ನೆರೆಯ ಪಾಕಿಸ್ತಾನಕ್ಕೆ ಕೊರೋನಾ ವೈರಸ್ನ 3ನೇ ಅಲೆ ಅಪ್ಪಳಿಸಿದೆ| 7 ನಗರದಲ್ಲಿ ಶಾಲಾ, ಕಾಲೇಜು ಬಂದ್
ಇಸ್ಲಾಮಾಬಾದ್(ಮಾ.16): ನೆರೆಯ ಪಾಕಿಸ್ತಾನಕ್ಕೆ ಕೊರೋನಾ ವೈರಸ್ನ 3ನೇ ಅಲೆ ಅಪ್ಪಳಿಸಿದೆ. ಈ ಹಿನ್ನೆಲೆಯಲ್ಲಿ ಅತಿಹೆಚ್ಚು ಕೊರೋನಾ ಪ್ರಕರಣ ದಾಖಲಾಗುತ್ತಿರುವ ಲಾಹೋರ್ ಸೇರಿ 7 ನಗರಗಳಲ್ಲಿ ಶಾಲಾ-ಕಾಲೇಜು ಸೇರಿ ಇನ್ನಿತರ ಶಿಕ್ಷಣ ಸಂಸ್ಥೆಗಳನ್ನು 2 ವಾರಗಳ ಕಾಲ ಬಂದ್ ಮಾಡಲಾಗಿದೆ.
ಪಾಕಿಸ್ತಾನದಲ್ಲಿ ಭಾನುವಾರ ಒಂದೇ ದಿನ 2253 ಮಂದಿಗೆ ಕೊರೋನಾ ದೃಢಪಟ್ಟಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 6 ಲಕ್ಷ ದಾಟಿದೆ. ಅಲ್ಲದೆ ಅತಿದೊಡ್ಡ ಪ್ರಾಂತ್ಯವಾದ ಪಾಕಿಸ್ತಾನದಲ್ಲಿ ಕಳೆದ 6 ದಿನಗಳಿಂದ 1000ಕ್ಕೂ ಹೆಚ್ಚು ಮಂದಿಗೆ ವೈರಸ್ ವ್ಯಾಪಿಸುತ್ತಿದ್ದು, ಕೊರೋನಾ ಬಗ್ಗೆ ಜನರು ಹೆಚ್ಚು ಜಾಗೃತರಾಗಿರಬೇಕು.
ಈ ವೈರಸ್ ಅನ್ನು ಯಾರೂ ಸಹ ಲಘುವಾಗಿ ಕಾಣಬಾರದು ಎಂದು ಪಂಜಾಬ್ ಮುಖ್ಯಮಂತ್ರಿಗಳು ಎಚ್ಚರಿಕೆ ನೀಡಿದ್ದಾರೆ.