ್ತರದ ADIZ ಪ್ರದೇಶವನ್ನು ಉಲ್ಲಂಘಿಸಿದ್ದವು.

ಇದೇ ವೇಳೆ, ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಚೀನಾದ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ನಡುವಿನ ದೂರವಾಣಿ ಸಂಭಾಷಣೆಯ ಹಿನ್ನೆಲೆಯಲ್ಲಿ “ಒಂದೇ ಚೀನಾ” ನೀತಿಗೆ ಟ್ರಂಪ್ ಬೆಂಬಲ ವ್ಯಕ್ತಪಡಿಸಿದವರಾದರೂ, ಅವರ ಅಧಿಕೃತ ಹೇಳಿಕೆಗಳಲ್ಲಿ ತೈವಾನ್ ಬಗ್ಗೆ ಯಾವುದೇ ಉಲ್ಲೇಖ ಇರಲಿಲ್ಲ. ಟ್ರಂಪ್ ತಮ್ಮ ಹೇಳಿಕೆಯಲ್ಲಿ ಪ್ರಮುಖವಾಗಿ ವ್ಯಾಪಾರದ ವಿಷಯಗಳ ಕುರಿತು ಮಾತನಾಡಿದರು ಮತ್ತು ಭೂಮಿಯ ಅಪರೂಪದ ಖನಿಜಗಳ ಬಗ್ಗೆ ಚರ್ಚೆ ಮುಂದುವರೆದಿರುವುದನ್ನು ಹೈಲೈಟ್ ಮಾಡಿದರು.

ಈ ಹಿನ್ನೆಲೆಯಲ್ಲಿ ತೈವಾನ್‌ನ ವಿದೇಶಾಂಗ ಸಚಿವಾಲಯ (MOFA) ತೀವ್ರ ಆಕ್ಷೇಪ ವ್ಯಕ್ತಪಡಿಸಿದ್ದು, "ಚೀನಾದ ರಾಜ್ಯ ಮಾಧ್ಯಮಗಳು ತೈವಾನ್‌ನ ಸ್ಥಿತಿಗತಿಯನ್ನು ಜಾಣ್ಮೆಯುತವಾಗಿ ತಪ್ಪಾಗಿ ಪ್ರತಿನಿಧಿಸುತ್ತಿವೆ. ‘ಒಂದೇ ಚೀನಾ’ ನೀತಿಯ ಚರ್ಚೆಯ ಮೂಲಕ ಅಂತರರಾಷ್ಟ್ರೀಯ ಸಮುದಾಯವನ್ನು ದಾರಿ ತಪ್ಪಿಸಲು ಪುನರಾವರ್ತಿತ ತಂತ್ರಗಳನ್ನು ಬಳಸಲಾಗುತ್ತಿದೆ" ಎಂದು ಟೈಪೆ ಟೈಮ್ಸ್‌ಗೆ ನೀಡಿದ ಹೇಳಿಕೆಯಲ್ಲಿ MOFA ತಿಳಿಸಿದ್ದಾರೆ.

ತೈವಾನ್ ಜಲಸಂಧಿಯಲ್ಲಿ ಶಾಂತಿ ಮತ್ತು ಸ್ಥಿರತೆಯನ್ನು ಕಾಪಾಡುವುದು ತಾವು ಬದ್ಧರಾಗಿದ್ದು, ಪ್ರಜಾಪ್ರಭುತ್ವ ಮೌಲ್ಯಗಳು ಮತ್ತು ಪ್ರಾದೇಶಿಕ ಸಮೃದ್ಧಿಯನ್ನು ರಕ್ಷಿಸಲು ಯುನೈಟೆಡ್ ಸ್ಟೇಟ್ಸ್ ಸೇರಿ ಮಿತ್ರ ರಾಷ್ಟ್ರಗಳೊಂದಿಗೆ ಸಮನ್ವಯವಾಗಿ ಕೆಲಸ ಮಾಡುವುದಾಗಿ ಸಚಿವಾಲಯ ಸ್ಪಷ್ಟಪಡಿಸಿದೆ.