ವಿಶ್ವದ ಅತಿ ಚಳಿಯ ನಗರದಲ್ಲಿ -50 ಡಿಗ್ರಿ ತಾಪಮಾನ

ರಷ್ಯಾದ ಸೈಬೀರಿಯಾ ವಲಯದಲ್ಲಿರುವ ವಿಶ್ವದ ಅತಿ ತಣ್ಣನೆಯ ನಗರಿ ಕಾಕುಟ್ಸ್‌ಕ್‌ನಲ್ಲಿ ತಾಪಮಾನ -50 ಡಿಗ್ರಿಗೆ ಕುಸಿದಿದೆ. ಸಾಮಾನ್ಯವಾಗಿ -40 ಡಿಗ್ರಿ ತಾಪ ಇಲ್ಲಿ ಇರುತ್ತದೆ.

ಮಾಸ್ಕೋ: ರಷ್ಯಾದ ಸೈಬೀರಿಯಾ ವಲಯದಲ್ಲಿರುವ ವಿಶ್ವದ ಅತಿ ತಣ್ಣನೆಯ ನಗರಿ ಕಾಕುಟ್ಸ್‌ಕ್‌ನಲ್ಲಿ ತಾಪಮಾನ -50 ಡಿಗ್ರಿಗೆ ಕುಸಿದಿದೆ. ಸಾಮಾನ್ಯವಾಗಿ -40 ಡಿಗ್ರಿ ತಾಪ ಇಲ್ಲಿ ಇರುತ್ತದೆ. ಆದರೆ ಅದಕ್ಕಿಂತ 10 ಡಿಗ್ರಿ ಹೆಚ್ಚು ಪ್ರಮಾಣದಲ್ಲಿ ಈ ಸಲ ಕುಸಿದಿದ್ದು, ಜನರನ್ನು ಥರಗುಟ್ಟುವಂತೆ ಮಾಡಿದೆ. ‘ಇನ್ನು ನಮಗೆ ಚಳಿ ಜತೆ ಹೋರಾಡಲು ಸಾಧ್ಯವಿಲ್ಲ. ಚಳಿಯ ಜತೆ ನಾವು ಒಂದೋ ಮಾನಸಿಕ/ದೈಹಿಕವಾಗಿ ಹೊಂದಿಕೊಳ್ಳಬೇಕು. ಇಲ್ಲವೇ ಅದಕ್ಕೆ ತಕ್ಕುದಾದ ಬೆಚ್ಚನೆಯ ಬಟ್ಟೆ ಧರಿಸಬೇಕು’ ಎಂದು ಮೈತುಂಬ ಹಲವು ಲೇಯರ್‌ ಬಟ್ಟೆಹಾಕಿದ್ದ ಅನಾಟಾಸಿಯಾ ಹೇಳಿದ್ದಾರೆ. ಇನ್ನೊಬ್ಬ ಮಹಿಳೆ ಮಾತನಾಡಿ, ‘ಕ್ಯಾಬೇಜ್‌ ಪದರದ ಥರ ಬಟ್ಟೆಧರಿಸಿ ಎಂದಿದ್ದಾರೆ.